ليته ماسمعني يوم قلت (يحق لك مايحق لغيرك ياعزوتي)

بارت 30

اهلا اهلا حبايب قلبي وحشتوني  كيفكم ان شاء الله بخير
ماابي اطول عليكم واخليكمم مع البارت الجميل مثلكم

في بيت سالم تحديد غرفة النوم ،كانت يعمها الضلام بداء سالم يصحصح على  طيحت الجوال اللي من كثر الاتصالات طاح من الدرج فتح سالم عيونه وفز من حس بطيحة الجوال ،تطمن بعد ماشاف اضاءة الجوال جلس على طرف السرير واخذ الجوال ،حصل اتصالات كثيره ورسايل كثيره وكذالك جوال غلا كانت الاتصالات من فارس وجسار وبتال وسعود ،نورت شاشة الجوال باتاصال من سعود اللي كان شايل هم بان صاير شي لسالم لان مو من عوايده مايرد عليه ،فتح سالم الخط فز سعود من رد سالم عليهه بـ
سالم :هلا
سعود :وجع وجع يوجع العدو قل امين
سالم :امين
سعود بشبة  صراخ :مريض انت وش فيك
سالم :مافيني شي في بيتي
سعود بحدده :وماترد ليه !
سالم :ولد انت علامك مشتحن (معصب )
سعود :انا جايك جايك
سالم :وش تبي
سعود :ابعلمك وش ابي
سالم :عيني لاتشوفك
سعود :ليه
سالم :ماني لحالي
سعود :كيف مانت لحالك !من معك
سالم :وش دخلك
سعود :ولد ارفع علومك من معك !
سالم :يعني من معي غير مرتي
سعود ضحك :اثر ام عبدالله ماخذتك منا
سالم لف يناظر لها وهي نايمه :انشهد وش تبي انت علامكم مفجرين الجوال
سعود :اوف من داق غيري
سالم :عمي فارس وجسار وابوي وجدي
سعود :ياوصخ ليه مارديت عليهم.
سالم :نايم ماني يمكم
سعود :ابن ابوي اعقب
سالم:اعقب انت وتفكيرك ياورع
سعود ضحك :والله مدري عنك 
سالم :على شحم وش تبا
سعود :اكيد ماتدري وش ابي لانك حضرتك نايم وحنا هنا نتحمل هذام
سالم : وش يبي
سعود :من الصبح قالب الدنيا يدورك
سالم :ليه
سعود :مدري عنه مغير يهاوش وقالب ام المركز
سالم :خله يقلب ابو المركز بعد ماهمني
سعود :اقول امش للمركز اخلص
سالم :اليوم اعفوني والله ماني جاي
سعود :وش بتقول لهذام
سالم :بكلمه الحين
صحت تحركت غلا بتقوم معطيه سالم ظهرها ،لف سالم عليها وانهاء  الخط من سعود بـ شوي اكلمك حط الجوال ،
ومسكها وقال
سالم :صح النوم
ابتسمت غلا :صح بدنك
سالم :على وين ؟
غلا :للحمام تكرم
سالم:زين
فك سالم يدها واتجهت غلا للحمام تكرمون تغسل ،وسالم طلع للحمام الثاني غسل ورجع للغرفه ،طلعت غلا وشافت سالم جالس على الكنبه ينتظرها ابتسمت
غلا:سالم
سالم :ابوي انتي
غلا ابتسمت وهي تحبه اذا رد عليها  كذا:الساعه كم
سالم :١١ الاربع
انصدمت غلا :الليل ؟
سالم :اي
غلا :نمنا الوقت ذا كله !
سالم:اي
غلا واقفه وهي مصدومه وماتدري عن اتصالات اهلها شي كلمهم سالم بدرن ماتدري لما طلع وطمنهم انهم بخير وقال لهم ان غلا للحين نايمه اول ماتصحى بيجون البيت مااستغربو لان غلا مواصله وتعبانه من الاختبارات ناظرها
سالم وقال :لمتى بتوقفين هناك
غلا مشت :مصدومه اننا سحبناها نومه
مد سالم يده لها اتجهت غلا له ومسكت يده ،بتجلس سحبها وهو يجلسها على فخذه ويناظرها انصدمت غلا منه
وخرت بتجلس جنبه سحبها سالم من خصرها وقال
سالم :اهجدي
غلا :سالم
سالم :عيونه
غلا :مااتفقنا كذا
سالم :مااتفقنا على وش
غلا ناظرته  :على اللي جالس تسويه
سالم :وش سويت
غلا :يعني وانت وش تشوف انك مسوي
سالم :ماسويت شي
غلا ضحكت :تستعبط صح
سالم ابتسم من ضحكتها :عسى هل ضحكه ماتغيب عن وجهك وعسى الله لايحرمني منك
غلا استحت نزلت عيونها :اللهم امين ولايحرمني منك
مد سالم يده وهو يفك شعرها ،ناظرته غلا واستغربت مد يده يسدل شعرها على ظهرها وقال
سالم :خليه دايم مسدول
غلا :ليه
سالم :لان احبه كذا
غلا ابتسمت :عاد تصدق ناويه اقصه
سالم :لاتفكرين بذا الشي نهائي
غلا :ليه
سالم :وشهوله تقصينه
غلا :مضايقني
سالم :بكل مره تقصينه تذكري ان حبي لك بينقص مع كل مره تقصينه
غلا مدت يده لدقنه :"بس اللي يحب ماينقص حبه ولا"
سالم :"صح بس شعرك يخلي حبي لك يزود"
غلا:"يعني تحب شعري اكثر مني "
سالم :"لا حبي لك معروف بس شعرك يخلي حبي لك يزود "
غلا وهي تلعب بدقنه :همم يعني مااقص شعري
مد سالم يده لشعرها وهو ياخذه ويشم ريحة شعرها وعطرها وقال
سالم :ان كانك تحبيني لاتقصينه
غلا ابتسمت :من عيوني
سالم :عسى ربي لايخليني منها
اكتفت غلا ببتسامتها ،طبع سالم بوسه على عنقها وقال
سالم :ماجعتي ؟
غلا :لا
سالم :تستهبلين
غلا :لا لان انا اول مااصحى من اقعد ساعتين على الاقل بعدها اكل
سالم :النظام ذا انسيه 
غلا :ليهه
سالم :ماعاد فيه ذا النظام عندي بتاكلين
غلا :فيه شي نسيته
سالم :وشنهو
غلا :اول مااقوم لازم اشرب قهوتي ولا ماصحصح
سالم :ذي عادي بس الاكل شلون تقعدين ساعتين ماتكلين
غلا :لاتنسى على الاقل لان احيانا اطول ومااكل
سالم :ياحبيبي والله شلون عايشه ؟
ضحكت غلا :على القهوه
سالم :انا اذا قمت وماكليت اخلاقي تصير تجاريه
غلا :طلعنا عكس بعض
سالم وقف :بس لازم نصير مثل بعض ولا
غلا :اي لازم تصير مثلي
سالم :لا والله انتي بتصيرين مثلي
غلا :لا انت بتصير مثلي
سالم :والله ماعندي مشكله بس تبين اخلاقي تصير تجاريه وافصل عليك ؟
غلا :اكيد لا
سالم :خلاص اجل قومي بسوي اكل
غلا :انت ؟
سالم :اي
غلا :بتسوي اكل ؟
سالم :اي ليه
غلا :تعرف تطبخ غير الذبايح ؟
سالم :اي
غلا :وش بتسوي
سالم :وش تبين تاكلين طال عمرك ؟
غلا :صراحه اشتهيت فوتشيني
سالم :وش تطلع ذي
غلا ضحكت :خلها انا بسويه بس انت علمني مكان الاغراض
سالم :على بطلاق مايسويه الا انا
غلا ناظرت له باستغراب :بتطلقني عشان اكل !
سالم :اخسي بس هي كلمه متعود عليها
غلا :دامك تعودت عليها احل بتتعود انك تنساها
سالم اتجه لها وهو بيوس راسها :ابشري بعدين انا مهبول اطلقك عشان اكل عسانا مااكلنا 
غلا :زين
سالم :الحين ذي فوشتيني كيف اسويها
غلا ضحكت من طريقة نطقه :اسمها فوتشيني
سالم :اللي هي كيف طريقته
غلا :خلاص انا بسويها
سالم :والله مايسويها الا انا انتي علميني طريقتها بس
غلا :طيب اول شي بسوي لي قهوه وين قهوتك ؟
سالم فتح الدولاب وبدا يعلمها اماكن الاشياء ،اخذت غلا وبدات تسوي قهوتها وسالم يجهز الاغراض اللي قالت له غلا عنها ،بداء يقطع البصل والدجاج والاشياء وغلا جالسه على الطاوله تناظر فيه وتشرب قهوتها ،راحت تجيب جوالها ورجعت للمطبخ ،صورت كذا صوره لسالم وهو يطبخ وهي مبسوطه عليها كيف جالس يطبق كل اللي قالت له ،ناظرها وهي تتامله ابتسم لها
سالم:صح اللي قاعد اسويه
غلا :للان امورك في السليم
سالم :زين اجل
كمل سالم الطبخه ولازالت غلا تتامله كيف واقف على النار ويحرك الاكل ،كانت اول مره غلا تشوف سالم لابس شورت وتيشيرت  دايم تشوف بثوب او بدلته العسكرية ،خلص سالم من طبخ الاكل وقدمه لها
سالم :طبقت كل شي قلتي لي عنه بالحرف الواحد
غلا :اي شفتك
سالم :الحين جا دورك عشان تعطيني رايك
غلا :بقيم بكل صدق
سالم :اكيد نبي الصدق
اخذت غلا صحنها وبدات تذوق وفعلا طعمها كان حلو ناظرته
غلا وهي تاكل :اوفف
سالم ناظرها :وش
غلا تاكل وبقى على طرف شفايفها صوص:الطعم دمااار
سالم ضحك ومد يده يمسح الصوص:واضح جعل فيه العافيه
غلا :الله يعافيك ياعيوني
كملو ضحك وسوالف نروح لبيت ال سند في جناح نادين اللي كانو مجتمعين البنات فيه يجهزون لروحتهم للديره بعد شوي
حلا :بنات غلا كلمتكم ؟
طيف :لا
ساره:حتى انا ماكلمتني
ناظرو نادين
نادين :لاتناظرون ماكلمتني
طيف :بس طولو قالو بيتغدون ويجون
نادين :اخوك كلم ابوي وراحو لبيته يقول فه نوم مايقدر يسوق لين بيت عمي فلاح
شقهت حلا:امبيه تحمس ولد العم
ساره ضربتها على راسها :يلعنك انتي وتفكيرك
ضحكت حلا :كل شي واضح نكذب على بعض يعني
نادين :ياوصخه انا واثقه بوراعين اخواني هم محترمين
حلا :اي مشاءالله
ساره:انتي ماتستحين وش ذا السوالف كم عمرك انتي !
حلاضحكت:استغفر الله وش فيكم ماقلت شي
طيف :فجرتيها وماقلتي شي
نادين :حسبي على عدوك شلون ارتاح الحين
ساره:اهجدي انتي وياها
نادين :جاني فضول ادق عليها ؟
شهقت ساره :اسغفر الله فضول وش انتي الثانيه
نادين :بدق بدق اكيد قامو مستحيل ذا الوقت كله نايمين
حلا :اي دقي تكفين
ساره:الحين هم منحاشين عشان يقعدون مع بعض تنشبون لهم ليه
نادين اخذت جوالها وهي تدق :اقول انطمي بس
نرجع لبيت سالم وحرمه غلا اللي بعد ماانتهو من الاكل نظفو المكان وقررو يسوون شاهي ويطلعون للحوش وهل مره غلا هي بتسوي الشاهي وهي واقف تسوي الشاهي وتشوف سالم بالحوش يرتب الجلسه لهم ومبتسمه انتبهت لجوالها وهو يتصل اخذته كانت نادين تدق عليها كام ردت غلا وهي مبتسمه
نادين :مشاءالله الابتسامه منه لمنه وش عندك
غلا :ولا شي بعدين الناس تسلم اول شي
تجمعو البنات وراء نادين يسلمون على غلا ودرت غلا عليهم السلام
نادين :وين الامير ؟
غلا لفت الكام :هذا هو
ساره :اخس لابس شورت وتيشيرت
غلا ضحكت:اي
طيف :دقيقه مطقمين بالتيشيرت
ناظرت غلا التيشيرت اللي عليها واللي على سالم وتوها تنتبه انهم نفس التيشيرت وضحكت
غلا :تو انتبه مشاءالله ياالتركيز اللي عليك
نادين :متى بتجين
غلا :والله تونا صاحين وشكل ولد اخوك ناوي السهره صباحي
حلا ضحكت :قلت لكم ولالا
غلا :لا ياحيوانه حرام عليك والله اننا محترمين
نادين :وش عندك بالمطبخ
غلا :تو تعشينا والحين جالسه اسوي شاهي بنقعد بالحوش
ساره:وش اكلتو
غلا :فوتشيني
نادين :من اي مطعم
غلا ضحكت :لو اقولك ماراح تصدقين
نادين :ليه
غلا :سالم اللي سواها
حلا :كذاابه
غلا :وربي
ساره :يلعن شكلك
طيف :هذي بدت تسيطر على اخوي
غلا ضحكت :معليك سيطرت وخلصت
نادين :بعدي بنت اخوي
ساره:وشو انتي تعززين لها خير
نادين :اوص بس تبونه يعني هو يسطير عليها !
طيف :لا
نادين :خلاص انطمو
حلا :غلا صراحة اهنيك يالسرعه وسيطرتي عليه برافو صراحه
غلا :معليك الخير قدام
نادين :اسمعي
غلا :هلا
نادين :متى بتجون
غلا :مدري والله
نادين :بتروحين الديره معنا
غلا :اي
نادين :جهزتي اغراضك؟
غلا :لا متى بنروح حنا
نادين :الصبح
غلا :امانه
نادين :اي
غلا :بروح اكلم سالم اجل يوديني مع اني عارفه ماراح يوديني
حلا :انطقي بس عنده واقعدو تعرفو على بعض
غلا :شكلي بكلم ملاذي تسوي لي شنطتي
ساره :عزتي لملاذ بس
سالم ناداء غلا لانها طولت ردت غلا
غلا : ياعيوني دقيقه جايه
حلا :اخس ياعيوني بعد
غلا :انتي وش تبين
حلا :سلامتك
غلا :تدرون المفروض تقدرون النعمه اللي انتم فيها
ساره:ليه
غلا :ساحبه على سلومي و جالسه اكلمكم
حلا :ياسبدي
غلا :يلا دزو يا سلق وقفلت الخط
طيف :هذي وهي ملكه وسحبت علينا عشانه لو يسون عرس وش بتسوي
حلا :بتجحدنا
نادين :تسويها ترا
نرجع لسالم وغلا فالحوش طلعت غلا وهي شايله الصينيه فيه ابريق الشاهي وبيالتين كان عند سالم طاوله فالحوش جلسو عليه اول ماشاف سالم غلا جايه قال
سالم ابتسم :
اهلين ياسمح المحيى وسهلين
ياراس مال اللي يبيك ورصيده
وجهك اللي اليا شفته تذكرت
شيئين الحظ الاوفر والحياه السعيده
ابتسمت غلا له وقالت :صح الله لسانك ي "عزوتي "
سالم :صح بدنك ياعين ابوي
ابتسمت غلا وتنهدت وهي تناظره بحب وحنيه وكل مشاعر الحب وتحب كيف يناديها وكيف يعاملها  على كثر ماكانو يقولون انه جاف وشديد الا انها بعد ماعرفته طلع عكس كل اللي قالو لها و عكس كل اللي حطته في بالها عنه تحبه وتحب اسلوبه معها صح مايبين مشاعره لها كثيره وصح كان فيه من الصفات اللي قالوها لها عنه بس هي غيرته خلته يبوح بمشاعره لها ياكثر الحب بقلبها له تحبه بكل مافيه تحب اذا كان معصب ويجي لها وفجاءه تهدا النيران اللي فيه تحب لما يسند راسه عليها تحبه لما يناظره وتحبه بكل شي واكثر شي تحبه فيه اذا زهمته وقال "ياعين ابوي "
وكذالك سالم يحبها كيف غيرت حياته وكيف غيرته وكيف خلته يبادر بمشاعره وكيف خلته يتخلى عن اشياء ماكان يقدر يتخلى عنها وكيف ازهر العمر بالنسبه له معها حبها بكل مافيه من حب وكل مافيه من حمياء فعلا غيرته كثير
جلست قدامه غلا وهي تصب له شاهي ومدته له
غلا :سم ياعيني
سالم :سم الله عدوك
اخذ الشاهي وارتشف منه وصبت غلا وهي ماسكه الكاسه وتنااظره عدل سالم جلسته وقال
سالم :قولي وش عندك
غلا :ماعندي شي
سالم :ادري عندك شي بتقولينه قولي
غلا ناظرته وسكتت
سالم ناظرها بحنيه وقال :ابوي انتي قولي وش عندك
غلا ابتسمت :مصر ان عندي شي
سالم :اعرفك عندك شي
غلا وهي تشت الموضوع لان مو عارف كيف تقول لها :بنروح الديره معهم
سالم :اي
غلا :زين
سالم :بس مو هذا اللي كنتي بتقولينه
غلا ضحكت :كشفتني يعني
سالم :اكيد بكشفك دامك تعطين للي قدامك فرصه يكشفك
غلا :طيب انا بقول شي بس مدري شلون اقول
سالم :قولي ياعين ابوي
غلا عدلت جلستها :هو يعتبر اسئله عادي اسال
سالم :اسالي وبتلقين الجواب
غلا :تحبني ؟
ابتسم سالم بخفه :وهذا سوال تسالينه ؟
غلا :مو انت قلت اسالي وبتلقين الجواب !
سالم :الا
غلا :خلاص جاوب
سالم : "من طيب حظي جابتك الأقدار لي ومن عرفتك وانا احبك كل يوم اكثر"
ابتسمت غلا ونزلت عيونها بخجل وقالت :"يابختي بالقدر اللي جمعني فيك ويابختي دامي فزت بحبك "
سالم :"ان كان به فوز تراي انا الفايز فيك وفي حبك وفي مقابلك "
غلا ماعرفت وش ترد عليه اكتفت بالابتسامه
سالم :دامك لقيتي جوابك عطيني جوابي
غلا :وشهو سوالك
ناظرها سالم :تحبيني ؟
غلا :تدري وش تمنيت من ربي ؟
سالم :وش تمنيتي
غلا :"تمنيت الخير وجيتني انت "
سالم ابتسم وعرف قصدها وناظرها
غلا :وتدري وش اجمل تورايخ العمر ؟
سالم :وشهي
غلا:"اني حبيتك "
رف قلب غلا وهي ماتوقعت بيوم من الايام تكون جريئة لذي الدرجه ولا توقعت بيجي اليوم اللي تقول فيه ذا الكلمات ورف قلب سالم بالحب والفرح والسعاده ورد عليها
سالم :"اجمل تورايخ العمر والله اليوم اللي صرتي فيه حرم سالم "
غلا :"يابختي دام اسمي ارتبط باسمك "
سالم ابتسم:فيه سوال ثاني
غلا :اوه فيه اسئله كثيره
سالم :زين وراك تارك المكان جنبي ورايحه هناك
غلا :عشان اقدر اناقشك واشوف تعابير وجهك
سالم :زين عطيني السوال اللي بعد
غلا :وش كان انطباعك عني في اول يوم قابلتني فيه ؟
سالم ضحك
غلا :وش فيك
سالم :الصدق ماودي اذكر اول يوم شفتك فيه
غلا بصدمه :افا ليه
سالم :لان مدري وش جاني ذاك اليوم
غلا :هو ذا اللي انا ابي اعرفه وش جاك ذاك اليوم وهل تذكر ذاك اليوم ؟
اعتدل سالم :اذكره شلون مااذكره وانا حافظه بكل تفاصيله
غلا :صدق ؟
سالم :اي بالله
غلا :طيب وش جاك ذاك اليوم وخلاك توصل لمرحله انك بتمد يدك علي
سالم :عسى يدي الكسر ان ارتفعت عليك
غلا :بسم الله عليك
سالم :الصدق ماكان مقصدي  امد يدي
غلا :وش كان مقصدك
سالم :كنت ابيك تخاف
غلا :ليه !
سالم :كنت ابي اعرف شخصيتك
غلا ناظرته بكل ثقه:وعرفتها ؟
سالم :اي بالله عرفتها وعرفتها زين بعد
غلا :زين اجل بس هل كان فيه سبب ثاني
سالم :لا
غلا :زين
سالم :بس عندي سوال
غلا :وشو
سالم :ليه منعتي سند من  انه يضربني
غلا :ماهان علي اشوف ولد عمي ينضرب قدامي وانا عارفه مقصده
سالم حط يده على خده :وش كان مقصدي
غلا :انت عارفه زين مايحتاج اقول
سالم :زين انك عارفه مقصدي
غلا :وانت اكيد عرفت المغزى من اني امنع سند يرد لك الكف
<مقصد سالم من انه ذاك اليوم رفع يده عليه تاكدت منه غلا اليوم اللي هو السبب اللي كانت تقوله لها نادين "غيرته"
<ومقصد غلا من انها منعت سند انه يضرب سالم كانت "توضح له انه مايحتاج يسوي كذا وهي عارفه مقصده وعارفه غيرته وعارفه ان كلمته مسموعه بس حبت تقوله انه كلمتك مسموعه عليهم مو علي وتدري بحب جدتها ساره لسالم ولو ضربه سند بتزعل ساره على سند "وهذا هو مقصدهم ذاك اليوم وبانت الصوره للاثنين
غلا :بسالك اخر سوال
سالم :اللي هو ياعين ابوي
غلا : هل بيجي اليوم اللي بتروح فيه وتتركني ؟
سالم :بقول لك شي وافهميه زين
"واللي رفع سبع ونزلها واللي خلقني وخلقك اني مااتركك وان تركت اعرفي ان الله خذاء امانته اما غيره لو تنطبق السماء على الارض ماني مخليك وانسى اني بيوم بخليك "
غلا :وعد ؟
سالم :
اوعدك تلقاني جبنك واحتويك
يوم غيرك كان حلمه اوعده
ايه اغار وماابي احدٍ يجيك
حتى ظلكّ لو أطوله ببعده
قلبي مثل المملكة وانت المليّك
يعني قلبك واجب اني أسعده
ماأبيك تروح عنّي،بس أبيك
تقرأ البيت الاول وافهم مقصده
يالله وش كثر فرحة غلا وشكثر انبسطت ووشكر فهمت حبها ومعزتها بقلب سالم
سالم :بقى سوال ولا خلاص
غلا :فيه بس اكتفي بذولي ونبقي الباقي لبعدين
سالم :تعالي جنبي
غلا بحياء :لازم
سالم :قربك يرد الروح وانت ادرى
استحت غلا ووقفت واتجهت تجلس جنبه مد سالم يده يحطها وراء ظهرها بمعنى  تقرب له و تحط راسها على صدره  فهمته غلا وخجلت حطت راسها على صدره حط سالم يده على كتفها وهو يلعب بشعرها وشكثر يحب شعرها وريحة شعرها اللي ترد روحه له
غلا بهمس :تدري
سالم بنفس الهمس :وشهو
غلا :انا احب الليل بس اول مره احبه هل كثر
سالم :تدرين اني مااحب الليل بس معك حبيته
غلا ناظرته :ليه ماتحب الليل
سالم :خلينا مبسوطين الحين مانبي يتعكر جونا
غلا :ليه
سالم :بعدين اقولك ياعين ابوي
غلا :زين
باس سالم  راسها نتركهم ونروح لبيت ال فلاح جناح صقر وعذاري اللي جالسين بطفش
صقر :عذاري
عذاري:عيونها
صقر :ربي لايحرمني اسمعي
عذاري :وشو
صقر : وش رايك نلعب
عذاري :تم بس وش
صقر :ورقه تعرفين لها
عذاري :لا
صقر :والاونو
عذاري :اونو اعرف
صقر :زين اجل نلعبها
عذاري:قدام
صقر :بشرط
عذاري :وشو
صقر :سمعتي امي اليوم وش قالت
عذاري بنكران :لا وش قالت
صقر :قالت ان لنا كم متزوجين ولا فيه شي للحين
عذاري بغباء :شي مثل وش
صقر :مثل طفل
عذاري :وش فيه
صقر :طولنا وامي تبي يشرف حفيدها
عذاري :مو مشكله نزوج جسار ويجيب حفيد وهذي بعد غلا  ملكت
صقر ضحك :وش دخلني بجسار وغلا
شهقت عذاري :عيب تجيب حفيد قبل اخوك الكبير
صقر :جسار مطول
عذاري :عادي ننتظر
صقر :بس انا ماابي انتظر
عذاري بهدوء:صقر
صقر :لبيه
عذاري :انا ماني جاهزه
صقر :ليه
عذاري :لان انا بكبري بزر
صقر :انا معك وامي مووجوده لو احتجنا شي
عذاري :ادري بس انا بكمل جامعه
صقر :كملي وين المشكله
عذاري :صقر تستعبط صح
صقر :لا والله
عذاري :تخيل شكلي وانا اداوم وبطني وش كبره
صقر :وش المشكله
عذاري :واضح انك تستعبط
صقر :عذاري انا ماراح اجبرك على شي بس انتي فكري
عذاري :صقر ادري والله انك تبي تصير ابو ومن حقك ذا الشي بس انا ماني مستعده
صقر :زين اجل ماراح اجبرك على شي ماتبينه بس قولي لي متى بيصير
عذاري :اذا حسيت نفسي مستعده
صقر :وانا كيف ادري انك مستعده
عذاري :انا براسي بجي اقول لك
صقر :زين
سكت صقر ناظرته عذاري
عذاري :تبي نلعب ولالا
صقر :اي اكيد
عذاري ابتسمت :بجيبها واجي
راحت عذاري تجيب الاونو ورجعت لعبو وانبسطو وغيرو جو
تحت في بيت ال فلاح
دخل سهم وهو توه راجع من البر وبيدخل البيت بس وقف على صوت البكاء اللي سمعه كان الصوت من وراء جلسة المشب مشى باتجاه الصوت شاف احد جالس
سهم بهمس :ضاري !
اول ماسمعت الصوت وقفت وهي تمسح دموعها بسرعه
سهم :مين انت
ريوف وهي تبلع غصتها ومشت بسرعه ماتبي سهم يشوفها
مرت من جنبه بسرعه مسكها سهم من يدها
سهم :من انتي !
ريوف بغصه :ريوف
سهم :وش فيك
ريوف اللي كانت كاتمه صيحتها ومجرد سالها سهم انهلت دموعها وانفجرت بكاء وصياح خاف سهم وقال "بسم الله "
سهم :بسم الله وش جاك
ماكان  فيه اي رد من ريوف غير البكاء  حاول سهم  يهديها
بكل الطرق بس بكل شي يقوله لها يزداد بكاها وتنهل دموعها
سهم :يابنت الحلال فيك شي
هزت ريوف راسها بـ لا
سهم:عمي فيه شي
زاد بكاء ريوف  اكثر وهاف سهم بان عمه صاير له شي
كرر سواله :عمي فيه شي
ريوف ببكاء :لا
سهم :جابر فيه شي
ريوف :لا
سهم :اجل علامك تصيحين !
ريوف وهي ماشيه :مافيني شي
وقف سهم قدامها:تكلمي وش فيك
ريوف :مافيني شي
سهم :احد مسوي لك شي
ريوف :لا وخر عني
سهم :اذا تكلمتي وخرت
ريوف :ماراح تفهمني
سهم :بفهمك
ريوف :سالفه طويله
سهم :بسمعك لين تخلصين
ريوف بشقه :بطول عليك
سهم :مايهم
ريوف :تكفى وخر خلني اروح
سهم :اذا قلتي وش فيك وسمعتك ابشري بوخر
ريوف :ماابي اتلكم
سهم :عادي
ريوف:وش تبي ياخي
سهم :ابي اعرف وش فيك
ريوف بشبه صراخ وبكاء:يهمك
سهم :حيل
ريوف تحاول بانها تطلع بس سهم مانعها وماقدرت تطلع
ريوف :وش تبي الحين
سهم :وش اللي مزعلك
ريوف :يهمك
سهم :اكيد يهمني شلون مايهمني تكلمي
ريوف :بس انا ماابي اتكلم
رحت وهي تجلس على الارض ضكت رجولها لصدرها  وهي تحط راسها على رجولها ودفنت راسها وكملت بكاء
سهم بتمتماء :لاحول ولاقوة الا بالله
راح سهم وهو يجلس جنبها وقال بحنيه وهمس
سهم :ريوف
سكتت ريوف ومانطقت ولا حرف
كرر سهم :ريوف وش فيك
رفعت ريوف راسها وجها احمر من كثر البكاء كانت مع سهم
علبة مويه جديده فكها ومدها لها وقال
سهم : امسحي دموعك واشربي وقولي لا اله الا الله
اخذت ريوف المويه منه ورشفت منها شوي وحاولت تهدي نفسها بعد ماهدت
سهم :وش فيك
ريوف بغصه :قل وش مافيني
سهم :علميني
ريوف :بتطفش
سهم:لا والله ماراح اطفش وش متبك
ناطرته ريوف بحزن :عمك
سهم:وش فيه
ريوف :تعبني ياسهم تعبني
سهم:وش مسوي
ريوف :ذبحني ي سهم تعبت منه
سهم :علميني
ريوف :يبيني افصل من الجامعه
سهم:ليه
ريوف ضحكت:يقول اختلاط 
سهم :طيب انتي رايحه تدرسين مو تلعبين
ريوف :وهذا اللي عمك مو راضي يفهمه
سهم:هذا اللي مضايقك
ريوف :ياليت هذا بس
سهم:فيه غيره شي
ريوف :ضرب واهانه وكل شي
سهم:وصلت فيه للضرب !
ريوف :اي واكثر بعد
سهم:طيب علمي جدي فلاح عليه
ريوف :لا ي سهم
سهم:ليه
ريوف :لو انطق بحرف لجدي بيذبحني
سهم :الدنيا سايبه كذا سلامات !
ريوف :عند عمك اي
سهم:انا اكلمه معليك منه
ريوف :لا الله يوفقك لاتتدخل
سهم:ريوف انا وراك معليك منه بعدين وين جابر
ريوف :جابر الله يعينه  اللي فيه مكفيه
سهم:ليه
وقفت ريوف : الله يوفقك لاتتدخل
وقف سهم :وش فيه !
ريوف :مافيه شي واللي قلته لك انسى كل شي
مشت ريوف وسهم وراها يحاول يوقفها بس ماقدر رجعت ريوف لجناحهم ودخلت بسرعه ونامت وهي تبكي ومن بكره الصبح تجهزو ال سند كلهم وال فلاح كلهم في بيت سالم في غرفة سالم تحديد فتحت غلا عيونها وحصلت سالم صاحي ويناظر لها
غلا ابتسمت له :صباح الخير
سالم بنفس الابتسامه :صباح النور ياكل النور
غلا :متى صحيت
سالم :لي يمكن نص ساعه
غلا :ليه ماصحيتني
سالم :قلت اخليك ترتاححين
غلا :تصدق من زمان مانمت كذا
سالم :تصدقين اني اكتشفت انك تحبين النوم
غلا :اوه بذي صدقت عاد
سالم :اجل يلا قومي عشان نروح لبيت جدي
غلا :اي يلا لانتاخر
لبست غلا عبايتها واخذ سالم كذا غرض له  وطلعو متجهين لبيت الجد سند وصلو
سالم :اوديك لبيت عمي فلاح ؟
غلا :ليه
سالم :عشان تاخذين اغراضك
غلا :معليه باخذ من جناحي اللي هنا
سالم :زين اجل
دخلو البيت ابتسم الجد سند
الجدسند:يالله حيهم
سالم وهو يبوس راسه :الله يبقيك
غلا وراء سالم وسلمت على جدها :الله يبقيك
نادين :مابغيتو تجون
سالم :هذا حنا جينا
الجد سند :نادين
نادين :لبيه
الجد سند :جهزتو ولا باقي
نادين:اي جاهزين بس بقى الشيخه
غلا :اي بروح اجيب اغراضي واجي
الجد سند :اعجلي ياجدي
غلا :من عيوني
راحت غلا لجناحها واخذت اغراضها  وقسم الجد سند السيارات سيارات سالم فيها نادين وساره وغلا وطيف
طلعو للسيارات وشغل سالم سيارته وجو البنات ماعاد غلا
ساره ونادين يتهاشون مين يجلس قدام
نادين :اقول انطقي ورا
ساره :مو على كيفك
نادين :انا عمتك يابنت ارجعي ورا
ساره :لا والله مو على كيفك اركبي انتي ورا
نادين :لاتردين على يابنت اناعمتك
ساره:عمتي بالبيت مو هنا
نادين :على اساس فرقت يعني
جاء سالم وهو مشمر اكمامه وحاط شماغه على اكتافه
سالم وهو عاقد حواجبه :خير وش فيكم
نادين :شف اختك
سالم :وش فيها
نادين :ماتستحي تبي تركب قدام واناموجوده
سالم :وراء انتي وياها
نادين :ليه
سالم :ولا وحده فيكم قدام
ساره:مين بيركب قدام طيب؟
سالم :مرتي
نادين :يالي ماتستحي تركب عمتك ورا
سالم :لاتكثرين هرج واركبي وراء
ركبو وراء البنات وجت غلا
غلا :نادين ليه وراء؟
نادين :رجالك يبي كذا
غلا :اقول امشي قدام بس
نقزت نادين لف عليها سالم
سالم :نادين انثبري مكانك
غلا :ليه
سالم لف  على غلا :اركبي قدام وبدون هرج زياده
ركبت غلا قدام ومشو واتجهو للديره جميع العايلات وصلو على الليل ونامو وصحو من الصبح ابتدو يرتبون اغراضهم
جلسو يتغدون وقبل تغيب الشمس طلعو العيال يجمعون حطب مر سهم من عند خيمه البنات شاف ريوف وقال
سهم:ريوف
كانت ريوف معطيته ظهرها ولفت عليه :هلا
سهم:شلونك اليوم
ريوف :كويسه
سهم:عسو دوم تبين شي
ريوف :سلامتك
غيث بصراخ :سهمممم
سهم :لعنه وش تبي
غيث :امش
سهم:جايك
وراح ورا العيال جمعو حطب ورجعو بعد مغيب الشمس
جهزو العيال جلستهم وشبو النار واجتمعو حولها وجهزو البنات كذا فعاليه لهم
مشاري :هيه انتباه لوسمحتو
التفت الكل عليه
مشاري :جمعه وبر يعني ايش
البنات :وش
جابر :يعني شيلات ورقص
مشاري ضحك :يافهمني
غلا :ماجبنا الديجيه
مشاري :عيب عليك الشاص موجود
نوضا :مسنع عمرك
مشاري :اي جبوري
جابر:مشيري
مشاري :مستعد للعب ولالا
جابروهو يضرب على صدره :موجود بالخدمه
مشاري :فيه احد حاب يشاركنا
دحوم:انا
عزوز:وانا مع توامي
فهد :وانا بعد
غيث :وانا وانا
مشاري :سيادة الفريق جسار وسيادة الفريق سالم بتشاركونا ولا ماودكم
جسارخز مشاري :خلك في نفسك
مشاري :ابشر طال عمرك
سالم :مالي خلق
مشاري :انا بروح اجيب الشاص واجي
راح مشاري جاب الشاص وجاء وهو مسرع ووقف قدامهم
ونزل وهو يرفع صوت االاغنيه وصفو الشباب وقف مشاري يلعب بينهم كانت الاغنيه
والله ولو قيدوني قيد الجمل
بالسلال وان اقطع القيد و
اسري واتبع طريق المحبين
ياعامرٍ يبن بيشان تدعي علي
ربي اموت تدعي علي ربي
اموت والرب راضي عليه
كملو لعب وجلسو بعدها ناظر الجد سند سالم
الجد سند :سالم وشهو جديدك
سالم :مهو قصيده مير طراء علي شيله
الجد سند :سمعنا
سالم هدا جلسته وتنحنح :
هددوني بذيب فالجبل والذيب
فتاك ثم جيته وروضته وصار الذيب جني
وازعجوني بتاريخ البطل هذا وهذاك
واثر ماعندهم ابطالهم غير الهبني.
الجد سند :الله الله
قامت نادين تروح للمطبخ قام بتال وراها وهمس
بتال :نادين
التفت نادين بخوف :هلا
بتال :شلونك
نادين :بخير دامك بخير انت كيفك
بتال :بخير دامك بخير
نادين :وش بغيت
بتال :كلمتك غلا
نادين :بخصوص
بتال :بخصوص موضوعنا
نادين :اي كلمتني
بتال :ووش رايك
نادين :يعني ماقالت لك غلا
بتال :ماقبلتها للحين
نادين :خلاص اجل تعلمك هي
بتال :طيب علميني الحين
نادين نزلت راسها :اذا دقيت الباب بتعرف الجواب
بتال :والله بخطب بس بعرف جوابك اول شي
نادين :موافقه بس
بتال :بس وش
نادين :اخاف اهلي مايوافقون
بتال :لا تطمني ان شاء الله بيوافقون
نادين :ان شاءالله
بتال :انتي بس انتظريني
نادين :بنتظرك بس انا خايفه
بتال ؛خايفه من وش
نادين :خالتي فاطمه صايره تلمح لي بانها تبيني لولدها
بتال :يخسى مع نفسه
نادين :بتال
بتال :عيونه
نادين :استعجل
بتال :والله انك لغيري حرام واللي خلقني وخلقك ان مايرتبط اسمك الا مع اسمي واللي رفعها سبع ونزلها ان ماياخذك غييري وخوذيها وعد مني لك يابنت سند
نزل عقاله من على راسه ومده لها
بتال :وخذا عقالي عندك لين تصيرين حلالي وحرم بتال
مدت يدها وهي ماسكه دموعها واخذت العقال منه
ناظرها وقال
بتال :لاتظيقين الضيق والزعل ماانخلقو لعيونك
ناظرته وقالت :خايفه والله اننا مانكون لبعض
بتال :لاتخافين لان باذن الله اننا لبعض صدقيني
نادين :ان شاءالله
بتال :استودعتك للله ياحرم بتال
حبايبي للاسف اني برجع اغيب مره ثانيه وتكفون لاحد يرسل او يضغط علي لاني تعبانه مره ونفسيتي تعبانه ومحتاجمه ابعد فتره وقلت انزل ذا البارت واطمنكم وبس والله احبك وراجعه ان شاءالله لكم بقوه فمان الله 🤍