ليته ماسمعني يوم قلت (يحق لك مايحق لغيرك ياعزوتي)

46

"🤎"
ركبت للسياره ...حرك متجه للمطعم يتغدون طول الطريق كان صاده وجهها عنه ماتبي تناظر له ولا تكلمت معه ابدا مد يده وهو يلف وجهها باتجاهه وقال
صقر :عذاري لاتسوين كذا
عذاري :بس هذا جزء من اللي سويته فيني !
صقر :عذاري حطي نفسك بمكاني شوي وانتي غلطانه ماجيتي وقلتي لي عن كل شي
عذاري :غلطانه لاني كنت خايفه انك تموت ؟
صقر :مايصير لي شي تطمني بس الحين لاتسوين فينا كذا
سكتت ولاردت عليه
صقر : لك حق تزعلين ثم لك حق نرضيك مااقوى زعل حبيبة قلبي وعيني والحين خلينا ننزل نتغذاء ونعين من الله خير
سكتت ولا ردت عليه لكن ماتنكر انها مبسوطه انه عرف خطاه ومبسوطه انه
جالس يحاول يصحح خطاه ،نزلو وهم يدخلون للمطعم ويتغدون ،بعد ماانتهو من الغداء طلعو متجهين للبيت وقفت وهي تناظره
صقر:شفيك
عذاري :علمتهم اننا تصالحنا ؟
صقر :لا ،الحين نعلمهم مع بعض
عذاري :انا بطلع للجناح فوق
صقر :ليه ؟
عذاري :ماابي ادخل
صقر :عشان غلا ؟
سكتت عذاري وهي تناظره ،عرف انها ماتبي تشوف غلا وتصير سالفه ثانيه بينهم وتتحس العلاقه اكثر واكثر
صقر :غلا ماراح تقول اذا سمعت السالفه منك
عذاري :صقر مالي خلق هوشه والله
صقر :طيب على الاقل تعالي سلمي على امي مشتاقه لك
عذاري :شويات وانزل
صقر :اقول لهم انا ؟
عذاري :اي
صقر :تمام ،مفتاحك معك ؟
عذاري :لا
مد لها مفتاحه ،اخذته وهي تطلع لجناحهم .....دخل صقر للبيت عند جده تحت من عرف انهم كلهم جالسين تحت وهذي عاداتهم دايم يجلسون كل عصر مع بعض دخل وهو يلقي السلام عليهم ..ردو عليه السلام جلس وهو ياخذ فنجال القهوه من جابر اللي مده له ،ناظرته معالي وهي تقول
معالي :اخليهم يجيبون لك غداء يمه ؟
صقر :لا يمه تغديت
معالي وهي تبي تعرف اذا راح لزوجته ولالا :وين تغديت ؟
صقر :مع عذاري يمه
ابتسمت بارتياح :جت يمه ؟
صقر :اي طلعت فوق تعبانه
الجد فلاح:كيف ترجعها بعد اللي صار !
صقر :القصه مو مثل ماقالو ياجدي
الجد فلاح:وشهي القصه اجل !قل لنا
استرسل صقر وهو يحكي لهم القصه كامله ويبلغهم بكل شي تركهم بوسط حيره وبوسط استغراب كبير ،لكن اكثرهم اللي كانت فعلا مصدومه تجمعت الدموع بعينها ،انها فعلا كيف مافكرت ان ممكن يكون السبب هذا !كيف فكرت انهم على علاق ،وفكرت بمين ؟بزوجها ؟وزوجة اخوها ؟يامكثر بشاعة الشعور ويامكثر حزنها ويامكثر كسر قلبها انها خذلتهم بتفكيرها هذا ويامكبر جرح عذاري وسال منها ،طلع صقر وهو متجهه للدرج وقفه الصوت اللي يناديه كانت هي غلا اللي حست فعلا انها غلطانه وكثير بعد ،صار وقت انها تعدل اغلاطها ،لف عليها وهو يقول
صقر :هلا
غلا وهي تتجه له :عذاري فوق ؟
هز راسه بايه
غلا :بشوفها
صقر :مو الحين
غلا :ليه ؟
صقر :تعبانه وتبي ترتاح ،شويات واكلمك تجين طيب ؟
غلا :طيب
رجعت غلا للصاله ،كمل صقر طريقه لجناحه دخل وهو يسمع صوت الماء عرف انها تتروش طلع من الغرفه وهو ينتظرها بالصاله ،خلصت من الشور و
جففت شعرها وطلعت للصاله ،شافته جالسه ناظرته
عذاري :متى جيت
صقر :قبل نص ساعه تقريبا ،نعيما
ابتسمت :الله ينعم عليك
صقر اشر لها بيده انها تجي تجلس جنبه ،بالفعل اتجهت وهي تجلس جنبه مسك
يدها وهو يناظرها
صقر :كلمتهم وعلمتهم السالفه كلهم
سكتت وهزت راسها بزين
صقر :بس غلا كانت تبي تجي ،قلت لها انك تبين ترتاحين شوي اكلمها تجي ؟
عذاري :شتبي ؟
صقر ابتسم:كيف شتبي ؟اكيد انها تبي تعدل الوضع بينكم
عذاري :بس انا ماابي اعدل شي معها ،الافضل العلاقه تكون سطحيه من اليوم واكثر من سطحيه برضو
صقر وهو يحاوط وجهها بيدينه:عذاري حبيبي انتي وغلا صديقات وتعرفينها قبل لاتعرفيني ،لو كنتي انتي مكانها بتقولين نفس اللي قالته صح ولالا ؟
عذاري :ابدا ماراح اقول تدري ليه ؟لان واثقه فيها بس للاسف هي ماوثقت فيني
صقر :عذاري ياروحي والله لو كنتي مكانها لاتسوين اكثر منها ،هذي غيره مهي لعبه ،غيره ياعذاري والغيره توجع وتذبح ولاتخلين علاقتك مع غلا تخرب بسب غيره
سكتت عذاري وهي فعلا ماتبي علاقتهم تخرب اكثر من كذا ،وغلا كذالك ماعاد تتحمل انها تخرب علاقته مع احد اكثر وخصوصا بعد ماعرفت الموضوع ،ناظرها وهو ينتظر منها الموافقه لجل يكلم غلا لجل تجي ،نطقت
عذاري :خلها تجي
باس على راسها :الله يخليك لي
اخذ جواله وهو يتصل عليها ،وكلمها بانها تجي ...قامت وهي تعدل جلالها وتطلع لجناح صقر فوق ،طقت الباب ،فتح لها صقر ابتسمت له وهي تدخل
دخلت ،حصلت عذاري جالسه بالصاله قدامها ،دخلت وهي تتنحنح ،قال لها صقر تجلس ،قبل تجلس القت السلام ،جلست مقابل عذاري وهي تشت عيونها
عنه لجل ماتتلاقى عيونهم ببعض ،نطقت
غلا :كيفك عذاري ؟
عذاري :من الله بخير
ناظرها صقر ،كملت غلا
غلا :فارس شلونه ؟
عذاري :بخير ياربي لك الحمد
غلا بابتسامه خفيف :الحمدالله عسى دوم يارب
عذاري :ان شاء الله
صقر وهو يلطف الجو :انتي شلونك ياعين اخوك ؟
غلا بغصه :مدري وش اقول الصدق ،اقول اني بخير؟، وانا ماني بخير
عدل صقر جلسته :افا وش فيك ياخوك ؟
غلا وهي تحاول تمسك عيونها لجل ماتفيض :قل وش مافيني ياخوي قل وش مافيني ،لكن الحين هذا مو محور حديثنا ولا هو سبب جيتي
صقر :اتركينا من سبب جيتك الحين،وقولي لي وش فيك ؟وش مكدر خاطرك ؟
غلا :بعدين ياصقر بعدين ،عذاري
عذاري وهي تتجاهلها ،وتتصرف وكانها مهي موجوده ابدا ،كملت غلا كلامها
غلا :انا جايه اعتذر منك وادري ان اعتذاري مااقدر اعدل فيه اللي صار وادري انه مو مقبول ،ليتك تكلمتي من زمان وماسكتي ،لكن اللي راح راح ولاعاد يفيد الكلام ،اتمنى انك تقبلين اعتذاري....وابي تسامحيني اني فكرت فيك كذا ،لكن لوكنتي مكاني ياعذاري وصار لك اللي صار لي انا متاكده مثل اسمي بتسوين اكثر من اللس سويته ،لكن والله اني بالبدايه قلت عذاري ماتسويها واتصلت على سالم وقفل بوجهي ،واتصلت مره ثانيه وقفل بوجهي ،والمره الثالثه كذالك قفل الخط ،وفوق هذا كله جالسين على المراجيح جنب بعض ،ويمد لك المنديل ويحاول انك تضحكين ،حطي نفسك مكاني ولو شوي ياعذاري انا قلت زوجي ممكن يسويها بس ،قلت عذاري مستحيل تسويها وتخوني لكن اللي شفته كان شي واللي الحين عرفته شي ،واللي قاهرني اكثر ليه لما سالتك انا ماجاوبتي وقلتي لي عن الموضوع ؟ليه سكتي ؟ليه ماقلتي ياغلا انا مو كذا ؟
عذاري :تبين تعرفين ليه ؟ولا ماقال لكم صقر ؟
غلا :ليه ؟
عذاري وهي تتجمع الدموع بعيونها :لن هددوني ان ولدي يتيتم ،وانا مابغيت ولدي يعيش مثلي يتيمه ولا لي احد ،عرفتي ليه الحين ؟،شعور انك يتيمه وولدك يعيش يتيم مثلك موجع ياغلا موجع انك تكونين لوحدك بذا الدنيا ولا لك لا اخ ولا اخت ولا ام ولا اب تروحين له بوقت ضيقتك ،واتمنى من كل قلبي مااحد يجربه ،حتى لو عدوي مااتمنى يجربه
كان كلامها مثل الصاعقه على غلا وعلى صقر كذالك ،مين يلومها بالخوف ؟
تجمعت الدموع بعيون صقر ،اتجهت غلا لعند عذاري وهي تحضنها وتبكي
غلا :لاتقولين كذا تكفين عذاري ،مين يقول انك وحيده !انا وين رحت ؟ومعالي وين واحت ؟اتركينا انا وامي على جنب صقر وين راح !!
عذاري وهي تبكي :موجودين بس ماحد وثق فيني وقال عذاري مستحيل تسويها
ووش الفايده دامكم صدقتو شي مو فيني ،ولاسويته؟
غلا وهي تشد عليها :والله اني قلت ،قلت عذاري ماتسويها لكن الوسواس يلعب دوره ياعذاري
عذاري :كلمتك للحين ترن باذني ياغلا،كيف تقولين انك هنتي علي ؟شلون تهونين ياغلا شلون
شدت غلا عليها اكثر وهي تحضنها ،الاثنين كانو يبكون ولا ينلامون الاولى خسرت صديقتها وزوجها ،والثانيه مهدده انها تخسر زوجها وفقدت ثقه صديقتها ،ناظرهم صقر وهو جالس ساكت لكن عيونه امتلت بالدموع ،غللا
غلا ببكاء:تكفين عذاري انسىي اللي صار اسفه والله اسفه
عذاري بعدت عنها وهي تمسح دموعها وابتسمت :انسى ايش ؟وش صار ؟
بعدت عنها غلا وهي تمسح دموعها كذالك ،ابتسمت وهي ترجع تحضن عذاري
ابتسم صقر وهو يوقف ،اتجه يحضنهم الثنتين مع بعضهم وتركهم تحت جنحانه
صقر :من اليوم ورايح مانتسرع بفهم الموضوع ،ولانخبي عن بعضنا شي مهما كان تمام ؟
غلا بابتسامه:عن نفسي التوبه خلاص
عذاري ضحكت:وانا بعد
صقر باس على راسهم الثنين :الله يخليكم لي
عذاري ابتسمت :امين ،ويخليك لنا يارب
غلا :ويخليك لنا يا عيوني
جلسو وهم يسولفون ،وقفت غلا وهي تستاذن منهم لجل تطلع ،طلعت وهي متجه لجناحهم ،جوالها كان بيدها وتتصل على جسار لكن ماكان منه الرد لا هو ولا دحوم ،ماقوى غرورها يتركها تتصل عليه ،كانت تبي تعرف اخباره عن طريق اخوانها لكن مايردون عليها ،اخذت نفس وهي تستهدي بالله وتقول يمكن للحين ماخلصو مهمته ،اذا خلصو وشافو اتصالها اكيد بيرجعون يتصلون عليها
معالي :وين رحتي يمه ؟
غلا :رحت لعذاري وصقر يمه
معالي :تصافيتو يمه ؟
غلا بابتسامه:اي يمه
ابتسمت معالي :الحمدالله زين يمه
جلسو يسولفون ويدردشون بين بعضهم البعض كام ام وبنتها مشتاقين لبعض
-
في المستشفى عند جسار وهذام وياسر ،وقفو كلهم من طلع الدكتور وهو يوقف قدامهم وسالهم اذا هم اقارب المرضى
جسار :اي اقاربهم ،بشرني عنهم يادكتور
الدكتور :سعود حالته استقرت كان معه نزيف ووقفنها ،ظهره مجروح جرح عميق ممكن يطول لجل بتشافى ،اما عبدالرحمن ،سكت
ناظره جسار:شفيه عبدالرحمن ؟
الدكتور :سبب الضربه اللي جته على راسه سببة له نزيف ،قدرنا نوقفه الحمدالله بس
جسار :بس ايش ؟
الدكتور :دخل غيبوبه بسببها ،وبرضو رجله الجرح اللي فيها ممكن يتطلب اننا نركب له اسياخ
تنهد جسار بضيق ،مسح ياسر على كتف جسار وهو يقول
ياسر :تعوذ من ابليس ،واستهدي بالله وقل لا اله الا الله
جسار :الا اله الا الله ،دكتور غيبوبته ممكن تطول ؟
الدكتور:ماعندي علم والله ،لكن ممكن انها تطول بالنهايه هذي غيبوبه
هذام :بس يعني ممكن انه يتحسن؟
الدكتور :باذن الله اي ممكن
جسار :طيب ورجله ليه لازم نركب سيخ ؟
الدكتور :حالياً مو لازم ،بس ممكن انه يتطلب اننا نحط له سيخ لن الرجل متظرره كثير ،لكن اذا ماحركها كثير وسمح لها تاخذ راحتها بوقتها بتتعافى بدون سيخ والحين هو بوضع مايسمح له يتحرك وباذن الله انها تتشافى دون السيخ
ياسر  :ان شاء الله
جسار :دكتور فيه عسكر مصابين غير عبدالرحمن وسعود ،خلصو عملياتهم ؟
الدكتور :اي
جسار :كيف اوضاعهم ؟
الدكتور :اوضاعهم للاسف ماتطمن والا 24ساعه الجايه بالنسبه لهم مهمه مره
جسار :طيب دكتور فيه عسكري اسمه سالم بن عبدالله ال سند كيف وضعه ؟
الدكتور فتح الملف اللي بيده وهو يدور على اسمه ناظر جسار وهو يهز راسه بالنفي:مافيه شخص بالاسم هذا من اللي جو مصابين؟
جسار :متاكد ؟
الدكتور :اي متاكد هذا الملف قدامي
جسار :طيب ممكن يكون مايحتاج عمليه واخذوه لغرفه او اي شي ؟
الدكتور :ممكن ،عطني ثواني اتاكد لك
هز جسار راسه بزين ،اتجه الدكتور وهو يتاكد ويبحث عن اسم سالم بين السجلات ،لكن ماحصل له سجل بالمره ،اتجه لجسار وقال
الدكتور :للاسف مافيه شخص بهذا الاسم عندنا
جسار اشتد عليه الخوف والقلقل :متاكد ؟
الدكتور :اي نعم متاكد
جسار :تمام يعطيك العافيه
الدكتور :واجبنا ،مافيه داعي تنتظرون هنا الليله ،سعود مانقدر نصحيه اليوم لان ماراح يقدر على الالم ،وعبدالرحمن عارفين وضعه وحاليا بالعنايه المشدده وماراح مقدر ندخل اي شخص عنده ،لاتنتظرون هنا روحو ارتاح ومن بكره تعالو
هذام :ان شاء الله مشكور يادكتور
الدكتور :نفس ماقلت لا شكر على واجب ،وهذا واجبنا والواضح انكم تعبانين جدا ارتاحو وادعو لهم
تركهم لكن لحقه هذام وهو يوقفه
هذام :دكتور حبيت اسال ذعذاع بن تميم ،انتهت عمليته ؟
الدكتور اخذ الملف وهو يتاكد :اي انتهت
هذام :باي غرفه ؟
الدكتور :غرفه رقم 231
هذام :مشكور يعطيك العافيه
ترك الدكتور وهو يتجه لعند العيال ،ناظر جسار لهذام وياسر ونطق
جسار :دامه مو بالمكان ولا هو بالمستشفى وينه ؟
هذام :الله العالم
ياسر :بنحصله ان شاء بنحصله ،وين بيروح يعني
جسار وهو يوقف:انا مقدر اقعد كذا
هذام :وش بتسوي ؟
جسار:برجع للمكان يمكن مانتبهوت لمكان فيه ويكون سالم موجود فيه
هذام :فتشنا شبر شبر مهو موجود
جسار :فتشتو بالظلام ممكن يكون فاتكم شي او ماقدرت تشوفونه لكن الحين نهار بقدر اشوف زين
تركهم وهو يطلع ،ركب سيارته متجه للمكان اللي حصل فيه الانفجار امس
نزل وهو يشوف الشرطه للان موجوده يتفقدون المكان  ،دور بكل مكان دور لين تعب ،لكن فعلا سالم ماكان موجود ابدا ولا كان له اثر بالمره ،اتجه لاحد
الموجودين من المتخصصين بكل شي وهو يلقي عليهم السلام ،ردو السلام
جسار وهو يطلع بطاقته :الفريق اول جسار ال سند ،وش صار من تطورات
...:للان مكملين فحص لمسرح الجريمه طال عمرك ،لكن مافيه اي اثر والواضح ان البيت كان مفخخ
جسار :طيب ،قدرتو تحصلون على شي ؟
...:لا والله طال عمرك
جسار:طيب احد رجالنا العسكر مفقود تفقدو المكان زين واذا حصلتوه بلغوني
...:ابشر طال عمرك
جسار :قواكم الله
تركهم وطلع متجهه للبيت ،وقف قدام البيت وهو يستعد لجل يبلغ اهله عن وضع
عبدالرحمن ويبلغ مها برضو عن وضعه ،لكن احتار وش يقول لغلا ؟احتار كثير ،فكر وش يقول لها ؟،قرر انه يلهيها لين يعرف وين سالم ،دخل البيت وهو
مهدود حيله ،لكن هل مره غير كانو واضح للكل انه فيه شي ،يبي يقول لهم شي
ووجه شاحب اللون وواضح عليه الخوف من ردة فعلهم والقلق واضح عليه اكثر دخل وهو يسلم عليهم جلس ،انتبهت معالي انه دخل لحاله وقالت
معالي :يمه وين اخوك ؟
جسار بلع ريقه :مها وين؟
معالي :فوق ،ليه يمه وش تبي فيها ؟
جسار ناظر لسهم :نادها خلها تنزل
اخذ سهم جواله وهو يتصل عليها لحل تنزل ،لبست جلالها ونزلت دخلت وهي تلقي عليهم السلام ،ردو عليها جلست جنب عمتها وهي تقول
مها :وش فيه؟امرني جسار
جسار :مايامر عليك عدو ،بس حبيت ابلغكم انتي وامي ان عبدالرحمن بخير وطيب مافيه الا العافيه ،صار انفجار بالمكان اللي رحنا له
انقبض قلب معالي :يمه وين اخوك ؟دامه بخير ؟ليه ماجاء معك ؟
مها تملت الدموع بعيونها:جسار دحوم فيه شي ؟
جسار :دحيم بالمستشفى من الانفجار طاح على صحى كبيره وسببت له نزيف بس وقفو النزيف ،ووضعه بخير لاتشيلون هم
معالي ابتدات بالكباء :يمه وليدي
جسار :يمه مافيه الا العافيه والله كلمت دكتوره يقول وضعه زين وبيتحسن ان شاء الله لاتسوين كذا !ادعي له
مها ببكاء :فيه شي ثاني صح ؟
جسار سكت ولا تكلم ،مها ناظرته وفهمت انه فيه شي فيه شي هذا اكيد
معالي :يمه تكلم فيه شي ثاني ؟
جسار بلع ريقه وسكت ،الجد فلاح ناظره وقال
الجد فلاح:تكلم ياولد !
جسار :دخل غيبوبة
قال هل كلمه اللي كانت معالي متوقعه انه بيقولها ،زاد بكاها هي ومها اكثر واكثر دب الخوف بقلوبهم من كبيرهم لصغيرهم وماكان وقعها على عزوز بسيط وكيف يكون بسيط وتوامه بغيبوبه ؟،يامكثر وقعها عليهم وقفت مها وهي تناظر جسار وقالت
مها :جسار ودني له
جسار :مها يااخوك استهدي بالله وادعي له ،الدكتور مانع اي احد يدخل عنده اليوم عشان كذا انا جيت ،بكره ان شاء الله بوديكم له
غلا ببكاء:جسار تكفى قل انه بيصح منها ؟
جسار وهو يحضنها :بيقوم اكيد بيقوم يااخوك ،ادعي له بيقوم ان شاء الله
زادت حالة معالي سوء اكثر واكثر وهي تبكي وكانت مها تبكي مها وغلا كذالك ناظرهم جسار وهو يوقف قدامهم وقال بعصبيه
جسار :شفيكم انتم،اقولكم الدكتور يقول انه بيتحسن وبيقوم وانتم تصيحون بدال ماتدعون له !تعوذو من ابليس واستهدو بالله ،مافيه الا العافيه ان شاء الله بكره تروحون تشوفونه
ماينكرون انه طمنهم لما قال ان الدكتور قال انه بخير وبيتحسن ،هداء البيت
بعد كلامه ،لكن غلا ماقدرت تهداء وهي دخل بقلبها الخوف ،وقف جسار وهو يطلع للحوش وطلعت غلا رواه ،ندته باسمه وقف من سمعها تنادي لف عليها
جسار :شفيك ؟
غلا والدموع مجتمعه بمحاجرها :مافيني شي ،بسالك
جسار :اسالي
غلا :جسار سالم فيه شي ؟
جسار بكذب :لا مافيه شي
غلا :اكيد
جسار :اي اكيد ليه ؟
غلا :ادق عليه مايرد وقلت اسالك كنتو مع بعض
جسار :اي كنا مع بعض ،بعد اللي صار كلفو سالم بمهمه ثانيه بيطول فيها
غلا :يعني لين متى بيطول فيها ؟
جسار :الله العالم ،ليه تبين شي انتي ؟محتاجه شي ؟
غلا :لا بس كنت ابي اتطمن عليه
جسار :تطمني بخير وطيب ،وبيرجع ان شاءالله
غلا:ان شاء الله
جسار :تبين شي ؟لازم اطلع الحين
غلا :سلامتك
طلع جسار وهو يركب سيارته ومتجه للمركز نفس ماطلب منه هذام انه يجي للمركز ،رجعت تدخل للداخل وهي تواسي امها وتواسي مها كذالك ،اتجهت ملاذ لغلا وهي تشوفها
ملاذ :غلاااي
غلا بابتسامه:عيوني
ملاذ :كيفك الحين ؟
غلا :زينه الحمدالله
ملاذ:زين الحمدالله ،تكفين لاتبكين قدام عمه ياعمري عليها قطعت قلبي من كثر مابكت
غلا :ان شاء الله
ملاذ ابتسمت:متى مابغيتي تبكين كفتي موجود وانتي تدرين
اكتفت غلا بابتسامه كملت ملاذ وهي تقول
ملاذ :ياعمري يامها قطعت قلبي وهي تصيح من اليوم ماهي راضيه تسكت
غلا :اي ياروحي هي
ملاذ :خليك قويه قدامهم عشان مايضعفون هم اكثر تمام ؟
غلا :تمام
ملاذ ابتسمت:ونفس ماقلنا بعدين انهاري عندي
غلا بابتسامه:طيب
دخلو وهم يحاولون يغيرون من نفسية معالي ومها ،وبالفعل قدرو انهم يغيرون من نفسيتهم وخلوهم يوقفون بكاء ويضحكون ،بالمركز دخل جسار لغرفة الاجتماعات وهو يلقي السلام ،جلس
جسار :وش صار ؟
هذام :كلمت ذعذاع
جسار :بخصوص ؟
هذام :بخصوص سالم هو كان معه
جسار عدل جلسته :وش قال ؟
هذام :يقول ان لحظة الانفجار سالم كان موجود معهم وهو اللي نبهم ان البيت مفخخ
جسار:طيب وينه !دام كان موجود معهم وينه للحين ماحصلناه !
مسح هذام وجهه وهو يناظر لياسر ،ناظرهم جسار وقال
جسار :وش فيه؟
ياسر وهو ياخذ نفس :حنا حصلنا بالمكان جثه ،بس الجثه محروقه ماقدرنا نتعرف عليها
جسار :طيب ؟
ياسر :نقول هل ممكن انها تكون
ماتركه جسار يكمل كلامه :تكون ايش ؟تكون لسالم ؟لا ان شاءالله مو هو
هذام :ان شاء الله  مو هو بس حنا نقول لك
جسار:لاتقول لي ولا شي طال عمرك ،سالم حي باذن الله
هذام :ان شاء الله
ياسر :ان شاء الله ،بس يااخوك الحذر واجب
جسار :ماقلنا شي بس مو سالم
ياسر :وش يثبت لك انه مو هو
جسار:مو تقول الجثه محروقه ؟
ياسر :اي
جسار:مو كان مع ذعذاع ؟
ياسر :اي بس هو كان قدامهم وكان قريب من البيت
يلع جسار ريقه وهو يسكت
ياسر :عشان كذا اقولكم خلنا نتاكد
جسار :كيف اتاكد !
ياسر :تحليل دي ان اي
هذام :بس انا ماراح يبان انك ولد عمه لجل اننا نتاكد لازم يكون التحليل بينه وبين ابوه
جسار :تبوني اقول لعمي تعال حلل دي ان اي مع جثه محروقه ممكن تكون لولدك !تبونه يموت ؟
هذام :لاتقول له مباشره ،تصرف انت جب لنا من شعره او كوب يشرب فيه او اي شي !
جسار سكت وهو يناظرهم كمل هذام كلامه
هذام :لازم تناكد ياجسار من الجثه ونعرف تكون لمين
طلع جساو من الغرفه وهو يصفق الباب وراه بكل مافيه من قوه ،ركب سيارته وهو يتجه لبيت ال سند ،وصل لهم الخبر من غلا قبل لايقول لهم جسار ،القى السلام عليهم وهو يجلس لجل يبلغهم بموضوع دحيم لكن غلا بلغت نادين ونادين بلغتهم
الجد سند:طمني عن دحيم ياجسار
جسار :دحيم طيب ان شاء الله ،ادعو له
الجده ساره:ندعي له يمه من دون لاتقول ،متى نقدر نشوفه يمه
جسار :بكره ان شاء الله
الجد سند:شلون سالم وسعود ياجسار ؟
جسار بلع ريقه وهو ياخذ نفس :سعود انصاب بظهره وجرح عميق بس طيب
انقبض قلب الجده ساره:وسالم يمه فيه شي ؟
جسار :لا يمه سالم بخير
الجده ساره:طيب وينه يمه ليه ماجاء
جسار :كلفوه بمهمه يمه يايقدر يجي وبيطول فيها
الجده ساره:امانه مافيه شي يمه ؟
قلب لون وجه جسار من امنته بانه بخير ولايدري وش يقول لها اكتفى بانه يهز راسه بايه ،لكن الجد سند ماصدق وعرف انه فيه شي ،طلعت ساره من الصاله
ناظرها جسار ولحسن حظه اتصل جواله ،وقف وهو يطلع بمجرد ماسكر الباب وراه قفل الجوال وهو يتجه ورا ساره ويندها بهمس ،لفت عليه
ساره :سم ؟
جسار :سم الله عدوك ساره بطلب من طلب بس لحد يدري عنه طيب ؟
ساره باستغراب :طيب ،وشو ؟
جسار :ابيك تجيبين لي شعر من مشط عمي عبدالله
استغربت ساره :شعر ابوي ؟ليه ؟وش تبي فيه ؟
جسار وهو يمشي ،مشت معه طلعو للحوش الخلفي وهو يناظرها ،كانت حاطه طرحتها على راسها وبثوبها ،استرسل جسار وهو يقول
جسار :ساره انا قبل شوي كذبت عليكم
ساره :كذبت علينا بايش ؟
جسار وهو ينزل عيونه :بخصوص موضوع سالم
انقبض قلب ساره وهو تقول :كيف يعني ؟سالم فيه شي ؟
جسار :سالم كان موجود بالانفجار اللي صار ،من امس وحنا ندور عليه بس ماحصلنهها للحين
ساره:كيف للحين ماحصلتوه !
جسار :للحين ماحصلنا من امس وانا ادور عليه ،اتردد مابين المستشفيات والمكان ،دورت عليه بكل المستشفيات اللي نقلو العسكر المصابين له ،ورجعت
للمكان اللس صار فيه الانفجار بس مافيه له اي اثر بالمره
ساره :طيب وين راح يعني ؟
جسار :اسمعيني زين ولاتبينين لحد شي طيب ؟
ساره :طيب
جسار بغصه :فيه جثه محروقه ماقدرنا نتعرف عليها ،ممكن يكون
ماقدر يكمل كلامه من انهلت دموع ساره تنزل وتبكي ،ناظرهم وهو يقول
جسار :لحد يسمعك تبكين ،يمكن يكون مو هو !حنا بس نبي نتاكد عشان كذا ابي من شعر عمي عبدالله لجل نسوي التحليل
ساره ببكاء :طيب واذا كان هو ؟
جسار :لا باذن الله مايكون هو تعوذي من ابليس ،امسحي دموعك وروحي جيبي لي اللي قلت لك عنه
هدت نفسها ،ومسحت دموعها طلعت وهي متجه لجناحهم ،شافت امها بالمطبخ وابوها تحت ،اتجهت للغرفه وهي تفتح الدرج وتاخذ مشط ابوها منه ،سحبت منه الشعر وتركت المشط ،قفلته وطلعت من الغرفه وهي تقفلها ،نزلت لجسار تحت وهي تطلع للحوش الخارجي ،وقفت قدامه وهي تترك الشعر براحه يده
وناظرته وهي تقول
ساره:تكفى جساو بلغني
جسار:ابشري ،ادعي انه مايكون هو ياساره ادعي
ساره :يارب مايكون هو
جسار حط الشعر بالمنديل اللي معه وهو يدخله لجيبه ناظرها :تبين شي ؟
ساره :سلامتك
طلع متجه للمركز ،بلغهم انه قدر يجيب شعر عبدالله ،طلعو هذام وجسار وياسر
متجهين لقسم المختبرات اللي كانت الجثه موجوده فيه ،وطلبو منهم يحللون الجثه هذي والشعر ،لجل يعرفون اذا كان هو سالم او لا ،نتركهم بخوفهم وقلقهم
<بعد صلاة العشاء >
في مكان مجهول يخلو من العالم ،ماكان فيه الا القليل من الناس ،وقفت عذاري
وهي تاخذ جوالها ،وترسل للشخص المطلوب بانها وصلت للمكان اللي اتفقو عليه ،بعد انتظار دام لمدة ساعه كامله وصلها الرد بانها "تترك الورقه تحت الحجر وتروح "،لكن كان من عذاري الرفض واصرت"بان هو يجي يستلم الورقه "،بعد اصرارها اللي هو مو اصرارها كان الاصرار من الشخص اللي كان يهمس باذنها ،اللي هو احدى المسولين عن العمليه اللي بينفذونها الان .بلغها انها ترفص تسلم الورقه لاي شخص غيره ،بعد محاولات منها والضغط منها عليه ،نزل من السياره اللي كان يراقب عذاري منها وهو يتجه لها ،وقف قدامها بكل هيبته ،ارتجفت من الشخص اللي وقف قدام وزاد توترها
اكثر واكثر من الشخص اللي يقول لها "حاولي تاخذين وتعطين معه لجل نعرف كم شخص "سوت اللي قاله لها بالضبط
عذاري :انت ؟
.. كان معه شخصين وراه :اي ،هاتي الورقه
عذاري :الحين وش تبي فيها انت ؟
...ضحك :لجل اربح القضيه اللي تولها زوجك واكسر عينه فيها
عذاري باستهزاء:انت ؟تكسر عين زوجي ؟
...:لايكون ماعجبناك ياحرم المحامي
عذاري:طبعا ماتعجبني ذا الاشكال
"همس المسوول باذنها وبلغها تساله كم شخص هم بطريقه غير مباشره "
...:مهو ضروري نعجبك هاتي الورقه
عذاري :تدري ليه ماتعجبني ؟
...:ليه ؟
عذاري:لانك شخص جبان ،جايب جيش معك عشان تاخذ مني ورقه ؟لهدرجه خايف مني ؟
...:ليه اخاف من مره ؟وين الجيش اللي تشوفينه ؟كلها سيارتين واللي فيها 6اشخاص
عذاري :ست اشخاص عشان قطعة ورقه !
كررت كلامه لجل يسمعها الشخص المسوول ،ويعرف كم عددهم ،ماهي الا دقايق وحاوط المكان العسكر وصقر معهم ،سحب الشخص واللي معه اسلحتهم لجل يقاومون العسكر ويقدرون يهربون نطق المسوول وهو يقول "ولا حركه انت وياها ،سلمو انفسكم المكان مطوق ماراح تقدرون تطلعون من هنا"ناظر الشخص لعذاري وقال
...:سويتيها ؟بتندمين صدقيني
سحب صقر عذاري وهو يتركها وراه ،ناظره باستحقار وهو يضحك وقال
صقر :كنتي تبي تكسب القضيه ضدي صح ؟بالغش واللعب ؟هذي هي القضيه صارت من صالحي وانمسكت بالجرم المشهود وثبت على نفسك قضيه غير
اللي انت متورط فيها ،وش استفدت الحين ؟كسرت عيني ؟،نطق بسخريه واستهزاء
صقر :بس ماتنكسر لي عين دامي صقر ونهاية اسمي ال سند ،والحين انا اللي كسرت عينك
كرر المسووول عن العملية:سلمو انفسكم ،ولاتقاومون
صقر :وعشان ماتصير عليك قضيه ثالثه سلم نفسك ولاتقاوم رجال الدوله
....:مردوده ياصقر مردوده
صقر ابتسم:يصير خير ،ردها اذا قدرت تطلع من المكان اللي بتقعد فيه طول عمرك
ماكان كلام صقر الا استفزاز وغليظ وينرفز ،ويثور الدم ،وخصوصا نظراته
وابتسامته المستفزه جدا ،ابدا ماراح يتركها لصقر ،ويبرجعها له ،ناظر لحد رجاله اللي كان متخبي بين السيارات ،وموقعه خلف عذاري ،مهو قريب بالحيل منها ،لكن يقدر يشوفها ،اعطاه الاشاره ،اللي كانت معروفه بينهم ،اعطاه الاذن بانه يطلق عليها النار بسلاحه ،ماهي الا ثواني وانفجر ،صوت سلاح من ورا ظهر صقر ،شدت اعصابه ،وقف قلبه ،نشف الدم بعروقه من صوت الصرخه
اللي رنت باذنه ،لف وهو يشوف احد العسكر اللي بسرعه بديه منه قدر يلمح
الشخص ،واول مالمحه الشخص طلع سلاحه ،وقف وراء عذاري بحيث انه يحميها ،ونيشن عليه ،بوف انزله طريح بطلقه واحده ،كان صوت انفجار السلاح صادر من العسكري اللي حما عذاري ،ولولا الله ثم هو كانت الان عذاري ميته ،مسكها صقر وهو يتطمن عليها ويشوفها اذا كانت بخير او لا
حمد ربه ،بعد ماتاكد انها بخير ،بعد مااطلق العسكري على الشخص ،وتشتت انتباه الاشخاص المطلوبين ،قدرو العسكر انهم يضبطونهم بلمح البصر ،بعد
ماالقو القبض عليهم ،اتجه صقر وهو يشكر العسكري اللي حما عذاري ،مد له
المسوول ،ورقه لجل انه يوقع عليها ،بعد ماانتهى من التوقيع اتجه لها ،وقف من رن جواله وهو يعطيها ظهره ،ويكلم بجواله استغرب من اليد اللي شدت على ثوبه ،تلاقت عيونهم نزلت انظاره للشي اللي نزل ،ناظرها وهو ينزل راسه
عذاري بخوف :صقر ،موية الراس نزلت !
صقر بتوتر :وشو ذي ؟وش نسوي الحين ؟
عذاري وهي تضربه على كتفه ضربات متتاله :بولد ياصقرررر بولدددد
صقر :وشووو ؟بتولدين !
عذاري وهي ترص على اسنانها من الوجع اللي حست فيه :اييييي
صقر :طيب وش اسوي الحين؟
عذاري :ودني المستشفى
ناظرها وهو يترك يدها ويروح ،لف عليها من صرخت وهي تناديه
عذاري :وين رايح !
صقر :السيارهه
عذاري :وتتركني !
رجع لها وهو يمسكها :نسيت نسيت
مسكت يده وهي تشد عليه ،وصلو للسياره فتح لها الباب ،ركبت سكر الباب وهو يتجه لمكانه ،حرك السياره متجهين للمستشفى ،ناظرته وهي تقول
عذاري بالم :دددق على خالتي ،وغلااااا
صقر بتوتر :ادق وش اقول ؟
عذاري وهي تخبط كتفه :صقرررر وش جاك انت !وش تقول يعني قول عذاري بتولد خل خالتي تجي للمستشفى ،وغلا قول لها تجيب الشنطه من الجناح وتجي للمستشفى
صقر وهو يتالم من ضربتها المتتاليه وساكت :طييب طيب هدي انتي ،اخذي نفس
تمسكت عذاري بحقت السياره اللي تجي عند الباب بقوه ،ويدها الثانيه على كتف صقر ،كانت شاده عليه بقوه من قوته ماهي شاده اظافرها غرزت بكتفه
شد على الدركسون من الوجع اللي يحس فيه ،زاد السرعه اكثر وهو يتصل على ام فايز ،ردت وهي تقول
ام فايز :هلا يمه
صقر :خالتي شلونك ؟
ام فايز:بخير يمه انت شلونك ؟
صقر :بخير دامك بخير
صرخت عذاري بالم وهي تضرب صقر :موووو وقتك وووقت سلامك
ام فايز:شفيكم يمه
صقر :خالتي حنا رايحين نولد
انفجرت ام فايز من الضحك :مين اللي بيولد يمه ؟انت ولا عذاري ؟
صقر استوعب :اقصد عذاري بتولد وحنا رايحين للمستشفى
ام فايز :زين يمه لاتتوتر وهد ،عذاري يمه تسمعيني ؟
عذاري :اي خالتي اسمعك
ام فايز :احذي نفس يمه ،شهيق زفير سهالات ان شاء الله الله يقومك بالسلامة
عذاري وهي تتبطق نصيحتها :ان شاء الله يمه ان شاء الله
صقر :يلا خالتي مع السلامه
ام فايز ضحكت :اصبر يمه اصبر اي مستشفى رايحين ؟
صقر :مستشفى *****
ام فايز :يلا جاينن
قفل منها ،قامت ام فايز تبشر ملاك ويتجهزون لجل يطلعون ،رجع وهو يفتح جواله لجل يتصل على غلا،اللي كانت تحس بضيق مو طبيعي وملاذ كانت تحاول انها تبسطها ،لكن تحس في داخلها بشعور سي جدا ،ردت على صقر وهي تقول
غلا :هلا
صقر :غلا وينكك
غلا :بالبيت شفيك ؟
صقر :عذاري بتولد تقول جيبي الشنطه اللي بالجناح
غلا :اي شنطه
عذاري بالم:غلاااا الشنطه موجوده بالغرفه على جنب جيبيها
غلا وهي توقف:يمه صدق ولاتمزحوننن
عذاري بصراخ :غلاااااااا ياتبن هذا موضوع ينمزح فيه
غلا :طيب طيب
قفلت الخط وهي تركض تطلع لجناح صقر ،ركضت وراها ملاذ وهي تناديها
ملاذ :يابنتي شفيك
غلا بابتسامه:عذاري عذاري بتولد
ملاذ ابتسمت:صدق
غلا :ايي
ملاذ:طيب انتي ليه جيتي هنا
غلا :تبي الشنطه باخذها واروح لها
ملاذ :عادي اروح معك ؟
غلا :اي عادي ياعيوني
ملاذ :بروح اجيب عباتي واجي
غلاا وهي تركض:اركضي يلا
ركضت ملاذ لجناحهم وهي تاخذ جوالها وعبايتها وتطلع بسرعه ،وغلا كذالك
نزلت من الدرج وهي تسحب الشنطه حقت عذاري معها ،ناظرتها معالي وهي تقول
معالي :وين رايحين يمه
غلا وهي تلقط انفاسها :ماما عذاري بتولد ،تو كلمني صقر بروح لها
معالي فزت :اصبرو يمه بروح معكم اصبرو
دخل جسار وهو يشوف امه دخلت للداخل ،اتجه وهو يسلم على راس ملاذ ومن
بعدها غلا ،ناظرهم وناظر الشنطه ،اشر عليهل بمعنى "لوش هذي "
غلا بابتسامه:عذاري بتولد بنروح لها المستشفى
ابتسم جسار:صدق ؟
غلا :اي والله
جسار :مين بيوديكم ؟
غلا ناظرت ملاذ :يوههه نسيت ،مين فيه يودينا ؟
جسار ابتسم:انا بدويكم خلاص ،اي مستشفى هم ؟
غلا :يوه نسيت اساله
جسار :انا بكلمه
غلا: تمام
ناظر لملاذ ،توتر من نظراته له ومن ابتسامات غلا ،تنحنت غلا وهي تقول
غلا بابتسامه:بروح اشوف ماما واجي
جسار :باخذ الشنطه وانتظركم بالسياره
غلا بابتسامه :محنا مستعجلين عادي يعني اخذو راحتكم
قرصتها ملاذ بتوتر ،ضحكت غلا وهي تتركهم وتتجه لغرفة امه لجل تلهيها شوي ويقدرون ملاذ وجسار يتكلمون شوي وياخذون راحتهم ،اخذ الشنطه بيده
اليسار ،رفع ايده اليمين بحيث تدخل تحت ذراعه ،حضنها تحت ذراعه وهو يمشي وهي معه ،باس على راسها ،ابتسمت منه ومن حبه لها
جسار :شلونك ؟
ملاذ :بخير ياعيوني انت شلونك ؟
جسار :بخير دامك بخير
ملاذ :كيف دحوم الحين ؟
جسار :طيب. ان شاء الله
ملاذ :متى تقدرون تشوفونه ؟
جسار :بكره ان شاء الله ،ليه ؟
ملاذ :عمه تعبانه بالحيل ،قبل شوي شفتها فاتحه على صورته وتبكي لما شافتني مسحت عيونها وقفلت جوالها
تنهد جسار وهو يبعد ييده عنها ،وقفت قدامه بالضبط ناظرت لعيونه اللي مليانه
حزن وضيق ،ناظرتهه وهي تفكر كيف بتواسيه وكيف بتشيله هل حمل عنه
ملاذ وهي تحاوط وجهه بكفوفها :جساري
ناظرها وهو مصدوم منها ومن طريقة مسكها لوجهه ،اكتفى بالسكوت كلمت كلامها
ملاذ :دحيم قوي وبيقدر يتخطى ذا الامور ،نفس ماتخطى من قبل وانا متاكده ان ربي بيمد عمره بالصحه وبيرجع لنا نفس قبل واحسن بعد ،لاتكدر خاطرك وخاطر عميمه ،تراها تحس بضيقك ولاتقدر عليه خصوصا ضيقتك انت وانت تععرف هي قد ايش تحبك وماترضى عليك ،وتزعل اذا انت زعلت وترضى اذا انت رضيت عشان كذا خلك قوي واصبر وتذكر ان اذا ربي احب عبده ابتلاه
ودايم كررر الحوقله واستغفر كثير ،وربي بيهدي بالك ويريح قلبك طيب ؟
كان محتاج كلامها جدا ،محتاج طبطبتها عليه وبالحيل وماينكر ،ان كلامها اثلج
صدره من كثر ماهو جاء بوقته ،هز راسه بزين وهو يقول
جسار :مااقول الا عسى ربي لايحرمني منك
ابتسمت وهي ترفع نفسها وتقبل خده :ولا منك ياخير خلاني
ابتسم غصب عنه وهي جاته بشكل كبير عليه وعلى قلبه ،ابتسمت من ابتسمته
ومجرد مااستوعتب هي وش سوت ووايش قالت توردت ملامحها اكثر من شافت غلا طالعه وهي تبتسم لهم ،عرفت انها شافتهم وهنا انهارت ملاذ اكثر واكثر من الحياء والخجل ،بعدت عنه وهو بعد ابعد لجل انها ماتنحرج اكثر
اخذ الشنطه وطلع وهو يشغل السياره ،كانت بتطلع قبل لا غلا تستلمها لكن
مسكتها غلا وهي تضرب كتفها بكتف ملاذ وهي تضحك وتقول
غلا :عشتو وش هل جلسه الرومانسيه هذي
ملاذ توردت ملامحها:ياوصخههه
غلا :وش قلت !وانا صادقه بس اويلي على البوسه اويلي
ملاذ وهي تغطي عيونها :ياحيواننهههههه خلاص خلاص
ضحكت غلا اكثر واكثر من اتصل على ملاذ ،وضحكت اكثر من الاسم اللي مسجلته فيه
غلا:ردي
ملاذ :لا
غلا ضحكت :اقوول ردي لايزعل عليك
ملاذ :بنطلع حنا له
غلا :ردي ولا بعلمه عن الاسم
ملاذ ضحكت :ياوصخههههه
غلا :ماعرفتك تصدقين !شهل الاسم
ملاذ:يابنتي اسم عادي شفيك انتي
اخذت الجوال غلا وهي ترد ،فتحت سبكر وهي تقول لها ترد
جسار :ملاذ
ملاذ :لبيه
جسار ابتسم:لبيتـي بحضني قولي امين
توردت ملامح غلا وهي توسع عيونها ،رجعت الجوال لملاذ وهي ترجع للداخل وتتركها ،حطت ميوت على طول وهي تنفجر ضحك من وجهها اللي انقلب من الحياء وصار احمر تمام نطقت وهي تقول
ملاذ :هذي نهايه الملاقيف خلك
غلا بحياء :انقلعععععي
ضحكت ملاذ اكثر ،تنحنحت من سمعته ينادي فتحت الميوت وهي تقول
ملاذ :عيوني
جسار :اطلعو يلا لانتاخر على صقر
ملاذ :يلا طالعين
قفل منها ،اتجهت للداخل وهي تشوف غلا جالسه على جوالها ،جت من وراها
وهي تشوفها وش تشوف ،كانت فاتحه صورت سالم وهي تناظره ،نطقت ملاذ
ملاذ :عميمه وين ؟
قفلت جوالها :خلصتي مكالمه مع الحُب ؟
ملاذ ابتسمت:اي خلصت يقول اطلعو لاتتاخرون
غلا :حنا نطلع ولانتاخر ولا انتي الللي اطلعي وتتاخرين ؟
ملاذ ضحكت :ياوصخه خلاص
غلا :الاسم بمشيه ،بس شنو كلامكم هذا !لبيتي بحضني ومدري وش
قرصتها ملاذ من شافت معالي جت ،وقفت غلا وهي قاصده الكلام
غلا :يمه يلا استعجلي ولا ولدك بينفجر من الشوق
معالي :اي شوق يمه ؟
ملاذ وهي تقرصها :من الشوق لفارس الصغير عميمه
معالي ابتسمت :اي ،اجل يلا يلا خلونا نطلع
طلعت معالي قدامهم ،ضربت ملاذ غلا بخفه وهي تقول
ملاذ :استحي يابنت استحييي
غلا ضحكت :انتم اللي استحو والله ،مسميته بيبي بمشيها ،بس وشو لبيتي بحضني !ياخراشي شفيكم مستعجلين انتم !
ملاذ ضحكت :ياحيواننه انتي وتفكيركككك ،بعدين شدخلني انا اخوك يقولها روحي قولي له اذا هو مستعجل ولالا !
غلا :واي واي صدق
معالي :امشو يابنات
طلعو بسرعه من سمعو صوت البوري ،ركبو مع جسار وانطلقو للمستشفى
في المستشفى عند الشخص اللي كان يتررد بالممر مابين رايح جاي وهو حاط
يده على قلبه ،من الصراخ اللي يسمعه ،ويدعي ان ربي يسهل على عذاري وعليهم ويطلعون سالمين غانمين ،كان خوفه يزداد اكثر واكثر من الصراخ اللي يسمعه ،وصلت ام فايز وملاك وفايز ،اتجهو لفايز ،جلسو ملاك وام فايز عىل الكراسي بعد ماالقو السلام على صقر ،اما فايز اللي توتر من توتر صقر
وصار يمشي معه بالسيب ويرجعون ،ناظرتهم ام فايز وهي تقول
ام فايز:ادوختونا اجلسو وادعو بدال الفرفره هذي
وصلو جسار ومعالي وغلا وملاذ ،اتجه صقر وهو يسلم على راس امه
ومن بعدها حضن جسار وهو متوتر ومن كثر توتره وخوفه صار يرجف
جسار :علامك تراعد انت
صقر :مدري ياجسار مدري خايف
جسار :تعوذ من ابليس والله يبلغنا فيهم سالمين غانمين قل امين
صقر :امين
جلست معالي وام فايز وهم يدعون لعذاري ،وملاك وغلا وملاذ كانو متوترين
وخايفين من اصوات الصراخ اللي يسمعونه
غلا :يمه يويلي عن عذارييي
ملاك :وربي ماسمعتي اللي تصارخ قبل شوي قلبي طاح
ملاُذ:كنسل زواج يابوي ماعاد فيه زواج خلاص
غلا بابتسامه خبث وهي تهمس لها :مافيه مفر خلاص ،صار يقولك لبيتي بحضني
ملاُذ توردت ملامحها  :يابنتتتتتتت خلاص
غلا وهي تاشر بييدها على فمها بمعنى انها بتسكت :خلاص والله
ملاك :ياعمري على امهاتنا بس اللي تعذبو
غلا امتلت الدموع بعيونها:اي والله ياقلبي ياماما كيف تحملت !
ملاك :قولي مشاءالله !،الله يحفظها
غلا :مشاءالله تبارك الرحمن ،بس والله قلبي اوجعني ،شدعوه على ابوي مارحم امي !
ملاذ بخبث :نشوف بكره سلوم كم يخليك تجيبين ورعان
غلا :وجععع
ضحكت ملاذ من تعابير وجه غلا :حسي شوي فيني
غلا :يمهههه خلاص والله توبه ،امزح باتشخصنينها
ملاُذ ضحكت :توبي و اتوب
غلا :خلاص والله توبه
ملاُذ:ادب
وقفو كلهم من صوت الممرضه اللي تقول
الممرضه :اقارب عذاري فيراس ؟
اتجه لها صقر :اي ،انا زوجها
الممرضه ابتسمت :مبروك ولدت ،جابت ولد
صقر :هي شلونها الحين ؟
الممرضه :كويسه ،اذا نقلناها الغرفه تقدرون تشوفونها بس لاتتعبونها
صقر :ان شاء الله
تركتهم ،لف صقر وهو يبتسم ويحضن امه ويبوس يدينها ،معالي اللي من الفرحه ماقادرت تسيطر على دموعها ،وكذالك ام فايز ،ومن وراهم البنات
حظنت ولدها وهي تبوسه
معالي :الف الف مبروك يمه ،يتربى بعزكم ودلالكم ياحبيبي
صقر اللي امتلت الدموع بعيونه :اللهم امين يارب ،بوجودك يمه
بعدت عنه معالي تسمح لفايز وجسار يباركون له ،اتجه فايز وهو يصافح صقر
ويبارك له ،وقف جسار وهو مبتسم لصقر وهو يحضنه ويبارك له
جسار :الف الف مبروك ياعين اخوك ،يتربى بعزكم ودلالكم ،والله يرزقكم بره
صقر :اللهم امين يارب
جسار :تمايمه علي
صقر :لا و
ماامداه كمل صقر كلامه الا وقاطعه جسار وهو يقول
جسار : على بالطلاق مايسويها غيري ،اذا تمايم ولدي ماسويتها انا مين يسويها
ابتسم صقر من كلام جسار اللي بمعنى ان ولدك ولدي مو ولد اخوي ،حضنه وهو يقول
صقر :عقبال مااشوف عيالك يارب
جسار ابتسم:ان شاء الله
صقر :وتمايم ولدي صقر علي
جسار ابتسم من عرف انه صقر يبيه يسمي عليه :على خشمي ياابو فارس
صقر :عليه الشحم
نقلو عذاري للغرفه ،دخلو معالي وام فايز والبنات وهم يسلمون عليها ويتحمدون لها بالسلامه ،ويباركون لها طق الباب ،دخلت الممرضه وهي جايبه
فارس الصغير ،اخذته معالي وهي تبوسه وكذالك ام فايز
ملاك :وقلبششش صغيررر مرههه
معالي :يكبر يمه يكبر بلمح البصر ،تغمضون عين وتفتحون عين تشوفونه رجال بشوارب
عذاري بالم وهي تعدل نفسها :خالتي بشوفه
ملاك :امحق ام !ماشفتي ولدك ؟
عذاري:الا شفته بس اشتقت له
ملاك ضحكت :امداك تشتاقين له
عذاري بضحكه :ولدي ياحبيبتي ولديي
قامت معالي وهي تعدل المخدات لعذاري وتزين لها المكان ،بعد ماصارت جلستها زينه اخذت فارس لها ،تركته بين يدين عذاري اللي اول ماصار بين يدينها تنهدت براحه ،غير طبيعيه وهي تحضنه وتشم ريحته ،ناظروها البنات بتامل ،مو مستوعبين ابدا انها صارت ام ،وان كل وحده فيهم بتتزوج وتجيب عيال ،والاكثر ان ماتوقعو ان اول وحده فيهم تتزوج وتجيب بيبي عذاري ابدا
ملاك بااستيعاب :يابنات يعني الحين انا صرت خاله !
ملاُذ:صح النوم ياعسل
ملاك بضحكه وناسه :يوننننسسسسس ،وربي اني اطلق خاله
غلا :حبيبتي انا صرت عمه وخاله بنفس الوقت استوعبي كميه الوناسه اللي فيني الحين
ملاك:غرررررتتت ،يمه زوجي فايز ابي اصير عمههه
عذاري :اتركو النرجسيه الحيم وكلكم احلى خالات واحلى عمهه ،بس الجوهره وين !ليه ماجت ؟
غلا وملاك شهقو :ماقلنا لها
عذاري :بذبحكمممم صدق
غلا :والله نسيت
ملاك :وانا قومتني امي من عز نومي سحبتني ومااستوعبت الا انا هنا
عذاري :عطوني جوالي بقول لها انا
غلا :وينه ؟
عذاري:والله مدري بس شوفيه يمكن مع صقر
غلا :طيب
عذاري :الا تعالي تعالي ،وينه ماجاء !
ملاك :امي طردته قالت ان حنا بنشوفك بالاول بعدين يجي هو
عذاري بالم:زين ،غلا جيبي جوالي منه
غلا :من عيوني يا احلى ام فارس بالدنيا
طلعت غلا وهي تدور صقر ،اخذت الجوال منه ورجعت للغرفه عند عذاري
مدت الجوال لها ،فتحت على اسم الجوهره وهي تتصل عليها ،ردت الجوهره
وهي تقول
الجوهره :هلا
عذاري :وينك ؟
الجوهره :بالبيت شفيك ؟
عذاري:فكي كام بوريك شي
الجوهره :يلا
فتحت عذاري الكام وهي تحطه على وجه فارس ،فزت الجوهره وهي تصرخ
الجوهره :كذااااابهههههه !
عذاري بضحكه :والله
الجوهره :وقلبي الخشم هذا ياناس ،ياحيوانه ليه ماقلتي لي !
عذاري :والله اني ماني يم الجوال والسلق هذولي ماعلموك
الجوهره :اوريكم انا
عذاري :شوفي شوفي كيف يتحرككك
الجوهره وهي مغرمههه :واااااي طراقات والله تكفين عضيه
عذاري :ولددددي ماتعضونننه
الجوهره وهي تشهقههه :ولدك صار اغلى مننااااا
عذاري :اكيد اغلى طبعا
بعد ماخلصو ماكالمه مع الجوهره طلعو ام فايز وملاك للخارج مابقى الا معالي وغلا وملاذ ،صار وقت يدخل صقر لجل يشوف ولده ويتطمن عليها وعليه
ملاُذ اللي كانت واقفه :الف مبروك ماجاكم ياصقر ،وياعيوني ياعذاري يتربى بعزكم ودلالكم يارب
صقر :ان شاء الله يارب وعقبالكم
عذاري :الله يبارك فيك ،وعقبال اشوف ضناك يا رب
ملاُذ توردت ملامحها:ان شاء الله ،عاد انا استذانكم
طلعت وهي تتركهم مابقى الا غلا ومعالي ،وصقر اللي كان خجلان من امه
صقر وهو يناظرها :الف الف مبروك يا ام فارس
عذاري ابتسمت :الله يبارك فيك يا ابو فارس
ابتسم وهو يناظر فيه فارس اللي باحضانها ،ناظرتهم معالي بكل حُب وهي تحصنهم ،اما غلا اللي كانت جالسه وهي توثق اللحظات الحلوه ،جلس صقر قريب من عذاري بحيث انه يشوف ولده ،رفعته له وهي تمده له لجل يشيله
صقر بخوف:لا لا ماابي اشيله
معالي :ليه يمه !
صقر وهو يوقف :اخاف يطيح يمه
معالي ضحكت :امسكه زين ومايطيح يايمه
صقر :لا يمه تكفين والله اخاف
معالي ضحكت :يايمه مايخوف هذا ضناك ،شلون تخاف من شيلته
صقر :يمه تكفين
وقفت معالي وهي تتجه لعذاري اخذت فارس منها ،وهي تتجه لصقر وتجلس ونادته يجلس جنبها على الكرسي ،وهي تحط فارس بين اذرعه كان خايف من انه يطيح او يصير فيه شي ،ضحكو من تعابير وجه وكيف جمد بمكانه ولا تحرك حركه وحده حتى من كثر خوفه ،اخذه وهو يبوسه ويبوسه خشمه وراسه
معالي :اذن باذنه يمه
صقر :بخلي جسار ياذن باذنه يمه
معالي ابتسمت :زين يمه
وقف صقر بشويش من خوفه عليه لايطيح ،مشى بخفيف وهي بفتح الباب شاف جسار وملاذ جالسين ،ناداه وقف جسار وهو يتجهه له ابتسم من شاف فارس اللي كان صغير الحجم بشكل كبير جدا ،اخذه جسار من صقر وهو يمسكه
صقر :جسار تكفى بشويش لايطيح
ضحك جسار :بدينل حركات الاباء من الحين ؟
صقر ابتسم :تخبر صرت اب الحين خلاص
باسه جسار بوسات متتاليه ،ضرب صقر كتفه بخفه وهو يقول
صقر :اوجعته اوجعته يامسلمممم بشويش
جسار :اسكت ياخي خلني اتفاهم مع ولدي
صقر :تفاهم معه بشويش ،انت وشاربك هذي جرحت خديدات وليدي
ضحك جسار :الله الحين شاربي ماصار يعجبك
صقر :ياخي كثير خففه شوي
جسار :ابشر يااابو فارس
مد جسار فارس لابوه ،رفض ياخذه صقر
جسار :شبلاك ؟
صقر :مافيني شي
جسار :الجو بارد دخله لامه لايمرض
صقر :اذن ياذنه بعدين بدخله
جسار :مااذنت باذنه !
صقر :لا قلت ابوه اولى بانه ياذن بااذنه
ابتسم جسار :لا والله يااخوك مقدر هذا حقك والولد ولدك اعذرني
صقر :على بالطلاق ماياذن له الا انت !
جسار :ياولد تطلق عشان اذان !
صقر :اذن له اخلص
اخذت ملاذ جوالها وهي تصور جسار كيف كان ماسك فارس الصغير ،ومقرب
من اذانه ،وهو يكبر باذنه ويااذن له ،بعد ماانتهى من الاذان باذنه باسه وهو يمده لصقر ،اخذه صقر وهو يدخل يعطيه عذاري ،بعد ماتطمنت معالي على عذاري وفارس ،وقفت وهي بتطلع البيت ،غلا كانت بتقعد مع عذاري بس رفض صقر ،وقال انه هو اللي بيقعد معها ،والدكتور بكره بيكتب لهم خروج
طلعت معالي ،وقفت غلا وهي توصي صقر ان اذا احتاجو شي يكلمونها وبتجي
لهم على طول ،ماكان ودها تترك عذاري لوحدها ،بس كانت تشوف كيف صقر
يبي يقعد معها شوي ،والواضح عليه انه ملتهف عليها ،طلعت وهي تسكر الباب وراها ،وقفت من حست انها دايخه ،سندت نفسها على الجدار وهي تحس بدوران قوي ،طاح جوالها من يدينها ،لف جسار على صوت الجوال اللي طاح
وهو يركض لها ،ومن وراه ملاُذ ومعالي ،وقف قدامها وهي يسندها عليها
جسار بخوف :شفيك !
غلا وهي تمسك راسها :مافيني شي بس دوخه بسيطه
جسار :تعالي تعالي اقعدي
اخذها وهو يجلسها على الكراسي ،جلست وهي ترفع راسها وتسند نفسها على الكرسي ،اخذت نفس وهي تغمض عيونها ،قربت ملاذُ منها وهي تشوف بؤبؤ
عيونها ،وتتفحصها زين ،تعدلت غلا وهي تقول
غلا :مافيني شي
جسار :خليك هنا بنادي الدكتور يشوفك
غلا مسكت ايده :جسار والله مافيني شي بس عشان مواصله من امس مانمت
جسار :طيب نتطمن عليك !
غلا بابتسامه:تتطمنن على ايش ،مافيني شي بس عشاني مواصله
ملاذُ:اتوقع عندك فقر دم ،وجهك اصفر
غلا:يابنت مافيني الا العافيه ،ابي البيت ابييي انام
معالي :يايمه ارحمي نفسك ،ليه مانمتي من امس !
غلا :مدري يمه نسيت
معالي :احد ينسى ينام يمه !
غلا بابتسامه:يمه انا طيبه ،بس ابي انام الحين تكفون راسي مصدع خلونا نروح البيت
جسار :اجل يلا مشينا
مشو لكن ماكنت تقدر تمشي من الدوران اللي فيها ،مسكها جسار وهو يتركها تسند عليه ،وطلعو متجهين للبيت ،قضى هل يوم بحلوه قبل مره عليهم ،عم الفرح في كل البيتين وفي كل العايلتين ،والاكثر المبسوطين بالخبر الاجداد والجدات ومعالي وفارس ،بحيث انه اول حفيد لهم ،اما الاجداد فايكون فارس اول ولد حفيد لهم ،وماكانت فرحته فيه بسيطه ولا عاديه ،جهزو البنات هدايهم
لجل بكره يروحون يشوفون عذاري ويشوفون الحفيد الجديد ،اليوم التالي وصلو
عذاري وصقر لبيت ال فلاح ،واستقبلو العيال صقر وهم يباركون له ،اما عذاري اللي استقبلوها بنات ال فلاح وال سند كذالك ،وهم يباركون لها ويشوفون الحفيد الجديد ،قدمو لعذاري هداياهم ،واجتمعو وهم يسولفون معها
متعب :ابو فارس
صقر ابتسم:لبيه
متعب :نبي شوف فارس ولا عليك امر
صقر ابتسم وهو يوقف :ابشروو
اتجه صقر وهو يوقف عند الباب وينادي
صقر :عذاري
غلا :هلا
صقر : عذاري وين ؟
غلا :بالحمام تكرم
صقر :عطوني فارس
غلا :ليه
صقر :ابوي والعيال يبون يشوفونه
غلا بابتسامه:طيب
وقفت غلا وهي تاخذ فارس بين يدينها وهي تبوسه،وقفت قدام صقر وهي تعطيه اياه ،شدت على شرشف فارس وهي تغطيه زين
غلا :الدفش مشاري لايوجعه
ضحك صقر :ابشري
اخذه صقر وهو يدخل للملجس ابتسمو الشباب والاجداد والاعمام والخوال ،اتجه
صقر وهو يحط فارس بين يدين ابوه ،ابتسم وهو يقول
صقر :سم ،سميك يبه
فارس ضحك من ابتسم فارس الصغير بين يدينه :ياماشاءالله ،تبارك الرحمن
الله يخليه لكم ويحفظه ويرزكم بره ياولدي
صقر :اللهم امين يارب
فارس الكبير مد فارس الصغير لابوه وعمه فلاح ،اخذوه وهم يبوسونه ويباركون لصقر
مشاري :اجدادي العزيزين مقدر فرحتكم في حفيد حفيدكم ،لكن عطونا مجال شوي نبي نشوف ورع صقرر
صقر ضحك :انت بالذات لاتقرب منه
مشاري :افاااا ليه
صقر :عليك توصيات
مشاري :من مين ،لايكون من امه !
صقر :لا من غلا
مشاري :يوه هذا ماتترك مناقرتي حتى باليوم السعيد !وش قالت ان شاء الله
صقر ضحك:تقول الدفش مشاري لايوجعه
مشاري شهق :انا دفش!اوريها
صقر :اشهد انك دفش
مشاري :اقول لاتتغلى علينا الحين وعطني بحبه شوي واعطيك اياه
صقر :والله ماتشيله
مشاري :ليه !
صقر :تبي تطير قلبي ولدي !
مشاري :شمعني انا مااشييلهههههه
صقر :ولا احد بيشيله ،بخليه بحضني واللي بيشوفه يجي يشوفه
وقف صقر وهو ياخذ فارس الصغير من جده ،اتجه يجلس على الكنب فزو العيال كلهم وهم يجتمعون حوله يشوفون فارس الصغير ويبوسونه ،ابتسمو الاجداد من منظرهم ولمتهم حول صقر ،جلسو يضحكون على ذباتهم على فارس
مشاري :ياولد والله صغير مررره
صقر :توه مولود اكيد بيكون صغير
مشاري :الصدق ماتوقعت نسلك كذا صغير ياصقور
ضحك صقر وهو يضربه بخفه على راسه :اعقب بس ،نشوف نسلك وش يطلعون
نتركهم بوناستهم وفرحتهم ،بعد ماتشعو واتجه كلن لبيته ،في المركز عند هذام وياسر اللي وصلت لهم ورقة تحليل الدي ان اي ،انصدمو منه وجلسو يحوقلون
ويفكرون كيف يخبرون جسار ،بعد ماهدو انفسهم وقدرو يسيطرون على انفسهم
اخذ هذام جواله ،وهو يتصل على جسار وبلغه انه يجي الحين للمركز ،ماينكر
جسار ان وقع الخوف بقلبه من اتصال هذام بالوقت المتاخر هذا ،بحدود الساعه 2ونص الفجر ،بدل ملابسه وطلع متجه للمركز ،بلغه احد العسكر بانهم ينتظرونه بغرفة الاجتماع الطارئه جدا ،اتجه لها وهو يدق الباب ،دخل بعد ماسمع صوت هذام ،يسمح له بالدخول وقف قدامه وهو يدق له تحيه
جسار :امر طال عمرك
هذام :استريح
جلس جسار وهو يناظر وجيهمم اللي كانت حمراء ،وباين عليهم الحزن الشديد جدا،اخذ نفس وهو يناظرهم استرسل هذام وهو يقول
هذام :جسار انت تدري ان كل شي قضاء وقدر صحيح
جسار هز راسه بايه:اي نعم طال عمرك
هذام :والله مدري كيف اقولك ،لكن طلعت نتايج التحيليل اليوم
جسار تعدل وهو يبلع ريقه :بشر ؟
ناظره هذام بحزن وهو يهز راسه بالنفي:احتسب الاجر وانا اخوك ،عظم الله اجركم
ياالله قد ايش الكلمه موجعه ،قد ايش تكسر القلب ،قد ايش تكسر الظهر ،بلع ريقه
جسار :لا لا مهو صحيح ،تاكد طال عمرك
ياسر وهو يبوس راس جسار بحزن والدموع بمحاجره :سويناها مره ثانيه ،وطلعت نفس النتيجه ،عظم الله اجرك في فقيدك والله يرحمه
ياكبر جرحه وياكبر كسره على اخوه ووولد عمه ،اللي مات ومو اي موته
مات محروق !وقف وهو يمسك نفسه قدر مايقدر ،ويمنع دموعه من انها تطيح
ناظر لهذام وياسر وهو يبلع ريقه
جسار بغصه :اجرنا واجركم جزاكم الله خير ،استذنكم انا
هذام :اذنك معك
طلع جسار من الغرفه ،وطلع خارج المركز وهو يركب سيارته ويحرك بسرعه جنونيه ،اتجه لمكان خالي من البشر خالي من الناس ،المكان اللي صار فيه الانفجار ،وقفت سيارته وهو ينزل منها ،اخذ سلاحه وهو يطلق بالهواء طلقات متتاليه وراء بعد ،صرخ صرخه من قلب قلبه ،صرخ وهو يقول
جسار :تكفى ياساااااااالم تكفى ياابو سند ،ليه رحتت وخليتنا
كان يصرخ صراخ الالم والفراق والحزن الشديد ،طاح علو ركبه وهو يصرخ بالم وينادي باسمه ،رفعه راسه للسماء وهو يقول "يااارب "طاح سلاحه من يده
بكاء بكي ماقد بكاءه بحياته من فكر في اخته ،في غلا اللس شلون يقول لها ؟
شلون يقول لها ان زوجها مات ،و مو اي موته مات محروق !شلون يقوى قلبه
يقول لها كذا !،شلون ؟بعد ماانهار وقف وهو يستجمع نفسه ،وقواه ،اخذ سلاحه
وقف وهو يرسل لصقر بانه يكون موجود عند امه ،ويكلم عزوز يكون موجود برضو ،بعد مابلغ صقر اتصل على ملاُذ وهو يقول لها تتلبس جلالهل وتنتظره
لين يجي ،قال انه بيكلمها بموضوع مابلغها عن شي ،وصل للبيت نزل من سيارته ،دخل وهو ياخذ ملاذُ بحيث اذا صار لغلا شي تتدخل وتسعفها ،سال صقر
جسار :غلا وين ؟
عزوز :بغرفتها شفيك ؟
جسار :زين
جلس وجلست ملاذُ جنبه ،امامه معالي وعزوز وصقر ،قال لهم عن سالم انه تووفى ،انصعقو من الخبر ،توه قبل كم يوم يقول انه بمهمه جديده والحين جاء
يبلغهم بموته ،انهارت معالي وهي ماعاذ قدرت تتحمل كسرها بدحوم والحين غلا !
معالي :الله يرحمه ويغفر له يارب
صقر :شلون ؟شلون مات ؟
جسار :بعدين اقول لك ،الحين ساعدوني كيف اقول لها ؟
عزوز :تكفى جسار ،غلا ماتقدر تتحمل ذا الخبر لاتقول لها
جسار :شلون مااقول لها !من حقها تعرف
ملاذُ بحزن :ياعمري هي والله ماراح تتقبل ابدا
جسار :انا جاي ابيكم تعاونوني ماابيكم تزيدونها علي !ادري انها ماراح تتحمل
قاطعهم صوت الاذان ،في غرفة غلا اللي وقفت وهي تدخل حمامها (تكرمون)
توضت وطلعت وهي تصلي ،وتدعي ان ربي يرده لها بخير وعافيه ،وهي على سجادتها تفاجاءت من انفتح الباب وكان جسار اللي فاتحه ،ومن وراه صقر وعزوز ومعالي وملاذ ،استغربت انه ليه كلهم جايين ذا الحزه ،وليه وجيهم كذا
وقفت وهي تشيل سجادتها وتنزع جلال الصلاه عنها ،ناظرت جسار بسكوت
جسار :تقبل الله
غلا بابتسامه:من ومنك صالح الاعمال ،شفيكم جايين كلكم ؟
عزوز ماقدر انه يشوفها او انه يسمعهم وهم يقولون لها،اتجه لها وهو يبوس على راسها،وطلع استغرب غلا وجلست وهي تقول
غلا وهي بدت تخاف:شفيكم !
جسار:مافينا شي اجلسي انتي
غلا :الا فيكم شي قولو لي
جسار وقف وهو يجلسها :شلونك اليوم بعد المستشفى ؟
غلا :كويسه مافيني الا العافيه
جسار:نمتي زين ؟
غلا :اي نمت قمت بصلي وارجع انام ،جسار شفيك !
جسار بلع ريقه وهو يقول :بقول لك شي
غلا :قول اسمعك
جسار بغصه :اذكري الله
غلا :الف من ذكره
جسار :قولي لا حول ولاقوة الا بالله العلي العظيم
غلا بخوف:لاحول ولاقوة الا بالله العلي العظيم ،جسار تكلم !نشفت دمي
سكت وهو يصد عنها يمنع دموعه تنزل قدامها ،ناظرت لملاذ اللي كانت عيونها مليانه بالدموع ،وتهرب عيونها منها ،وتشوف صقر يحوقل ،ومعالي المنهاره وتبكي بصمت وتمسح دموعها ،عرفت ان الموضوع فيه انه وان الموضوع يخصها ،وان الموضوع كبير و مهو بالساهل لدرجه انهم يقولونه
انصعقت من جسار اللي سلم على راسها وهو يحضنها وقال كلمه وحده بس
كلمه وحده تركتها ماتتلكم ولا تنطق بشي ،تركتها تناظر فيه بدون ماتدري هي
وش تقول ووش تسوي ،ناظرته بسكوت تام من كلمته وحضنه لها لازالت كلمته ترن باذنها
جسار وهو يبوس راسها ويحضنها ،بغصه :عظم الله اجرك ،ربي يجمعكم بجنته
ناظرته وهي تعقد حواجبها :وش تقول انت !
صقر:اذكري الله وانا اخوك اذكري الله
غلا وقفت وهي تمشي خطوتين وتبتسم :تمزحون علي صح ؟
هز جسار راسه بالنفي وهو يبعد عيونه عنها ،طالت نظراتها عليهم وهي تنتظر انهم يقولون لها انهم يمزحون معها ،وانه مامامت مثل ماهم يقولون ،لكن ماكانت تشوف منهم ردة فعل غير الحزن والدموع ،التفت على ملاذُ وهي تشوفها تبكي بصمت اتجهت وهي توقف قدامها وتقول
غلا :ملاذُ جسار وش قاعد يقول ؟يمزح صح ؟
زاد بكاء ملاُذ اكثر واكثر من كلام غلا ،وانها تحسب انهم يمزحون عليها ،وقفت بنص الغرفه وهي تقول
غلا :الموضوع ماينمزح فيه ترا !تكلمو
كانت تشوف جسار يهرب عيونه عنها ،وكذالك صقر اللي خانقته العبره من وضعها ،ومن خبر وفاة سالم اللي كان ناوي يستسمح منه اذا رجع من المهمه
اللي قالو لهم جسار انه فيها ،بالوقت اللي كانو ينتظرون رجعوه من المهم وصل
لهم خبر وفاته ،وقف جسار وهو يتجه لها ويوقف قدامها ويقول
جسار :ياعين اخوك هذا موضوع ينمزح فيه ؟ادعي له بالرحمه بحاجه دعاك هو
غلا وقفت وهي تناظره وبغصه:جسار تكفى قل انك تمزح
هز جسار راسه بالنفي وهو يرفع عيونه لجل ماتنزل دموعه قدامها ،هزت راسها بالنفي وهي تقول
غلا :لا لا سالم مايخليني انتم تكذبون علي
صقر :الله يرحمه ويغفر له ياعين اخوك ،استهدي بالله
غلا بغصه :جسار
انمزع قلب جسار من غصتها ومن نطقها لاسمه :لبيـك
غلا :مات ؟
ماقوى قلبه انه يرد عليها واكتفى ،بانه يهز راسه بايه وهو يشوفها غمضت عيونها ،وانهلت الدموع منها حضنها جسار ،حاولت تبعد عنه وهي تقول
غلا :انتم تكذبونن علي ساالم ما مات سالم مايخليني
حضنها جسار بكل مافيه وهو يواسيها ،كانت تحاول تبعد عنه تركها من شاف محاولاته الكثيره بانه يتركها ،لفت وهي تبكي وتناظر امها اللي كانت واقفه وتبكي على منظر بنتها اللي يقطع القلب ،اتجهت لامها وهي تبوس راسها
غلا :يمه تكفين هم يمكن يكذبون علي بس انتي ماتكذبين علي تكفين يمه قولي انه كذب وان سالم مامات
اكتفت معالي بالبكاء وانها تحضن بنتها بس ،غلا وهي تشد على امها وتقول
غلا ببكاء :يمه تكفين يمه قولي انه كذب وان جسار وصقر يكذبون علي
معالي ببكاء :مايكذبون عليك يمه ،عظم الله اجرك ياحبيبتي
غلا بعدت عنها :كلكم بتكذبون يعني !صقر تكفى قل انه كذب
صقر :اذكري الله يااخوك اذكري الله
اتجهت تاخذ عبايتها وهي تلبسها وتقول :انتم تكذبون علي هو قال لكم قولو لها كذا صح ؟عشاني مارضيت ارجع معه وماصدقته صح ؟انا بروح البيت واتفاهم معه ونحل المشكلة
جسار وهو يناظرها :وين بتروحين؟
غلا :بروح للبيت ادري انه هناك
جسار نزلت دموعه :والله مهو بالبيت لاتسوين بنفسك كذا ياعين اخوك
غلا اتجهت للباب وهي بتطلع ،وقف جسار قدامها وهو يمنعها انها تطلع
تجاهلته  وهي تتقدم من قدامه  مسكها جسار وهو يحاوطها من الخلف ويحضنها
جسار بغصه :لاتسوين بنفسك كذا ،ادعي له
غلا وهي تحاول تفك نفسهل منه:ما مات ياجسار ما مات مايخليني هو
جسار :راح للي ارحم مني ومنك ياعيوني انتي تكفين اذكري الله
غلا ببكاء :جسار وخر تكفى ،والله مامات ما مات لو مات كان حسيت بس هو ما مات والله
جسار اكتفى بانه يثبتها ومايسمح له تطلع ،مهما حاس بالالم ضرباتها الممتاليه له ماتركها ،ورغم غرزت اظافرها بيدينه ماتركها ابدا صرخت باعلى صوت
صحى البيت كله من صرختها ،اللي تبين فيها المها وحزنها وكسرها ووجعها
طاحت على ركبها وطاح جسار وراها ،عدل نفسه وهو يجلس قدامها ضربت صدره وهي تصرخ وتقول
غلا بصراخ وبكاء:سااااااااااالم ما مااااااات والله ما ماااات
جسار اكتفى بالسكوت وهو يضحنها له ،تركها تبكي على صدره وتفرغ حزنها
ماتالم من ضربها ولا تكلم ،هو عارف بالمها وعارف بشعورها ووجعه ،عارف
قد ايش هي تحبه وقد ايش هي متعلقه فيه ،ويعرف انها زعلانه انهل ماقدرت تشوف ولاقدرت تراضي بعد الهوشه اللس صارت بينهم ،عرف انها شايله هم زعله منها ،وانها تنتظره يرجع لجل تعتذر منه وتحل المشكله اللي بينهم ،بعد مرور عشر دقايق من بكاءها الشديد على كتف جسار ،وقفت وهي تقول
غلا :بشوفه
جسار اللي توهق ولا يدري وش يقول ،يقول لها انه مو واضح منه شي !انه عباره عن رماد ،يقول لها انه محروق وملامحه مهي باينه ولا شي منه باين
ويزيد المها الم ؟اكتفى بانه يسكت ويقول لها
جسار :على خشمي
غلا :الحين
جسار :الحين مانقدر لسى مابعد غس
سكرت عيونها واشرت له بمعنى يسكت ،اما براء بالصاله عند عزوز اللي التمو العايله من بعد صرختها اللي هزت اركان البيت هز،شرح لهم الوضع
الجد فلاح:لاحول ولاقوة الا بالله العلي العظيم لاحول ولاقوة الا بالله العلي العظيم الله يرحمه ويفغر له ويثبته عند السوال
العيال والخوال :اللهم امين
الجد فلاح:ليه تعلمونها ذا الحزه !
عزوز :جسار قال لازم يعلمها
الجد فلاح:الله يهديك ياجسار
بتال :يبه انا اقول اننا مانشوفها الحين ،وضعها مايسمح لانضغط عليها العصر نجي لها ونعزيها ،الحين تكفون لاحد يقربها ولا يقول لها شي ،للحين مهي مستوعبه
متعب :اي ،واضح انها بصدمه والحين اذا عزيناها بتتاثر نفسيتها مره ،راي من راي عمي خلونا بكره نعزيها مو الحين
الجد فلاح:شوركم وهدايه الله
طلعو من الجناح وكلً يرجع لجناحه ،البنات تاثرو من صراخ غلا ومن بكاءها
وفجعهم خبر موت سالم ،جلست على الكرسي وهي تغطي وجهها بيدينها وتبكي
اتجه لها صقر وهو يطبطب على ظهرها ويواسيها ،ماكان الخبر هين ،لين عليها بالمره ،كان بالنسبه لها مثل الفاجعة مثل العذاب لها ،شعور جدا بشع
ماتتمنى حتى عدوها يمر فيه ،ولا يجرب هل شعور ابدا ،وقفت وهي تتجه لسريرها تمددت وهي تغطي نفسها ،طلعو وهم يقفلون اللمبات والباب وراهم
بعد ماتاكدت انهم طلعو ،اخذت جوالها وهي تقتح على صورهم مع بعض وهي تناظرهم ،بكت اكثر من بكاهاء اللي قبل شوي بكت لين جفت الدموع بعيونها
بكت لين تقطع قلبها ،بكت لين انتفخت عيونها ومن كثر البكي نامت وهي تشوف صوره وهي حاضنه جوالها على قلبها ،دخل جسار بهدوء وهو يشوفها
نايمه ،اتجه يحسب الجوال منها ،امتلت محاجره بالدموع من شاف صورة سالم
ومن منظر وجها الطفولي كله احمر من البكي وعيونها متنفخه وخشمها احمر
تنهد وهو يبوس راسها ويدعي ان الله يصبرها ويقويها ،ويعينها وانها تقدر ترجع نفس قبل من بعد الخبر ،قفل جوالها وتركه على الطاوله اللي جنب سريرها ،غطاها زين طلع ونو يقفل الباب وراه ،طمنهم انها نايمه وانهم ينتبهون عليها ،لانه بيطلع للمركز ياخذ اغراض ويرجع للبييت ،وصاء ملاذُ انها ماتروح وتبقى عندهم ،لان يدري غلا ترتاح لها وتفضفض لها ،ماكان من ملاذ الا القبول ،اخذت جوالها وهي تبلغ ابوها ،وماكان منه الا الموافقه ووصاها انها تنتبه عليها وتخفف حزنها ولو بشوي
-
تدرون انه اطول بارت كتبته ؟عشان كذا عطوه حقه لا نتهاوش ،ووصلوه 200نجمه وضيفوني انستا
انتهى .......