مهووس ميساء

part 35

طلع فالطوموبيل و طلعات تواب لور و طلعات هي القدام و كيف سدات الباب كسيرا هو بسرعة حتى الروايض تحكو و هي مصدومة و مرة مرة كتشوف فيه و هو مكيشوفش لجيهتها كيسوق و مرة مرة كيضرب الڤولون بعصبية...اما تواب بالعيا مسيكينة نعسات..بعد مدة من الطريق وصلو القصر و حلو ليهم الحراس الباب و هوما حانيين راسهم بإحترام...وقف قدام البوابة الرئيسية و نزل و خبط الباب بالجهد حتى قفزات ميساء و نزلات حلات الباب لوراني لقات تواب ناعسة هزاتها معنقاها عندها و سدات الباب ديال الطوموبيل و توجهات الباب رئيسي ديال القصر و كيف دخلات لمحاتوا كالس فالصالون مسرح رجليه و كيشوف فنقطة وحدة كيف حس بوجودها نطق بنبرة جافة مخيفة: طلعي تواب و نزلي عندي
ميساء كيف سمعات هدرتوا مشات كطير الاسانسير طلعات حتى الطبقة لي فيها الغرفة ديال تواب كيف وصلات تحل الاسانسير و توجهات لبيت تواب حلاتوا و دخلات حطاتها فوق ناموسية و مشات الماريو جبدات بيجامة بياسة وحدة و قربات لعندها بشوية كتحيد ليها حوايجها باش متفيقهاش كيف كملات باستها و قاداتها فبلاصتها مزيان و خرجات من البيت...كيف خرجات تنفسات بخوف و هي كتخيل ردة فعلو و كيف غتكون حبسات افكارها و توجهات المصعد نزلها الطابق سفلي كيف خرجات لمحاتو كالس على نفس وضعيتوا و كيف سمع صوت خطواتها هز فيها عينيه و ميل راسو و نطق بفحيح: قربي
قربات ميساء عندو و هي رجليها كيترعدو كيف قربات وقفات قدامو نطق عوتاني بنفس النبرة: كلسي
كلسات ميساء و جمعات يديها قدامها و هي كتشوف فيه بنضرات متسائلة حتى نطق بنبرة شجية واثقة: شنو نفسرو هادشي ديال اليوم
ميساء طلعات فيه عينيها و نطقات عاقدة حجبانها بتساؤل: مفهمتش...شنو
غالي خنزر فيها و نطق بحدة: متستحمرينيش اميساء راه غنلسق جدك مع الحيط
ميساء حنحنات بحرج و بدات كتدوي و هي كتحاول تبرر موقفها و تلقى معاه السلاك: انا ملي شفت تواب كالسة عندو معرفتش كيفاش حتى بقيت كنشوف فيه ووو راه ماشي بشي نية خايبة لا حسيت فحالا كينتامي ليا و حسيت بالأمان و انا كنشوف فيه....
قبل متكمل قاطعها صوت تهراس ديال واحد الڤاز تما و غوت بنبرة كتخوف فحال شي وحش: سكتييييي سكتيييييييييي معندكش الحق تشوفي فشي واحد من غيري فهمتي ( قرب لعندها و شد وجها بين يديه حتى خسرات سيفتها بألم و عينيه فعينيها حمرين و عروق يديه برزوا و تضاعف حجموا بالأعصاب و نطق بنبرة مهووسة متملكة) معندكش الحق فهمتي نتي ديالي و اتبقاي ديالي حتى الأخر نفس الى متي قبل مني انتبعك و نهار انحس براسي انموت انقتلك قبل مني فمهتي نتي دياااالي نتي ديال غالي دخلي هادشي العقلك
طلق من وجها و عطاها بالضهر هز الكونطاكت و توجه الباب و قبل ميخرج نطق بنبرة جافة خشنة: هادشي لي طرا ليوم منبغيهش يتعاود حيت الى تعاود انقبرك فبلاصتك.
خرج طلع فطوموبيلتو و كسيرا بسرعة فااائقة...اما عند ميساء لي كانت باقا كالسة مصدومة بعد مدة عيات من الكلوس و طلعات لبيتها بدلات حوايجها و دخلات لفراشها مستسلمة النعاس.
كان كالس ف غرفة مضلمة كاين نور خفيف لي المصدر ديالو الشموع لي مزينين الأرض و الموسيقى مجهدة و كالس هو  ناشر رجليه و حال صداف الشوميز باش مخلي الوشام لي مزينين صدروا يبانو...و فيديه كأس من النبيد الثمين...و على حسب داكشي لي كيبان فديك الغرفة فراها بواط ولكن جات ديك البلاصة لي هو فيها معزولة على الناس او بالأحرى vip....مدازش بزاف حتى كيشوفو داخل كيتعنكر و يلاه وقف باش يسلم عليه بدون سابق إنذار عطاه كروشي لوجهو حتى طاح و الدم سال ليه من نيفو بغزارة و هز فيه راسو و نطق بعصبية ملحوضة: مالك ازبي واش جهلتي
هز طه من الكول ديال شوميز حتى جا واقف و تقابلو وجههم و نطق وهو مزير علي سنانو: بربي و يتعاود هادشي ديال اليوم يا حتى نقتل زبورت مك بلا منحن فيك و فالعشرة لي دوزنا و راك عارفني مريض فكري و نديرها
طه شاف فيه و فملامحو الغاضبة و طلق ضحكة تردد صداها فالغرفة كاملة و نطق بنبرة لعوبة: صاط متكولش ليا غرتي عليها مني انا صااحبي انا راه خوك واش عارفني نديرها
غالي دفعو و مشا كلس مقابل معاه حاط رجل على رجل بعجرفة: انا فهادشي مكنعرف حتى قواد
طه طرطق عنقو و كلس كيضحك: ههههههه كالما كالما تا حنا مكلنا ليك والو
يلاه بغا ينطق غالي و هوما يلمحو جوج بنات زعرات غاية فالجمال داخلين من الباب بلباس مكشوف جدا و فااااضح...طه كيف شافهم بتاسم: ها البضاعة جات اعشيري القشدة طرية
قربات اللولة من طه و بدات كتقيس ليه فصدروا و كضحك ليه و كتمايل بطريقة مثيرة... و وحدة قربات من غالي و يالاه جات تحط يديها على صدروا و هو يدفعها حتى جات طايحة و نطق بإستفزاز و عجرفة: فااااك القلاوي غتوسخيني
البنت خرجات عينيها لي كانو غرغروا و عمرو دموع بسبب الإهانة لي قدم ليها غالي....طه هز فيه عينيه و نطق بصدمة: غالي متصدمنيش اساط ماشي لهاد الدرجة
غالي طرطق عنقو و كب ليه كاس ديال النبيذ و نزل عليه دقة وحدة و نطق بنبرة باردة: خرجو قودوا عليا كاملين
ناض طه جار البنت لي معاه و نطق: على معقد
غالي بنفس نبرة: خرج قود كلنا ليك...

يتبع.....
البنات دخلو قراو روايتي الجديدة بعنوان "ثوبة القاسي" رواية جميلة جدا و غنعيشو معاها احداثها لي فنة و شيقة.
تصبحون على خير استودعكم الله 💗