ليته ماسمعني يوم قلت (يحق لك مايحق لغيرك ياعزوتي)

بارت 26

اهلا اهلا حبايبي كيفكم اول شي استغفرو واذكرو الله وادعو لنفسكم وادعو لي معكم والحين اترككم مع البارت الحلو
دخلو ملاذ ونادين وساره وراء غلا للخيمه وهم يضحكون
نادين :ادعس ياالحب
ملاذ :ياجمال اللي يستحون
ساره:والله مرت اخوي طلعت تستحي
غلا ضحكت:خيرر ترا استحي من زمان حسستوني اني مااستحي
نادين :صج والله
غلا :اي والله
ساره:خلاص عاد لاتضايقون مرت اخوي
غلا ضحكت وهي تمد يدها لساره (كف ):كفو الحماه البطله
ساره وهي تمد لها يدها :بالخدمه موجودين
ملاذ :سحبتي علي من الحين ياغلو
غلا بضحك :افا ماراح اسحب عليك بس الحين هذي بتصير حماتي لازم نضبط العلاقه
ساره :ياحيوانه
ملاذ :منتي هينه
غلا بضحك :وش اسوي عاد لازم
نادين :حيوانه ماتوقعت
غلا :لا لا شدعوه يعني انا من زمان علاقتي حلوه مع ساره وطيف ومااشوفهم الا خواتي يعني الحين بتغير ؟
ساره :ياحياتي والله وانتي مثل طيف عندي
غلا :ياقلبي ياساره
ملاذ :لا لا كذا كثير خير سحبتي علييي
غلا :انتي غير ماينسحب عليك والله
ملاذ :اشوا
ساره:غلا حياتي
غلا :عيوني
ساره:جهزي نفسك
غلا :ليه
ساره وهي تغمز لغلا:الملكه ان شاءالله يوم الخميس الجاي
غلا :ها
ساره:اي
غلا :تستهبلون
ساره:لا
نادين :والله الاخ مستعجل
غلا:طيب انا مجهزت شي ولا حجزت شي حتى فستا ماشريت
ملاذ:انا اقول ابدي جهزي من الحين
غلا :كيف اجهز انتم شايفين حنا وين
نادين :جهزي الكوشها والاشياء هذي والفستان حنا يومين وراجعين ويمدي ان شاء الله
ملاذ :اهم شي الكيكه والمسكه
غلا :يمه بطني
ملاذ :وش فيك
غلا وهي تحط يدها على بطنها :بنات خلاص خلاص ماابي بكنسل مابي
نادين :تستهبلين انتي
غلا :يمه خلاص والله ماابي
ساره :هيه وش فيك انتي
غلا :جاني ماغص من الحين اجل يوم الملكه وش بسوي
نادين :عيني من الله خير بس مافيه شي
ملاذ :هذي لاتوترين نفسك
غلا :يابنات ليه يحطونها الخميس وش ذا سلامات
ساره :والله اخوي مستعجل
غلا :اذا هو مستعجل انا وش ذنبي يعني
ساره :ذنبك انك حلوه واخوي يبيك حلاله باسرع وقت ممكن
غلا :يمه اسكتي لاتزودين الماغص
نادين غمزت لها :وخايف من انك تروحين منه عشان كذا مستعجل
غلا بلعت ريقها :خلاص قولو له انا هنا مانبي هاجه لمكان بس لايحطها الخميس
نادين :خلاص طاح الفاس بالراس حياتي
غلا :طيب اسمعو اجل خلونا نحجز ميكب ارتست ومن هل الامور من الحين ونتخار الكوشه ولا الاشياء هذي
ملاذ :تم
ساره:ابشري
نادين :من عيوني
في خيمة الحريم اللي كانو جالسين فيها الجدات والحريم وباقي البنات ورد للجده ساره اتصال كان من بنت خالتها
صالحه
الجده ساره:هلا
صالحه :سلام
الجده ساره:وعليكم السلام
صالحه :وشلونك
الجده ساره:بخير وانتي شعلومك
صالحه :بخير وينك ياللقاطعه لاخبر ولا حس
الجده ساره :والله موجوده مير كنا مسافرين لابها والحين عودنا
صالحه:انتي فالديره ؟
الجده ساره:اي
صالحه :فاضين
الجده ساره:اي امري
صالحه:والله مشتاقه لتس ياخيه وبنجي نسير عليكم بكره
ان كانكم فاضين
الجده ساره :والله حتى انا مشتاقه لتس الله يحيكم المكان مكانكم وتعالي ارقدي عندنا انتي وبنيتك
صالحه:لا لا مغير بنسير عليك ونشوفك ونمشي
الجده ساره:لا والله حلفت ان ترقدين انتي وبنتك عندنا
صالحه:مانقدر ياساره
الجده ساره:ماغير لليله حلفت
صالحه:خلاص بشوف رجالي وش يقول وارد لك خبر
الجده ساره:خلاص ننتظرك بكره
قفلت الخط وناظرت
الجده ساره:حلا
حلا:هلا
الجده ساره:روحي نادي نادين خليها تجي
حلا :طيب
راحت حلا متجه للهيمه اللي جالسين فيها البنات كانو جالسين يختارون الاشياء ويحجزون
ملاذ:هذي الميكب ارتست وخلصنا منها
ساره :والحلا خلصنا منه
نادين :والهير ستايل خلصنا منه
ملاذ :والكوشه حجزناها
غلا :بقى الكيكه
ساره :والديجيه
ملاذ :وبقى فستانك
نادين :والمسكه
غلا :احس مايحتاج مسكه
نادين :الا
غلا :هو ترا ملكه مهو زواج مايحتاج مسكه
نادين:الا عشان نصور وانتي ترمينها علينا
ملاذ :قصدك حركة الاجانب عشان نشوف مني اللي بتتزوج بعدها
نادين ضحكت :اي
ملاذ بادلتها الضحكه ومدت لها يدها بمعنى (كف)ومدت نادين لها وضحكو
غلا:يخططون على حسي بعد
دخلت حلا :مشاءالله وش عندكم تضحكون
ساره:جالسين يخططون على ملكه غلا
حلا :امداكم احس توها باقي وقت
نادين :ماتدري اننا حجزنا نص الاشياء وخلصنا
حلا انصدمت :اماعاد
غلا :للاسف اي
حلا :سلامات وحنا وين رحنا
غلا :موجودين بس حنا خلصنا الاشياء الاساسية
حلا:خونه خير زعلت
غلا :زعليتي ؟
حلا:اي
غلا :خلاص انتي تختارين لي المسكه
حلا:قولي والله
غلا :والله نختاره انا وانتي سوا
حلا :كفو
نادين:وش تسوونن براء
حلا :يوه نسيت جده تبيك
نادين:انا ؟
حلا :اي
نادين :ليه
حلا :مدري كانت تكلم بالجوال وسكرت وناطرت فيني وقالت نادي نادين
نادين :غريبه
ساره:يمه وش فيه
غلا :دقيقه دقيقه تفكورن بالي افكر فيه ؟
ساره:اي
ملاذ :اتوقع اي
نادين:يمه لا بسم الله علي
حلا :والله مدري بس احس ايه
نادي :يع لا لا مااتوقع
غلا ناظرت نادين :صدمه عاد
ملاذ :ليه
نادين ناظرت غلا:اي والله صدمه
ملاذ :وش فيكم
ساره:سلامات ليه عادي شي طبيعي
نادين :ماابي ماابي
حلا :طيب اصبري يمكن رجال كفو
نادين :ماابيه سواء كفو ولا غيرها
غلا :اي والله
ساره:تستهبلين انتي وش فيك
ملاذ:ليه بالعكس شي حلو واذا صار ملكو بنفس اليوم انتي ونادين
نادين:اعوذ بالله بسم الله علي وش فيكم انتم اصبرو خلونا نشوف وش فيه
قامو البنات مع نادين وراحو للخيمه حقت الحريم دخلو
نادين :لبيه يمه
الجده ساره:تعالي جنبي
نادين بلعت ريقها وناظرت غلا
غلا :شكلها صارت والله
نادين :لا ان شاءالله اصبري دقيقه
راحت وجلست جنب امها :سمي
الجده ساره:تذكرين صالحه بنت خالتي ؟
نادين :اي وش فيها
الجده ساره:مافيها شي بكره بتجي هي وبنتها لمنا
نادين :ليه ؟
الجده ساره:كيف ليه جايين ضيوف
نادين :يعني بس بيسيرون علينا ؟
الجده ساره:اي ويمكن يرقدون
نادين وكان مويه بارده انصبت عليها وبهمس :الحمدالله
الجده ساره:وشهو
نادين وهي توقف:اقول الله يحيهم
الجده ساره:روحي جهزي وسنعي الاغراض
نادين :ابشري
طلعو البنات ملاذ ونادين وحلا وساره وغلا ونوضا
نادين :يمه بطني
غلا :وش قالت
نادين :يو الحمدالله
ساره:وش فيك
نادين:مهو اللي في بالنا الحمدالله
غلا ارتاحت :الحمدالله اشوا
ساره:ياهوو وش فيه تكلمو
نادين:مافيه شي بس صالحه وبنتها بيجون بكره عندنا
حلا :وع امانه
نادين:للاسف اي
(عزيزه تكون بنت صالحه همها كله ان العيال ينجذبون لها ويخقون عليها سوالفها كلها عن فلان رقمني وفلان تقدم لي وفلان يحبني وفلان وفلان لبسها غير محتشم وتقعد مع العيال عادي عندها مافيه اي مانع وكل همها العيال )
غلا :صبر من ذي
حلا:يع احمدي ربك انك ماتعرفينها
غلا:ليه
نادين :امشو المطبخ اعلمكم
راحو للمطبخ ودخلو وابتدو يجهزون الاغراض عشان بكره
في المطبخ
غلا :من ذي ؟
نادين:سلمك الله هذي بنت خالة امي
غلا :ماعرفتها
حلا:احمدي ربك انك ماعرفيتها
غلا :ليه
نادين :هي حليله بس بنتها وصخه وصخه
غلا :وش فيها مافهمت
حلا:محور حديثها كله عن العيال
نادين :تحب تلفت انظار العيال وراعية شباب ومن ذا السوالف
غلا :يع
ساره:تغث مره
نوضا :عاد هي زينه ولا ؟
نادين:لاجاء الصدق بنت الكلب مزيونه
غلا :صدق
نادين :اي والله الله يلعنها تقطع القلب
غلا :حسبي الله
حلا :مره زبد لها فهد
نوضا :ليه
حلا :خقت عليه وتحاول تتقرب منه قام زبد لها قال انتي وش تبين مني سناب ماني معطيك ووجه ماني معطيك فارقي عني
نوضا :يع عاد استحت على وجهها ولالا
حلا :لا وللحين تتلصق فيه
غلا :يازين عزة النفس بس
ملاذ :لهدرجه مستنقصه نفسها
ساره:وع وع تنتفزني اذا كنا قاعدين وهي تسولف ومر احد العيال تروح تعدل صوتها وتتدلع
ملاذ :سامجه
غلا :ياكبدي
نادين وهي تطلع الصينه وناظرت لحلا:من الحين اقول لكم اللي خاقه على احد لاتخليه يروح منها
وثم ناظرت نوضا :واللي. تحب وتكابر لاتترك حبها عشان مايروح
وبعدها ملاذ :واللي رسمت احلام ورديه في بالها لاتتروح ووتمسك فيه
وناظرت غلا :والللي بتتملك قريب رجالها لايروح
غلا :تعقب
ضحكو البنات
نادين :البنت مزيونه تهول العقل انا علمتكم وانتم انتبهو
غلا ناظرت نادين :واللي معجبه بعد وتتنظر لايروح
حلا:قسم بالله ان ماتكلمتي انتي وياها لااسوي لكم مشكلة
نادين :نتكلم عن وش
ساره :عن النغزات اللي بينك وبين غلا من اليوم
نادين:مافيه شي
حلا :تسوقينها علي
غلا :مافيه شي واذا فيه فاهو بيني وبين نادين ولا ؟
نادين :صح
حلا:كل شي بيبان على حقيقته قريب
جلسو يرتبون الاغراض عشان بكره وهم يرتبون الخميه
غلا :بنات
حلا :ها
نادين:هلا
ملاذ :عيوني
ساره:لبيه
نوضا :هلا
غلا :كيف شكلها البنت
نادين ضحكت :جلستي تهوجسين من الحين
غلا :خرشتوني والله
حلا:تبين الصدق
غلا :اي
حلا :البنت تهول العقل موت موت
غلا :امانه
حلا :وربي
غلا :اوصفيها
حلا :وش اقول لكن ووش اخلي تبين من وجه ولا من جسم ولا من وش
غلا :يويلي لا والله راح سالم
ضحكو البنات
نادين :عشان كذا احذركم انا
غلا :تحذرين وش اسوي اروح اتعلق برقبته مثلاً ولا واسوي
ملاذ :هذي الغيره من الحين اجل لو تزوجتيه وش تسوين
غلا :والله مااخليه يتحرك شبر بدوني
نوضا :تسوينها والله
نادين :خبله تسويها
ساره :سالم استبعدوه
حلا :ليه
ساره:اخوي واعرفه موب جوه الصياعه هذي
غلا :اي اكيد
نوضا ضحكت :قامت تطلب له
غلا :لا حياتي فعلا سالم مايسويها شفتي لو انها اخته بسم الله على خواته كان كسر ضلوعها وعلمها الادب
نادين :اي والله
غلا :بس انتم الحين خرشتوني تقولون مزيونه ووالله اني خايفه يشوفها
ساره:لاجاء الصدق انتي اجمل منها
غلا وهي ترجع شعرها على وراء بغرور:اكيد طبعا
ملاذ:مع اني ماشفت البنت بس متاكده انتي اجمل
غلا :يابعد قلبي يابنت ذياب
ملاذ :يابعد قلبي انتي يابنت فارس
دخل نهيان وهو وافع ثوبه وبيده عصا
نهيان:بنات
غلا :ارحب
نهيان :البقى
نادين:هاا
ساره:لبيه ياحبيبي
نهيان :سالم يقول وسكت
غلا :وشو
حلا :ياربي ياخفيفه اصبري اصبري
غلا :جاني فضول
نهيان:سالم وبتال بيروحون يفحطون يقولون تبون تروحون ؟
نادين وقفت تلف طرحتها:اي انا بروح
نور :يمه ماتوفر
نادين :تفحيط تبيني اقعد اقابل وجيهكم
نور :مو على اساس تفطين مع فهد بس
نادين:يوه طلع سالم يفحط بشوف تفحطيه كيف
ساره:شكلي بروح
غلا :نهيان مين اللي بيسوق سالم وبتال
نهيان :بتال
غلا :اجل انا ماراح اروح
حلا :وليه
غلا :اركبي مع بتال وتعرفين ليه
نادين :ليه وش فيه
غلا :وربي ان يوقف قلبك من الخوف
ساره:يمه ليه
غلا :ماجربتي وهو ينزل من الطعس بسرعه والموتر واقف على كفرتين معه
ساره:يمه
نادين :مهوب صاحي
ملاذ :توك ماشفتي شي
نوضا :تركبين معه اعلني وفاتك
نادين :يمه خلاص اجل ماني رايحه
ساره:يمه مايخاف
نوضا ضحكت
حلا :وش فيك
نوضا وهي تاشر على ملاذ :تذكرت مره
غلا وهي تضحك :اي
نور:وش هو
نوضا :كنا بالمخيم ورحنا مع بتال وجلس يفحط
ملاذ :يوه الله لايعيده من يوم
ساره:ليه
نوضا :فحط مره بقوه كان الموتر شوي وينقلب فينا
نادين :يمه
نوضا :وهذي من الخوف اغمى عليها
نور:يويلي عنك ماالومك
ملاذ :ذاك اليوم شفت الموت قدامي
وقف بتال عند باب الخيمه وهو ينادي
بتال :ياغلا
غلا :لبيه
بتال :تروحون معنا
غلا :وين
بتال :بنروح انا وسالم للي خبري خبرك
مايبي يتلكم عشان الاجداد مايهاوشونه
غلا :مين بيسوق
بتال :سالم وبعده انا
غلا :انا ماابي اروح
بتال :ليه
غلا :عارف ليه بس نادين وساره يبون يروحون
غلا ونوضا ونادين وساره ونور وحلا وملاذ خلصو شغلهم بدري بس الباقي لا مااضطرو انهم يقعدون
بتال :حياهم الله
نادين رمت المنديل على غلا وبهمس :تبيني اموت
جاء سالم وهو يدور بتال :وينك ياولد
بتال :جالس اشوف مين بيروح
سالم :ها مين بيروح ؟
بتال :ساره ونادين
سالم :بس
بتال :اي
سالم:اللي داخل مين
نادين :انا وساره وغلا وملاذ ونوضا وحلا
سالم :اجل كلكم بتروحون يلا
غلا :انا مابي
سالم :ليه ي وناظر بتال وسكت
بتال ناظر فيه وضحك :اعقل ياولد اصبر توك توك مطول
سالم :كلها اسبوع ووبعدها مالك صلاح
بتال :تسمعين ياغلا بتروحين وتخلين زوجك بالعالم الموازي
غلا :اخسي اخليك
سالم :نعم زوج ايش
بتال :زوجها بالعالم الثاني
سالم عطها نظره:الحين انت وش تبي هنا
نادين ضحكت :ياعمري على الغيره ياعمري
سالم :نادين انطمي
بتال :ليه تسكتها
سالم :عمتي وش دخلك
بتال :خلها تاخذ وتعطي طيب
نادين :ياحلو كلمة عمتي بس مهوب بعض الناس اللي عندي
غلا :تراك صجيتي راسي
بتال :لنا الله يانادين حتى انا ماتقول لي خال
سالم :احسن
ساره:شكل الحميه قويه
غلا :صجيتوني خلاص اعقلو واقول لكم
سالم ناظر بتال :شفت حتى بنت اختك ناقده عليك
غلا :هيه عاد الا بتال
بتال :شفت شفت ماترضى علي قايل لك
سالم :الحمدالله بس
بتال:اي واله
غلا :بتالي
بتال :ياعيونه
سالم انفقعت كبده منه :جعلها العمى امش قدامي بس
غلا ضحكت :دقيقه بكلمه
سالم بحده:والجوال وش مقصر فيه
غلا :طيب هو قدامي الحين ليه مااكلمه
بتال :الغيره ياحب الغيره
سالم بحده وهو يمشي بتال ويمشي وراه :اعلجن انا براء
بتال :كلميني جوال ياقلبي
غلا :من عيوني
طلعو البنات نوضا وغلا ونادين وحلا وساره
سالم كان واقف قدام السياره وعاكف اكمامه ويسولف مع بتال اللي كان عاكف اكمامه ومتلطم ويلعب بسبحة
بتال اتجه لغلا :ارحبي ارحبي في ذمتي
غلا :البقى ياعيوني
بتال حط يده على كتف غلا وهو يمشي وهي جبنه :شلونك
غلا :بخير انت شلونك
نوضا :توك شايفه كيف تسالها هي وشلونها
بتال وهو يدخل نوضا تحت يده الثانيه :لان فيه ناس هنا ابيهم ينقهروننن
ضحكت غلا
نوضا :اها
بتال باس غلا :ياجعل هل ضحكه ماتغيب
غلا :عيب عليك
بتال :يعني ماتبين اغثه شوي
غلا :غثه بس مهوب كذا
بتال :شلون يعني
غلا :دلعني وودني وجبني وهو بيغار معليك
بتال :هذي دايم اسويها بس الحين هو مايقدر يلمسك ولا يقرب منك ويتمنى انه ماكني
نوضا :يع
بتال :وش عرفك انتي
غلا :قسم انك خطير
بتال :توك ماشفتي شي
غلا وهي تهمس له :ترا بيسويها مع الحب
بتال :مايدري
غلا :سالم مايخفا عليه شي
بتال :مادرى والله
غلا:بكيفك
ناظر سالم لنادين اللي قربت من السياره وراح لها
سالم :نادين
نادين :هلا
راح سالم وهو يمسك يدها ويركبها السياره :وش اخبارك
نادين انخرشت :يمه وش فيك
غلا ضحكت :قلت لك
بتال سحب يده من البنات :وش دراه
غلا :قلت لك مايخفا عليه شي
بتال :يهب ووجه
غلا :هيه وش فيك
بتال :امشو بسرعه
نوضا :خير ان شاء الله تتهامسون بدوني
بتال وهو يدفهم يمشون بسرعه :مهوب وقتك امشي اعجلي
ركبو البنات وسالم هو اللي يسوق وبتال جنبه
غلا :سالم
سالم:لبيه
بتال :مشاءالله لبيه ومدري وش
سالم:وش تبيني اقول
بتال :قل ها قل هلا قل نعم
سالم :يامسلم فكني من شرك
بتال :اسكت ولا كلمه احترم نفسك اكبر منك وخال البنت
لاتحسب اني بخليك تاخذ راحتك عشانك خطبتها ترا توك
خاطبها لا صارت مرتك قل لبيه
سالم :يا الا اله الا الله
بتال لف يناظر غلا :وش انتي يابنت وش تبين
غلا ناظرت فيه :بتال من متى الاسلوب ذا
بتال :من اليوم
نادين:اخس ياالخال الغيور
بتال :اي من اليوم لين تصيرين على ذمته وانا كذا معكم
غلا :معليش لاتكلمني
بتال :ليه
غلا :اذا صرت بتال الاولي ذاك الساعه كلمني
بتال :خلاص امزح وش تبين
غلا غمزت له:لا مهوب انت بتال
بتال فهم قصدها تبي ترفع ضغط سالم :سمي وامري ياقلب بتال وش بغيتي
غلا :اي هذا بتال اللي احبه واعرفه
بتال :تددلي بس وش تبين
غلا :ياحبيبي والله
سالم دبل الدعسه وهو بداء ينطلق بالسرعه
غلا :شغل لنا شي
بتال :ابشري
مد بتال يده للديجيه بيشبك
سالم :خله انا بشغل
بتال :شغل بس شغل اغاني تجوز لقلبي
سالم :يارجال اهجد انت وقلبك بس
ضحكو بتال وغلا شغل سالم اغنيه وهو بداء يسرع ويفحط
غلا :سالم دقيقه لاتفحط
سالم :ليه
غلا :بصور بعدين فحط
سالم :طيب
غلا :سالم
سالم :لبيه
غلا ابتسمت :بصورك عادي
سالم :عادي اخذي راحتك
بتال :صوريه ماعليك منه وش بيقول يعني
سالم ناظر فيه :وانتي ندو تبين تصورين ؟
نادين انخرشت :سالم انت فيك شي اليوم
سالم :لا مافيني الا العافيه
نادين :متاكد
سالم :ليه انتي تشوفين فيني شي
نادين :لا
سالم :خلاص اجل
بتال :غلا خلصي صوري
سالم :اخذي راحتك ياببعدي وصوري لين تخلصين
بتال :وع ياكبدي
ضحكو البنات
شغل سالم شيله كانت
كل ماشمس العصر قامت تمايل
قامت همومي من الضيقه تفرا
اتصبر واتناسا واتحايل مير كني
على موته يورا لو مدحت الحال
للوجعه دلايل التنهت لايرد ولايذرا
مد سالم يده وهو يرفع على الصوت اكثر وبصوته الجهوري كمل مع الشيله سالم :ياشبيه الريم في وادي محايل
وعينه على المرايا
اما غلا اللي تصور ومركزه على سالم وجمالها وعيونها حب
سالم وهو يكمل :دارعك زين فغيرك مايطرا
سكت وكملت الشيله
العيون الدعج منسوع الجدايل
القوام الغض والخصر المبرا
الفخامه والطخامه والـ ستايل
غنى سالم مع البيت هذا :غرو بدو يقضي المصياق برا
يدري ان حبه عمل فيني عمايل
وادري ان وده يغامر ويتجرا
حايلٍ من دونه سلوم القبايل
الوصل محذور والعالم تزرا
غلا :خلصت
بتال :اخيرا
ابتداء سالم يفحط ويسرع والبنات مصدومين من سالم لان ولا مره شافوه يفحط وفعلا كان خطير بالتفحيط
نادين :بطني وقف خلاص
بتال :هههههههههه توكم اصبرو رح ياابو عبدالله ادعس
سالم اللي فعلا زاد سرعته اكثر واكثر وزاد خوف البنات
نور :يوه خلاص خلاص وقفو
حلا:يازين تفحيط فهد وغيث زينها
نوضا :يمه معدتي
بتال :بس بس انزل ابو عبدالله سلمني الطاره
وقف سالم ونزل هو وبتال قبل يركب بتال رفع ثوبه وهو يربطه على خصره
غلا :لا يرحم والديك الا ذي
نوضا :بتال طلبه لا
نادين :وشو
غلا:ربط ثوبه
ساره:طيب عادي
نوضا:الحين تشوفين اذا عادي ولالا
بتال اذا ربط ثوبه اعرفو انه مروق وبيجي تفحطي جنوني
ركب هو وسالم :بسم الله
نوضا :عمي بتال طلبه
بتال :وش فيك
نوضا :فك ثوبك
بتال :نو نو لا لا هاير هاير
ساره :قالها لك بجميع اللغات
نوضا :نقابي عندك حلفت مايرجع
ضحكو بتال وسالم
سالم :وش انت مسوي
بتال :ماسويت شي
غلا :مره ماسويت شي بسم الله عليك
سالم :شكل السمعه معدومه
غلا :مره
حرك بتال السياره
نوضا وهي تتكلم بسرعه :لا اله الا الله قل الله واحد اعوذ بالله من الشيطان الرجيم
وكل مابتال يزود السرعه نوضا ماتخلي دعاء الا وتقوله
نور :وش فيك
بتال زاد السرعه وهو يرقى الطعس :تمسكوا
حلا :يمااااا.
ساره :بننقلب
سالم ساكت ويناظر في بتال وهو متمسك ورابط حزامه
نوضا :بتااااال
بتال اول مااوصلو الطعس نزل بسرعه مع الجه الثانيه السياره طارت فيهم لين نزلو للارض
نادين :ياربي لا اله الا الله
ساره :بموتتتتت
نوضا :اشهد ان لا اله الا الله يربي ارحمني برحمتك
سالم انهبل :مهبوللل انت وقف وقف
بتال :وش فيكم
سالم :وقف
وقف بتال :اعوذ بالله وش فيكم
سالم :انت صاحي
بتال :اي
سالم :بعيت تذبحنا لو ماستر ربي
بتال :شدعوه
غلا :بتال وربي ان مت ذنبي برقبتك
بتال :ياجماعه وش فيكم
نادين:سالم نزله نزله سق انت
حلا :يوه بطني باستفرغ
غلا :عرفتو ليه ماابي اروح
نور :ماالومك
بتال ضحك :بسم الله عليي فجرتو اذاني من الصراخ
سالم :انزل انزل
بتال :خلاص يادلوعين بوديكم المخيم
نادين :والله ان سقت انت اني لاانزل اروح المخيم كعابي
بتال :هيه وش فيكم
سالم :بغيت تذبحنا وتسال وش فينا
نور :ابي امي ودوني
نادين :يازقن فهد زقناه
حلا :توي اعرف قيمة وربي
بتال :ماش ماتعرفونه التفحيط اجل
نادين ونقابها من عند الحواجب طاير :يلعن خيرك ذا مهو تفحيط
بتال وهو يماظر بنقابها انفجر ضحك :اجل وشهو
نادين :هذا قتل اوادم
نوضا :خلاص خلاص انا ابي حياتي رجعوني
نور :وانا لسى ماشبعت من الدنيا ابي حياتي
غلا :وانا لسى ماتخرجت ولا شعبت من حياتي
نادين :انا ماحققت احلامي ولا سافرت اصبرو
بتال :تحققونها بالجنه ان شاء الله
ساره :يمه جتني دوخه
لفو عليها البنات
نادين :وش فيك
ساره:راسي يدور
سالم :ماالومك
بتال :وش دعوه عاد
سالم :انزل انزل
بتال :اقعد اقعد برجعكم المخيم يوراعين
رجعو المخيم على غياب الشمس ونزلو وراحو يجهزون البنات جلستهم عشان يسهرون شوي
اما العيال والاجداد والرجال ابتدو يصلون وبعد البنات صلو
بعده شبو العيال النار طلعو البنات يجلسون مع الحريم والرجال والعيال اللي كانو ملتين على شبة النار
الجد سند:الله حيهن
الجد فلاح:حياءالله بناتي
الجد سند:اقعدو اقعدو تدفن من البرد
قعدو البنات وهم جالسين يسمعون سوالف اجدادهم المواقف اللي صارت لهم
الجد سند وهو يكمل القصه:المهم هاك اليوم طالعين انا وفلاح كنا متهاوشين مع مديرنا وطلعنا وخلينها
دحوم:ساطين جداني
الجد سند:هاك اليوم فلاح ماله داخل بالموضوع
الجد فلاح:كيف مالي دخل
الجد سند:الموضوع لي
الجد فلاح:موضوعك يعني موضوعي ياسند
الجد سند :جعل ربي لايخليني منك
جسار:ليه وش كان الموضوع
الجد سند:تهاوشت انا ومديري وفلاح كان واقف معي
جسار:ايو
الجد سند :زاد الهواش وفلاح كان يحاول يهدينا بس وقتها حنا طايشين شباب
جسار:وش صار بعدها
الجد سند:اشتد الهواش بينا ويققوم المدير يطردني وطلع فلاح وراي قال المدير ان طلعت يافلاح تراك مفصول
دحوم :جدي طلعت عاد ؟
الجد فلاح:اكيد طلعت ماني مخلي رفيقي
الجد سند وهو يمد يده يبوس لحية الجد سند عرفتوه سلام الرجال :اي طلع وراي جعلني قبله
دحوم :حي والله ذا العين
الاجداد :حي نباك
جسار:ووش صار بعدها
الجد سند :طلعنا وهاك اليوم فلاح تعبان نايم وراء وفنص الطريق اشوف رجال واقف ياشر وواقف له
غيث :ساعدته
الجد سند:اي قلت عسى ماشر وش فيك قال تهاوشت انا وخوي ونزلني وراح وخلاني
سالم :امحق رفقه
الجد سند :قلت اركب بوصلك للمكان اللي تبيه وقتها كان فيني نوم والوقت متاخر وفلاح نايم قلت ماابي اقعد لحالي واغفى ونسوي حادث
دحوم :ها وش صار بعدها
الجد سند :من يوم ركب وانا احس بضيق مهو طبيعي ويقعد يسولف الرجال وانا ماني يمه جالس افكر واهوجس
وبعد ساعه فلاح صحو ويشوف الرجال معنا
الجد فلاح:والله اني اذكره كنه صاير اليوم
الجد سند:اي والله
فهد :تحمست جدي كمل
الجد سند :قام فلاح يعاين قال ابك العلم ويش هذا منهو
قلت واحد بيبي مساعده وجلس يعلم فلاح عن نفسه المهم انا مدري وش اللي خلاني اعاين في رجول الرجال
جابر :يمه لايكون
حاكم:انطم انت وياه خل عمي يكمل هرجه
الجد سند:يوم شفت رجوله الا والله انها رجول حمار
غلا :يمه صدق ابوي
الجد سند:اي والله صدق
الجد فلاح :يوه ذاك اليوم بغينا نموت
الجد سند :انا يوم شفت رجلينه انهبلت بغيت ادعم بالتريله اللي قدام
نادين :يمه بسم الله عليكم ربي سلمكم لنا
غلا :اي والله
مشاري :كمل عمي
الجد سند:وفلاح يناظر فيني واخذ جوالي وارسل له
الجد فلاح :والله اني احسبه يستهبل
الجد سند:اجل الامور ذي يمنزح فيها
الجد فلاح:مدري
جسار:اسلم جدي كمل
الجد سند :يوم شاف رجوله اقتنع ونوقف عند مطعم نزلنا نتعشى ونخليه يتشعى وارسل لفلاح قلت اطلع للمغاسل وانا بحلقك قال طيب ويطلع
الجد فلاح :يوم طلعت قال فلاح بالله خذا شغل الموتر عشان يحتر ونا بنخلص ونجيك قلت طيب واطلع للسياره واشغلها واقعد فيها وخاهي الا خمس دقايق الا سند جاي يركض
الجد سند :هاك اليوم ركضت ركض مهو طبيعي طبيت مع الدريشه
الجد فلاح :خرشني مادريت الا الرجال طاب ويصيح حرك حرك
ضحكو كلهم
ساره اللي كانت جالسه على الكرسي وجنبها غلا وفيه مسافه بسيطه بينهم
ساره:جدي عاد مااذاكم
الجد سند :لا وابشركم صار صديقي
ساره:يمه يعني الحين انت عمدك صديق من العالم الاخرى
الجد سند :اي ابشركم بعد جاه عيال مع بنت وولدين
غلا :اما عاد
الجد سند:اي والله وتراهم معنا الحين عازمهم انا
نادين :يمه يبه صادق
الجد سند:اي عانو عيالهم يلعبون عند ساره وغلا
ساره ناظرت غلا وغلا ناظرت فيها وقامو:يمهههاااااااا
ضحكو كلهم غلا وساره يقرون على انفسهم
عزوز :يستهبل عليكم
دحوم :النققزه خطيره
عزوز :اقعدو اقعدو
غلا :جدي قل الصدقق
الجد سند:امزح امزح تعالو تعالو
اتهو غلا وساره لجدهم قعدت غلا بين الجد فلاح والجد سند وساره جنب الجد سند
الجد سند :خفتتو
ساره:اي
غلا :قلبي يدق بقوه
الجد سند:بسم الله عليكن اسف
غلا :الله يسامحك روعتني
الجد فلاح :بسم الله عليك
عزوز :بسم الله عليك وعلى قلبك ياروح اخوك
غلا :ياحبيبي ياعزوز
دحوم :اي وحنا لنا الله
غلا :افا يادحومي انت القلب
نواف :وانا
غلا :عاد انت عنقودنا غير ياعيوني
مشاري :اقول متعب سمعنا شي بالله
متعب :وش تبي
مشاري:غن اي شي
متعب :عطوني شي وانا بغنيه
بتال وهو متلطم وجالس قدام النار يحركها:عطنا مسني حبه
عزوز :اوه ذوقك جبار
بتال :اعجبك
متعب تنحنح وبداء يغني :
مسني حبه على الضلع القريب
لين قلبي من غلاه ارقب وعوى
كل مااذكر شطر ابن جدلان اغيب
واتوجد من كلامه واتزوا من هوى
بكراً بعد ماجات ثييب وفطمتني
من بنات ادم وحواء والله اني كل
مانسنس هبيب والى اخر الشيله
الجد سند:الله رجعتني للزمن القديم
الجد فلاح :اي بالله اني حنيت لهاك الوقت
الجد سند :يابتااال
بتال لف للجد سند :سم
الجد سند:سم الله عدوك صب لي قهوه
بتال اخذ الدله وهو يصب للجد سند:سم
وصب لبوه واخوانه وجلس قريب من النار وهو يناظر لنادين اللي كانت تناظر لبوها وهي تحمد ربها ان هذا ابوها
غلا جلست جنب نادين :ارحمي خالي حرام عليك
نادين لفت عليها :ليه
غلا :انكسرت رقبته وهو يناظر فيك
لفت نادين جت عينها بعين بتال :يمه من متى يناظر
غلا :من اول ماقعدنا
بتال يناظر فيها وفي غلا
نادين:امانه
غلا :اي والله وجالس عند النار عشان جداني مايشوفونه
نادين :يمه يخرش خليه يقوم لا يناظر
غلا ناظرت بتال :ماهي مشكلتي
نادين ناظرت لغلا:يناظر ؟
غلا :اي
لفت نادين وناظرت فيه وابتسمت ابتسم بتال وهو يحس قلبه بيطير من الفرحه
غلا :ياعيني ياعيني
نادين :يخوف قسم
غلا :اوص بس
عزوز :خلونا نغني مع بعض
مشاري :قدام
دحوم: وش بتغنون
الجد سند:ققبل لا تغنون خلو سالم يعطينا قصيده
سالم ناظر غلا :ابشر يقول
القلب واحد والمخاليق عده
ولاهز قلبي بالهواء غير واحد
انت الوحيد اللي خفوقي تشده
وغيرك اجامل حضرته لاتواجد
الجد فلاح :الله صح لسانك
سالم :صح بدنك
الجد سند:صح لسانك ياابوك
سالم :صح بدنك
عزوز :يلا خلونا نغني عرفنا الحب واسراره
مشاري :يلا متعب ابدا انت اول شي
متعب :على درب الهوى جينا
عزوز :من اول ماتلاقينا
دحوم :تغير كل مافينا
ابتدا اصوات العيال والبنات ترتفع وهم يغنون مع بعض
عشنا فرحة الازمان عرفنا الحب واسراره
وكتبنا اجمل اشعاره وغنينا على اوتارره
ذبنا بالغرام الحان نسينا كل مواجعنا
وبقينا اثنين مامعناا سوا الاشواق تجمعنا
بلا هجره وبلا حرمااان
جابر ضحك :الله على الاصوات المخيسه الله
نوضا :انطم بس طالع منها
جابر:صوتك اخيس صوت ليتك طالعه على صوت اخوك
سهم:اي والله
عزوز:صوت متعب مافيه مثله
جسار:مشاءاله اذكرو الله
الجميع :مشاءالله
متعب ؛ماودكم عاد تنطمون لان حلقي راح من كثر ماغنيت
مشاري :اسكت. ناظر في جابر وقال جبوري نشيل الليله
جابر:نشيل ابوها بعد
مشاري :يلا
راح يجيب علب المويه وحده له ووحده لجابر قط حقت جابر عليه وقعد وقلبوها وجلسو يطبلون
مشاري :
يمه ذبحني بالتغلي له عزومٍ قويه
يقول الوصل تالي ذبحني بالتغلى
الا ياعين هلي دموعك الشقيه
جابر :
على وقتٍ مضالي الا ياعين هلي
انا المغبون انا اللي عمايه من يديه
متى علمي بخلي شهر عيد الضحيه
مشاري :
الا وا همالالي متى علمي بخلي
الى صفيت اصلي طرى خلي علي
وهو عزي وذلي ولا لي مقدريه
ولا يعلم بحالي وهو عزي وذلي
كانو البنات يصفقون مبسوطين وكذالك العيال
بعد الاغنيه هذي غيث تذكر البنت اللي شافها في المطبخ ذاك اليوم وسرح يفكر فيها لاحظت فهد
فهد :غيث
لكن غيث سرحان مهو يمه دق كتف غيث فهد فز غيث
فهد :وين وصلت
غيث :موجود
فهد :والله مانت بيمنا ولا شي
غيث :شوي شوي اكلمك
الجد سند :يالله يالله ياعيال قومو نامو الوقت تاخر وبكره بيجون ضيوف
دحوم:جدي شوي بس
الجد سند:خلاص يلا قومو الوقت تاخر بكره تكملون
قامو العيال راحو ينامون ماعاد غلا ونادين اللي كانو يدورون
ويحجزون باقي الاشياء وكذالك سالم اللي كان صاحي يكلم سعود ويدقق بالملفات حقت مزيد اللي معه
سالم :سعود ان ماكان عنده بضاعه الاسبوع ذا مااكون سالم
سعود :وش دراك
سالم :افتح النسخه اللي عندك وشف الصوره اللي كان بالبرحه مع الاجنبي
سعود :دقيقه طلع الصوره وقال اي وش فيه
سالم :تذكر ****اللي مسكنا بضاعته
سعود :اي
سالم :ماكان الاجبني ذا معه
سعود :اي بس وش تقصد
سالم :قصدي ان الاجنبي ذا هو اللي يجيب البضاعه لمزيد
سعود :وش دراك انه الاسبوع ذا طيب
سالم :ركز على الورقه اللي بيد رجال الاجنبي مكتوب تاريخ
سعود :مكتوب ١٢ن .ف
سالم:وش يعني ذا
سعود دقيقهه فهمت
سالم :ايوا
سعود :يعني يوم١٢نوفمبر
سالم :الله الله
سعود :طيب شلون بنعرف مكان التسليم ؟
سالم :عاد هذي عندك انت والفريق ياسر والفريق هذام انا ماني بالمدينه الحين
سعود وقف وهو ياخذ الملف :اجل يلا بروح اقول لهم
سالم :اصبر هيه
سعود :هلا
سالم :لاتقول انه انا
سعود :ليه
سالم :الفريق هذام مانع اني اخذ نسخه من الملف انتبه
سعود :طيب
سالم :يلا مع السلامه
سعود :فمان الله
راح سعود ركض لمكتب الفريق هذام اللي كان جالس يراجع الملف هو والفريق ياسر
سعود :طال عمرك اعتذر اني ماطقيت الباب
الفريق هذام :اعتذارك غير مقبول واطلع طق الباب
سعود :طال عمرك شي مهم
الفريق هذام:اطلع ياسعود
سعود :طال عمرك بخصوص قضية مزيد ال مسلط لقيت شي مهم
وقف الفريق هذام :قلت لك اطلع طق الباب
طلع سعود وهو يشتم هذام من داخله وطق الباب
الفريق هذام :ادخل
دخل سعود
الفريق هذام :اول شي هذا مهو باب بيتك تفتح وتدخل متى مابغيت ثاني شي تعلم تطق الباب قبل تدخل
سعود :ابشر طال عمرك
الفريق هذام:وش عندك ؟
سعود :طالع عمرك عرفت متى موعد تسليم مخد ***مزيد
وقف الفريق هذام :تستهبل
سعود :لا والله طال عمرك
الفريق هذام :وين دليلك
سعود وهو يطلع الصوره :هذا هو
الفريق هذام:وينه
سعود وهو يحط الورقه على الطاوله :شايف الورقه اللي بيد الاجنبي
الفريق ياسر :وش فيها
سعود :ركز على التاريخ الي فيها
ياسر :مكتوب ١٢.ن.ف
الفريق هذام:يعني
سعود :يعني ١٢نوفبر طال عمرك
الفريق ياسر :شلون راحت علينا ذي
الفريق هذام وهو عارف ان ذي حركات سالم :وش دراك عنها
سعود :مافهمت طال عمرك
الفريق هذام :قصدي مين اللي حصل المعلومه هذي
سعود:انا طال عمرك
الفريق هذام :اكيد
سعود :ليه طال عمرك قصدك اني ماافهم ولا وش
الفريق هذام :محشوم بس اذا انا وياسر مادرينا عند هل صوره انت كيف دريت عنها وكلنا عارفين ان هذي حركات سالم
سعود :قدرة شخص عن شخص تختلف طال عمرك وكيف تقول انها من معلومات سالم وانت مانعه من انه يراجع الملف
الفريق هذام:زين ياسعود الحين رح اعرف لي مكان التسليم
سعود :ابشر طال عمرك
طلع سعود وهو بداء يبحث عن موقع التسليم خلونا نروح شوي للمدينه في بيت ام ملاك
ام ملاك:ياعذاري ياامي وش فيك
عذاري :مافيني شي
ام ملاك :من يوم ماجيتي بس تبكين ومقفله على نفسك باهالغرفه
عذاري :خاله مافيني شي
ام ملاك:اجل علميني ليه جايه زعلانه من صقر
عذاري :ماني زعلانه
ام ملاك :اجل ليه عمتك تقول لي انك زعلانه من صقر
عذاري :ماابيه انا مابيه
ام ملاك:ليه
عذاري :بس خليه يطلقني
ام ملاك:مهبوله انتي كيف طلقك
عذاري :يطلقني يعني يطلقني
ام ملاك :ليه
عذاري :بس كذا
ام ملاك:مهاوشك
عذاري :لا
ام ملاك :ضاربك
عذاري :لا
ام ملاك: مزعلك
عذاري :لالا
ام ملاك :اجل علامك على الرجال
عذاري :بس مااعاد ابيه خلوه يطلقني
ام ملاك :انهبلتي توك متزوجه مالك شهرين وتبين تطلقيني
عذاري بكاء:خاله خلاص تكفين لاتجيبين طاريه
ام ملاك تقطع قلبها عليها :الله يهدي بالكم يابنتي ويهديك
طلعت وتركتها مع ملاك اللي جلست تواسيها
خلونا نبعد عند المدينه ونرجع للديره اللي بداء المطر يرش فيها طلعت غلا وهي رافعه يدينها تدعي اما سالم اللي مزل من السياره بيروح للخيمه وشافها واقفه تدعي جاء وراه بكل هدوء
سالم وقال :الله يحقق لك دعاءك
غا انخبص قلبها ولفت عليه وهي حاطه يدها على قلبها :خوفتني
سالم :بسم الله عليك مهو قصدي
غلا :مانمت ؟
سالم :لا هذاني بروح انام انتي ليه مانمتي
غلا :جالسه انا ونادين نحجز الاشياء
سالم :اشياء ايش
غلا استحت:اغراض الملكه
سالم ابتسم :زين
غلا :وانت ليه مانمت
سالم :كنت اكلم سعود
غلا :زين
سالم:لا تنسيني من الدعاء
غلا : مَا نِسيتك بَالدعاء والدِنيا جَفاف
شْلُون بَنساك والدِنيا مَطر ؟
سالم ناظر فيها بكل حب:تقبل الله ياام عبدالله
غلا ابتسمت :حبيت ام عبدالله هذي
سالم :توصين على شي
غلا :سلامتك ياعيوني
سالم:جعلني ماانحرم منها ادخلي لا تبدرين الدنيا مطر
غلا :دقايق وبدخل
سالم :يلا استودعتك الله
غلا :بحفظ الرحمن
راح سالم وكملت غلا دعاها ودخلت ونامو وقضت هل ليله عليهم بكل خير وبكل حنيه وبكل حب وسعاده على ابطالي
ومن بكره الصباح قامو وابتداء التجهيزات عندهم والبنات بدو يتجهزون كلهم كانو لابسين ثياب الا غلا للبسه مخور
(فتاة وحبيبة المخور )كان بالون البيج على اللحمي
على صلاة العصر وصلو صالحه وزوجها وبنتها عزيزه
دخلو صالحه وعزيزه خيمة الحريم وفكت عزيزه غطوتها وفعلا كانت جمليه جدا
كانو البنات واقفين كلهم جنب بعض بنات ال سند وبنا ال فلاح
غلا بهمس للبنات :مصيبه على الزين هذا كله
نادين :شفتي
غلا :وحنا واقفين ماحطينا مكياج يعنني
حلا :وهي حاطه كيلو ميكب
نوضا :وحنا بس راسمين حواجبنا
عزيزه بشوية صراخ وحماس وهي متجه للبنات:هاي بنوتاتي
ملاذ :وش ذا الصوت
ساره ؛وحنا اصواتنا صوات رجاجيل
ابتدات عزيزه تسلم عليهم وهي تعلك علكة
عزيزه :مشاءالله اشوف وجيه جديده ندوو
نادين بنفسها :لعنه
عزيزه :ندوو عرفني عليهم
نادين :اي ابشري هذي غلا بنت اخوي فارس
رجعت عزيزه تسلم على غلا وبدلع:يمامي انتي تهبلين
غلا :ياروحي والله
نادين :وباقي بنات اخواني تعرفينهم اساس
عزيزه :اي مايحتاج بس الحلوات هذول مين
نادين :هذولي يصيرون بنات خال غلا حفيدات عمي فلاح
عزيزه :اي هلا والله
نادين :هذي ملاذ وهذي اختها نوضا
عزيزه :حبيت اسماكم حلوه
ملاذ :حبيبتي
نادين:هذولي مها وماريا خوات بعد
عزيزه :اهلا
ماريا :هلابك
نادين :وذولي فتون وريوف خوات بعد
عزيزه:تشرفت فيكم حبايبي
فتون:الشرف لنا حبيبتي
عزيزه :ياس اشتقت لكم حلا سارونتي مره
ساره :تشتاق لك العافيه ياروحي
الجده ساره:يانادين
نادين :سمي يمه
الجد ساره :روحي جيبي الحلا
نادين :ابشري بنات امشو معي
صالحه :عزيزه روحي ساعدي البنات
عزيزه:ابشري يمه
نادين:لا مايحتاج ياخاله
عزيزه:شدعوه ندو امشو بساعدكم
اطلعو متجيهن للمطبخ طيف وحلا ونادين وغلا وعزيزه وملاذ
دخلو الطبخ وقفت عزيزه على الشباك تناظر طاحت عينها على سالم
عزيزه بدلع :يمامي مشاءالله مين الحلو ذا
طيف وهو تغسل الصحون:مين
عزيزه:مدري كذا طويل واسمراني عوارضه سوداء وفيه على حاجبه شامه
غلا وهي تطلع الصينه من الدرج عرفت انه سالم
طيف :اي
غلا اتجه لطيف بتسكتها
لفت عزيزه :مين ذا
طيف هذا سالم اخوي
غلا وصلت لطيف متاخر وهي تقرص يدها
طيف :اح
عزيزه :وش فيك
طيف ناظرت غلا :لا بس صقع اصبعي الدرج
عزيزه وهي متجه للباب بتطلع:انتبهي ياطيوف
غلا :وين رايحه عزيزه
عزيزه :بروح للخيمه
غلا بنفسها :بتروحين للهيمه ولا بتروحين تعرضين قدام سالم
عزيزه:وش فيك صفتني فيني
اتجته لها غلا وهي تسكر عبايتها :لا بس سكري عبياتك عشان الرجال مايشفونك
عزيزه :عادي وخصوصا الاسمراني هذا خليه يشوف
غلا بصدمه:اها كذا قصدك
عزيزه:لا بس ترا نان كذا اطلع عادي يعني
غلا وهي تسكر عبايتها :حبيبتي انا خايفه عليك
عزيزه :ليه
غلا :لان لو شافك جدي فلاح ولا خالي حاكم كذا وربي ان يسون لك سالفه
عزيزه :وايش دخلهم هم
غلا :لان مايرضون احد يسوي كذا قدام عيالهم
عزيزه:يمامي ليه كذا
غلا وهي تحجب عزيزه :لان حنا مانطلع كذا قدام العيال
عزيزه انخرشت :طيب
طلعت عزيزه ولفت غلا على طيف
غلا :مبسوطه انتي وهي توصف اخوك قدامك
طيف :وش سويت
حلا :يويلك ياغلا راح سالم
غلا :تعقب ماتعجب سالم الاشكال هذي
نادين شهقت
ساره:وش فيك
نادين :تعالو شوفو عزيزه راحت من عند العيال
بسرعه اجتمعو عند الشباك البنات
غلا :بنت الكلب
نادين :شوفي شلون تمشي
نوضا:حلاله من كسر عراقيبها لها
حلا شهقت :مرت من عند سالم
غلا وهي ترس على اسنانها:ياسواد لليك ياولد عبدالله ان ناظرت فيهاااا
مرت من سالم واول ماشافها عطاها ظهره
نادين :العب
غلا وهي تحط يدها على قلبها :يمه قلبي الحمدالله
ساره :قلت لك سالم مايسويها
غلا :ادري بسم الله عليه تربيتي
ملاذ :اي
غلا :ارتحت
طلعو البنات للخيمه وقعدو يسولفون وهم ماهم طايقين سوالف عزيزه ولا هم طايقينها بكبرها
قررو صالحه وعزيزه ينامون وبكره يرجعون قضت هل ليله بشوي اكشن ورعب للبنات ونامو ومن بكره صحو متاخر لا ن عزيزه ماسكتت ولا خلتهم ينامون الا متاخر
وهم جالسين بالمطبخ البنات يسون شاهي عشان اذا طلع سالم وغيث وفهد وجابر من عند الجده شيخه وصالحه يروحون يفطرون هناك
عزيزه جالسه عند الشباك
غلا :عزيزه تنتظرين احد ؟
عزيزه :لا ليه
غلا :من جيتي وانتي مقابله ذا الشباك
عزيزه :لا بس جالسه اناظر وقلت يمكن المزيون اللي امس يمر
غلا مسكت نفسها :ليه بينك وبينه شي
عزيزه:لا
غلا :اجل ليه تبينه يمر
عزيزه :وش فيك شادتها انتي ترا عادي
غلا :لان الحركات ذي مهاي على جووي
عزيزه :بكيفك طيب
نادين :ماهي على اجوانا كلنا
عزيزه لمحت سالم فالخيمه وطلعت من شنطتها روج وكحل واشياء وجلست تحط ميك اب
عزيزه :والله انتم ماهو انا وانا بروح افطر وانتم خلكم هنا
واشوف الزين واكحل عيوني
طلعت وهي تمشي بدلع غلا جت من وراء بتمسكها مع شعرها مسكوها ملاذ ونادين
ملاذ :انهبلتي
غلا :ماسمعتي وش تقول
نادين :خليها اساس سالم بيطلع لشافها
غلا وهي تحاول تفك نفسها منهم :فكوني عليها تكفون
نوضا :يابنت اعقلي
غلا :ملت وجها مكياج وراحت ترز عمرها عند سالم
ساره:ياغلا خليها ماهو معطيها وجهه
غلا ناظرت نوضا وحلا وطيف :بسرعه المسكرا والروج بسرعه
طلعو حلا ونوضا وطيف وهم يجبون الميك اب لغلا ورجعو عطوها اياه جلست غلا تحط الميك اب
غلا:انا اعلمها
فتون:يعجبوني اللي يفكرون
غلا :دواها عندي
نادين:ايوا خليك كذا
تمجيكت غلا وطلعو البنات مع غلا بسرعه للخيمه
سالم وغيص وفهد وجابر اول ماشافوه دخلت وقفو وهم يطلعون
غلا :على وين وانتم ماافطرتو
جابر:دخلت وحده
فهد :جت ذي ام الخلاقين
ضحكو البنات
سالم :عيب انت وياه لا تلكمون على بنات الناس
غيث :وبنات الناس يحترمون انفسهم عشان الناس مايتكلوم عليهم
فهد :حسبي الله نفسي بالفطور
حلا :امشو المطبخ وابشرو باحلا فطور
فهد :امانه
حلا :اي والله
راحو البنات وهو يجهزون اكل للعيال حطوه لهم بالمطلخ وطلعو دخلو العيال وهم يفطرون مادخلو مع البنات لان المطبخ مايكفي
افطرو وطلعو لبيت الشعر وراحو البنات للخيمه وقعدو يسولفون
جاء وقت روما ت صالحه وبنتها
عزيزه وهي تودع البنات :بتوحشوني مره
نادين :وانتي بعد بتوحشينا
سلمت عريزه على غلا:بتوحشيني اكثر انتي
غلا :حبيبتي والله
عزيزه لفت متجه للباب:يلا مع السلامه
غلا ناظرت البنات وبهمس:والله مااخليها بخاطري
نادين :وش
غلا :عزيزه
عزيزه:هلا
غلا :حياك يوم الخميس على خطوبتي من سالم
عزيزه:مشاءالله ياروحي اي واحد
غلا غمزت لها :المزيون
عزيزه تفشلت :يمامي ربي يتمم لكم على خير بشوف اذا اقدر اجي
غلا :ضرروي تجين
عزيزه:ان شاء الله
طلعت عزيزه مع امها وانفجرو البنات من الضحك
نادين :وجهها تصفق
غلا :احسن تستاهل
حلا :وربي انك كفو
نوضا :قدوتي
غلا :لو ماسويتها كنت بموت
حبايبي ننهي البارت هنا بكره ان شاء الله نكمل وانتظرو بارت بكره بيكون لذيذ