اهلا وسهلا وحشتونييييييييييي قد الدنيااااا اشتقت اشتقت
عند البنات بالمستشفى
بعد ما جبرو رجل حلا ،ويد ريم ،وضمدو جرح ساره
غيث :بعد ذا الموقف مااتوقع ترجعون تطلعون مع نادين صح ؟
ريم :عن نسفي التوبه
حلا :ي عمري عميمه شدخلها هو الغبي اللي صدمنا
ساره :اي والله ي عمري ي عمه تضايقت بدل ماتنبسط
غيث :انشهد ان نفسيتها انعدمت
حلا :ي عمري ماامداها تنبسط بالسياره
غيث :السياره غيرها مليون سياره بس ارواحكم مابدالها ارواح
ساره :وينها الحين ؟
غيث :رجعت مع فهد هي ونور وطيف
ساره:زين
غيث :الحين امشو للبيت ترتاحون شوي وابشرو بالعزيمه الزينه
حلا :انسدت نفسنا ماعاد نبي شي
غيث:عشان نادين ولا انتم ماتستاهلون احد يطلعكم
حلا :اقول انطم بس
غيث :انتي بالذات مافيه روحه
حلا:والله لاروح
غيث :والله ماتروحين
حلا :اصلا اتصال واحد من سلطان يخليك تمشي سيدا ولا
غيث وهو يشد على اذنها :تهدديني ي وصخه !
حلا :ها ها نزل يدك ولا والله لاعلم ابوي
غيث وهو يبعد يدها :اوريك ي حلا اوريييك
حلا :خلك محترم
غيث :محترم من قبلك
ساره وهي تقطع نقاشهم :اذا خلصتو هواش خلونا نرجع البيت لاني تعبانه
غيث :الحقوني برا
طلع غيث وهو يشغل السياره وطلعو وراء البنات
-
بالمركز
بعد ماخلصو من الحادث جسار ودحوم اتجهو للمركز
دخل هذام وبيده اكياس اكل وخرابط
هذام :لاتهملون صحتكم ي شباب محتاجينكم بافضل صحه
جسار :والله مالي نفس لاي شي
سعود :انشهد
دحوم :والله انا من قبل امس مغير اشرب في ذا القهوه لا اكل ذقته ولا نوم ولاهنالي
هذام :هانت هانت
ياسر :كثر خيرك
هذام ابتسم:خيرك اكثر مهو حقكم يرجال بس خلونا نخلص من ال ****وابشرو بالي يبض الوجه ويدسم الشارب
ياسر :ابيض وجه ي هذام
جسار :كثر خيرك وابيض وجه طال عمرك
هذام :ووجيهكم ابيض ،بشرو عسى حصلتو شي
جسار:حددنا مواقعه اللي يكون موجود فيها ورجاله اللي بين يدينا قر بكل شي وحدد لنا بيتين يكون فيها ال ****وقت ينصب فخ لنا
هذام :حلو
ياسر :وعرفنا متى الشحنه التاليه له ووين بتكون
هذام ابتسم:اي تعالو لي بمثل هالاخبار اللي تسر الخاطر
سعود :وبرضو عرفنا مين ذراعه اللي يتحرك فيها
هذام :مين ؟
سعود :مشعل آل طلق
اختفت ابتسمت هذام من نطق سعود بهالاسم وهو يعرفه حق المعرفه يعرف بقوته وطغيانه وجبروته ويعرف حق المعرفه ان اذا بغى شي يوصل له ولو كان تحت سابع ارض وان مايهدا له بال الا لين يصير اللي يبيه لو كلفه هل شي حياته ونفسه كان مثل الجحيم على جميع العساكر اللي كلفو بالقبض عليه وللكن عجزو عنه يسمعون باسمه ويرعبوهم اسمه لكن مايعرفون شكله ولاوجه ولا يعرف غير هذام لانه قد حصل لقاء بينهم وماينكر هذام انه قشعر بدنه لما قابله من منظره البشع المخيف المريب كان شكله يعكس قوته وجبروته بشكل كبير ولا توقع هذام ولاولو شي بسيط انه يكون ذراع مزيد اللي يتحرك فيها
على انه كان اسمه معروفه بانه يفيدهم اكثر من انه يضرهم بامور هم يجهلونها بس ماحد يعرف وش اللي غيره وصار ضار لهم اكثر من انه ينفعهم ولايبون يعرفون بالسبب لن اكيد انه سبب كبير لدرجة انه يغير مشعل من حاله اللي كان عليه لهذا الحال ورغم انه كان ينفعهم اكثر من انه يضرهم بس ماعاد يبون الا راسه
ياسر عقد حواجبه من صدمت هذام وسرحانه وتنحنح :تعرفه ؟
ناطره هذام :ومن يجهل مشعل آل طلق ؟
عبدالرحمن :من يكون ؟
هذام ناظر لجسار وياسر :تعرفونه بس ماتعرفون اسمه
جسار:اعرفه بس ماعرف اسمه ؟
هذام :تذكرون ذاك اليوم اللي صرنا فيه بالشاشات والاخبار بوسط العمليه ؟
جسار نزل قلمه من يده وهو يسند نفسه على الكرسي :هو ؟
هذام :الله الله
ياسر :صادق ؟
هذام :اي بالله
سعود :ي جماعه احد يفهمنا
هذام:اللي لازم تعرفه انه من اخطر الاشخاص اللي وجوده بالحياه يشكل خطر كبير على كل كبير وكل صغير
عبدالرحمن :وليش للحين عايش ؟
هذام :لاننا مانقواه
عبدالرحمن:كيف مانقواه !وش وظيفتنا حنا ؟
هذام :امره يتعدنا ولا نقدر نخطي خطوه بدون اذن من كبيرنا
سعود :طيب ناخذ الاذن وننهي وجوده
جسار وهو يمغص عيونه :مهو هين انك تنهي وجوده
ياسر :الحين حنا ماخلصنا من مزيد يطلع لنا مشعل !
هذام :الشقى مكتوب علينا وانا اخوك
سعود :طيب علموني بادق التفاصيل عنه ومالكم الا اللي يجيب راسه لكم
جسار:ماضني اللي مانقدرنا عليه حنا تقدر عليه ي سعود
سعود :هذا انت قلتها انتم ماقدرتو عليه بس يمكن انا اقدره شدراك ؟
جسار:عساك على القهوه يبو طايل
عبدالرحمن :ان اشوف ان سعود كلامه صحيح يمكن انتم ماقدرتو عليه لكن حنا نقدره
هذام :تتوقع اللي حنا واللي اكبر مننا وواصلين اكثر مننا ماقدرنا عليه بس انتم بتقدرون ؟
عبدالرحمن :يمكن ليه لا
سعود :انتم اشرحو لنا وش قصته بالتفصيل ومالكم الا اللي يجيب راسه لكم
ياسر تنحنح :اجل اسمعوني زين
ابتداء يحكي لهم عنه وعنا اللي سواه فيهم وكيف كان وكيف صاروالى ماله نهاية
-
في بيت ال سند
غيث طلع لجناح نادين وهو يطق الباب
نادين :مين ؟
غيث :انا ادخل ؟
نادين تعدلت :ادخل
دخل غيث وهو يجلس عندها على طرف السرير :شلونك الحين ؟
نادين وهي تبعد شعرها عن وجهاا :زينه
غيث :لاتكدرين خاطرك ي عمه السياره تتعوض وفالحديد ولا فيك
نادين ابتسمت :ابشر
غيث :شرايك تقومين تلبسين ونتزلين
نادين :ليه ؟
غيث :عازمينك انا والبنات على عشاء
نادين ابتسمت :يعني تقول العشاء اللي ماقدرتي تعشينه البنات انا بعشيكم اياه ؟
غيث :لا ودي تغيرون جو
نادين :ي عمري اذا بتهتم فينا هل كثر بنكثر من الحوادث اجل
غيث :اعوذ بالله ،لاتكثرين حوداث ولاشي مو كل مره تسلم الجره متى مابغيتو تطلعون علموني وانا اطلعكم
نادين:ابشر
غيث وقف :الحين اخلصي البسي وانزلي لنا تحت
نادين :طيب اسمع
غيث لف عليها :وشو
نادين :ابوي رجع ؟
غيث :اي هذا هو تحت يتقهوى
نادين :طيب امي درت ؟
غيث :على مااعتقد لا للحين
نادين :زين لاتتكلمون قدامها بشي
غيث :ابشري
نادين :انا شويات ونازله
غيث :اخذي راحتك
-
في مكان معزول عن العالم والناس في خرابه مايحوم حولها حتى الطير الطاير
جالس على مكتبه اللي ماينوره الا اضاءه بسطيه وهو وينفث دخانه ويناظر الملفات اللي قدامه بتفحص
الملفات عباره عن كل فرد من افراد عايلة ال سند من كبيره سند لاصغرهم نهيان
مكتوب فيه جميع المعلومات اللي يحتاجها عنهم من كبيرهم لصغيرهم
طق الباب احد رجاله ودخل بعد ماسمح له بالدخول
ماتجرا انه يحط عينه بعين بن طلق ولا يقدر من بشاعة منظر وجهه ومن كثر خوفه منه ومن الجرح اللي توسط نص وجهه من فوق عينه اليمين بشوي لوسط خده اليسار ومن عيونه الحمراء من كثر الدخان والسهر
ترك دخانه على الارض وداس عليه برجله وناظر رجاله اللي يشتغل عنده وقال :بتنطق بالي عندك ولا بتكون محل السيجاره ؟
تلثع الرجال وهو ينطق :طال عمرك اللي امرتنا فيه سويناه
مشعل :نجو منه ؟
...:اي بس باضرار بسيطه مثل ماطلبت
مشعل :واللي سوا الحادث وش صار عليه ؟
..:بالعنايه وحالته خطيره طال عمرك
مشعل :لايطلع من العنايه حي خلصو عليه
تجمد بمكانه وهو يسمع كلامه وتنح وهو يناظره
مشعل :اذا ماودك تكون ضحيه مثله اذلف عن وجهي ولاتخليني اشوف وجهك
...:ابشر طال عمرك
مشعل رما عليه علبة الشراب اللي قدامه بصراخ:واقف قدامي للحين !
طلع بسرعه وهو مصدوم منه ولو مره يشتغل بمثل هل الامور وكان خايف ولاعاد يقدر يطلع منه الا وهو ميت ومجبور انه يكون جنب مشعل لان لو دراى انه بيطلع من الشغل بينهي حياته مثل ماانهى حياة صاحبه
اخذ جواله وهو يرد على الاتصال اللي ورد له من مزيد
مشعل :شتبي ؟
مزيد :شصار على حفيدات سند ؟
مشعل :صار مثل اللي قلت لك عليه بقى ارسل له الرساله
مزيد :والرجال اللي صدمهم وش صار عليه
مشعل بسخريه :عظم الله اجرك
مزيد ابتسم بخبث :اجرنا واجرك توصي على شي طال عمرك
مشعل :لا عاد تشغلني وتتصل علي متى مابغيتك اتصلت عليك
مزيد :على خشمي
قفل مشعل الخط بوجهه وجلس يفكر مين البنت اللي بعايلة ال سند يقدر يلوي ذراع سند فيها ويكسر ظهر سالم فيها او كيف يقدر يلوي ذراع سند باهم واحب احفاده لقلبه وشلون يحرق كبدوهم وكيف يقدر يشربك العايله كلها بين بعضها وكيف يهد حيلهم كلهم واحد واحد من اولهم سند لاخرهم نهيان
اشعل سيجاره وهو يحاول يفرغ طاقته فيها ويحاول يركز ويسوي خطته لجل تصير مثل مايبي بالميل الواحد
-
عند الفريق وحرمه المصون في ليلة دافيه وحنونه بالنسبه لهم ولاعندهم اي خبر بخصوص حادث البنات ابدا
فالبلكونه اللي كان جالس فيها سالم ويدندن بهمس دخلت غلا وبيدينها كوبين شاهي
مدت له كاسه :تشرب شاهي ؟
سالم :وهو فيه شي ماينشرب منك ؟
غلا بابتسامه:مدري قلت يمكن ماتحب الشاهي
سالم:الشاهي حتى لو هو فيه سم ومن يدينك راضي
غلا ضحكت:ماتوصل !
سالم مد ايده لها بمعنى تجلس بحضنه مسكت يده وهي للان ماهي قادره تتخطى خجلها منه ولا قادره تستوعب ان لهم فتره مع بعض والمفروض انها تتعود عليه وعلى حركات اللي تصدمها بس تدري ان باله مشغول عند سعود وجسار بالمركز وتدري انه ميت ينتظر بس متى تقول له خلنا نرجع لجل يحجز بسرعه بس هي ماكان ودها انه يرجع نهائي لانها كانت تشوفه كيف كان يهلك نفسه بدوامه وشغله ولاكان يسمح لنفسه انه يذوق النوم اصلا ودها تبعده عن الشغل قد ماتقدر وجلست وهمس سالم بجواب على سوالها
سالم :توصل ونص ي ام سند صدقيني
غلا بابتسامه من انه ماعارضها انه يكون اول ولد لهم باسم سند تركت كوب الشاهي على الطاوله وهي تمد يدها لشعره من وراء وهمست له
غلا :وش اللي مشغل عقلك ؟
سالم بتضيع للموضوع:مهو مشغل عقلي شي
غلا وهي تمد ايدها لدقنه :ادري ان فيه شي شاغل بالك واذا ماخاب ظني ان عقلك وقلبك بالمركز ولالا ؟
سالم تنهد وهمس بايه
غلا :ليه ما تترك كل شي وتخلي بالك هنا معي وعندي ؟
سالم :بالي معك وعندك وحواليك بس نص بالي يم جسار وسعود
غلا :شفيهم ؟
سالم بهمس وهو يقفل الموضوع :مافيهم الا كل خير
غلا بابتسامه:طيب هذا هم ي ربي لك الحمد بخير ليه تقلق نفسك
انحبست انفاسها من انحنى يقبل كتفها وعنقها وهو يحاوط خصرها حاوطت اكتافه ومكان منها اي منع له وهي اللي كانت ماودها بقربه لها لكن ماودها تشوفه يكون يحاول يقرب لها وهي بكل مره تصده ولا هان عليها ترفض هل مره مع انها كان رفضها اكثر من قبولها
-
في جناح عذاري وصقر
كانت جالسه تتفرج على مسلسلها بالصاله وحاطه بحظنها صحن كبير مليان فشار (نفيش )
دخل صقر وهو يبتسم لها:سلام عليكم
عذاري :وعليكم السلام
صقر ترك لابتوبه واغراضه على الطاوله واتجه لها وهو يبوس راسها وبعد الصحن وهو يتمدد بحضنها
عذاري ابتسمت وهي تمسح على شعره :كيف كان يومك ؟
صقر :صداع ي ربي لك الحمد
عذاري استغربت :شصاير ؟
صقر :قضايا وما قضايا اتركينا من الغثاء وعلميني انتي وعيوني شلونكم اليوم ؟
عذاري ابتسمت:بخير الحمد الله وعيونك يسلم عليك ويقول لك مشتاق لك
صقر لف وهو يبوس بطنها ويحظنها :والله انا مشتاق لكم بالحيل
عذاري اكتفت بالابتسامه من حاوط خصرها وهو يدفن راسه على بطنها ويحظنها كانت تشوف كيف تعبان ومهلوك وهي تدري ان موضوع القضايا مهو سهل ولا بسيط وتدري انه يشوف العجب والعجايب منهم ولايقدر يبوح لها بشي منهم لانه خصوصية ولا كانت تقدر تسوي شي الا انها تخفف عنه بالهطريقه ،حست برتخاءه عليها وحست بانتظام انفاسه وعرفت انه نام ولاقدرت تتحرك ماتبيه يصحى وهي تدري انه بحاجه كبيره للنوم ثبتت بمكانها وهي تسند راسها على الكنبه اللي وراها وقصرت على صوت المسلسل واخذت البطانيه اللي جنبها وهي تغطيه فيها وجلست تمسح على راسه لين غطها النوم
-
فالمركز
وقف هذام وهو يعتدل وبوقفته وقال
هذام :ي رجال خذيتو حقكم من الجلسه بالمركز اليوم وزود اتجهو لبيوتكم واهلكم وريحو شوي وبكره لنا لقاء باذن الله
وقفو الشباب ولا بقى غير جسار جالس
هذام :جسار ي خوك مهو بنافعك الجلسه هنا وانت بذا الحاله والتعب رح ارتاح لك كم ساعه وارجع
جسار وقف :يصير خير
طلع من المركز وهو يولع سيجارته ويحرك بسيارته
سعود طلع وهو يتصل على سالم
فتح سالم عيونه بانزعاج واخذ جواله وهو يشوف اسم سعود وقف وهو يشوفها نايمه جنبه طلع يكلم سعود
سعود أبتسم:حي الله العريس
سالم:الله يحيك
سعود :نايم ؟
سالم:الله الله امر شبغيت
سعود :سلامتك تامر على شي
سالم يدري ان سعود مايتصل ذا الوقت الا وفيه شي مهم :ولد شفيك؟
سعود :مافيني شي بس كنت ابي الملف اللي عطيتك اياه بخصوص مزيد محتاجه وينه فيه ؟في بيتك ؟
سالم وهو يمسح على وجهه :لا في بيت سند
سعود :كيف اوصل له طيب ؟
سالم :اصبر بشوف سند صاحي ولا احد العيال يجهزه لك
سعود :زين انتظرك ،ترا عيال عمك فارس توهم طالعين من المركز مو هم بالبيت وبيروحون ينامون تعبانين لا تتصل عليهم
سالم :طيب
قفل سالم من سعود وهو يتصل على سند وماكان منه الرد واتصل على غيث ولايرد اتصل على ساره اللي كانت على وشك النوم ردت بخوف
ساره :هلا
سالم :سلام عليكم
ساره :وعليكم السلام ورحمة الله وبركاته
سالم :شلونك ؟
ساره :بخير دامك بخير انت شلونك ؟
سالم :بخير الحمدالله ،عسى دوم
ساره :غلا شلونها ؟
سالم :بخير بخير فاضيه ؟
ساره:اي امرني
سالم :مايامر عليك عدو بس ابيك تروحين لجناحي وتدخلين مكتبي
ساره :ابشر
سالم :في ملف بالدرج الاول اخذيه وخليه عندك بيجي سعود عطيه اياه
ساره :مافيه احد يقدر طلعه له
سالم :ادري انتي عطيه من وراء الباب لان يبيه ضروري
ساره :ابشر
سالم:ساره الملف مهم لاتسلمينه لغير سعود
ساره :من عيوني ابشر
سالم :تامرين على شي ؟
ساره :سلامتك بس بيطول ؟
سالم :مااتوقع بكلمه الحين يتجه لك
ساره :طيب
قفل منها واتجهت ساره لجناح سالم واتجهت لمكتبه واخذت الملف وطلعت وقفلت الجناح وراها اتجهت لجناحهم وهي تسمع صوت المطر يطق اخذت طرحتها وجاكيت ونزلت تسوي شاهي ماتدري ليه اشتهت بذا الوقت شاهي بس بتسوي لها ابريق وبتقعد عليه لان النوم طار منها سوت واتجهت تنتظره بالملجس الخارجي ماتدري ليه اخذت معها كوبين شاهي وجلست تشوف من الكاميرات تنتظره يجي
عند سعود اللي وقف قدام بيت ال سند وهو يتصل على سالم
سالم :هلا
سعود :انا عند الباب خلهم يطلعونه لي
سالم :بكلمها يلا
فزت ساره من شافته نزل ببدلته العسكريه النص كم ووقف عند الباب وهو يبعد عن قطرات الماء ويحط يدينه على شفايفه وينفخ عليها هواء حار ماهي الا ثواني ووصلها اتصال سالم
ساره :هلا
سالم :سعود برا عطيه الملف
ساره :تمام طالعه الحين
سالم :اذا عطيتيه بلغيني
ساره :ان شاء الله ابشر
قفل سالم واتجهت ساره فتحت الباب وهي تبي تتاكد انه هو
ساره :سعود ؟
سعود :الله الله
مدت الملف من وراء الباب واخذه وهو يسال نفس سوالها :مين انتي ؟
ساره :يهمك ؟
سعود :لا بس الصوت مهو غريب علي
ساره :يمكن يكون غريب عليك طيب
سعود وهو تذكر صوتها ابتسم بخفه :بكر عبدالله ؟واخت الرفيق ؟
ساره :الله الله
سعود مايدري كيف طلعت منه هل كلمه :اخبارك ؟
ساره ارتجف داخلها من صوته وسواله :بخير والحمد الله
وسكتت ماودها تطول بالحكي معه تنحنح سعود وقال
سعود :ماودك تسالين عن حالي ؟
ساره حست انه تحسس من تصرفها :شحالك؟
سعود تنهد :والله مدري بس اللي اعرفه اني الحين بافضل حال
ساره:زين
سعود حس على نفسه وتمتم بالاستغفار وقال :تامرين على شي ؟
ساره سمعت تمتمه وعرفته انه حس على نفسه وقالت :دقيقه
اتجهت للمجلس وهي تصب على من الشاهي واتجهت تمده له من وراء الباب
ساره :سم
سعود :وش ذا ؟
ساره :وش تشوف انت ؟
سعود :وش له داعي ؟
ساره :اذا ماودك فيه ارمه
اخذه سعود منها وقال :م قصرتي فمان الله
ساره قفلت الباب ودخلت وهي تحس قلبها يرجف تحس بخوف مهو طبيعي كيف تجارات وسولفت معه وكيف تجرات تمد له شاهي ماتدري كيف قدرت تسوي كل ذا طلعت لغرفتها مباشره وهي تحس بتوتر وخوف وهلع مو طبيعي
اما سعود اللي اخذ الشاهي وارتشف منه وابتسم وهو يحرك من قدام البيت وهو الود وده مايتحرك منه والود وده يدخل وياخذها ويطلع مايدري وش اللي غيره وصار يفكر فيها لهدرجه وهو اللي حرم من بعد اللي صار له ان ولا جنس حواء تدخل حياته والحين ؟وده فيها ؟وده تكون معه ؟ليه يحس بهالشعور كل مامر طيفها قدامه ؟ليه يبتسم كل مايتذكر موقفهم بالكوفي ؟وليه يبتسم لما تذكر كيف رشت اللي تحرش فيها بالقهوه الحاره ولا رف لها جفن ؟ليه يبتسم ويدق قلبه لما يتذكر عيونها الخادره ؟ليه صار يتخيلها بمنامه ؟ليه صار كل مايمر صوتها في باله يضحك وبتسم من غير مايحس بنفسه ؟هل هي فعلا سلبت عقله؟هل هي بتقدر تخليه ينسى حلفه بخصوص انه مايقرب من جنس حواء ولا يفكر بالزواج والحب ؟هل بيسمح لقلبه يرجع يدق من جديد ؟والمهم والاهم كيف بتكون ردة فعل سالم لما يدري انه قد شاف اخته وانه شافها بالكوفي ؟وانه اخذ واعطى معها لما اخذ منها الملف وانها مدت له كوب شاهي ؟هل بيرضى انه يناسبه ؟وهو يدري بقصة سعود قبل ؟وهل سعود فعلا نسى ماضيه ؟وسواله الاهم واللي غفى وهو يفكر فيه هل هي تدري انها كان يحب قبل ؟ووش رايها من ذا الموضوع ؟هل بتقبل فيه ؟بس دامها ماجابت طاري توقع ان مالها علم
-
في بيت ال فلاح
صحى وهو يسمع امه تنادي على عزوز
معالي:عزوز يمه
عزوز :لبيه
معالي :تعال ي امي افطر
عزوز :ابشري
اتجه لها وهو يقبل راسها ويفطر معها
معالي :ماشفت اخوانك جو ولالا ي امي ؟
عزوز :الا جو اسمع مكيفاتهم شغاله
معالي ابتسمت :الله يبشرك بالخير يا امي
عزوز ابتسم من ابتسامتها :اللهم امين
وقف من سريره وهو يتجه للحمام تكرمون واخذ له شور ولبس ثوبه وطلع
نطق بـ :شلونك يمه
معالي :بخير دامي شفتك ي حبيبي
ابتسم وناظر لعزوز :شلونك ي عين اخوك ؟
عزوز ابتسم:بخير دامك بخير
جسار :عسى دوم كيف الجامعه؟
عزوز :كويسه
جسار :شد حيلك وانا اخوك ماعاد بقى لي الا القليل وترفع روسنا
عزوز ابتسم:ابشر على خشمي
جسار :دحوم وينه ؟ماصحى ؟
معالي:لا ي امي نايم خله يرتاح له كم ماذاق النوم
جسار:ابشري
معالي وهي تمد يدها ليده :وش صار على موضوعك يمه ؟
جسار :اي موضوع ؟
معالي:موضوعك انت وبنت خالك
جسار ابتسم:خلصنا كل امورنا وننتظر النتايج ان شاء الله
معالي ابتسمت:زين ي امي الله يريح بالك
جسار وهو يبوس يدها :اللهم امين الا انتي علميني كلمتي خالي بخصوص دحوم
معالي تنهدت:لا والله مافضى للحين مشغول
جسار:اليوم اذا شفته بكلمه ولا يهمك
معالي ابتسمت:زين اجل
افطر مع امه وهو اللي كان فاقد ذا الشي له فتره طويله ماقعد معها وله فتره طويله ماجلس ذا الجلسه وله فتره طووويله مامر في بطنه اكل مثل كذا تعود على القهوه والشاهي والخرابيط وهو اللي مايحب الخرابيط نهائي بس اجبر عليها
معالي ابتسمت من حط راسه على رجلها وهو مشتاق لها بالحيل واخذت بيدها تمسح على راسه صحى دحوم اللي ابتسم من شاف امه وابتسامتها
معالي :ي هلا وغلا ي امي
دحوم اتجه لها ويجلس قبالها ويحظنها ويبوس على راسها وايدها
دحوم :ي هلابك وزاد غلاك ي بعد الدنيا كلها
معالي ابتسمت:شلونك يمه ؟
دحوم :بخير دامي صبحت بذا الوجه الحسن
استحت معالي وهي تبتسم
جسار :ي هنيالك ي دحوم على الضحكه هذي والحياء هذا
دحوم ابتسم:تبارك يومي كله
جسار :انشهد
معالي ضحكت من تغزلهم فيها :استحى على وجهك انت وياه
دحوم ابتسم من حمرت خدودها:يه يه شنو هل الابتسامة الحلوه هذيي
معالي قبصته بخفيف :ماعندك شغل
ضحك دحوم على ردة فعلها :طلعتي خفيفه يم ام جسار
معالي ابتسمت:قم قم لاتشوفك عيني
دحوم ابتسم:حرام عليك يمه يرضيك اطلع بدون مااقابلك وبدون ماافطر ؟
معالي :لا والله مايرضيني بس رح افطر بعيد عني
جسار ضحك :قطعت تذكرتك ي دحيم رح افطر لحالك
وقف دحوم :اي حنا لنا الله بس انت لك الحضن والحب والدلال كله والدعاوي الزينه
معالي شقهت :يمه منك ي كذاب نسيت دعاوي لك ؟
دحوم :لا بس اكثر شي تدعين لجسار
معالي :لا ي يمه مافيه احد من عيالي ادعي له اكثر من احد ي حبيبي كلكم عينين في راس ييمه
دحوم ضحك :الله يمه حنا ثلاث عيال وبنت كيف بيوسعنا راس ؟
معالي ابتسمت وهي تتمت بالاستغفار :الله يصلحك ي امي
عزوز :امانه يمه هذا واحد يستاهل انك تخطبين له وتفتحين له بيت ؟
معالي :الله يخلف عليه ي امي وش نسوي عاد
عزوز :مااقول الا الله يعين مها عليك
معالي ضحكت :مااخبل منه الا هي ربي ماجمع الا وفق
دحوم شهق :اح يمه تحشين فيني وفي زوجتي المستقبليه قدامي بعد ؟اصعب جرح ياناس جرح الخيانه
معالي :الله واكبر عاد انت وزوجتك !بسم الله عليك من جرح الخيانه ي امي لاتقول كذا
دحوم ابتسم:تخافين علي يمه ؟
معالي :كيف مااخاف عليك يمه اخاف عليكم كلكم ي حبيبي
دحوم :اتركينا من اخواني انا انا تخافين علي ؟
معالي :اكيد يمه هذا سوال تساله ؟
دحوم ابتسم:طيب تخافين علي شوي ولا واجد ؟
معالي ابتسمت:اخاف عليك ي امي من نسمة الهواء حتى
دحوم ابتسم:الله
جسار ناظره :يمه ولدك هذا خفيف بالحيل
عزوز بتايد لجسار :انشهددد
دحوم ناظر عزوز :ي حيوان انا توامك المفروض تكون معي مو علي !
عزوز :اذا توامي خفيف ماابي اكون جنبه
دحوم ابتسم:ياخي والله اني مو خفيف بس قلبي رهيف مايتحمل
معالي ابتسمت:بسم الله عليك وانت وقلبك وانا امك معليك منهم حلاة الرجال لاصار حنون على اهله
دحوم ابتسم وهو يسوي حركة (حره)مدري اذا تعرفونها او لا اللي تقهر شخص فيها
معالي ابتسمت:رح افطر وانا امك الله يصلحك ويهديك
دحوم :الا صقر وينه غاطس عند مرته من تزوج
معالي :شتبي فيه يمه خله مع زوجته مسكينه حامل وتعبانه
جسار :ليه مايوديها المستشفى طيب وش ينتظر
معالي ابتسمت وهي تمسح على راسه :لا يمه مو تعب يستحق انه يوديها المستشفى
جسار :توك تقولين تعبانه ؟
معالي :تعب الحمل يمه نفسية البنت تتعب وقت حملها وهي وحامها شين
جسار :مافهمت ابعديني عن ذا الامور
دحوم :ي غبي اسمع وافهم عشان بكره وراك زواج
جسار عقد حواجبه وناظر له :دحيم
دحوم :امزح خلااص اسحب كلامي
معالي ابتسمت:مافيها شي ي امي اذا يبي يعرف مصيره كذا ولاكذا بيعرف
دحوم :طيب يمه علميني انا بسمع
معالي ابتسمت:الله يصلح قلبك وانا امك
دحوم :اللهم امين بس ترا كل اذاني صاغيه
معالي :ي امي البنت اذا حملت تمر بفترة اسمها الوحام
دحوم :وش يعني
معالي :بعض البنات تصير تكره زوجها وقتها وتنفس وطول وقتها معصبه ولا ودها بشي وبعضهم لا تصير تحب زوجها اكثر وتتفحت نفسيتها لكل شي والوحام هذا اساسه انها تشتهي اكل او مشروبات او اي شي
عزوز :لاتنصدم بس ممكن انها تتوحم على تراب
دحوم بقرف :يع وش يحسون فيه ؟
عزوز ضحك:لا وتراب ماشيه عليه ناقه ونازل عليه مطر
دحوم :وع كبدي قلبت
عزوز ضحك:كل مااتذكر شكل صقر وهو شايل كيس التراب افطس ضحك
دحوم شهق :لايكون زوجته متوحمه على التراب ؟
عزوز :اي
ناظر دحوم امه :وش تحس فيه هذي
معالي :مو هي اللي تشتهي ي امي هذا ولد اخوك
دحوم ضحك :ولد اخوي من الصغر ماكل تراب وهو مابعد شرف على الحياه
عزوزبضحك :لو يكبر وش يسوي
ناظرهم جسار :عزتي له بس طاح بعمام شماتين والعياذ بالله
معالي ضحكت
دحوم :كملي يمه
معالي :وزوجة اخوك المسكينه صار معها الوحام الشين الله يعينها بس حموضه على كبدها وتستفرغ وتشتهي الاكل واذا صار قدامها استفرغته
عزوز :وين تستفرغه وهي ذاك اليوم كانت شوي وتاكلنا مع الذره
جسار ناظره بطرف عينه :وانت تحسب لقماتها ؟
عزوز :لا
جسار :نشوف حرمك بكره
معالي :هذاك الوضع في بداية حملها اللي بعد ماثقلت بسبة صارت ماعاد تشتهي شي
دحوم :يعني بداية الحمل شي ونهاية شي ؟
معالي :اي وبوسطه بعد شي ثاني
دحوم :ي عمري ي الامهات طلعوت تعانون ؟
معالي :ايه ي امي الله يكتب اجرنا
دحوم :اللهم امين ي رب
معالي :بس اهم شي بفترة حملها انك انت ي زوجها ماتتركها لحالها عشان مايصيبها اكتئاب مابعد الحمل
دحوم انصدم :بعد الشغله فيها اكتئاب !
معالي ضحكت من ردة فعله :اي ي امي فيه امور كثيره
دحوم :انسدت نفسي ماعاد ابي اتثقف ولا شي قفلنا على الموضوع
معالي ضحكت وكذالك جسار
عزوز :يمه انا بروح مكان وارجع تامرين على شي ؟
معالي :استودعتك الله ي حبيبي
جسار ناظره:على وين ؟
عزوز :قريب وراجع
جسار:الله ييسر لك دربك وانتبه على نفسك وانا اخوك
عزوز :ابشر طال عمرك توصون على شي
جسار :فمان الله
عزوز :فمان الكريم
طلع وهو اول مره قرر يطلع للاستراحه عند اصحابه بحيث انه يغير جو
جسار ناظر لدحوم:تعرف وينه رايح ؟
دحوم :لا والله ليه
جسار :بس اسال
دحوم:انا بروح اكل
جسار وقف :يمه انا ببدل وبطلع لبيت ابوي تبين شي
معالي:بتطول ؟
جسار :لا ابي جدي بموضوع وببلغهم بموضوع ملكتي وبروح وراي للمركز
معالي:زين يمه الله يستر عليك ويوفقك ويسدد رميك
جسار:اللهم امين
-
اتجه لبيت جده وقف سيارته ودخل البيت ماهي ثواني الا وطرق الباب
رجع له ويفتح
...:سلام عليكم
استغرب من الشخص ومن بوكيه الورد اللي بيده :وعليكم السلام
..:بيت سند ؟
جسار :اي من بغيت
...:سالم بن عبدالله ال سند موجود ؟
جسار :لا مهو موجود
...:وسند موجود؟
جسار :لا
...:جسار بن فارس ال سند موجود ؟
جسار استغرب :وصلت
...:ممكن توقع هنا
جسار اخذ الورق منه وهو يوقع :من مين ؟
...:ماعندي خبر انا علي اوصلهم بس
جسار اخذه من مده له :زين
قفل الباب من ابعد الرجال وهو يسحب الكرت الموجود فيه وحس بهبوط من قراء الكلام الموجود فيه
-
في جناح ذياب تحديد غرفة ملاذ اللي كانت تفكر هي ونوضا وش بتلبس في عقد قرانها
نوضا :جبتي لي الدوخه انتي وملكتك
ملاذ :اخت على الفاضي ؟
نوضا :كرفتيني كرف والله لاردها لك اذا تزوجت
ملاذ ابتسمت :من عيوني اكرفيني جعل مايكرفني غيرك
نوضا :تشوفين اوريك ي ملاذ
ملاذ :نوضااا
نوضا وهي عارفه النبره زين :ها
ملاذ :فيه بقلبك احد ؟
نوضا :تخسيييين
ملاذ ضحكت :ي كذاااابه
نوضا ناظرتها بنص عين :وش اللي كذابه
ملاذ :وجابر وش موقعه في حياتك
نوضا بلعت ريقها:ولد عم لا اكثر ولا اقل
ملاذ ابتسمت:نقول ان شاء الله انه مجرد ولد عم بس
نوضا :شتقصدين ؟
ملاذ :سلامتك فهمك كفايه
-
في بيت ال سند دخل جسار وهو يمشي بسرعه وواضحه عليه انه معصب وقفت نادين وساره من مر من جنبهم وصوت ثوبه يبين انه مستعجل طلع الدرج بسرعه
ساره :ي لطيف الطف
نادين :اللهم اكفنا شر هذي العاصفه
واتجه يدور على سند اللي كان في مكتبه فتح الباب ودخل بدون لايطقه ترك بوكيه الورد قدامه وجلس على الكرسي قدام سند اللي ناظر جسار باستغراب وهو اول مره يشوف شايش ومعصب هل قد مد ايده بهدوء اخذه وهو يسحب الكرت منه بهدوء وقراءه وحرك عكازه بهدوء وناظر لجسار اللي كان قدامه
سند :علامك شايش ؟
جسار حط ايده على خده وهو يعتدل على الكرسي :قريت الاسم ؟
سند :الله الله
جسار:عرفته ؟
سند :واذا عرفته ؟
جسار :يعني خابره وخابر من يكون وخابر وش يقدر يسوي ؟
سند :ايه خابره بس ماخبرتك تكن له كل ذا القدر من الخوف تجاهه ؟
جسار ابتسم بخفه :مابعد جابته اميمته اللي يقدر يخوفني
سند وقف :اجل علامك شايش وطاير ؟
جسار :لان كان ممكن ذاك اليوم نخسر بناتنا ي جدي تعرف وش يعني بناتنا
سند :الله الله خابر
جسار :بنتك اللي من دمك ولحمك وبنات نسلك ؟عرفتهم ؟
سند :خل موضوعه عندي ي ابوك
جسار :اذا رجال كبار وواصلين ماقدرو له بتقدره انت؟
سند اتجه قبال جسار اللي وقف ومد ايده لكتفه :نقدر للي ماينقدر عليه ي ابوك وان كانك منت خابر من يكون سند بن هذال آل سند فانشد عنه
جسار :ونعم الحيه خابره بس ركز معي شوي اقولك الموضوع يمس بناتنا
سند :بناتنا دامي حي مايمسهم شي
جسار :وش المر اللي ذوقته اياه قبل سنين ؟
سند طلع من الغرفه ومن انهى النقاش بقوله :اتركه علي ولاتشغل بالك فيه
جسار اللي ابدا ماارتاح من كان يدري بسوايا بن طلق لكن كان يدري انه مايقرب الحريم بس الحين وش اللي خلاه يقرب للحريم وخصوصا بنات ال سند
نزل وراءه وهو يشوف جالس ويسولف ولا على باله اي شي ولا هامه الموضوع
سكت واكيد ان سند وراه شي دامه قاله "خل الموضوع عندي "وتنحنح من لمح ابوه جاء
جسار :انا خطبت
التفت فارس :مشاءالله مبروك
سند :من خطبت
جسار ناظر لابوه:الله يبارك فيك ،بنت خالي ذياب وخلصنا امورنا اول ماترجع غلا بنعقد القرآن بيكون عائلي يعني حنا وانتم بس جهزو انفسكم
نادين :ملاذ ؟
جسار :اي
نادين ابتسمت :ي حلوهااا تهبل الحمدالله انك بتاخذها
جسار اكتفى بالابتسامه
وبداءت التبارك من العايله له ورد عليهم وبعد ماقضى وقت معهم وقف
جسار :تامرون على شي ؟
الجد سند:سلامتك
فارس :سلامتك
جسار :اجل فمان الله
الجميع :فمان الكريم
طلع جسار منهم وهو وصلته رسالة نتايج التحاليل تنهد من شافها وقفل جواله
واتجه للمركز يكمل شغله اللي تركه بالامس
-
عند سند اللي اخذ جواله وهو يتصل على احد الاشخاص اللس يثق فيهم
الجد سند:الو
...:ي هلا
الجد سند:ابيك تعطيني رقم بن طلق ولا مكانه
...:بن طلق ؟
الجد سند:ايه
...:وش جاب الطاري ي سند ؟
الجد سند:انت وينك
...:في محلي
الجد سند:جايك ولااوصيك ماابي اوصل الا والرقم والعنوان جاهزين
...:على خشمي
طلع الجد سند من بيته وهو يركب سيارته واتجه للاشخص اللي طالع يشوفه
وماهي الا دقايق من نور جوال سند بالرقم والعنوان اخذ جواله وهو يشوف الرساله ورجعه لجيبه بعد ماشافها ،ماهي الا دقايق ووصل لوجهته عدل ثوب ودخل للبيت وهو يتنحنح
وقف وهو يستقبله :ي هلا ومرحبا
اتجه له سند وهو يسلم عليه :هلابك
...:استريح استريح
جلس الجد سند
...:شلونك
الجد سند:بخير انت شلونك ؟
...:بخير من بعد شوفتك طال عمرك
بعد ماتفقدو احوال بعض واخذو وعطو بالسوالف
...:ماجيت لين هنا ي سند الا والموضوع كايد
سند :اي بالله كايد
..:علمني ووش سالفة بن طلق
استرسل الجد سند وهو يقول عن الموضوع من حصل حادث نادين لين وصله اليوم بوكيه الورد اللي من بعد ماقراء الرساله وهو متوتر كثر جسار واكثر منه لكن كان يحاول يخفي توتر قدام جسار لجل مايزيد توتر جسار
...:طيب وش قال بالكرت ؟
طلع الجد سند الكرت من جيبه ومده له :اقرا بنفسك
اخذه منه وهو يقراء وكان محتوى الرساله كاتالي
"حمدالله على سلامة بنتك ي سند وسلامة بنات نسلك حبيت ابلغك اني هل مره
مشيته باصابات خفيفه بس المره الجايه يمكن تطق براسي وماارضى الا لما اشوفكم شايلين نعشهم والناس داخله طالعه تعزيكم وتذوق المر اللي ذوقتني اياه قبل سنين وانت عارف السنين اللي مرت مامرت علي بساهل وحرمتني من اعز ناسي والحين صار دوري اشربك نفس المر اللي ذقته وصار وقت تذوقه "
وتحت الكلام مكتوب "بن طلق "
...:للحين مانسى ذيك السالفه ؟
الجد سند:وشلون ينسى ؟وهو فقد اعز ناسه ؟واللي خله يذوق الفقد انا ؟
...:بس انت ماكنت قاصد ي سند
الجد سند:وهذا اللي هو مهو راضي يستوعبه ولا راضي يفهمه
...:وش بتسوي الحين ؟
الجد سند:بروح له وابلغه انه مايمس بناتي بشي اذا بياخذ بثاره ياخذه مني ولايمس بناتي وعيالي بشي
...:بس هو مايبيك وانت تدري وتدري ان يبي يلوي ذراعك ومو بس ذراعك ذراع سالم اللي كان معك بذيك السنين
تنهد الجد سند:انا ماصدقت على الله يرجع سالم لحياته طبيعي ويكمل حياته ويطلع لي بن طلق الحين !
...:هو مارجع الا وهو يدري ان حياتكم بدت تسلك مجاريها ورجع يعكر المجاري مره ثانيه
الجد سند:انا بصده وسالم كذالك بس البلاء ان جانا بحريمنا
...:وهذا اللي هو بيسويه ويبي يلوي ذراعك وذراع سالم في شخص محبتك له مشتركه
الجد سند:هذا اللي شاغلني ومقلقني
...:من اللي محبتك انت وسالم مشتركه فيه ؟
الجد سند تنهد :بكر فارس وحرم سالم
...:شخصيتها قويه وتقدر تتحمل الامور هذي ؟
الجد سند:ماينخاف عليها بس اخاف انها ماتستحمل كل ذا الامور
...:ي سند صدقني مايبي شخص قوي من عايلتكم حتى لو كانت حرم سالم مع انه يدري انه بيكسر شوكة سالم فيها بس ماراح يقربها لان يدري انها بتصده
الجد سند:وش تقصد بكلامك ؟
...:من اللي ماتتحممل وضعيفه بذ الامور ؟
الجد سند:مابين اخت سالم الصغيره وبنت ندى بنتي
...:لو كنت اعرف بن طلق ولو شوي فانه مايبي بنت ندى لانه مايقدر يلوي ذراع سالم فيها فا الاكيد انه اخت سالم اللي تقول عنها
الجد سند:بس طيف ماتقدر تتحمل كل ذا الاذى والاشياء هذي !
...:وهو هذا اللي يبيه بحيث يدمرها ويدمر نفسيتها ويخليها موسوسه ويلوي ذراعك فيها وذراع سالم كذالك لجل كذا انتبهو عليها ولاتتحرك شبر بدون احد
ولو ماتطلع من البيت ازين
الجد سند ضحك :بن طلق لو يبيها بياخذها من وسط بيتها بس هو ان ماخاب ضني هدفه حرم سالم
...:اللي عندي قلته لك وان كنت تبي نصيحتي لاتروح له لانك بتزيد من غضبه اكثر واكثر واتركه هو اللي يجيبك
الجد سند وقف :يصير خير
مسك الجد سند من كتفه :لا تعاند ي سند ولاتروح له ولاتزيد النار حطب
الجد سند:اكرمك الله توصي على شي
...:سلامتك
الجد سند:فمان الله
...:فمان الكريم
طلع الجد سند منه وهو يفكر بكلامه واتجه لبيته وهو قرر انه مايروح له وان بن طلق يجيه
-
عند غلا وسالم
سالم :توقعي من كلمني اليوم
غلا بتفكير :سعود ؟
سالم :لا
غلا :اجل ؟
سالم :جسار
غلا بابتسامه:صدق ؟
سالم :اي والله
غلا :شلونه ؟
سالم :بخير ربي لك الحمد
غلا :عسى دوم ي ورب وش يقول
سالم :وش بشارتي ؟
غلا بابتسامه:اللي ودك
سالم :نرجع للرياض ؟
غلا ضحكت:ماقدرت تبعد تفكيرك عنهم صح ؟
سالم ابتسم:الديار هذي ماجازت لي
غلا حاوطته وهي تمد يدينها لرقبته ومد هو يدينه لخصرها وهي ماتبي ترجع لجل مايهلك نفسه من جديد هذا وهو هنا ومهلك نفسه بالتفكير فيهم كيف لو يرجعون للرياض ؟يمكن ينساها وهو كذالك ماوده يرجع لجل مايبعد عنها بس مو قادر يوقف تفكير بالقضيه ولاقادر يوقف كيف يمسك مزيد وهو للحين مايدري ان بن طلق صار ذراعه وانه تسبب بالحادث لنادين ولخواته وكيف بتكون ردة فعله لما يعرف ان بن طلق رجع من جديد وهل مره نيته الانتقام منه
غلا :نرجع بس بشرط
سالم :تم
غلا ضحكت:طيب ماعرفت وشهو
سالم :تم بس اهم ماعندي نكون متواجدين بالرياض وشهو شرطك
غلا :نكون بالديره لين ماتخلص اجازتك وش قلت ؟ولاتقول لحد اننا رجعنا لجل مايخلونا نرجع لهم
سالم ابتسم وهو ياشر على عيونه :من ذي قبل ذي
غلا :هذي بشارتك وخذيتها وش الخبر اللي بتقوله لي ؟
سالم :جسار خطب وخلصو امورهم وينتظرونا نرجع لجل يعقدون القرآن
غلا فزت بوناسه :صدق ؟
سالم :اي والله
غلا :اجل نرجع الحين ؟
سالم ابتسم:توك تقولين ليه نقعد بالديره لين تنتهي اجازتي ؟والحين غيريتي رايك
غلا ضحكت:اصلا اجازتك بقى لها ثلاث او اربع ايام وتنتهي نقعد هنا يوم زياده وبعد بكره نرجع ونتجه للديره وبعدها للرياض كذا زين ؟
سالم هز راسه بايه :زين
غلا :اجل خلنا نطلع نفرفر ونقضى اخر الليالي هنا
سالم اشر على خشمه
غلا بابتسامه:عليه الشحم ي عيوني
سالم :بنزل انتظرك تحت اجهزي وانزلي
غلا :طيب
اتجهت تتجهز ونزل سالم ينتظرها تحت
-
عايله ال فلاح وال سند كانو يتجهزون لعقد قران جسار وملاذ
وكلمت معالي سيف لجل عبدالرحمن ومها وماكان منه الرفض عكس انه انبسط
لانه كان يحب عبدالرحمن وقال انه بيشاور مها ويشوف رايها وفعلا كلمها واخذ برايها وماكان منها الرفض وكلمتهم معالي بانه لو يكون عقد قرانهم مع جسار وملاذ وبنفس اليوم مايمانعون وبالكعس ماكان منهم الرفض وكذالك ملاذ ماكان منها الرفض على انها فرحت بيكون معها احد بنفس التوتر والخوف ويبهدون بعض وقتها وانطلقو يجهزون
-
بعد مرور يومين رجعو سالم وغلا للرياض ومن المطار اتجهو للديره
وبالفعل قضو هل يومين فيها باليوم اللي كانو بيرجعون فيه للرياض وصله اتصال من جسار
جسار :سلام عليكم
سالم:ارحب وعليكم السلام
جسار :شلونك ؟
سالم :بخير عساك بخير
جسار :نحمد الله بخير غلا شلونها
سالم ابتسم:هذي هي جنبي بخير
جسار ابتسم:عطني اياه
سالم :ابشر
مد لها الجوال واخذته وهي ترد
غلا :هلا وغلا ومرحبا ومسهلا بالمعرس
ضحك جسار:هلابك ومرحبا بك
غلا :شلونك ؟
جسار :بخير دامك بخير
غلا :امي شلونها ؟دحومي وعزوزي شلونهم
جسار :كلهم بخير الحمدالله
غلا :عسى دوم
جسار :متى تجون ؟
غلا :انت متى ودك ؟قل اليوم اللي تبيه وتلقنا قدامك
ابتسم جسار :انتم مالكم نيه تجون
غلا :الا والله
جسار :اجل حاولو ترجعون قبل الخميس لان ان شاء الله بنعقد القران يوم الخميس
غلا بابتسامه:ابشر من عيوني ي عله مبارك
جسار :اللهم امين وتراه عصفورين بحجر واحد
غلا :كيف يعني
جسار ضحك :يعني إن شاء الله عقد قراني وقران دحوم بنفس اليوم
غلا ضحكت:بذمتك ؟
جسار :اي والله
غلا :الف مبروك ياروحي انتم
جسار :الله يبارك فيك
غلا :دحوم من يبي ؟
جسار :مها بنت خالي سيف
غلا ضحكت:ماجمع الا وفق
جسار ضحك من تذكر كلمة امه :كلمة امي حتى
غلا :والله كلهم نفس الطينه ونفس ثقالة الدم والعبط وكل شي
جسار :خلهم يكون حيلهم بينهم
غلا :وينه هو عندك ؟
جسار :لا والله نايم
غلا :نوم العافيه والهناء ان شاء الله
جسار :يلا اجل توصين على شي ؟
غلا :سلامتك ياحبيبي تامر على شي ؟
جسار :لاتطولين علينا ترانا مشتاقين
غلا :ابشر من عيوني
قفلت منه ومدت الجوال لسالم وكملو جلستهم طبيعي
-
اليوم المنتظر ملكة جسار وملاذ وعبدالرحمن ومها كان كل شي جاهز
وكانو ينتظرو الشيخ يجي عشان يعقدون القرآن نروح للبنات
اللي كانت ملاذ لابسه فستان اصفر عاري الاكتاف ولتحت الركبه بشوي وماسك على الخصر وميك اب ناعم جدا وشعرها كان ستريت ومن تحت ويفي خفيف وحاطه على شعرها من فوق لؤلؤ ومازادها الا جمال اما مها اللي كانت لابسه فستان احمر بكتف واحد والظهر مكشوف وماسك على الجسم وكان بطولها والميك اب كذالك خفيف وشعرها كان ستريت ورافعه نصه لفوق وصل الشيخ وعقد القران واستهلت الافراح عليهم وزاد توتر مها وملاذ من صار الوقت انهم يطلعون لجسار ولدحوم وصارت يرجفون من الخوف والتوتر
اتجهت ملاذ لجسار اللي استقبلها بالصدر الرحب والابتسامه
واتجهت مها لعبدالرحمن اللي كذالك استقبلها بالابتسامه والحب
قضو وقتهم مع بعض وانتهى وقتهم مع بعض ورجعو البنات للداخل ورجعو العيال للمجلس
وانتهت ليلة بالفرح والوناسه وحصل شي ممكن انه يعكر مزاجهم على ان جسار كان متوتر وينتظر من بن طلق يدخل من الباب ويخرب ام الليله كلها لكن ولله الحمد قضت الليله بحلوها قبل مرها وانبسوط فيها
وقررو انه الصبح يتوجهون للديره لجل يحتفلون بعقد قران عيالهم
صح انه مادخلت بالتفاصيل كثير بالملكه بس ابشرو با البارت الجاي بعوضكم لان الحين من كثر ما كتبت وفكره مخي يقول ارحميني شوي وانتم وترتوني برسايلكم قررت انزله اليوم لاني وعدتك وماابي اخلف بوعدي نفس المره اللي طافت وانتظر تشبيكم على الانستا لي بارت ولي حدث ووروني حماسكم ورجعو تفاعلكم وعندي لكم خبر حلو قررت اني ماانهي الروايه بدري وقررت اني انهيها مع نهاية الشتاء شرايكم؟
نستودعكم الله ولنا لقاء ثاني 🤍
أنت تقرأ
ليته ماسمعني يوم قلت (يحق لك مايحق لغيرك ياعزوتي)
Randomهالروايه فيها احداث تدور بين عايلتين عايله ال فلاح وعايله ال سند يجمعهم حبهم لبعض وتربطهم في بعض وحبهم ل احفادهم فيها مخيم للعايله وديره روايتنا تتكلم عن احداث ابطالي سالم ومين تتوقعون وتبداء من البارت الرابع سند يوصي سالم على عين السيح ويحمله م...
