كانت ناعسة و اشعة الشمس مضايقاها فعينيها الشي لي خلاها تحل عينيها الخضراوتين و دورهم على انحاء الغرفة ملقاتش ماماها حيت فاقت قبل منها بحكم خدمتها.
ناضت كتكسل دخلات الحمام و دارت روتينها الصباحي و خرجات حلات الماريو و هي كتشوف فدوك الحوايج و الماركات ديالهم فلخر قررات تلبس جينز كحل مزير و قبية واسعة قصيرة و سبرديلة كحلة خلات شعرها مطلوق و لقات واحد الريحة فوق الكوافوز رشاتها من بعد ما شماتها و جاتها زوينة.
لوهلة تفكرات بلي معندهاش شكارة و الأدوات قلبات شفايفها بزعل و حابسة البكية و طلعات بجرية عند ماماها فطريقها حسات براسها تزدحات مع شي حاجة قاصحة و طويلة و عريضة.
بدات كتحك ف نيفها لي ولا حمر ملي تضربات معاه، هزات فيه عينيها و لقاتوا عاقد حجبانوا كيف ديما و نطق بصوت قفزها وخا هو كيدوي عادي ولكن من عند الله كيخلع: واش مكتشوفيش
ميساء قلبات شفايفها و بغات تبكي حيت تقسحات و دوات بتلعثم و طفولة: انا كاعما رديت ليك البال
غالي هز فيها حجبانوا بتساؤل: انا كامل و مرديتيش ليا البال
ميساء بدات كتفرك فيديها و هي كتحس بتوثر شي لي لاحضوا غالي شوية هزات فيها راسها و شافت فعينيه : انا كنت كنتمشى نتا لي جيتي قدامي
غالي داير معاها الخاطر و باغي يدوي معاها: ياااك دبا انا لي وليت جيت قدامك
ميساء وهي كتشوف فيه : اه نتا
عطاتوا بالضهر و بغات تمشي حتا حسات بدراعها قريب يتحيد على إثر الجرة لي جرها بالجهد و قرب لودنيها حتى طلع معاه عبقها الطفولي النادر و نطق بفحيح: متمشيش حتى نعطيك انا الإذن فهمتي
ميساء طاحوا دموعها حيت قصحها: طلق مني طلق قصحتيني (زاد زير عليها) و طلقني عافاك راني قارية و انتعطل
غالي طلقها بنتير حتى كانت اطيح و طلعها و هبطها و هز صبعوا كيطلعوا و ينزلوا عليها: دبا هادي الحالة ديال وحدة غادة تقرى
ميساء شافت فراسها و رجعات شافت فيه : و مالها حالتي
غالي ميل راسو و ضحك بإستهزاء: لا ما مالها والو (رجع خنزر فيها) غير لبسة ديال القحاب و الغادي و جاي ايبقا يشوف فيك
ميساء خرجات فيه عينيها و بغات تدوي و هو يحط صبعوا على فموا بمعني حتى كلمة و هو كيقرب منها حتا لصقها مع الحيط و نزل المستواها
غالي: هادي اخر مرة نلقاك باغا تخرجي بهاد اللبس حيت رجلين انقطعهم لبنتي
ميساء مبقاتش قادرة تصبر و نطقات بصوت رقيق فمعتقدها هيا راه غليض و غتخلعوا : منسمحش ليك تحكم فيا انا (قاطعها بتخنزيرة حادة)
غالي: محدك نتي فداري اتلبسي كيفما بغيت و اتصرفي كيفما بغيت و جربي تخالفي اوامري حيت التربية انعاودها ليك البرهوشة (غوت فوجها ) مفهوم
ميساء عقدات حجبانها و بغات تدوي حتى قفزها عاوتاني : واااش مفهوووووم
ميساء هزات راسها بذعر الشي لي خلاه هو يهز يديه و يحطها على شعرها : دابا مزيان متخلينيش نكون خايب معاك ( عطاها بالضهر و كيدوي و هو كيتمشى) خلي حتال غدا و سيري المدرسة ليوما ايجيبوا ليك ادوات و شكارا جداد
ميساء دوات بصوت عالي باش يسمعها: ايتسجل ليا الغياب و سعيد ايجرجرني على ورقة السماح
وقف و ضار عندها عاقد حجبانوا: شكون سعيد
ميساء ضحكات ببلاهة: هداك الخانز ديال الحارس العام
غالي كمل طريقو و دوا : اتدي معاك شهادي طبية و الى قاليك شي حاجة جي عندي نمشي نخلي دار عشتوا
ميساء بقات كتشوف فيه حتى ختافا و بقات واقفة ساهية شحال عاد تفكرات بلي كانت غادة الكوزينة....
يتبع..
VOUS LISEZ
مهووس ميساء
Action🛑🛑🛑🛑🛑🛑🛑🛑🛑🛑🛑🛑🛑🛑 ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉.... البطل....شخصية باردة..مختلة..مهووس بالبطلة..متعجرف..قوي......وك...
