خرج من الدوش لابس سروال ديال الدار و من الفوق عريان دور عينيه لجيهتها لقاها باقا مليوحة كيفما خلاها طرطق عنقو و توجه الثلاجة لي عندوا فالبيت و جبد منها نبيذ من النوع الغالي حل القرعة و شرب منها و هو عينيه على ميساء لي دم نشف فوق جسدها و جروحها تفلحوا، توجه لعندها و كلس قفازي قدامها و بدون سابق انذار بدا كيكب داك الشراب فوق جسدها بلاما يحن فيها.
كانت فاقدة وعيها حتى كتحس بالحمها كيحرقها بزاف و كيقرصها فحالا شي حد شعل فيها العافية غوتات غوتة تردد صداها فالقصر كامل حتى حلقها تجرح و تكلمات بصوت مبحوح تعبان كيقطع فالقلب: حرام عليك واش معندكش القلب
ضحك بطريقة مجنونة و بقهقهات عالية شوية تبدلوا نضراتوا و جرها من شعرها لعندوا و هضر بفحيح: قلبي مات شحال هادي
ميساء طلعات فيه عينيها و هي كتنخصص: و انا شنو ذنبي انا مدرت ليك والو باش اديتك
زاد زير ليها على شعرها و نطق و عينيه حمرين:نتي ذنبك كبير و هو انني بغيتك و اي حاجة بغيتها كناخدها
ميساء دفعاتوا من عليها و ناضت واقفة بزز و هي كتمايل: واش نتا فاهم الحب بالمقلوب (قربات لعندوا و ضربات بسبابتها على صدروا) نتا راك مريض (علات من صوتها) مرييض مريييييض
قاطعها بصقلة خلاتها طيح و يدوا تصور فحنكها و حط يديه على ودنيه و هي كيغوت: سكتيي انا ممريضش سكتيي
و طاح الارض جامع رجليه عندوا و هو عقلوا رجع الماضي
فلاش باك...
كان كيتمشى وسط ساحة المدرسة بوحدوا و هو حاني راسوا و من شكل ديك المدرسة كتبان خاصة و زوينة بزاف و كيقرى فيها شكون و شكون، كان كيتمشى حتى ايضرب كتفوا مع كتف واحد الولد.
غالي رجع لور و هو باقي حاني راسوا: سمحليا
دري وقف قداموا و هو مخنزر: واش عور
غالي طلع فيه عينيه و نطق بحدة رغم صغر سنو: قلت ليك سمحليا
دري زاد قرب لعندوا: ديك سمحليا كولها (و عطاه بالضهر و جر دراري لي معاه و نطق بصوت عالي باش يسمعوا) مريض كيداير
غالي محسش براسو حتى جروا و بدا كيضرب فيه بدون شفقة و الدراري لي كيقراو معاه داروا دائرة و غالي و داك دري كيتوسطوها و بداو كيضحكوا و كينطقوا بصوت واحد: مرييض مرييض ههههههههه
غالي سد ودنيه و هرب كيجري الحمام سد عليه و جمع رجليه لعندوا و بدا كيحرك راسوا بهستيريا: لالا انا ماشي مريض انا ماشي مريض
باك
بقا على نفس الحالة و هاد الأحداث كدوز قدام عينيه و عينيه حمرين فحال الجمر و ميساء مكمشة فراسها و خايفة من شكلوا لي ولا فحال شي وحش و كيخلع.
بعد مدة وقف و توجع لواحد الخزنة تما و جبد منها واحد الموس رقييق و ماضي بزاف و نطق بحدة: خرجي
ميساء عينيها على الموس و نطقات بخوف: شنو باغي دير
غالي بصوت عالي: خرجييي
ميساء دموعها طاحوا و نطقات بحزن: ماخارجاش (قربات لعندوا و نزلات على ركابيها بحكم هو كان كالس فوق الفوطوي و نطقات بهمس) علاش كتعدب راسك و كتعدبني فحال هاكا علاش
غالي هز فيها عينيه و دور عينيه على وجها لي كلو فيه أثار ديال الضرب و نطق بهمس شبيه ب ديالها: معرفتش انا ماعارفش
ميساء شدات وجهو بين يديها و هضرات بحنان: خلينا نمشيو عند الطبيب نشوفو المشكيل لي عندك امم شنو بان ليك
غالي سها فيها و فقلبها الطيب لي واخا عطاها قتلة ديال الكلاب و عنفها مع انها باقا خايفة عليه و باغا تعاونوا، ضور عينيه لجنب محاولة منو باش ميضعافش و نطق بحدة: خرجي
ميساء وقفات و شافت فيه بنضرات منكسرة و جرات رجليها تجاه الباب و هي كتمشى بصعوبة من الألم لي كتحس بيه فجسدها كامل، دخلات لبيتها و طلقات العنان لدموعها و هي كتبكي بحرقة من جسمها لي كيعطيها صداع من قلبها حتى هو لي كيتحرق نهار على نهار على غالي، وقفات قدام المراية و شافت فراسها و فالزروقية لي فلحمها و نطقات بهمس: انا انعاونك كنواعدك
و دخلات الدوش تحيد عليها العيا دوشات و خرجات داوات جروحها و لبسات بيجامة كتكون من سروال و الفوق ديالو مريحة و خرجات من البيت كيف خرجات طلاقات معاه لابس سروال كحل و تيشرت كحل و سبرديلة كحلة و كيمشى بثقة كيف شافها قرب منها و نطق بفحيح و بحدة: كنقسم ليك فمي بالله و باقي نلقاك واقفة مع شي زامل انقتلو و نتبعك ليه مفهوم
ميساء هزات راسها بالإيجاب و نطقات بهدوء: ولكن هاداك فحال خويا وو..
قاطعها فنص هدرتها و زاد قرب ليها و نطق بخشونة: انا مكنفهمش هادشي لدرجة منبغيك تنفسي حدا حتى زامل
و عطاها بالضهر حتى كتوقفوا هدرتها: مغتعتاذرش
غالي دور راسو عندها و غمزها و حرك راسو بشنو: علاش انعتاذر
ميساء هزات فيه حجبانها: واش معقلتيش على العصى لي عطيتيني ولا شنو
غالي رجع تقابل مع وجها: لا حيت تستاهلي و انا مندمت على حتى حاجة و ديري شي حاجة كتخالف اوامري ايكون مصيرك فحال اليوم و كتر لهذا ديري عقلك
و مشا و خلاها واقفة مخرجة عينيها من كلاموا...
يتبع...
VOUS LISEZ
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
