" စကားကို ဘယ်လိုတွေ ပြောနေတာလဲ ရှင်း "
အနားကိုသွားပြီး ပုခုံးနှစ်ဖက်ကို ဆုပ်ကိုင်မိသည့်အခါ သူ့လက်တွေဖယ်ချခြင်း ခံလိုက်ရသည် ။ နောက်ပြီး ရှင်းသန့်က သူ့ကိုမကြည့်ဘဲ မျက်နှာလွှဲထား၏။ သည်အပြုအမူက သူ့နှလုံးသားကို အားပြင်းပြင်း ရိုက်ပုတ်လိုက်သလိုပင် ။
" ဘာဖြစ်နေတာလဲ ရှင်း ၊ တကယ်ဆို မောင်က မင်းကို စိတ်ဆိုးရမှာနော် "
" အင်း ... စိတ်ဆိုးလိုက် ၊ ပြီးရင် ငါ့ကို စိတ်နာပြီး မေ့လိုက် "
" ရှင်း "
ဘေးလွှဲထားသည့်မျက်နှာကို လက်နှစ်ဖက်ဖြင့် ထိန်းညှပ်ပြီး မျက်လုံးချင်း မရမက ဆုံစေလိုက်သည် ။ စိတ်ဆိုးရမည့်အစား စိတ်ပူလာ၏ ။ ရှေ့မှာရှိနေသူက မနေ့ညက သူ့လက်ကိုတစ်ညလုံး ဆုပ်ကိုင်ထားသူနှင့် မတူတော့သလို သူ့ရင်ခွင်ထဲ တိုးဝင်ကပ်တွယ်ထားသလိုလည်း မနူးညံ့တော့ပေ ။
" ဘာလို့ ဒီလိုစကားတွေ ပြောနေရတာလဲ ရှင်း ၊ မောင်က တကယ် စိတ်မဆိုးပါဘူး ၊ စိတ်မကောင်းဖြစ်ရုံလေးပါ ၊ မင်း အင်္ဂလန်သွားမဲ့ ကိစ္စကိုလဲ မောင်တားမယ်ထင်လို့လား ၊ မောင် ဘယ်တုန်းက မင်းဆန္ဒတွေကို ပိတ်ပင်တားဆီးဖူးလို့လဲဟင် ၊ ဒါပေမဲ့ မောင့်ကိုတော့ မင်း ကြိုပြောသင့်တယ်လို့ မထင်ဘူးလား ရှင်း ၊ မောင်က မင်းအတွက် သူစိမ်းလား "
ရှင်းသန့်က နှုတ်ဆိတ်နေသည်။ နောက်တစ်ကြိမ် သူ့လက်တွေကို ဆွဲချ၏ ။ ပြီးတော့ သူ့မျက်နှာကို စေ့စေ့ကြည့်ကာ
" မင်း သေချာလား ငါ့ဆန္ဒကို မတားဆီးမှာ "
" ဒါပေါ့ ...မင်းဖြစ်ချင်တာမှန်သမျှ မောင် အကုန်လိုက်လျောပေးမှာပါ ၊ မောင့်စိတ်ကို မင်းမသိဘူးလား "
" ငါတို့တွေ ဒီမှာပဲ ရပ်ရအောင် ဘုဏ်းဇေ ၊ အခုကစပြီးကိုယ့်လမ်းကိုယ်လျှောက်ကြရအောင် ၊ ငါမင်းနဲ့ လမ်းခွဲဖို့ ဆုံးဖြတ်ပြီးပြီ "
သွားကြားထဲကနေ ထွက်လာသည့် ရေခဲရိုက်ထားသလို လေသံက ဘုဏ်းဇေရင်ဘတ်ကို ချွန်ထက်သည့်အရာ တစ်ခုခုဖြင့် ဆွဲဖြဲလိုက်သလိုပင် ။ အသွေးအသားတွေ စပ်ဖျဉ်းဖျဉ်း ခံစားလိုက်ရသည်။ အမြင်အာရုံတွေ ပြာဝေသွား၏ ။ ပတ်ဝန်းကျင်တစ်ခုလုံး အိုးထိန်းစက်ပမာ ချာချာလည်သွားသည်။
VOUS LISEZ
Forget-Me-Nots { Completed }
Fiction généraleA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...
33. Chapter closed
Depuis le début