ميساء دخلات الكوزينة شادة فيد تواب صغيورة و هزاتها و حطاتها فوق البوطاجي.
حطات ميساء صبعها على فمها كتفكر: امممم شنو بغات لابخانسيس ديالي نطيب ليها
تواب بطفولة: طاتي انا بغيت ليباط كتعجبني بزاف
ميساء صفقات بيديها و نطقات بفرح: حتا انا كيعجبوني شفتي هاحنا بدينا نلقاو النقط المشتركة ( حطات يديها على نصها و هي كتشوف فالكوزينة) ولكن الموصيبة الكبيرة هاد الكوزينة كبيرة بزاف و انا كاعما عارفة بلاصة ديال كل حاجة اففف
بقات كتبقشش حتا لقات داكشي لي باغا و بدات كتطيب و هي حريصة باش يجي داكشي زوين و يعجب تواب.
مدازش بزاف ديال الوقت حتا كانت كتحط فالماكلة فالطباسل.
ميساء بفرح من داكشي لي طيبات: ادوقي احسن ليباط فحياتك دابا تشوفي
هزات الطباسل و حطاتهم فوق لاصال مونجي و هزات تواب كتضحك معاها و كلسات و كلساتها فوق منها و هي كتوكلها.
تواب كتبنن: طاتي ميساء هادشي زوين بزاف
ميساء جراتها من نيفها: راك نتي لي زوينة احبيبة
كملوا ماكلتهم و ميساء هزات تواب بين يديها و هي كتضحك معاها.
ميساء كضحك: دابا وقت شنو وقت النعااااس
تواب بقلق: طاتي انا مافياش النعاس
ميساء: لا احبيبة خاصك تنعسي باش تكبري (كيف كملاتها سمعات صونيط فالباب و نطقات وهي كتشوف فتواب) هاهو بابا جا
توجهات الباب و حلاتوا و بشوية بشوية بدات كتلاشا ابتسامتها و هي كتشوف قدام الباب مرا فعقدها الرابع لابسة و مقادة و انيقة بزاف
تواب كتضحك و كتنتر باغا تمشي عندها: جداتي
ميساء حطات تواب فالأرض و هي كتحك عنقها بتوثر و كيف حطات تواب عنقات نرجس و نرجس كتحك ليها على راسها، هزات فيها نرجس عينيها و هي كطلعها و تهبطها: شكون نتي واش شي خدامة جديدة
ميساء عينيها غرغروا بكثرة الإحراج و نطقات بتلعثم: احم احم انااا (سكتات حيت ملقات متقول)
ولكن فديك اللحضة صوتو طاح فحال نقطة العسل على قلبها ملي نطق بصوت شجي غليض و مبحوح فنفس الوقت: شنو كديري هنا
نرجس ضارت لمصدر الصوت و نطقات بهمس: ولدي
كان غالي جاي كيتمشى بمشيتوا الرجولية المعهودة و هو كيطرطق عنقوا: شنو سبب الزيارة
نرجس بتوثر: احم ملي تواب تعطلات خفت عليها و جيت نديها
غالي وقف قدامها و قرب حدا وجها و نطق بفحيح: من اليوم تواب اتولي عايشة معايا و كنضن من اللول بلاصتها خاصها تكون معايا اولا
نرجس عقدات حجبانها: معندكش الحق تقرر فهدشي بوحدك و..
قاطعها بتخزيرة و نطق بصوت غليض و هو باقي متبت نضروا عليها بشوفات ثاقبة: ميساء دي تواب لبيتها
نرجس طلعات و نزلات ميساء بإشمئزاز: اون بلوس منقدرش نخلي حفيدتي مع فحال هاد الخدامة شوف غير حوايجها كيفاش دايرين فوقت الخدمة
غالي عينيه حماروا و نطق بحدة و هو ضاغط على كلامو: نرجس حتا قواد معندوا الحق يأديها بكلمة وحدة و غير جيتي مي اما كون راك تحت التراب دابا
ميساء شافت القضية حماضت و هي تجر تواب بسرعة و طلعاتها لغرفتها.
نرجس مخرجة عينيها: على قبلها وليتي كتقلل عليا الإحترام
غالي مميل راسو بطريقة مجنونة: على قبلها نقدر ندير اي حاجة و اي واحد أداها ولو بحاجة بسيطة انكون انا قدامو ولو يكون شكون يكون
نرجس: كتهددني
غالي: فهميها كيفما بغيتي
و ضار عطاها بالضهر حتى سمع صوتها من جديد: و تواب
نطق و هو مزال كيتمشى: تواب هي مع باباها و هادي البلاصة لي كانت خاص تكون فيها من اللول
نرجس زفرات بعصبية و تمشات بسرعة تجاه السيارة لي السائق كيف شافها جايا حل ليها الباب و طلعات كتخبط برجليها و نطقات بحقد: برهوشة شوف كيفاش هضر معايا على قبلها
السائق: قلتي شي حاجة الالة
نرجس: مقلت والو غير زيد خلاص
كسيرا الشيفور خارج من القصر.
طلع فلاسونسور حتال غرفة تواب و حل الباب بهدوء كانت ميساء كالسة فالأرض مربعة رجليها و تواب حداها كيلعبوا بواحد باربيات، تكا على الباب و هو ساهي فيهم و فشخصية محبوبتوا لي كل مرة كيشوف جانب مبدل فيها.
تواب هزات عينيها و نطقات بطفولة: بابا
غالي قرب ليها و هزها بين يديه و باس جبهتها: روح باباها ( و نزل عينيه فميساء لي كانت كتضور عينيها بتوثر) عجبك الحال مع خالتك ميساء
تواب عينيها بانوا فيهم القلوبة و نطقات بفرح: اه بزاااف طيبنا انا وياها و لعبنا و بزاف ديال الحوايج كون غي كنتي معانا ابابا
غالي نزل عينيها لرجليها: باقا كضرك
تواب حركات راسها بالنفي فهاد الأثناء وقفات ميساء و شافت فتواب: تواب حبيبة خاسك تنعسي مشا الحال
تواب بزعل: طاتي انا مزال باغا نلعب
غالي حطها فوق السرير و غطاها: وقت النعاس دابا
تواب: بابا انا مافياش النعاس
غالي بحدة: تواب
تواب غمضات عينيها ديك الساعة مستسلمة النعاس و غالي جر ميساء من دراعها مخرجها و كيف سد الباب ضار عندها بتخنزيرة حادة و هو كيطلعها و ينزلها: شنو هاد الحالة
ميساء شافت فراسها و جوباتوا و هي هازة كتافها: إنا حالة بيجامة هادي
غالي جرها من مؤخرة شعرها: بيجامة كنبقاو بيها فالدار مكنحلوش بيها الباب و كون كان شي راجل دابا اممم
ديك ساعة عينيه حماروا من فكرة راجل اخر يشوفها بداك المنضر و زاد زير ليها على شعرها.
ميساء و الدمعة فطرف عينيها: انا كان كيحساب ليا نتا ( شدات ليه يديه) اييي طلقني كتقصحني
طلقها و هي بقات شادة فديك المنطقة بألم....
يتبع...
كنعتاذر البارت قصير ولكن راني مريضة البنات دابا نعوضكم إنشاءالله كبيدات 🥺🤍
VOUS LISEZ
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
