အဘိုးက ဘုဏ်းဇေကိုကြည့်ပြီး အားပါးတရဆို၏ ။ စစ်မှုထမ်းတာဝန် ပြီးဆုံးသွားပြီမို့ မတွေ့ရတာကြာပြီဖြစ်သည့် မယ်မယ့်ဘက်က အဘိုးနှင့်အဘွားဆီ ဘုဏ်းဇေ အလည်ရောက်လာခဲ့ခြင်းပင် ။ အဘိုးတို့က သီလ သိပ်ကောင်းသည်။ ကျန်းမာရေးကလည်း ဒေါင်ဒေါင်မြည်နေကြဆဲဖြစ်သလို အသက်သာကြီးလာပေမဲ့ အရွယ်က ကျမသွားကြပေ ။ စိတ်ပျော်အောင် နေတတ်ကြသူတွေမို့ဖြစ်မည် ။
" ပင်ပန်းသွားပြီလား ငါ့မြေး "
" မပင်ပန်းပါဘူး ဘိုးရ ၊ စိတ်ဝင်စားဖို့ကောင်းတဲ့ အတွေ့အကြုံတွေ အများကြီး ရခဲ့တယ် "
" ဒဏ်ရာတွေလဲ ရခဲ့တယ်မို့လားကွ "
" ယောက်ျားပဲ ဘိုးရာ ၊ ဒီလောက်ကတော့ ဘာမှမဖြစ်ပါဘူး "
ရင်ထဲက အနာကကြီးလွန်းလို့ အရေပြားပေါ်က ဘယ်ဒဏ်ရာကိုမှ မနာတတ်တော့သည့်အကြောင်းကိုတော့ အဘိုး သိမှာမဟုတ်ပေ ။
ထို့နောက် အဘိုးတို့နှင့် စကားတွေအများကြီး ပြောဖြစ်ကြသည်။ အများဆုံးကတော့ စစ်မှုထမ်းကာလအတွင်း သူရခဲ့သည့် အတွေ့အကြုံတွေအကြောင်း ။ နောက်ပြီး အဘိုးရဲ့ စိုက်ကွင်းကြီးထဲမှာ ထပ်တိုးချဲ့ထားသည့် သီးပင်စားပင်တွေအကြောင်း ။ အခုဆို အဘိုးခြံကထွက်သည့် စပျစ်သီးတွေက ပြည်ပနိုင်ငံတွေကိုပါ တင်ပို့ရသည်အထိ အောင်မြင်ဖြစ်ထွန်းနေပြီ ။
" ဘိုး ...ဘိုးတို့ ဘယ်လောက်ချမ်းသာလဲ "
" ဟေ ...ဟားဟားဟား "
အစတော့ အဘိုးက အံ့အားသင့်သွားပုံရပေမဲ့ နောက်တော့ သူ့ကိုကြည့်ပြီး သဘောတကျရယ်နေတာ တော်တော်နှင့်မရပ်ပေ ။ သူလည်း အဘိုးနှင့်အတူ လိုက်ရယ်မိသည် ။ စကားဝိုင်းမှာ သူတို့မြေးအဘိုးနှစ်ယောက်သာ ရှိ၏ ။ မမဒေဝီက တီလေးနှင့်အတူ မီးဖိုထဲမှာ ညစာအတွက် ချက်ပြုတ်နေပြီး အဘွားကတော့ တရားထိုင်ချိန်မို့ ဘုရားခန်းထဲ ရောက်နေသည်။
" ဘာလို့မေးတာလဲ ငါ့မြေးက "
ဘုဏ်းဇေ အဘိုးကို သေချာကြည့်ကာ
" အမွေတောင်းမလို့ "
အဘိုးက နောက်တစ်ကြိမ် ဟက်ဟက်ပက်ပက် ရယ်တော့သည် ။
YOU ARE READING
Forget-Me-Nots { Completed }
General FictionA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...
35. One day
Start from the beginning
