مهووس ميساء

part 57

نزلات عينيها لشفايفو لي زرقين بالكارو بلعات ريقها و طلعات عينيها لعينيه كترمقو ببرائة و جرأة لقاتو هو الاخر مستقر عينيه الرماديين فشفايفها الكرزية و بحركة غير متوقعة منها هزات يديها الصغيرة الرطبة باردة حطاتها على صدرو لعرييض بحكم جسمو سخون حس بتبوريشة و احاسيس عمرو حس بيهم حس براسو مستسلم كليا و يقدر يدفع نصف ثروتو على لمسة اخرى من طرفها ... طلعات يديها بشوية مرورا بصدروا حتى وصلات لعنقو كدوز صبيعاتها على تفاحة ادم لي كتطلع و تنزل و اخيرا قربات و حطات شفايفها الكرزية فوق الشفايفو كتحركهم بشوية و بقلة خبرة ... عكسو هو لي كان جامد كيشوف شنو كتصنع حتى حس بيها غتبعد و هو يرجع جرها من خلفية راسها داخل معاها فقبلة فرنسية مدخل شفايفها وسط فمو بإحترافية كل شفة عاطيها حقها... طلع يديه من مؤخرتها الكبيرة حتال ضهرها كيدوز يديه حتى رجع منزل يديه مدخلها تحت بيجامتها كيتحسس لحمها الرطب الطري ... ميساء كانت دايبة فلمساتو و قبلاتو شوية حسات بالنفس تقطعات فيها وهي ضربو جوج ضربات على صدروا حتى فصل القبلة و نطقات كتنهج: ويلي راه انا لي فيا ضيقة هاد الساعة اما نتا بيخير و على خير... غالي طلع يديه كيلعب بشنايفها بصباعو و نطق بصوتو المبحوح: راه نتي لي ديلمك حلوة ... يلاه بغات تنطق حتى كتسمع صوت طفولي نعسان: بابا ... ضارو بزوجهم لقاو تواب كتمشى بشوية و جايا لعندهم كتحك فعويناتها، ميساء ناضت لعندها هازاها و نطقات كتحيد ليها الشعر على عويناتها:حبيبة بغيتي شي حاجة ... تواب كترطى بحماس: بغيت نمسي لعند بابا ... حطاتها ميساء فالأرض و مشات كتجري حفيانة لعند غالي لي هزها بايس جبهتها بحب ، نطقات تواب بزعل طفولة: مبقيتيس كتزي تسوفني ... غالي: كنت كنجي معطل هاد الأيامات ... تواب عنقاتو حاطة راسها على صدروا: انا توحستك بزاااف ابابا ... غالي بتاسم ابتسامة بالكاد كتبان: قداش هاد بزاف ... تواب كتعبر بيدياتها صغار: بزااااف قد هاكا ... غالي ضحك حتى تسدو عينيه و بدا كيلعب معاها كيلوحها فالهوا و كيرجع يشدها و هي غتحماق بالضحك ... ميساء كانت متكية على الباب ديال البالكون كتشوف فيهم كيبانو زوينين بزاااف واخا هو مكيبينش حنيتو على تواب ولكن باين بلي كيبغيها بزااااف و حتى هي كتبغيه كثر من اي حاجة ... ميساء قربات لعندو عاقدة حجبانها: ويلي طلق البنت غادي تدوخها ... خدات ميساء تواب و نطقات: خاصك تنعسي ابنتي دابا فات الحال ... تواب ب ترجي: عافاك خليوني معاكم ... غالي بحدة: غتنعسي فبيتك ... ميساء شافت فيه و نطقات بصوت خافت: خليها البنت باقا صغيرة ... غالي خنزر فيها: راني هضرت ... ميساء عطاتو بالضهر و خرجات من البيت غادة مهبطة تواب لبيتها و نطقات تحت نيفها: كيتقلب كيف الزمان ياربي سلامة ... هبطاتها لبيتها و حطاتها فوق الناموسية و غطاتها و مسيكينة ديك الساعة نعسات ... سدات الباب و طلعات فالمصعد راجعة البيت ديالها، حلات الباب لقاتو كالس فوق الفوطوي مشعل كارو و حاط لبيسي قدامو و داير نضاضر باش يحميو ليه عينيه من الأشعة ... مشات عندو نيشان محيدة ليه البيسي من فوق رجليه و حيدات ليه الكارو من يديه بحذر خايفة تحرق حطاتو فالطفاية و كلسات فوق رجليه كتشوف فيه ببرائة و غالي غير كيشوف فيها و فشنو كدير و نطقات بنبرة محلونة عينيها فعينيه: براكة عليك من الخدمة ... غالي زير على مؤخرتها و نطق بصوت تقيل مدعدع: دابا شنو نتي بغيتيني نتكي مك هنايا بليغيكل ديالك ولا شنو ... ميساء دبلات فيه عويناتها: لاااااا ... و نزلات عينيها لواحد الوشام فصدرو كبير نوعا ما الى شفتيه اول مرة غيجيك ممفهومش ولكن الى ركزتي ايبان ليك بلي راه حرف s هي عمرها ركزات فيه حيت عندو بزاااف ديال الوشامات و الى شفتي كيبانو بزاف يعني متقدرش تركز على واحد من الشوفة الاولى.