ليته ماسمعني يوم قلت (يحق لك مايحق لغيرك ياعزوتي)

بارت 19

هلا حبايب قلبي اللبارت هذا ان شاء الله بقدر اخليه طويل والله يعيني على سفري هذا بيكون اخر بارت انزله لان تعرفون الحين اوقات العشر الاواخر وكذا وقلت ادلعكم نزلت لكم بارتين وهذا الثالث كلهم وراء بعض صدق شي يتعب وانا ادور افكار وانا اكتب ابي احسسكم انكم عايشين معهم ابيكم تتخيلونهم صدق وحتى انتم اتركو كل شي وتقربو من ربي اكثر واكثر ادعو لنفسكم وادعو لي معكم واحبكم وان شاءالله بارت ٢٠بينزل صبح العيد يكون عيديه مني لكم واحبكم قد الدنيا وبدعي لكم كثير اموت عليكم
بارت ١٩
في بيت صقر وعذاري الصباح صحى صقر كان بيرجع لبيتهم ياخذ له اغراض وملابس بس تفاجاء بانهم جايبين اغراضه كلها من رساله غلا الي كتبتها له فتح باب الغرفه على عذاري وهي نايمه توجه للحمام تكرمون ودخل ياخذ له شاور طلع من الحمام تكرمون كان لاف منشفنه على خصره والمنشفه الثاني يجفف شعره فيها صحت عذاري
واستحت من منظره
صقر.صباح الخير
عذاري :صباح النور
صقر:صحيتك
عذاري وهي توقف:لا
صقر:معليش
عذاري وهي تطلع :لا عادي اخذ راحتك انا بطلع
صقر:تمام
طلعت هذاري وهي تنتظره برا بعد مالبس صقر طلع لها
واول مافتح الباب قامت عذاري وهي تمر من جنبه وتدخل الغرفة ناظر فيها وقال
صقر:وين رايحه
عذاري :ببدل
صقر :تمام انتظرك بدلي وتعالي
عذاري توترت:طيب
دخلت عذاري بدلت وتعطرت وطلعت وجلست على الكنبه المقابله له صقر قفل جواله وناظر فيها وشبك يدينه ببعض
صقر:عذاري انا بتكلم معك بوضوح من البدايه وابيك تسمعني زين
عذاري :طيب
صقر:اول شي ماابي ابن امه يدري ان زواجنا على ورق وثاني شي اي شي يصير بيني وبينك مايطلع لااحد
عذاري :هذي لاتوصي حريص
صقر:ثالث شي اي حاجه تضايقك اوانا ضايقتك بشي تعالي قولي قولي ياصقر تراك ضايقتني بالحاجه هذي لاتسكتين
عذاري :ان شاءالله
صقر:رابع شي بنتصرف قدام اهلنا كاننا متزوجين وفي بيتنا كل واحد ونفسه
عذاري :ابشر
صقر:بشرتي بالجنه وخامس شي والاهم
عذاري :الي هو
صقر:عذاري انا ماراح اجبرك على اي شي ابدا
عذاري :كيف يعني
صقر:يعني الشي الي في بالي وبالك ماراح يتم الا برضاك ولاراح اجبرك على شي نهائي بالنهايه هذا قررارك وانتي حره فيه
عذاري ناظرت فيه وسكتت
صقر:الحين تجهزي
عذاري :ليه
صقر:بنروح نفطر براء وبعدها بنروح لاهلي
عذاري :وخالتي
صقر:تبين تروحين اول شي لخالتك ولااهلي
عذاري :انت وين ودك
صقر:انتي تبين نمر خالتي اول شي نمره لعيونك
عذاري استحت:لا خلاص نروح اول شي لعمتي
صقر:ولاتدرين او شي على قولتك نمر خالتي وبعدها اهلي وبعدها نطلع نقضي لجناحنا
عذاري :طيب
طلعو صقر وعذاري متجهين لبيت ام ملاك بعد ماخلصو طلعو لبيت ال فلاح وقف صقر قدام باب البيت ونزلو دخلو الحوش ناظر صقر عذاري وقال
صقر:جاهزه
عذاري :اي
مشوا وقبل لايدخلون للصاله صقر صدم عذاري لما مسك يدها ناظرت عذاري في يده وناطرت فيه كان يناظرها
صقر:وش فيك
عذاري :مافيني شي
صقر:مو قلنا لازم نكون متزوجين قدامهم
عذاري :اي
صقر:اجل يلا دخلنا
دخلو ورفع يده يسلم عليهم وقال
صقر:سلام عليكم
الجميع :وعليكم السلام
الجد فلاح:يالله حي العريس
صقروهو يبوس راسه:الله يحيك ويبقيك
معالي :هلا بعيالي هلا
صقر:هلابك
عذاري :هلا بك
الجده شيخه :هلا بمعرسنا وعروستنا هلا
صقر:هلابك ياجده
عذاري:هلابك ياخاله
الجده شيخه:الحين انتي من بناتنا لاتقولين خاله قولي ياجده
عذاري ابتسمت :ابشري ياجده
بعد ماخلصو سوالف وعم الهدوء المجلس وقف صقر ووقفت معه عذاري
غلا :وين
مشاري :شكل المعرس مستعجل
صقر:مشاري خلك رجال واعقل
مشاري :وانا وش
صقر:ترا الفنجال بيوسم بنص جبهتك
مشاري :ياعمري والله المستعجل
صقر:يلعن ام النيه
معالي :وين بتروح يمه
صقر:بنطلع الجناح نشوف وش ناقصه عشان بنطلع نقضي
معالي :زين يمه الله يوفقكم
طلعو عذاري وصقر للجناح وشافو النواقص وطلعو يكملونها وبعد صلاة العشاء البنات ارسلو لغلا تجي
حلا:غلا
غلا :هلا
حلا:تعالي مجتمعين
غلا:بشوف
حلا:ياخي تعالي اشتقت لك
غلا:امس قدام وجهك امداك تشتاقين
حلا:اي المهم تعالي
غلا:خلاص بشوف احد يجيبني
حلا :ننتظرك
غلا راحت تشوف دحوم وعزوز موجودين ولالا بس ماكانو موجودين ومشاري وجابر كذالك اتصلت على جسار
جسار:سمي يالغاليه
غلا:سم للله عدوك ياروحي وينك
جسار:والله بالقسم
غلا:متى تخلص
جسار:على الساعه١٠ونص كذا ليه
غلا:لا بس كنت ابيك توديني لبيت ابوي سند
جسار:كلمي دحوم ولاعزوز
غلا :مو موجودين
جسار:مشاري
غلا :موموجود لاهو ولا جابر
جسار:خلاص انتظري اخلص واجيك
غلا :طيب
عند بيت ال سند كانو مجتمعين البنات بس نادين كانت عند سالم تغير جرحه كان سالم يدورها بعيونه له كم يوم ماشافها معقوله للحين ماجت
نادين:عيونك لاتنقز من مكانه
سالم:ايش
نادين :اقول الي تدورها عيونك مو موجوده
سالم:ماادور احد
نادين:عيونك فاضحتك ترا
سالم وهو يعقد حواجبه :وش تقصدين
نادين:اقصد غلا ماهي موجوده
سالم :ومن قال ادورها
نادين :عيونك
سالم:الحمدوالشكر الله على  اي اساس قلتي عيوني تدورها
نادين :مو انا اقوله وعيونك وقلبك يقولونه
سالم :اقول اهجدي لايسمعك احد ويفكر غلط
نادين:لاتلعب على نفسك ولاتعلب علي ادري انك تحبها
سالم بحده:وش حبه مهبوله انتي
نادين :اجل تصرفاتك وش تدل عليه
سالم:تصرفات ايش بعد
نادين :القصايد والعيون والابتسامه لاشفتها وانت يالله نشوف ابتسامتك ولا النظرات وش اخلي وش اقول والوقفه على الدريشه وهي ترقص
انصدم سالم لها قالت كذا
نادين :بسم الله الرحمن الرحيم عيونك لاتنقز
سالم ناظر فيها وسكت بنفسه :لهدرجه واضح
نادين :سالم لاتلعب على نفسك تراك تحبها
سالم :باين
نادين :وش
سالم وهو يحك راسه :اني ادورها
نادين :مرههه
سالم:طيب وينها
نادين:في بيتهم بتجي شوي
سالم ابتسم بخفه :صدق والله
نادين:مشاءالله على الابستامه اي بتجي كلمتها حلا
سكت سالم
نادين:المهم هذا جرحك ونظفته تبي شي ثاني
سالم:سلامتك
نادين:اسمع
سالم:هم
نادين:لاتخاف بحاول اخليك تشوفها
سالم:اهجدي اهجدي بس
نادين وهي تقرب لاذنه:ليه ماتبي تكحل عيونك
سالم:بحكل عيوني بس وهي على ذمتي
نادين:مشاءالله متى ان شاء الله
سالم:قريب
نادين:يلا اجل انابروح اذا بغيت شي كلمني
سالم:طيب
طلعت نادين اتجهت للبنات خلونا نروح لبيت ال فلاح
عند غلا الي كانت تكلم الببنات
غلا :ياخي احس ودي نسوي شي لعذاري
الجوهره:اي والله
ملاك:بس وش نسوي
غلا:لو نسوي لها حفله بسيطة بكوفي نروح كلنا حنا والبنات ونسوي لها شي
ملاك:قدام بس متى
غلا :اليوم مااقدر لان بروح لبيت ابوي
الجوهره:حتى انا اليوم مقدر
ملاك:خلاص اتفقو وعلموني
غلا :رمضان بعد بكره انتم بكره فاضين
ملاك:انا بكره اي
الجوهره :اي
غلا :خلاص اجل الحين اكلم بنات خوالي قبل اروح واذا رحت كلمت بنات عماني
ملاك:تمام
الجوهره:نتظرك
غلا :تمام
ملاك:يلا اجل تبون شي
غلا والجوهره:سلامتك
قفلو البنات ونزلت غلا تكلم البنات
غلا :بنات
ملاذ :عيوني
ماريا:هلا
ريوف:عيوني
فتون:لبيه
مها:هلا
نوضا:هلا
غلا:اتفقت مع صديقاتي بنسوي حفله بسيطه لعذاري لان زواجهم جاء بسرعه تروحون معي
ريوف:متى
غلا :بكره
ملاذ :تمام
نوضا:تمام
ريوف:بشوف بابا
فتون :حتى انا
مها وماريا:تمام
غلا :زين
رن جوال غلا كان جسار
غلا :لبيه
جسار:لبى قلبك ياروحي وينك
غلا :بالبيت
جسار:تمام يلا تجهزي
غلا :يلا
راحت غلا تجهز وتستنى جسار وصل جسار ونزل دخل البيت ومر المطبخ شاف بنت لالفه وشكلها ياخذ العقل كانت لابسه بجامه ورديه وهي تعشق اللون الوردي تنحنح
لفت ملاذ ووقفت وراء الباب
جسار:امي وين
ملاذابتسمت :عميمه براء
جسار:وش عندك هنا
ملاذ:اسوي قهوه تبي
جسار:اي والله ابي بس بطلع اتروش وانزل
ملاذ:تمام على مابال تتروش اكون خلصت القهوه والحلا
جسار:غلا وين
ملاذ :طلعت فوق تتجهز
جسار:زين تبين شي
ملاذ :سلامتك انت تبي شي
جسار:ابي سلامتك
طلع جسار لجناحه تروش وطلع يلبس ثوبه ويدهن عنقه ويده بدهن العود حقه سمع صوت الباب يطق اتجه له كانت ملاذ معها بخور بدلت لبست ثوب وحطت الطرحه على راسه واخذت البخور وطلعت لجسار
ملاذ ابستمت لما فتح الباب :كنت ابخر البيت تحت وقلت اجيبه لك تتبخر بعد الشور
جسار ناظر فيها وفي جمالها ورقتها اخذ منها :تسلمين ماقصرتي
ملاذ :ترا القهوه خلصت
جسار:زين بنزل الحين
ملاذ :تمام
ونزلت تحس قلبها يرجف ماتدري ليه سوت كذا جسار الي جلس يفكر فيها وش هي من جمال واناقه وذوق حط شماغه على راسه وتعطر وتبخر ونزل تحت كانو الموجودين
ملاذ وغلا ومشاري وذياب ومعالي والجده شيخه والجد فلاح
دخل جسار:سلام عليكم
الجميع :وعليكم السلام
ذياب :يالله حيه الفريق
جسار:الله يحيك
ذياب :تعال اجلس جنبي
اتجه جسار يجلس جنبه وهو يناظر فيها
ذياب :شلونك ياخالي
جسار:بخير عساك بخير انت وشلونك
ذياب :الحمدالله بخير وشلون شغلك ان شاء الله زين
جسار:اي الحمدالله
ذياب :عسى دوم
جسار:تدوم ايامك
ذياب ناظر مشاري :قم صب للفريق قهوه
مشاري :ابشر
قام مشاري صب قهوه لجسار ولبوه وعمته وقف عند غلا
غلا :ماابي
مشاري :ليه
غلا :مااحبها
ذياب :واحد مايحب المهيله
غلا:انا
معالي :ماتشرب المهيله بس تشرب قهوتها
ذياب :لايكون هذيك السوداء
غلا :اي وش دراك خالي
ذياب :يوه المره وش لتس فيها
غلا :تهبل
ذياب :ماغير يتجغمها متعب
غلا :يفهم
ذياب ناظر ملاذ :اقطعي من الحلا لجسار
ملاذ:ابشر
قامت ملاذ وهي تقطع من الحلا وتحطه قدام جسار
جسار:سلمتي
ملاذ :الله يسلمك
غلا الي تشوف نظرات جسار على ملاذ ونظرات ملاذ لجسار
غلا :ذقه وعطنا رايك
جسار اخذ الحلا وهو يذوقه
غلا :وش رايك
جسار:مشاءالله لذيذ من مسويه
غلا :الحب ملاذي
جسار ناظر فيها :مشاءالله تسلم يدينك لذيذ
ملاذ :بالعافيه
جسار:الله يعافيك
بعد ماتقهوو وخلصو طلعو جسار وغلا متوجهين لبيت ال سند ووقفو عند الباب نزلو وقف جسار يفتح الباب لغلا
عناد (صديق سالم وجسار من الطفوله ودايم السمرات تكون عنده واليوم عنده سمره ومن زمان ماشاف جسار وسالم وقال)
عناد:جسارر
لف جسار عليه وناظر غلا :ادخلي
دخلت غلا وراح يسلم عليه جسار:ارحب
عناد:البقى وينك ياولد لاحس ولاخبر لا انت ولاسالم
جسار:ابد والله مشغولين امر
عناد:شلون سالم الحين
جسار:هذا انا جاي اشوفه وهو بخير ابشرك
عناد :زين اجل اسمع
جسار:هلا
عناد:اليوم العيال عندي بيسمرون تعال انت وسالم
جسار:بشوف
عناد :اقول تراي مشتاق لكم بالحيل تعالو
جسار:ابشر على خشمي
عناد:يلا اجل ماابي اشغلك تامر على شي
جسار:سلامتك
عناد :فمان الله
جسار:فمان الكريم
دخل جسار البيت وسمع نقاش بين سالم والجده ساره
سالم:يايمه الله يخليك لي والله مافيني شي
الجده ساره:ياامي ارجع والله لازعل عليك
سالم:يمه تكفين انكتمت من الغرفه بموت بطلع شوي وارجع
الجده ساره:لا ياامي اعرفك ان رحت ماعاد بتجي
سالم :والله لاجي والله
دخل جسار الي يعرف قد ايش جدته تحب سالم بالحيل وتخاف عليه
جسار:سلام عليكم
الجده ساره:وعلكيم السلام
سالم :وعليكم السلام
جسار:وش فيكم
الجده ساره:ولد عمك بيطلع وهو ماتعافى
جسار غمز لسالم :افا ياذا العلم
الجده ساره :علمه
جسار وهو يتجه لسالم ويمسك كتفه:غلط كذا لازم تتعافى
سالم مصدوم من جسار :ياولد مافيني الا العافيه
جسار بهمس لسالم لان جدته السمع عندها ضعيف :اقعد بالغرفه شويات واجي اطلعك
سالم :ايش
جسار:مو تبي تطلع
سالم :الا
جسار:خلاص ادخل الحين واجيك وترا عناد عازمنا عنده سمره اليوم
دخل سالم الغرفه ولف جسار لجدته
جسار:جده
الجده ساره:ها
جسار:هذا سالم ودخلناه الغرفه تعالي بشوفك واسولف معك لي كم يوم ماشفتك
الجده ساره:انه بيطلع لارحت
جسار:مهو طالع على مسسوليتي
طلعو للصاله جلسو فيها يسولفون وبعد نص ساعه وصل لجسار اتصال قام رد عليه وبعده رجع لجدته كانت جالسه معهم نادين
الجده ساره :نادين قومي شوفي سالم
جسار: اقعدي نادين انا بطلع وبمر عليه توصون شي
الجده ساره:سلامتك
نادين :سلامتك
راح جسار لسالم ودخل عليه
جسار :انا بروح لعناد بقعد عنده شوي وبمشي تروح معي
سالم الي خلاص طفش من جلست البيت :اذا ماراح اثقل عليك بروح معك
جسار انبسط :ياهلا ومسهلا ان ماشالتك السياره تشيلك عيوني بس اسمع
سالم :وشو
جسار :جده قاعده بالصاله الي تطل على الحوش صعب نطلع من هنا
سالم :وش السواه
جسار :انا بطلع وبجيب السياره مع الباب الي وراء انت لاتطلع من الغرفه
سالم :طيب
راح جسار فتح الباب الي وراء ورجع طلع من قدام اخذ سيارته ووقف عند الباب الي وراء ونزل متجه لسالم وهو شبه متخفي عشان جدته ماتشوفه ودخل على سالم
جسار:قم بسرعه قبل تجي جدتي
سالم :دقيقه بحط المخده واغطيها
حطو المخده وغطوها على اساس سالم نايم وطفو اللمبات وشغلو المكيف وطلعو جسار يمشي قدام سالم وراه
غلا كانت نازله تشوف نادين وين وهي تتفرج بجوالها الا تشوف اثنين ضخمين قدامها
غلا بشبه صراخ :يمههه
جسار اتجه لها بسرعه وسكر فمها :اششش انا جسار
الجده ساره:وش فيتس
جسار بهمس :قولي شفت صرصور بسرعه قولي  اي شي
غلا :مافيني شي بس صرصورر
الجده ساره:سمي سمي يمه
غلا :ابشري
جسار بهمس :ليه الصراخ
غلا ناظرت فيهم : شدراني طلعتو قدامي فجاءه 
جسار:اسمعي لاتعلمين احد
غلا :وين رايحين
جسار:لعناد
غلا وهي تتخصر وتناظر سالم :وانتي وين رايح
جسار:بيروح معي
غلا :يمه وش قالت قالت مافيه طلعه ارجع الغرفه
جسار:وانتي بتحشرينه مع جدتك بعد
غلا :اي
جسار:شوفي وجهه حرام طفش من الغرفه
جسار ياشر لسالم يسوي وجهه حزين اما سالم الي كان مركز على اهدافه له مده ماشافها
غلا :اذا تعافى يطلع يروح وين مايبي الحين يرجع الغرفه
جسار بشبه عصبيه:غلا
غلا خافت :هااا
جسار:وخري خلينا نطلع
غلا :بشرط
جسار:وشهو
غلا :وانتم راجعين جيبو لي قهوه
سالم :بدال القهوه قهوتين بس خليني اطلع انكتمت من البيت
غلا :تمممم واذا نسيتو القهوه ترا بعلم يمه عليكم
جسار:تم بس لاتقولين لحد
غلا وهي تاشر على عيونها ومبسوطه بتحسن علاقتهم :من ذي قبل ذي
طلعو جسار وسالم بالسياره جسار الي مبسوط بسالم
جسار:يالله حي ابو عبدالله
سالم :الله يحيك
جسار:اخبارك
سالم :بخير عساك بخير
جسار:نحمد الله ودامك بخير انا بخير
سالم:عسى دوم
جسار:شلون جرحك الحين
سالم :والله ماعليه
جسار:عسى مايوجعك
سالم :لا
جسار:زين زين
خلونا نروح شوي عند صقر وعذاري في السوق
صقر وهو شايل الاكياس :بقى شي
عذاري :غراض البيت تقريبا خلصنها بس بقى اغراض المطبخ اكل ومااكل
صقر:هذي مو الحين توك عروس
عذاري :بس رمضان بعد بكره
صقر :اي  عادي نفطر عن اهلي
عذاري :بنقعدي كل يوم نفطر عندهم
صقر:اي
عذاري :مايصير نروح لهم بدون ماناخذ معنا شي
صقر:نشتري اطباق من براء
عذاري :طيب خلنا ناخذ شويت اغراض
صقر:مصره
عذاري ابتسمت :اي
صقر:ابشري
راحو يقضون اغراض للمطبخ وطلعو بعدها في السياره
صقر:وين تبين نتعشاء
عذاري:مدري بكيفك
صقر:في مطعم معين تبينه
عذاري :لا
صقر:اجل هنا فيه مطعم اكلهم يهبل نتعشى فيه وبعدها نروح البيت
عذاري :تمام
اتجهو للمطعم ودخلو وطلبو
صقر:عذاري
عذاري:لبيه
صقر:عرفيني عن نفسك
عذاري :كيف يعني
صقر:يعني وش تحبين ووش ماتحبين لونك المفضل وش وكم عمرك متى يوم ميلادك ومن هل الامور يعني
عذاري :اها لوني الي احبه مره بنفسجي عمري ١٧ بعد ثلاث اشهر ميلادي احب الدباديب والقطط بس اخاف منها
صقر:ليه
عذاري :مدري عندي زي الفوبيا منها
صقر:اي كملي
عذاري :الشي الي مااحبه الي هو يكون شخص قاعده معه واتكلم معها وكذا ويتجاهلني او يعاملني كاني ماني موجوده وبعد الصوت العالي ابداا مااحبه مره تقريبا هذي الاشياء المهمه انت كلمني عن نفسك شوي
صقر :عمري ٢٧محمامي احب اللون الازرق كثير عندي حساسيه من الحليب ومااحب احد يتدخل بخصوصياتي او ملفاتي واهم شي عندي امي واختي والحين انتي لو يجيكم شي احرقت الدنيا بالي فيها اقرب اخواني لي جسار ومن البنات غلا تقدرين تقولين احب كل شي بس الي قلت لك عليهم مااحب احد يتدخل فيهم وكل شي الا امي ياعذاري حطيها بعيونك واعتبرها امك ولاتزعلينها اذا زعليتها تراك تزعليني انا بعد
عذاري :خالتي احبها حتى من قبل اعرفك ياصقر لاتوصيني بهل موضوع لان لو يصير الي يصير مايهون علي زعلها
صقر:ادري ياعذاري والله
عذاري :لاتشيل هم انا مااعض اليد الي انمدت لي
صقر:ادري  بس لاتفهميني غلط
عذاري :بالعكس ماقلت شي توصيني على خالتي مافيها شي
صقر:زين
وصل الاكل وجلسو ياكلون وبعدها طلعو للبيت يرتبون الاغراض واتصلت غلا على صقر
صقر:سمي ياروحي
غلا :سم الله عدوك وينك ياحبيبي
صقر:بالبيت امري
غلا :مايامر عليك عدو فاضي
صقر:اي
غلا :عذاري عندك ؟
صقر:اي ليه
غلا:طيب بكلمك اطلع
صقر:دقيقه خليك معي
قام صقر دخل الغرفه :هلا
غلا :صقوري اسمعني زين وقل تم
صقر:اسمعك وتم
غلا :حنا مسوين لعذاري حفله بسيطه عشان تزوجتو كذا فجاءه ونبي بكره تجيبها لنا بالكوفي على اساس انكم طالعين عرفت
صقر:طيب على الساعه كم ووين
غلا:بكره بعد المغرب بكوفي .....
صقر:خلاص طيب
غلا :يلا مع السلامه ياعريس ومعليش اتصلت بذا الوقت
صقر ضحك:مع السلامه تحت امرك حنا
قفلت غلا وجلست تعلم البنات
غلا :ها مين بتروح معي
حلا :انا تم
ديم :وانا بعد
ضي :انا ماابي اروح معكم مالي خلق
حلا:ورع من قال اساس انك بتروح
ضي :مالك دخل
ساره:انا بروح
طيف:حتى انا
ريم : بروح
نادين :انا بروح
غلا :حلو بس بقى نور تالا وانتي
تالا :انا بقعد مع ضي
غلا :تمام يعني الحين ملاذ ونوضا ومها وماريا وحلا وطيف وريم ونادين وساره وديم
نادين:الحين وش السياره الي بتشيلكم
ساره:كل وحده تروح مع اخوها
طيف :وحنا من يودينا
غلا :انا بشوف مين يوديني بكره واذا فيه مكان مريتكم لان بعد ريوف وفتون بيشوفون خالي
ساره:تمام
عند سمره عناد الي وصلو سالم وجسار لهم وقعدو يسولفون
عناد :اقول ابو عبدالله سمعنا شي
سالم :وش تبون
جسار :غزل
سالم :تم يقول
طاغي الجمال الي لفت انتباهي
سبحان ربي كيف ربي مسويه
لامرني وقفت معجب وفاهي
اصد لكن غصب ارد النظر فيه
يمشي على هونه ميول وتباهي
جذاب فيه من الحلا مايكفيه
اضن لامنه اخذ كوب شاهي
بدون سكر ريقه الى محليه
جسار:الله
عناد :صح لسانك
سالم:صح بدنك
حمود :ماتبون ندق عود
عناد :الا والله نبي ونبي الشيوخ الي نورونا اليوم يشيلون الليله
جسار ناظر سالم:وش رايك
سالم :وش رايك انت
جسار:اقول الي انت تقوله
عناد:نبي شيله اغنيه اي شي يوسع صدورنا
حمود :اجل انا ببدا ادق العود وانتم غنو
ابتدا حمود يدق العود وابتدا سالم يغني ويقول
سالم :البارحه يوم كلن نام
جسار:مالجلج النوم بعيوني
سالم : حبه بنى بالضمير خيام
جسار: خلوا عشيري وخلوني
سالم وكمل : ابتبعه وفالسلام ختام
لو المخاليق يدروني
حبه بنى بالضمير خيام
عناد :الله عليك ياشيخ
حمود :يالبيه ياالحناجر الذهبيه صح لسانكم
جسار:صح بدنك
سالم :صح بدنك
عناد:معليش نبي شي يصلح لجلستنا هذي نبي شيله
سالم :ابشر حمود جهز عودك
حمود:ابشر به
ابتدا حمود يجهز عوده وبدا سالم وهو يقول
سالم: لو كان عندي فالغزل مايطرب اذان العرب
لعيون غيدٍ فاتني عمري وهي مافاتها
غيدٍ تهنفلها تهنفل جادلٍ تزهى الذهب
انتزين الارض ان مشت فيها على زيناتها
ياويل حالي كل ماقالو يابو عشق تحب
اتزوع روحي زوع روحٍ جاتها سكراتها
ابتدو الشباب يردون وراء سالم ويصفقون وتغير مود سالم
وكمل وهو يقول
ارجع على الموضوع الاول واسهب بحالي سهب
جات القصيده تدحم وانا بصف ابياتها
شاعر واحب الطيب والجزله كذا بلا سبب
واقدر اللي فالمواقف ماانثنت هقواتها
بيني وبينه سالفه مبطي وجت حزاتها
عناد قام وهو يبوس راس سالم :الله يسعدك ياشيخ
سالم:وياك
حمود:ياخي كل يوم تعالو
سالم:ابشرو
خلونا نرجع شوي عند عذاري وصقر رجعو البيت ورتبت عذاري الاغراض وراحت تلبس بجامتها ولاحظت ان صقر رقبته توجعه من نومة الكنب وقالت
عذاري :صقر
صقر:لبيه
عذاري ابتسمت :رح نام اليوم بالغرفه وانا بنام هنا
صقرناظر فيها:روحي نامي بس
عذاري :ليه ترا عادي يوم انت ويوم انا
صقر:عذاري الوقت تاخر وانا قايم من بدري روحي نامي
جلست عذاري :صقر واضح ان النومه هنا موجعتك رح نام بالغرفه اليوم
صقر:ياعذاري ياروحي خلاص قلت لك روحي نامي
عذاري :طيب عندي اقتراح
صقر:الي هو
عذاري :لاتفهمني غلط بس السرير كبير تعال نام فيه ونحط بينا مخده وننام الاثنين وخلاص
صقر:انا مرتاح هنا روحي نامي الوقت تاخر مره
عذاري بعناد :ماراح اروح الا وانت معي
ناظر فيها صقر
عذاري :يعني نسوي نفس ماقلت لك
صقر اقتنع بكلامه وقال :بتعاندين صح
عذاري :لعبتي العناد
صقر:امري لله وش اسوي عاد قومي يلا
قامت عذاري معه وحطو بينهم مخده ونامو اما عند جسار وسالم قبل يرحون البيت قال سالم
سالم :جسار اذا ماعليك امروقف عند الكوفي
جسار:ليه
سالم:عشان ناخذ قهوه اختك
جسار:ماعليك ياولد انا اجيب لها بعدين
سالم:لا انا عطيتها كلمه اذا ماتبي عادي نزلني عندهم ورح
جسار:خبل انت رجلي على رجلك
وقفو عند القهوه واخذ لها سالم قهوتين نفس ماقال لها
جسار:بتخربها علينا
سالم:لا معليك
جسار:ان خرب طبعها ترا انت الي بتشتري لها القهوه دايم
سالم:تبشر بنت العم بالي تبيه
رجعو البيت وقف جسار عند الباب الي وراء ودق على غلا
جسار:الو
غلا :هلا
جسار:انا براء تعالي افتحي الباب
غلا :طيب
جسار:اسمعي بتروحين ولا بتقعدين
غلا :لا بقعد
جسار:زين اجل افتحي الباب ل سالم
غلا :يلا جايه
قفل الجوال جسار ونزل عشان يمسك القهوه عن سالم
سالم:بتروح
جسار:اي توصي شي
سالم:سلامتك
جسار:اذا احتجت شي كلمني
سالم مد يده حطها على كتف جسار:ابشر وانتبه على الخط
جسار انبسط من تحسن سالم معه:ابشر تبي شي
سالم:سلامتك ومشكور على الطلعه
جسار :ماسوينا شي تستاهل ياابن العم
فتحت الباب غلا
سالم :تبي شي
جسار:سلامتك
سالم وهو يرفع القهوه:فمان الله
جسار:فمان الكريم
دخل سالم حط القهوه وراء ظهره وغلا كانت وراء الباب ناظر فيها
سالم:سلام عليكم
غلا :ووعليكم السلام
سالم:وينهم
غلا :يمه راحت تنام هي وابوي ونادين بجناحها تنتظرني
سالم : والبنات؟
غلا:راحو ينامون
سالم:وانتي ليه مانمتي
غلا :انتظركم
سالم :تنتظرينا ولا تنتظريني
غلا :انتظركم
سالم:اها اجل قهوه مافيه
غلا :على اساس انك جبت قهوه
سالم طلع القهوه من وراء ظهره:مو وحده ثنتين بعد
غلا وهي تمد يدها للقهوه:شكرررا
سحبها سالم:عفوا
غلا ناظرت فيه :بتعطيني ولالا
سالم:بعطيك بس ناظري فيني
غلا وهي تناظر فيه :ها
سالم:هو سوال واحد بسالك اياه وجوابيني
غلا :وش
سالم:ترا ادري عن كل شي لاتكذبين
غلا انخرشت :وشو
سالم :سمعت انك تحبيني صحيح ولالا ؟
غلا خافت اكثر:نعمممم من قاله
سالم:العصفوره قالت لي
غلا:خل العصفوره تعطيك الجواب ولفت بتروح سالم حط القهوه على الارض ومسكها حشرها على الجدار
سالم:جاوبيني بعدين روحي
غلا :سالم
سالم وهو محاوط خصرها :عيونه وقلبه وروحه
غلا :وخر
سالم:بوخر بس اذا وصلني جوابك
غلاهي تناظر فيه :سالم وش بتستفيد اذا عرفت جوابي
سالم وهو يناظر فيها ويمرر اصبعه على شفايفها:بستفيد وكثير بعد
غلا :بعد يدك طيب
سالم:ابشري وبعد يده وقال جاوبي
غلا:بجاوبك بس اذا انت جاوبتني على سوالي
سالم :وش هو
غلا وهي تناظر فيه:تحبني ؟
سالم:كان العمر باهت ومن عرفتك تورد
غلا وهي فهمت بس تبيه يقول احبك:مافهمت
سالم:يعني احبك وابيك حلالي وماابي احد يشاركني فيك
غلا :صادق
سالم:يشهد الله اني صادق
غلا وهي تبي تختبره: اذا كنت صادق تدل ابوي
سالم :ابشري
وراح يمشي مسكته غلا :وين وين
سالم ناظر بيدها الصغيره الي ماسكته:بروح لعمي
غلا خافت :امزح امزح
سالم بجديه :بس انا ماامزح
غلا ناظرت فيه بعيونها الي مايقدر يقاومها:سالم لاتروح تكفى
سالم:ابشري ياعين ابوي
غلا :بشرت بالجنه
سالم:جوابي للحين ماوصلني
غلا وهي تلف:القهوه وينها
سالم سحبها له :جوابي ماوصلني
غلا وهي تناظر فيه :وش كان سوالك
سالم وهو مركز عيونه عليها :تحبيني ولالا
غلا :وش تتوقع انت
سالم:لا تجاوبيني على السوال
كملت غلا:بسوال وضحكت
ضحك سالم :ليه ضحكتي
غلا :صرت حافظتك ياابو عبدالله
سالم الي على كثر ماينادونه بهل الاسم الا انه هل مره اعجبه كثير منها ومن صوتها وطريقه نطقها له ونزل لمساتواها
سالم:اقدر اقول انك تبادليني شعوري ؟
غلا وهي تنزل عيونها : تقدر تقولها
سالم الي اول مره قلبه يدق بهل سرعه حس بجسمه يرجف حس بشعور غريب مره وتبادله بهل شعور غلا الي فاح عطرها سحب سالم انفاسه وهو يشم عطرها وقال
سالم : اخ من ريحة عطرك لعنبوا هالعطر ...كل ماشم ثوبي اتذكر اول لقى
غلا ناظرت فيه :للحين تتذكره
سالم :شلون بنساه اخذ يدها وحطها على قلبه وهو انحفر هنا
غلا سحبت يدها :سالم
سالم:سمي ياعروق قلب سالم وروحه
غلا ابتسمت :سم الله عدوك انا تاخرت لازم اروح عشان ماتفقدني نادين
سالم حظنها له :تنتظر نادين
غلا الي تحس بحراره الكون تحاوطها وتعانقها من يده الي تحاوط ظهرها وقالت
غلا :سالم حرامم !
سالم:اجل خلي الحرام حلال يابنت العم
سكتت غلا وهي تحاول تبعد عنه بس سالم ضامها بقوه
سالم بهدوء:العنق موجود يابنت العم
(كان قصده تحاوط عنقه بـ ايديها )
توردت ملامحها لثواني بذهول وهي تحس بـ انفاسه بـ عنقها عض شفته لثواني وهو يعيد كلمته العنق موجود يابنت ال فلاح كان اصرم من المره اللي قبلها ولاودها تناشقه وهي بحضنه لانه بيعصب وابدا موب خير لها ولا له اذا عصب
(كتبت بالبارتات الاولى انه سالم عصبي مره وحصل موقف بينهم كان بيمد يده عليها وتسمع عن عصبيته كثيرخافت انه يعصب ويسوي لها شي )
حاوطت عنقه بـ ايديها بتردد وهي خايفه من الحركه اللي بتسويها ،لكن اللين من هل طريق وبس تغيرت ملامح سالم من مدت يدها لشعره من الخلف وهي تداعبه بهدوء لثواني حس بـ شعور اغرب من كونها بـ حضنه شعور حنون يدخل لداخله شعور غريب اول مره يحس فيه خللت اصابعها بشعره من الخلف وهي تحس فيه حاظنها بكل قوته لو كان بـ ايديه الثنتين(حاظنها بيد وحده لان الثانيه لفها لانه مصابه ) كان ماعاد لها ظهر ارتخت شدته من خللت اصابعها بشعره وهو للحين بـ بعنقها وعلى ريحه عطرها خارج عن الوعي تماما نزلت ايديها من تركها وهي تبعد بتوتر ناظر فيها بهدوء وانسحب خلاص ماعاد يقدر لعبت فيه ولعبت بموازينه صار واجب انها تصير حرمه وكثير لانه ماعاد بيضمن نفسها مشى بكل هدوء وهو يدخل بدون لايشوفه احد وبدون لايصادف احد ابدا كان الجد سند جالس بالصاله بدون نور ولا شي وماهي الا دقايق ودخلت غلا وهي شاليه القهوه وحطتها بالثلاجه وطلعت لجناحها
الجد سند :شكلي عطيتك وجه ياسالم وقام يروح ينام
وارسلت لنادين :انا في جناحي بنام
نادين :طيب
غلا اخذها التفكير بتصرف سالم وبتصرفها ندمت انها تلكمت معه وانها شافته اما سالم الي كان مايحب الحضن نهائي صار بس يبي حظنها وحط براسه خلاص بيخطبها رسمي غيرت فيه اشياء كثير كان عصبي بقوه ومااحد يتجراء يتكلم معه يخافون منه وللحين يخافون منه الا هي هي جننته من كثر تفكريه المفرط فيها ومن كثر ماصارت تتحكم بمشاعره وبعد طول التفكير بينهم نامو من بكره الصباح في بيت صقر وعذاري صقر الي بداء يفتح عيونه بخفه ويحس انه مو فيه مكانه وفعلا كان حاظن عذاري كانت يده اليمين محاوطه خصرها ويده اليسار ماسك يدها فيها وججهه كان على عنق عذاري كانت عذاري ماسكه يده اليسار ونايمه
صقر حس على نفس وبعد شوي بس شاف يدها ماسكه يده رفع راسه وصار يتاملها صقر بداء يتعلق بعذاري رفع خصلة شعرها الي كانت على وجهها مبعثره
صقر:تبارك الرحمن
بدت عذاري تصحح وتفتح عيونها لاحظ صقر وعلى طول سحب يده ولالف يدعي بانه نايم عذاري حست بحركته وتوقعته نايم قامت اخذت لبسها واتجهت للحمام تكرمون تروشت وبدلت واتجهت للمطبخ ابتدا تحاول تجهز فطور بسيط ياكلونه وسوت شاهي وجهزت الاكل واتجهت للغرفه فتحت الباب بهدوء ودخلت طلعت لصقر ثوب وشماغ وجهزت اشياء لانه اول مايقوم يتروش بعد ماجهزت الاغراض راحت تقوم صقر بعد ماطلعت عذاري من الغرفه رجع نام ككان بنص السرير قعدت عذاري على طرف السرير
عذاري بهدوء:صقر
عذاري بتكرار:صقر
صقر:همم
عذاري :قم يلا
صقر:الساعه كم
عذاري :١ونص
صقر:عشر دقايق بس
عذاري :طيب
بعد عشر دقايق رجعت عذاري لصقر
عذاري :صقر الاكل برد قم
صقر:اكل ايش
عذاري :سويت فطور
صقر وهو يفتح عيونه:صادقه
عذاري :اي والله
صقر:يلا اجل
عذاري :طيب لاتسكر عيونك قم
صقر ابتسم :ابشري
قام صقر دخل يتروش راحت عذاري تسخن الشاهي طلع صقر لبس بجامته
عذاري :ثوبك جهزته ماشفته
صقر:الا شفته تسلمين بس بلبسه اذا طلعنا
عذاري :بنطلع اليوم ؟
صقر:اي
عذاري :وين
صقر:بنروح نتمشى وبعدها نروح نتقهوى ونرجع البيت
عذاري :زين
افطرو وخلصو قعدو كل واحد على جواله وعلى الساعه ٥:٣٠ قام صقر
صقر:يلا تجهزي
عذاري :بنطلع الحين
صقر:ايه
راح اخذ ثوبه وبدل وطلع جلس بالصاله ينتظر عذاري تخلص خلصت وطلعو وارسل لغلا
صقر:ترا حنا طلعنا
غلا :تمام بترحون الحين الكوفي
صقر:لا بنروح محل هنا وبعدها بنروح الكوفي
غلا :تمام اجل الحين بنجهز ونطلع
صقر :زين
راحت غلا ارسلتت لبنات ال فلاح
غلا :بنات تجهزو
ردو:تمام
غلا :ريوف وفتون بترحون؟
ريوف :لا
غلا :ليه
ريوف :طلع عندي اليوم تطبيق وفتون تعبانه
غلا :سلامتها تمام مع مين بترحون
ملاذ :بنطلع مع متعب تبين نمرك
غلا وهي تستحي من متعب مره :لا روحو
ملاذ :تمام
طلعو بنات ال فلاح وهم متجهين للكوفي
غلا لبست عبايتها ونزلت تحت :بنات جاهزين
حلا :دقايق بروح البس
ساره :انا جاهزه
طيف :حتى انا
نادين :وانا بعد
ديم :جاهزه
ريم :حتى انا جاهزه
غلا :نور بتروح ولالا ؟
نادين:تقول لا ابوها عيا
غلا :ليه
نادين :مدري
غلا :طيب مين بيودينا
حلا وهي نازله من الدرج تلبس نقابها :كلمت غيث قال طيب
نادين:وينه
حلا :نازل
نادين :يلا اجل قومو
غيث نزل : لا اله الا الله كلكم بتروحون
نادين :اي
غيث :وين واديكن الموتر مايشيل
نادين :معليه نتحاشر
طلعو وراحو وصلو ارسلت غلا لصقر
غلا :صقر ترا وصلنا
صقر:طيب عشر دقايق ونجي
غلا :طيب
ناظر صقر عذاري :خلصتي من هنا
عذاري:اي
صقر:اجل يلا خلينا نروح الكوفي
عذاري :صقر خلنا نروح البيت وانا اسوي لك قهوه
صقر:ليه وش فيك
عذاري:تعبت من المشي
صقر:الكوفي هنا قريب وانا راسي مصدع ابي قهوه بممر نقعد شوي ونرجع البيت
عذاري:طيب
طلعو للكوفي وصلو ارسل صقر لغلا
صقر:وصلنا وينك
غلا :فوق بالدور الثاني تلقانا على اليمين
صقر:زين
طلعو للدور الثاني طبعا جو الجوهره وملاك ناظر صقر في عذاري ومسك يده عذاري تفكر وش فيه مافيه اهله ولا خالتي هنا ليه يمسك يدي واول مادخلو اشتغلت الاغاني واتجهت غلا لعذاري وهي تحظنها
غلا :الف الف مبروك ياعروسة قلبي
عذاري حظنتها وهي تناظر فيهم كلهم كانو موجودين ومبسوطين لعذاري مرههه امتلت عيونها دموع
عذاري :الله يبارك فيك ياروحي وش سويتو انتم
غلا:معليش ماقدرنا مانحتفل فيك وناظرت صقر يعطيك العافيه وتقدر تتوكل الحين
صقر ضحك :طيب ابشري بس ابيها دقيقه
عذاري ناظرت صقر:انت كنت تدري
صقر:اي
عذاري :وماتكلمت
صقر:مفاجاء ليه اتكلم
عذاري ناظرت في البنات الي جالسين وراء وعطتهم بوسه
صقر:عذاري
عذاري :هلا
صقر:تعالي شوي ابيك
طلعت عذاري مع صقر طلع بطاقته الصراف ومدها لها
عذاري:صقر معي
صقر وهو يحط البطاقه بيدها:خليها معك واي شي تبينه اخذيه
عذاري :مايحتاج والله
صقر:علمتك واستودعتك الله انبسطي وطلع
رراحت عذاري للبنات الي سلمو عليها وباركو لها وجلسو يسولفون وبعدها رجعو البنات مع متعب وبنات ال سند مع غيث بقى بس غلا ونادين بالمول وطلعت عذاري مع صقر
غلا ونادين بدو يدورون لبس العيد من الحين لان  بعد شوي لازم يتسحرون بكره رمضان دارو المول كله وماحصلو شي
نادين :مين بيجي ياخذنا
غلا :مدري اصبري بكلم مشاري
دقت عليها غلا وكان جواله مغلق
نادين:رد
غلا :لا شلكه عنده رحله
نادين:طيب كلمي جسار
غلا :مستلم هو ودحومي
نادين:طيب كلمي عزوز
غلا :دقيقه
دقت عليه
عزوز :هلا
غلا :عزوز وينك
عزوز :والله طالع وش فيك
غلا :قريب ولابعيد
عزوز:بعيد ليه
غلا :كنت ابيك تجي تاخذني
عزوز :ليه وينك
غلا :بالمول
عزوز:كلمي دحوم
غلا:مستلم هو وجسار
عزوز:المشكله اني بعيد حتى لو برجع بطول
غلا :لا خلاص بكلم بتال
نادين قبصت غلا:لا لا
غلا :يلا مع السلامه وقفلت الخط
نادين:لالا
غلا :وش فيتس
نادين:خالك لا
غلا :ليه
نادين:بعد ذاك اليوم ابدا ماراح اروح معه
غلا:قسم انك مريضه مع نفسك انا بكلمه
نادين :غلا لا تكفين
غلا :نادين انتي تشوفين الساعه كم
دقت غلا على بتال وجاهم وركبو معها حرك بتال
غلا :بيت ابوي سند
بتال :ابشري
حرك بتال لبيت الجد سند وقف
نادين:ماراح تنزلين
غلا :لا
نادين :مشكورين مع السلامة
بتال:ماسوينا شي فمان الله
غلا:مع السلامه
راحو بتال وغلا البيت وتسحرو وابتداء اجواء رمضان بالبيت
وبعد الصلاه الي جالس يقرا قران والي جالس يستغفر والي راح ينام خلونا ننهي البارت الجميل هنا معليش على التاخير حبايبي حقكم علي عطوني رايكم فيه وتعالو الانستا بسوي فعاليات هناك الى اللقاء في صباح العيد استودعتك الله🤍