حوراء المحمداوي ...❤️🔥
بقلمي رواية: « دلهم »
________________________
فزيت على صوت دكات خفيفه على باب غرفتي سحبت السجين من تحت المخدة وكمت اباتجاه الباب كتمت صوتي وركزت مسامعي الحديثهم المتقطع اثر الشرب …
مرت ثواني وزادت دكات الباب ومحاولة فتحه اتسارعت نبضاتي ابخوف وتجولت انظاري داير مداير الغرفة اتوقفت حركتهم ابسماع صوت زيد
زيد: شـ شسوون ا اهـ هناا
-انـ انريد نـ نـ نشـرب مي
زيد: تـ تعـ تعالو مـ منا
ريام:اتنفست ابأريحيه ابسماع خطواتهم تبتعد عن باب غرفتي ضميت رجلي الصدري وهتز جسمي ابقلق وخوف من مغافلة زيد ومداهمتهم ابأي لحظة
مرت ساعات ودك منبه فوني باوعت على الوقت بـ 5:30 غلقت التنبيه وتوجهت للشباك فتحتة ومديت ايدي اقيس حالة الجو كان بارد مصاحب لقطرات الندى سديت الشباك ورحت للكنتور اباوع على ملابسي اليوحدهن اللون الاسود سحبت بنطرون وهاينك وقمصلة جلد خليتهن على الجرباية ...
التفت على باب ومشيت ابخطوات هادئة مترددة خليت السجين كدامي وطلعت باوعت ابأرجاء البيت مالكيتهم فتحت باب الاستقبال شفت زيد نايم ويمه ابطالة الشرب غلقتة ابهدوء ورحت اتوضيت ورجعت الغرفتي كملت صلاتي لبست ملابسي وحضرت الملازم الاحتاجهن وكفت يم المراية خليت مكياج اخفي لون وجهي الباهت ابسبب قلة النوم دقايق وسمعت رنين الفون كان اتصال من ابو الخط اخذت جنطتي وملازمي وطلعت ...
ريام: صباح الخير
-صباح النور
ريام: صعدت بالاخير فتحت شوي من جامة السيارة لبست الهتفون و بقيت اتبع الطريق الى ان وصلت للجامعة ...
اتمشيت ابممرات الجامعة استمع الضحكات وسوالف البنات حسيت بالشعور الفاقدته طالما اتمنيت اتكون عندي اخت او صديقة اشاركها اليدور ابالي بس خوفي كان يمنعني من الاقتراب منهن كل مرة احاول بيها اكسر الحاجز الكه نفسي مبتعدة الف خطوة يمكن خوف او قلة ثقة او يمكن ابسبب خجلي من اهلي ، كل تجمع ينذكر بي الاهل اسمع تفاخرهن ابألهن و سوالفهن عن اخوانهن التتسم علاقتهن بين الزعل و الصلح ايحز ابخاطري ويجبرني ابتعد عنهن
صعدت القسمي متوجها الاخر استول بالقاعة خليت كتبي وبقيت كاعدة انتظر دخول الدكتور ...
التفتت كدامي صارت عيني ابعين مريم
ابتسمت ابوجهي بادلتها الابتسامة مجاملة
ودنكت على ملزمتي حسيتها امثبته نظراتها
وياي قطع صفنتها صوت زميلتها ريتاج الدخلت ابغضب رفعت راسي اتسمع الكلامهن المايفشل ايضحكني …
: صباح الخير
-صباح النور
ريتاج:لج بومة صار ساعة منتظرتجج بالكافتيريا وانتِ
باقيه اهناا
YOU ARE READING
دلهم
Actionتدور الرواية حول ضابط بمكافحة المخدرات يتجسد بشخصية طالب جامعي لمعرفة من هم المسؤولين عن ترويج وبيع المخدرات داخل الحرم الجامعي لتزداد الأمور سوء بعد الكشف عن المروج الحقيقي من هو المروج الحقيقي ..!؟ وما هي ردة فعله هل يخفي الامر ام لا ...!؟ الكاتب...
