ليته ماسمعني يوم قلت (يحق لك مايحق لغيرك ياعزوتي)

بارت 34

هلا هلا وغلا ومرحبا الارض ترحب والسماء ترحب كيفكم
كيف المدرسه معكم ؟تدرون اكتشفت اني احب المدرسه مو يعني الدراسه لا احبها لان نومي يتعدل واذا تعدل نومي نفسيتي تتعدل واذا نفسيتي تعدلت بدعت لكم بالبارتات عشان كذا الحين بتركم مع البارت الحلو نفسكم ياحلويني انتم 🤍

معالي :متى تخلص شغلتك يامي
جسارضحك :قريب ان شاء الله ادعي لي
معالي :والله اني ادعي لك ياامي من غير ماتقول بس علمني هي منهي ؟
جسار :يمه لازم تعرفينها الحين ؟
معالي :ان كان ودك يامي تعلمني قولي منهي
جسار:ودي شلون ماودي بس خليني اخلص اشغالي ومن عيوني تبشرين
معالي :البنت نعرفها؟
جسار:اي اي
معالي :حليوه محترمه ؟
جسار:اي يمه تطمني بنت ناس وعالم
معالي :زين زين
نروح لجناح ذياب عند البنات '
غلا :اجل اسمعو بنات انا بروح الحين بنام عشان اقوم بدري ونطلع نجهز تمام؟ '
ملاذ :تمام الحمدالله بكره عندي اوف
نوضا :انا بكره عندي محاظره بس معليك اخلص بدري على الساعه 2
مها :انا ماعندي شي
فتون:انا بكره برضو عندي محاظره بس نخلص بدري تقريبا
غلا :زين اذا خلصتو ارجعو البيت عشان ترتاحون ونطلع المغرب
البنات:تمام
تفرقو وهم كل وحده راحت لجناحهم عشان ينامون ماعاد غلا اللي اتجهت لجناح عذاري وصقر طقت الباب
في جناح عذاري وصقر اللي كان مضلم وبارد جالسين يتابعون فلم فزو من سمعو الطق
صقر :مين
غلا :انا
قام صقر اتجه يفتح الباب لها عذاري تعدلت
صقر :هلا وغلا وينك ياقاطعه
غلا :موجوده بس انتم اللي قاطعين مو انا
عذاري :يوه ياكثر الشوق تعاليي
دخلو عذاري وغلا
غلا بعد ماشافت البيت ضلام وجالسين يتابعون :لا يكون ازعجتكم
صقر :لا
عذاري :لا اصلا كنا جالسين نتابع فلم تعالي تابعي معنا
غلا :مالي خلق بس جيت اقولكم عن شي واروح
عذاري :وشو
غلا :اليوم كلمني سالم وقال انه بيحدد موعد الزواج بعد شهر
صقر :صدق؟
غلا :اي والله
عذاري :مبروك ياروحي والله يتمم لكم على خير
غلا بابتسامه:اللهم امين ياعيوني
صقر:ربي يتمم لكم على خير وانا اخوك
غلا :امين ياروحي انت
صقر :اي يوم ؟
غلا :مدري والله بس قال بيكلم بابا وابوي سند وبعده يعلمني اي يوم
صقر:زين اجل
غلا :عذاري بكره بنطلع نجهز تجين معنا ؟
عذاري :اجي ليه مااجي كم غلا عندي انا
غلا :ماعندكم الا وحده فا حافظو عليها
عذاري ضحكت :اكيد بنحافظ عليها اذا ماحافظنا عليها على مين نحافظ ؟
غلا :ياخي قسم بالله انك عشقي
عذاري :انتي والله عشقي
غلا :اجل انا بروح
صقر :توك جيتي مسرع بتروحين
غلا :والله ودي اجلس معكم بس فيني نوم
صقر :زين ياقلبي نوم العوافي
عذاري :نوم الهناء يا عيوني
غلا قامت:يلا حبايبي فمان الله
طلعت غلا اتجهت لغرفتها بتنام لكن طق الباب
غلا :مين
جسار :فاضيه ؟
غلا :اي ياعيوني تعال
دخل جسار :صاحيه ؟
غلا :اي ياروحي وش فيك
جسار ابتسم واتجه لها يبوس راسها :مافيني شي بس قلت اجي اشوفك من زمان ماشفتك زين
غلا بابتسامه:اي والله ماعاد شفتك زين
جسار:مبروك يا قلب اخوك ربي يتمم لك على خير
غلا استحت:الله يبارك فيك ياعيوني وعقبالك
جسار ابتسم:ان شاء الله قريب
غلا :صدق قريب ولا بس كذا كلام
جسار:لا صدق ان شاءالله قريب
غلا :ياروحط انت ربي يتمم لك على خير
جسار :اللهم امين
غلا:فيه احد معين في بالك ؟
جسار:اي
غلا :صدق
جسار:الله الله
غلا :مين ؟
جسار :توعديني ماتقولين لاحد
غلا :وعد
جسار:ترا ماقلت لاحد الا انتي وابيك تسالينها اذا موافقه ولالا
غلا شكت بانها ملاذ :مين اعرفها يعني ؟
جسار:اي وادري انك تدرين
غلا بنكران :كيف ادري
جسار:مو وقت كيف تدرين الحين ابيك تكلمينها اذا موافقه وتنقدم لها ولا ماتبي
غلا :منهي طيب
جسار :ملاذ بنت خالي ذياب
غلا بابتسامه:صدققق
جسار:اي لاتقولين لامي لين تعرفين جواب بنت خالك وتجين تعلميني قبل امي
غلا حضنته :من عيوني وزين مااخترت ربي يوفقكم ويسعدكم
جسار:اللهم امين
غلا :احلى خبر سمعته بحياتي كلهاااا
جسار اكتفى بالابتسامه
غلا :ياربي الفرحه مش سيعاني بروح اكلمها الحين
جسار :لا لاتفضحينا انتي مو الحين
غلا:اذا موالحين متى ؟
جسار:كلميها بكره وشوفي وش تقول لك
غلا :طيب ابشر ياروحي انت
جسار :يلا نامي تبين شي ؟
غلا :كيف انام الحين ؟سلامتك ياروحي
جسار ضحك :نامي نامي
غلا ضحكت:ابشر
طلع جسار وغلا قد ماحاولت تنام ماقدرت تحس بفرط شعور وفرح قررت تنزل اشوف اذا احد قايم تحت نزلت بجلال الصلاه
لكن الكل نايم سمعت صوت بالمطبخ واتجهت صوب المطبخ اللي كان فيه مشاري واقف عند الثلاجه يدور اكل
غلا بشبه صرخه :وش تسويييي
مشاري فز مرتاع :الله يلعنك
غلا ضحكت:ياسوء المنقلب الحمدالله قدرت اخرشك
مشاري :على تراب بس
غلا :ترابين من عندي
مشاري ناظرها وسكت
غلا :وش تسوي
مشاري:يعني وش اسوي ؟انسان في مطبخ اكيد انه يبي اكل بينام بالطبخ مثلا
غلا :اسمعع
مشاري :خير
غلا :الصدق انك جوعتني الحين
مشاري:مافيه اكل من الحين اعلمك
غلا :وش رايك نسوي
مشاري:وش نسوي ؟
غلا :مدري وش موجود؟
مشاري :وش دراني انا
غلا :نسوي باستا
مشاري :قدام
غلا :ولا اندومي ولا بطاطس
مشاري :بطاطسسس
غلا :بس انا ماقرب من النار
مشاري:وليه
غلا :ليه ماتدري ؟
مشاري :عن وش
غلا :بنحدد موعد زواجي
مشاري حزن :بذمتك ؟
غلا :اي والله
مشاري :متى
غلا :بعد شهر ان شاء الله
مشاري:زين الله يوفقك
غلا :اللهم امين وعقبالك
مشاري :ان شاء الله
غلا:ها وش قلت تسويه ولا اروح انام ؟
مشاري :دامك بعد شهر بتطسين بيت زوجك تعالي خليني اشبع من طقطقتي عليك واستهبالنا وخصوصا فضفضتنا
غلا :يوه صدق بتوحشوني
مشاري بطقطقه:بالاكثر انا صح؟
غلا :اكيددد
مشاري :ياخي والله احس اني ملح العايله
غلا :لاتحس تاكد بلاك كنا ميتين من الطفش
مشاري :ياخي الله يحفظني
غلا :امينننن
مشاري :الحين كيف اسويه البطاطس
غلا :تستهبل ماتعرف تسوي بطاطس
مشاري :والله ماعرف
غلا :وخر وخر بطلع لك الاغراض وانت حطه بالزيت
مشاري بعد وجلس فوق الطاوله
غلا وهي تطلع كيس البطاطس من الثلاجه :شف الحين تشغل النار لين الزيت يحتر بعدين تحط البطاطس فيه بس لاتقرب واجد من النار لان الزيت بيتطاير
مشاري :طيب
غلا حطت القدر والزيت وشغلت النار :يلا تعال
مشاري :اصبري خليه يحتر
غلا سحبت الكرسي وجلست :طيب
مشاري ناظرها :غلا
غلا ناظرته :هم
مشاري :ياخي لاتروحين لبيته خليه هو يجي يسكن هنا معنا
غلا ضحكت:تستبهل
مشاري :لا والله
غلا:وين نقعد انا وياه طيب
مشاري :عادي نحط لكم جناح فوق
غلا:انا ابي افتك منكم تبي بعد اجيب زوجي ونجي هنا
مشاري:ياحيوانه طلع نظامك كذا
غلا :امزح امزح
مشاري :والله مايندرا عنك
غلا :قم قم الزيت يبقبق
مشاري يقلد طريقه كلامها :يبقبق
غلا بضحك :مريض والله
مشاري :تخيلي تخيلي
غلا :وشو
مشاري :اذا تزوجتي مين يمقلبك في بيتكم ومين يسهر معك ومين يتهاوش معك
غلا :عادي اسهر واتهاوش معه وانا امقلبه
مشاري :بس بتنبسطين مثل هنا ؟
غلا :يمكن اكثر بعد
مشاري خزها :يع
غلا :يع انت
مشاري :تخيلي اذا رحتي عنده ماتقدرين تصبحين بوجهي وتروقين
غلا :يوهه هذا احلى شي اني ماراح اصبح بوجهك ومقالبك
مشاري :وربي بتفقدينا ترا
غلا :ادري
مشاري :خلاص تزوجو وجيبيه هنا
غلا بطقطقه :مشاري قل الصدق ماتقدر على فراقي صح ؟
مشاري بجديه:اي والله مااقدر
غلا استغربت :يمه ماتعودت عليك جدي كذا
مشاري وهو يشتت تعابير وجهه وبضحك :مين انا جديييي !!!
غلا :قبل شوي كنت جدي
مشاري بضحك:والله خيانه طلعتي ماتعرفيني
غلا :اعرفك والله
مشاري قام :الحين اذا حطيت البطاطس بقوه بيطشر علي الزيت؟
غلا :مدري جرب انت
مشاري فتح الكيس واخذ بطاطس ورماه بقوه بالزيت واول ما طاح البطاطس بالزيت وتطاير ومشاري خاف وانحاش لبراء المطبخ
غلا مامتت من الضحك :يامريض مو كذا يحطونه
مشاري اللي وصل للصاله ومن ضحكها رجع لعند الباب :حسبي الله على عدوك ياحيوانه
غلا بضحك :انا وش سويتت
مشاري :ليه ماعلمتيني انه يطشر
غلا :طيب انا وش قلت من البدايه
مشاري حط يده على قلبه :الله ياخذ العدو قلبي يدق بسرعه
غلا :بسم الله عليك سم سم
مشاري :يمه بسم الله
غلا :تعال طلعه احترق
مشاري :ياشيخه دزي والله مااقرب منه بعد ذا الخرشه
غلا ضحكت :لاتحلف لاتحلف
مشاري :يمه احتاج قرايه وعصفر بعد
غلا :الحمدالله شفت كيف الدنيا دارت ؟
مشاري :اوص بس
غلا :كنت تروعنا وماتخلينا مبسوطين الحين ربي روعك
مشاري :اكلي تبن لا امنعك من البطاطس الحين
غلا :اذا انت ماعرفت شلون تطلعه من الزيت ببتقدر تمنعني منه !
مشاري :مشكلتي قلبي رهيف مقدر اخليك تنامين وانتي جوعانه
غلا :واضح ان قلبك رهيف
مشاري :والله اني حليل
غلا :اي مره الله لايضرك بسم الله عليك
مشاري :بس ياخي عندكم ماني حنين
غلا :وليه عند خلق حنين وعندنا لا !
مشاري :خلق الله استحي منهم
غلا :وحنا!
مشاري :انتم عادي اهلي
غلا :ياحيوان الاكل احترق طلعه
مشاري :شلوننن
غلا :الملعقه عندك طلعه فيها وحطه بالصحن
مشاري :غلا امانه مايطير علي
غلا :مريض شلون يطير عليك
مشاري اتجه للنار وابتدا يطلع البطاطس اللي لو قعد شوي احترق بالكامل
غلا شهقت :احترق
مشاري :نص ونص وخوذيه من الجانب الايجابي
غلا :وين الجانب الايجابي بالموضوع ؟
مشاري :صار مقرمش نفس المطاعم
غلا ضحكت :ياخي والله انك حيوان
مشاري :اعتذري ولا والله مااخليك تاكلين منه
غلا :تخسي
مشاري رفع الصحن :والله ماتاكلين منه لين ماتعتذرين
غلا :والله مااعتذر
مشاري:والله ماتاكلين
غلا بعناد:وربي لاكل واني مااعتذر
مشاري :وربي ماتذوقينه
غلا :زين نشوف كلام مين اللي يمشي
طلعت مشاري حس انه زودها وانبه ضميره
مشاري بنفسه:خلها عشان تتادب
راحت غلا كانت بتروح لصقر بس شافت الجد فلاح طالع من الحمام تكرمون
الجد فلاح باستغراب :غلا !
لفت له غلا :لبيه
الجد فلاح:مانمتي ياابوي ؟
غلا :لا
الجد فلاح:من وين جايه
غلا :من المطبخ
الجد فلاح:وش عندس
غلا :ابد جوعانه وجالسين نسوي اكل انا ومشاري
الجد فلاح :عسى شبعتو
غلا :لا تهاوتش انا وياه وشخصنها وقال ماراح اخليك تاكلين وبروح
الجد فلاح :وشو تروحين بدون ماتاكلين
غلا :بروح اطلب لي اكل
الجد فلاح:لا لا انا اهاوشه تعالي تعالي اكلي يابوي
غلا :لا ماابي اكل من اكله
الجد فلاح مشى وقال :تعاالي
مشت غلا وراه ودخلو المطبخ الجد فلاح بحده
الجد فلاح:مشارري
لف مشاري :سم
الجد فلاح:علامك على غلا
مشاري :وش فيه
الجد سند:ليه ماتخليها تاكل معك وهي مسويه الاكل معك
مشاري :ماسوت شي
غلا بشهقه :ياكذاب من طلع لك الاغراض وجهزهم وانت بس حطيته على النار
مشاري :خلاص يعني انا اللي سويته
الجد فلاح:روحي اكلي يابوي روحي
مشاري :هي تقول ماتبي خلاص مو لازم تاكل
غلا :يا كذاااب
الجد فلاح بحده :خلاص انت وياها اقعدو اكلو وبعده كلن يروح ينام يلا
مشاري :طيب
غلا :ابشر
راح الجد فلاح وجلست غلا تاكل وكذالك مشاري بعد ماخلصو نفذو كلام الجد وكل واحد راح لغرفته
نروح للقسم اللي كانو هذام وسالم وياسر وسعود كانو يدققون بالملفات
هذام :الكلب هذا كل مانمسك شي عليه يختفى
ياسر :الا مانلقى عليه شي
سالم :الاجنبي اللي كان معه وش صار عليه
سعود:ماتدري
سالم :عن وش
سعود :لما رحنا نداهم مكانه لقيناه مقتول
سالم خبط الطاوله :اهخ من الخسيس اهخخ
هذام :الرجال ذكي وجالس ينظف كل شي وراه وكل مانحاول نلقط عليه شي يمحيه
ياسر:هدو يارجال الا ماينمسك
سالم :الله يحطه بين يديني
هذام :تراي شنبي مهوب على رجال ان مامسكته
قعدو يبحثون ويحققون بالملفات والاقوال لين اذا الفجر وقف هذام
هذام :يارجال
لفو عليها كلهم
هذام :قومو نصلي وبعدها نكمل
وقفو واتجه للمسجد يصلون وبعد ماخلصو رجعو للقسم
سعود :يارجال انا بجيب لي قهوه احد يبي شي
سالم :اي بالله ابي شاي
سعود :على خشمي وانتم
هذام :والله انا على عصافير بطني من امس جب لنا شي ناكل
سعود :على خشمي وحضرة الفريق ياساير وش تامر عليه
ياسر :عطني قهوه معك
سعود :ابشر
طلع سعود متجه للكوفي طلب طلبه وراح للبقالة ياخذ لهم فطاير واي شي تصبيره لهم بعد مااخذ القهوه رجع للقسم
هذام :وينك ياخي طولت
سعود :معليش طال عمرك بس كان فيه زحمه
هذام :ماعلينا هات بسرعه وش جبت
سعود الاكياس على الطاوله :جبت كل شي طال عمرك
فتحو الاكياس وجلسو ياكلون
هذام :ياسر فيك شي ؟
ياسر اللي كان مصدع :لا سلامتك
هذام :متاكد !
ياسر :اي
سالم : فيك شي ان كنت اعرفك ولو شوي
ياسر تنهد
هذام :قل ياابن الحلال وش فيك
ياسر :امي
هذام :شفيها
ياسر :مصره الا تزوجني الفتره ذي
هذام :طيب تزوج
ياسر :مين اللي بتاخذ واحد حياته ووقته كله بالقسم
هذام:بتلقى بنت الحلال
سالم :انت اعرف من تاخذ ووالله ان تعذرك وتفهمك
ياسر :انا ماابي اضلم بنت الناس معي
سعود :ليه تظلمها بتاخذها تعذبها انت ؟
ياسر :لا
هذام :اجل
ياسر :اول شي اخاف انها قشرا وماتتقبل اهلي ثاني شي اخاف انها ماتتقبل وضيفتي
سعود :خل امك تدرو لك وحده بنت اجواد وانتهى الموضوع
ياسر :واخاف اتزوج وانسى ان عندي بيت وبنت ناس تنتظرني بالبيت وحنا معروف وش بيئة عملنا
سالم :بيهون كل شي صدقني
ياسر :الله كريم وانا اخوك
هذام :امك من حقها لاتلومها تبي تفرح فيك
سالم :اي والله حقها تزوج وفرح قلبها
ياسر :ان شاء الله
قعدو بالقسم لين اليوم الثاني وهم يشتغلون ويبحثون عن مزيد اللي كان بكل خطوه يسبقهم مو من ذكاءه لل كدن له مخبرين بالقسم يوصلون له تحركات هذام ،ياسر ،سالم،سعود وهذا السبب اللي خلاهم كل مايقربون يمسكونه ينفذ منهم وللاسف بتستمر هل معاناه معهم لين يكتشفون الجاسوس نتركهم ونترك حوسة القسم ونروح للبيت بعد العصر رجعو البنات من الجامعه وبعد المغرب
اتصلت غلا عليهم :ياسلق وينكم
ملاذ :انا ونوضا نازلين يلا
غلا :اخلصو
مها :وحنا نازلين
غلا :فتون وريوف وينكم
فتون :ريوف ماراح تروح عندها اختبار
غللا :صدق
فتون:للاسف
غلا :طيب استعجلو
ملاذ :مين بيودينا
غلا :جسار
ملاذ :زين
غلا :لاتتاخرون عشان ماينفس علينا
البنات ردو :يلا ثواني وحنا عندك
جسار :غلا
غلا :عيوني
جسار:جاهزين ؟
غلا :اي بينزلون الحين
جسار :كلمتي بنت خالك ؟
غلا:لا والله لسى ماقابلتها
جسار :زين انا بطلع اشغل السياره لا تتاخرون
غلا :من عيوني
طلع جسار يشغل السياره وينتظرهم يطلعون له بعد دقايق بسطيه نزلو البنات و طلعو لجسار ركبو
جسار :وين تبون
غلا :نبي مول ****
جسار :بتطولون فيه ؟
غلا :تقريبا
جسار:زين اجل انتم ادخلو قضو اغراضكم وانا بقعد بكوفي لين تخصلون
غلا :زين
وصلو للمول وفعلا انطلقو البنات يتقضون اغراضهم غلا اللي كانت تبي  تكلم ملاذ بالموضوع باشتى الطرق كانو يمشون بيدخلون المحل الثاني سحبت غلا ملاذ بقوه
ملاذ :وجع وش فيك
غلا :ياختي  مشاء الله وش ذا السرعه
ملاذ :وش فيك
غلا :هدي شوي مغير طايره
ملاذ :هاااا
غلا :بكلمك ماابي البنات يسمعون
ملاذ بخوف :يمه بسم الله وش فيك
غلا :جسار
ملاذ بخوف :وش فيهه !
غلا :مافيه شي بس كلمني بخصوصكم
ملاذ :بخصوصنا !
غلا :ايه
ملاذ :طيب وشو
غلا :كلمني يقول شوفي بنت خالك موافقه ولالا
ملاذ :موافقه على ايش بالضبط ؟
غلا :بيخطبك وماقال لاحد  انها انتي الا انا بس قال لامي انه بيخطب
ملاذ :ليه
غلا :يبي يسمع ردك بالاول !
ملاذ :متى قال لك ؟
غلا :امس بالليل
ملاذ :وانتي مالقيتي تتكلمين الا الحين !ليه ماقلتي لي من امس
غلا :كيف اتكلم قدام البنات ومنه مره وحده قلت اقول لك هنا عشان تشوفين لك فستان للملكه
ملاذ :يمه
غلا :ها وش قلتي
ملاذ :غلا انتي عارفه اني موافقه بس بستخير واشوف
غلا :من حقك تمام
ملاذ :تمام
غلا :لاتطولين معك يومين
ملاذ :زينننن
غلا :يلا امشي البنات لايشكون
دخلو المحل وكانو مها وفتون وماريا يقيسون فساتينهم ماعاد نوضا اللي واقفه عندهم واول ماشافت غلا وملاذ اتجهت لهم
نوضا :وينكن فيه انتن ؟
غلا :ضيعناكم
ملاذ :وين روحتو اختفيتو فجاءه
نوضا :قدامكن بزر ؟
غلا :وش فيك
نوضا :من اليوم تهرج برا لاتحسبن ماانتبهت لكن
ملاذ :طيب لنفترض اننا نهرج وش دخلك
نوضا :وش دخلني !
ملاذ :شي خاص بيني وبينها
نوضا :حلوو تمام
غلا :هيه هدو مافيه شي
ناظرو نوضا وملاذ ببعض بنظرات حاده دخلت بينهم غلا
غلا :وجع امحق خوات
ملاذ :ذي انهبلت تحسب انها الكبيره وانا الصغيره
نوضا :انا الصغيره لاكن اصحى منك
ملاذ :لاتخلينا نتضارب قدام الناس واكلي تبن
نوضا :بالله على كيفتس هو !
غلا :هيه عاد خلاص انتي وياها لا افصل عليكم انا
مها فتحت الباب :بنات شوفو حلو ولالا ؟
لفو عليها
غلا :واو يجنننن
مها :احس لو اخذ اللون الاصفر احلى
ملاذ :اي احس  خوذيه يناسبك
مها :صح
غلا :مها يجنننن لو اني مو عروس كان اخذته
مها :اجل الحمدالله انك عروس عشا مانتهاوش عليه
فتون:شرايكم احس مااعجبني ؟
ملاذ :بلعكس حلو
غلا :اللون لايق عليك وانتي محليته اصلا
فتون :زين اجل
ملاذ :يا بنت اتركي فساتين البنات الحين وقضي لنفسك مافيه وقت
غلا :طيب وش ناخذ الحين طيب
ملاذ :لملابس بنقسهما ليومين اليوم بناخذ بجايم وفساتين ناعمه و ملابس بكره عاد نتركها لبكره
غلا :طيب بس دام اخذنا بجايم وفساتين وش بقى لبكره
ملاذ :بجايم بيت
غلا :طيب بناخذ اليوم بجايم!
مها :يا حظي الملابس ذيككك
غلا:هااااا
ملاذ :وش تحسبين اجل !
غلا :ياراسي ماابي مابي  اتزوج خلاص
نوضا :على كيفتس هي
غلا :نوضا استوعبي شوي
نوضا :اذا مااشتريتيها اليوم بتشترينها بعدين وش فرقت
غلا سكتت باحراج
مها :وش بناخذ اليوم ؟
ملاذ :الحين نفس ماقلت لكم بناخذ فساتين ناعمه وبجايم واذا كفى الوقت بناخذ شوزات وكعب
غلا :وش يبقى بعد
مها :بقى عبايات وميك اب
فتون :عطور وامور كثيره
ملاذ :الحين ركزو على اشياء اليوم لازم نخلصها
ماريا :اجل وش تنتظرون واقفين
ملاذ :اي يلا تحركو
نوضا :الحين فتون ومها خلصو فساتينهم
مها :اي الحمدالله وعندي كعب توي شاريته يمشي عليه وبقى اكسسوارات بس
فتون :انا  العكس عندي اكسسوارات بس بقى لي كعب
غلا :الحين اذا لقيتو اخذو وانجزو اغراضكم
و بلفعل انطلقو يقضون اغراض غلا وهم يداهمهم شعورين الاول وهو السعاده والفرح لغلا مبسوطين بانها اول حفيده تتزوج بكل العائلتين
وكانو مبسوطين وهم يقضون اغراض غلا مع بعض وكانهم خواتها ،الشعور الثاني واللي هو الحزن بدافع الاشتياق لها ولجلستهم مع بعض وضحكهم وحشهم وطقطقتهم على العيال وسهرهم مع بعض وجلستهم بالحوش اخر الليل بالشتاء وشوي العيال لذره  والبطاطس
وهواش نوضا وجابر ومقالب مشاري فيهم ،سفرتهم مع بعض وتفحيطهم مع بعض وروحتهم للمزرعه مع بعض ولعبهم بالمزرعه وقصص جدهم فلاح وجدتهم شيخه من بعد هل شهر غلا ماراح تكون معهم بكل هذي الاشياء ،اما ملاذ اللي كانت ماهي مصدقه كلام
غلا لها ماكانت متوقعه ان جسار يخطبها  وماكانت متوقعه انه يبادلها الشعور ولا كانت حاطها في بالها هل شي صح انها فز قلبها له وصح حبته بس ماتوقعت لان كل محاولات تعرف شعوره تجاها ماكان يعطيها ردة فعل (ماتدري ان ولدي ثقيل 😂)جات افكار لملاذ
بان هل جسار اذا وافقت بيتركها تكمل جامعه او انه بيمنعها تكمل وهل انها اذا وافقت وتركها تكمل جامعها بيسمح لها تتوظفت وتمارس مهتنتها ولالا طردت كل هل الافكار من راسها وركزت على حاجتين ،الاول وهي انها ترجع البيت وتفكر بموضوعها هي وجسار وتستخير وتاخذ راحتها وتعطي غلا اجابتها ،الثانية وهي ملاحظه علاقتها هي ونوضا متوتره علاقتهم هل فتره
قررت انها تتصالح مع نوضا وانها ماتخلي اختها تبعد عنها وماتبي تعبد هي بعد عن اختها قررت اليوم يسهرون مع بعض ويتصالحون وينسون كل شي بينهم لان مهما صار يضلون خوات وهم يحبون بعض كثير بس الفتره هذي كثرانه مشاكلهم ،كملو يقضون اغراضهم نتركهم ونروح للقسم عند سالم وسعود وياسر وهذام
وقف سالم:يارجال
التفتو عليه سعود وهذام وياسر
سالم:انا حددت تاريخ موعد زواج بعد شهر من اليوم
سعود وقف :بذمتك ؟
سالم :اي والله
سعود اتجه لسالم وهو يحضنه :الف مبروك ياخوك والله يتمم لكم على خير ويرزقكم الذرية الصالحة
سالم:اللهم امين وعقبالك
سعود :اللهم امين
ياسر حضن سالم :مبروك مبروك يالامير وعساها زواجة الدهر وربي يرزقكم بالذريه الصالحه
سالم :اللهم امين ،عقبالك يارب
ياسر :ان شاء الله
هذام صافح سالم : الف مبروك منك المال ومنها العيال ربي يوفقك ويسعدك ياخوك
سالم :اللهم امين ،عقبالك طال عمرك
هذام :ان شاء الله
ياسر :حنا من المعازيم ولالا ؟
سالم:افا انتم اهل العرس واخوان المعرس كيف من المعازيم ؟
سعود :اي اشوا على بالي بتقول شي ثاني
سالم :لا انتم اهل العرس من دون مااقول اصلا
ياسر :أبشر بالحضور وانا اخوك
سالم :بشرت بالجنه بعد عمر طويل
ياسر :اللهم امين وياك
سالم ناظر لهذام :طال عمرك لايكون ماراح تجي !
هذام ابتسم :وهو فيه احد مايحضر زواج اخوه ؟
سالم ابتسم :لا والله
سعود :متى طيب اي يوم الزواج
سالم :والله اتفقنا انا وام عبدالله بس لسى ماكلمت عمي ولا كلمت سند
ياسر :ومتى ناوي تكلمهم
سالم ناظر لهذام :طال عمرك تسمح لي اطلع ساعه وارجع
هذام :ساعه بس ؟
سالم :ساعه وانا عندك
هذام :زين وان تاخرت ياسالم لا تلوم الا نفسك
سالم :ساعه وانا عندك لاتشيل هم
هذام :يلا توكل
طلع سالم متجه لبيت ال سند بيكلم جده وعمه بموضوع تحديد تاريخ الزواج
وصل لبيت جده سند وقف سيارته ونزل ،دخل البيت حصل نادين ماخذه كوب قهوتها وبتطلع لجناحها
سالم :سلام عليكم
نادين لفت عليه :وعليكم السلام
سالم :شلونك ؟
نادين :بخير الحمدالله انت شلونك؟
سالم :عسى دوم ،بخير دامك بخير
نادين :غريبه جيت مو قلت هل مره بتطول ؟
سالم :اي بس معي ساعه وبرجع للمركز جدي وين ؟
نادين :ابوي بالصاله
سالم :وعمي فارس ؟
نادين :مدري بس اتوقع بجناحه ليه ؟
سالم :عشان بكلمه بخصوص تحديد تاريخ الزواج
نادين :ايششش ؟
سالم :اللي سمعتيه
نادين :متى بيكون
سالم :بعد شهر ان شاء الله
نادين :بعد شهرر!
سالم :اي وش فيك
نادين :سالم شهر وش نسوي فيه !متى يمدي نحجز الصاله ؟ومتى نحجز الضيافه ؟والمطربه؟واشياء كثير ومتى نشتري اغراضنا !
سالم :يكفي فيه وقت ويمديكم ان شاء الله ومن ناحية الصاله انا بحجزه
نادين :والضيافه ؟والمطربه ؟
سالم :عاد هذي شغلتك انا ماعرف فيهم
نادين :ياراسي بتجيب لي جلطه انت !غلا تدري ؟
سالم :للاسف اني حطيتها قدام الامر الواقع
نادين :ياراسي وش تحلق عليه المسكينه الحين
سالم :شهر فيه الخير والبركه ان شاء الله المهم انا بروح لجدي وبالله كلمي عني فارس قولي له ينزل
نادين :اوامر ثانيه اخ سالم
سالم :سلامتك
نادين اتجهت لجناح فارس وطقت الباب فتحت ريم
ريم ؛هلا عمه
نادين :ابوك وينه ؟
ريم  :موجود
نادين :قولي له ينزل لابوي تحت
ريم :طيب
اتجهت نادين لجناح عبدالله
نادين :انتي وساره لجناحي بسرعه وبلغي حلا
طيف:وش فيه
نادين :اخوك بيجنني بسرعه تعالو
طيف :طيب
راحت نادين لجناحها وكلمت حلا تجيها اجتمعو البنات بجناح نادين ،فارس نزل تحت
الجد سند ناظر سالم :وش فيك قل اللي عندك
سالم :بقول بس خل عمي فارس يجي
الجد سند:غلا فيها شي ؟
سالم :لا لا
دخل فارس
الجد سند:هذا فارس وجاء تكلم وقل وش فيك
وقف سالم وهو يسلم على راس عمه وجلسو
فارس :عسى خير
سالم :خير خير ياعمي
الجد سند:تكلم اخلص
سالم :عمي انا تكلمت مع غلا وقررنا ان الزواج يكون بعد شهر
فارس :مشاءالله زين اجل
الجد سند:كلمتها ؟
سالم :اي ووافقت
الجد سند:متى حطيتوه
سالم :انا جايكم عشان اشوف اي يوم احطه
فارس :والله مدري حطه بالتاريخ اللي تبيه ياعمي وتكون غلا جاهزه فيه
سالم ناظر جده
الجد سند:شف غلا متى تكون جاهزه وحطه بالتاريخ اللي هي تبيه
سالم :زين على خشمي
فارس :ربي يتمم لكم على خير ياعمي
سالم :اللهم امين يارب
وقف سالم بيطلع وقال :تامرون على شي
الجد سند:وينك رايح
سالم :برجع للمركز انا جاي اقولكم وارجع
الجد سند:زين الله يوفقك
سالم :اللهم امين فمان الله
الجد سند:فمان الكريم ،الله يحفظك
فارس :فمان الكريم
طلع سالم للمركز ورجع للبحث والتتقدقيق على الملفات ووجع الراس نتركه
ونروح لبيت ال سند عند جناح نادين
حلا :عمه
نادين:هاا
حلا :ممكن اعرف سبب الاجتماع الطاري هذا ؟
نادين اشرت على طيف وساره :اخوهن
طيف :و ش فيه
نادين :المريض اخوك راح حجز موعد زواجهم بعد شهر متخيلين
ساره :ايشششش !
طيف :بعد شهررر
حلا :يستهبل !
نادين :لا والله وووش يقول تدرون
حلا :وش يقول
نادين :شهر فيه خير وبركه
ساره :هو يستهبل صح ؟
نادين :لا وراح كلم ابوي وفارس
حلا :غلا تدري
نادين :اي يقول للايف حطيتها تحت الامر الواقع
ساره:ياعمري هي
حلا :شلون بتخلص دبش وعنايه وقروشه بشهر !
نادين :مدري عنه
طيف :طيب غلا موافقه ؟
نادين :دامه كلم ابوي اكيد موافقه
طيف :خلاص طيب هي موافقه حنا مالنا دخل ماعلينا الا انتا نتجهز
نادين :متى نحجز الشوكلت والمطربه ؟!
ساره:قالك اي تاريخ
نادين :لا
ساره:سلوم وش صاير له
حلا :شكل بنت العم ماخذه عقله
طيف ضحكت :اي والله
نادين :بنات اسمعوني زين
لفو البنات عليها
نادين :من بكره بطلع اقضي اغراضي وبحجز الشوكلت والاشياء ذي اول مايبلغني سالم بتروحون معي ؟
ساره ؛اي
طيف :وانا كذالك بروح معكم
حلا :قدااااام معكم
نادين :تمام اوكي
ساره :كلمتي عمه ندى
نادين :يوه نسيتها
حلا :كلمي نور تروح معنا بكره بعد
نادين :طيب
اتصلت على ندى وبلغتها بالموضوع
ندى :طايش الولد ذا الله يهديه
نادين :اسكتي تكفين شلت هم غلا شلون بتخلص
ندى :معليه ترتب وقتها وتخلص بدري ان شاء الله
نادين :اسمعي بكره بنطلع نتقضى نور تروح معنا ؟
ندى :مدري عنها كلموها شوفوها
نادين :كلميها
ندى :دقيقه في غرفتها بناديها
نادت ندى نور وبلغتها بالموضوع
نور :يعني خاله نادين والبنات بيروحون للسوق بكره
ندى :اي ترحين معهم
نور :اي بروح معهم
ندى :خلاص يانادين مروها بتروح معكم
نادين :زين على العصر خليها تكون جاهزه
ندى :زين
نادين :يلا مع السلامه
ندى :مع السلامه
نتركهم ينامون ونروح للبنات فالمول
نوضا ناظرت غلا :دقي على اخوتس شوفي وينه فيه
غلا :دقيقه اصبري انتي بموت رجولي ترجعني
مها :يديني تقطعت من الاكياس
فتون :دقي اخلصيي
غلا :طيبب خلاص انتي وياها
دقت غلا على جسار
جسار :انتم حيين ولا ماييتين
غلا :لا عايشين ابشرك
جسار :وينكن ماخلصتو عاد
غلا :خلصنا خلصنا انت وينك ؟
جسار :بالكوفي انتم وين ؟
غلا :حنا عند بوابه ***
جسار :خلاص خلوكم عندها بطلع اخذ السياره واجيكم
غلا :طيب
طلع جسار اخذ سيارته واتجه للبوابه اللي هم موجودين فيها اتصل على غلا وطلعو ورجعو البيت وهم تعبانين من المشي وشيل الاكياس على طول نامو
ماعاد ملاذ اللي راحت لنوضا باشوكلاتات اللي اشترتهم لما كانو بالمول
طقت باب غرفتها
نوضا :مييين ؟
ملاذ :انا فاضيه ؟
نوضا :شتبين
ملاذ :ادخل ؟
نوضا :ادخلي
دخلت ملاذ وجلست عند نوضا وحطت الشكولاتات اللي تحبهم نوضا قدامها وهي تدري ان الشكولاتا نقطة ضعف نوضا وماتتحمل انها ماتاكلهم
نوضا :وش تبين
ملاذ :نوضا انا اعتذر عن اللي صار اليوم
نوضا :اعتذارك مقبول فيه شي ثاني
ملاذ :اي
نوضا :وش
ملاذ :ماودك تعتذرين عن اللي سويتيه !
نوضا :سوررري  خلاص
ملاذ ضحكت :اي خلاص بس مافيه شي بخاطرك علي ؟
نوضا :لا وانتي ؟
ملاذ حضنتها :شلون يكون بخاطري شي على اختي الصغيره
نوضا حضنتها :وانتي جايه وجبتي معك نقاط ضعفي عشان تستخدمينهم ضدي
ملاذ :اي بس جبتهم بعد عشان نسهر عليهم اذا ماعندك شي بكره
نوضا :يا للاسف ان بكره ماعندي شي وفاضيه ونقدر نسهر
ملاذ :حلو اجل تبين نسولف ولا نتابع فلم ؟
نوضا :اقول نتابع فلم احلى وش رايك ؟
ملاذ :دام خاطرك نتابع فلم نتابع ليه لا كم نوضا عندي انا
نوضا :عندك وحده بس وحافظي عليها
ملاذ ضحكت :ابشري
نوضا ضربتها بخفه على كتفها :ياخي والله اني احبك
ملاذ :ادري وانا بعد احبك
كملو سهرتهم نوضا وملاذ وبعد ماصلو الفجر راحت ملاذ غرفتها وصلت صلاة الاستخاره ونامت ،صحو من بكره عايله ال سند اتجهو للسوق يتجهزون
ويقضون اغراضهم وكذالك طلعو بنات ال فلاح للسوق يكملون باقي اغراضهم
بعد ماقضو وخلصو بعض الاشياء رجعو للبيت ،في جناح معالي بغرفة غلا تحديد اول مارجعو من السوق دخلت تتروش طلعت وابتدات تجفف شعرها
لفت على صوت اتصال جوالها اخذت جوالها ناظرت للاسم كان سالم ردت
غلا :لبيه ياروحي
سالم :لبى قلبك شلونك ياسيد العذارى؟
غلا :بخير دامك بخير ،انت شلونك ياروحي ؟
سالم :عسى دوم ،بخير دامك بخير
غلا :وينك ؟
سالم :بالمركز وانتي ؟
غلا :اهخ تونا رجعنا من السوق واخذت لي شور على السريع واتصلت
سالم :نعيمًا ياقلبي
كانت هذي اول مره سالم يقول فيها  لغلا (ياقلبي )تلخبطت غلا وماتدري وش تقول واستحت وقالت
غلا بابتسامه:الله ينعم عليك ياعيوني
سالم :متى بتنامين ؟
غلا :شويات كذا
سالم وهو يتثاوب :نوم العوافي ياعين ابوي
غلا :انت لا يكون مانمت !
سالم :وهر فيه وقت عشان انام ؟
غلا :مايصير كذا ياروحي تتعب نفسك حاول تنام
سالم :ابشري من عيوني
غلا :ربي لايحرمني منهم
سالم :شفتي خليتيني انسى انا ليه داق
غلا بخجل :داق عشانك اشتقت لي ولا ؟
سالم :اي والله مشتاق لك بالحيل دقيت اسمع صوتك ودقيت بخصوص موعد الزواج
غلا :وش فيه؟
سالم :اليوم شفت بعض الصالات اغلبهم تاريخ 2/15 يناسبك
غلا :يعني كم باقي له يوم من الحين
سالم :بقى له 27يوم بالضبط يكفيك ؟
غلا :اتوقع اي يكفي
سالم :زين اجل بكلمهم اليوم واكد الحجز لليله العمر
غلا بحياء :زين
سالم :عسى ربي يجمعنا على خير ياعين ابوي
غلا :اللهم امين ياقلبي انت
سالم :تامرين على شي يام عبدالله ؟
غلا :سلامتك ياعيون ام عبدالله انت ،توصي على شي
سالم :انتبهي لنفسك لين يوم لقنا
غلا :ابشر ياروحي
سالم :يلا فمان الله
غلا :فمان الكريم ،استودعتك الله ياروحي
قفل الخط سالم وكان يحس براحه ووناسه من سمع صوتها ومن اكدو موعد لليلة زفافهم ،غلا اللي بعد مكالمته حست بفرط سعاده ووحُب وتوتر وجميع مشاعرها مختلطه لبست بجامتها وجففت شعرها ،رتبت بعض الاغراض بالنشنط ورجعت تنام قامتت من الصبح رراخت تكمل باقي الاغراض هي ونادين وحلا وطيف رساره ونور
نادين :معليش خليتوني اطلع بدون ماافطر الحين فطروني ولا والله لافصل عليكم
غلا :خلاص بفطرك على حسابي بعد وش تبين
نادين :كفو بس بسرعه بموت من جوعي
حلا :عمه اعوذ بالله منك اذا جعتي !
نادين :بطني يوجعني من الجوعع مقدر استوعب اي شي وانا جوعانه
نور :المشكله انها تاكل ولاتسمن !
نادين :يا حيوانه اذكري ربك
نور :مشاءالله بس كيف كذا
نادين :من ربي عاد وش اسوي يعني
ساره:اي والله ملاحظه عليها تاكل وماتسمن مشاءالله عليك ياعمه
نادين :الله يحفظني بس الحين بتفطروني ولا افطر عليكم ؟
غلا :ياربي ياربي منك بتفطرين بس اصبري اعوذ بالله
راحو يفطرون عشان يسكتون نادين وبعدها طلعو يكملون باقي اغراضهم
خلصو البنات فساتينهم راغراضهم وغلا كذالك خلصت فستانها واغراضها
بس بقى لهم الارواب اللي بيلبسونهم مع بعض عشان حفل توديع العزوبيه حق غلا وهم جالسين يتتاقشون عن الالوان
غلا :انا بكون لابسه الابيض وانتم وصديقاتي تبون وردي ولا بيج ؟
نادين :احس وردي احلى
ساره :لا احس بيج احلى
غلا :بنسوي قرعه وبسال صديقاتي
حلا :الجوهره وملاك بيجون ؟
غلا :اي اكيد شلون مايجون
حلا :بلغتيهم
غلا :تصدقين قلت لعذاري ونسيت اقولهم من الحوسه
طيف :بلغيهم مابقى غير اسبوعين خليهم يالحقون يشترون اغراضهم
غلا :ذكرتوني
راحت تكتب للبنات بالقروب وباركو لها وقالو انهم بيجون واختارو الوردي
غلا :ملاك وعذاري والجوهره قالو يبون وردي وانتم
ساره:انا اقول بيج
حلا :حتى انا
غلا :نور نادين طيف اي لون
نادين :وردي
نور :وردي
طيف :وردي
غلا :خلاص حسم الامر وردي وكذالك بنات خوالي يبون وردي
ساره:ياخي والله البيج احلى
نادين :البيج بالتصوير يبان ابيض مايصلح
ساره:خلاص اجل وردي
غلا :تم حلوين كذا
نور :الحين انتم خلصتو ولالا
البنات :اي خلصنا
غلا :باقي لي اشياء قليله
حلا :هيه حجزتو بالصالون ولالا ؟
غلا :يوه ياراسي نسيتنتت وانا اقول وش ناسيه
نادين:شاطره نسيتي اهم شي !
غلا :بصيح نسيت نسيت
طيف :طيب عادي معليك باقي وقت يمديك
ساره :اليوم لازم نحجز لان خلاص ماعاد بقى شي
غلا :اي اليوم لازم احجز
حلا :بس حنا كثار كيف
غلا :مالنا الا نحجز 2ميك اب ارتست و3هير ستايل لان مشاءالله عايلتين من غير حريم خوالي و حريم عمامي ومن غير عمه وحنا لا اله الا الله
حلا :بيربحون معليك
غلا :كم نجيب ميك اب ارتست
طيف :احس 2يكفون ولا؟
نادين :احس نعكس الميك اب يكونون 3والهير ستايل 2
غلا :اي حسيت كذا
ساره:اي صح لان ماراح يمدي يخلصونا كلنا
حلا :مشاءالله علينا الله يحفظنا
غلا :اجل انا بكلم اللي سوت لي بالملكه وبشوف وحده ثانيه ونادين كلمي ذيك اللي مدحتيها
نادين :تمام
غلا :حلا وطيف شوفو هير ستايل
حلا :طيب
طيف :من عيوني
غلا :كذا نكون خلصنا ؟
نادين :اي تقريبا
غلا :تحسون نخليهم يجون القاعه ولا يجون للبيت ولا نروح لهم
نادين ؛حقتك خليها تجي الصاله حنا عادي لو يجون البيت او نروح لهم اهم شي انتي لازم تجيك بدري على العصر كذا
غلا :تمام بكلمها واشوف
حلا :احس تجي للبيت احلى
نادين :معليك بكلم حقتي تجينا للبيت
غلا :خلاص بكلم بنات خوالي وبشوف وين يبون تجيهم
انتهت تجهيزاتهم وماعاد بقى لهم شي ماراح انزل بارت الثلاثاء بينزل الخميس بتاريخ 2/15بيكون زواج غلا وسالم وباذن الله بيكون بارت يجننن وطويل وبتستمتعون فيه باذن الله احبكم كثيررر علموني رايكم بالبارت هذا ووصلوه 90نجمه 🤍🤍