مهووس ميساء

part 20

كيف وصلات حلات الباب و سداتوا و تكات على الباب وهي كتنهج و كتفكر فلحضاتها معاه فالخر زفرات و مشات كلسات شوية حتى وصل وقت العشاء و تعشات و نعسات.
تسريع الأحداث ❤️‍🔥
فاقت فالصباح و مشات تقرى و كيف العادة وصلها غالي و فالرجوع وصلاتها السائقة ديالها، وعلى ذكر غالي لي علاقتها معاه تطورات شوية و بدات كتولفوا و تميل ليه و حتى هو ممقسرش من جهدوا و كيعاملها فوق المزيان، ولكن الغريب فالأمر ان خديجة ولات كتستفرغ بزاف و كيضرها راسها بطريقة غير طبيعية و ولات كتنسى و هدشي ولا ملحوض، و فينما كتقوليها ميساء يلاه الطبيب كتقوليها لا و غير العيا و كترفض رفض قاطع، داز هاد الأسبوع فحال هكا و اليوم هو يوم العطلة ديال ميساء وهو يوم السبت.
فاقت ميساء و هي كتكسل قدات روتينها الصباحي و لبسات كيطمة ديال الدار بحكم كان الجو بارد شوية و خرجات من البيت متوجهة الكوزينة باش تفطر.
كيف دخلات نطقات وهي مبتاسمة: صباحو
ابتسام: صباح الزين و العسل
أية: مالك ياختي صابحة ناشطة
ميساء و هي كتخوي العصير: لالا ياختي غير حيت اليوم سبت و مقارياش
خديجة وهي كتغسل الفواكه: كتفرحي غير العطل لقراية والو
ميساء قلبات عينيها: وا ناااري مالنا منرتاحوش
بدات كتفطر فجو لا يخلو من الضحك و الممازحة مع البنات فجأة شافت خديجة شادة على راسها و واقفة بزز.
وقفات بزربة و توجهات لعندها و نطقات بقلق: ماما مالكي
خديجة بصوت ضعيف: والو ابنتي انا غير..
باقي مكملاتهاش طاحت على طولتها سخفانة الشي لي خلا ميساء تغوت و تحاول تشدها ولكن حيت كانت تقيلة طاحت معاها وهي شادة راسها بين يديها.
ميساء وعينيها عامرين دموع و كترعد: ماما ماما مالكي فيقي ( هزات عينيها فالبنات لي كانوا واقفين مصدومين وهوما كيشوفو فخديجة لي واخا خدموا معاها مدة قصيرة ولكن ولات هي الأم الروحية ليهم، غوتات ميساء حتى قفزاتهم: مالكم كتفرجوا عيطوا على شي حد يعاونا نديوها لصبيطار
خرجات ابتسام بسرعة لعند لي كارد: خويا عافاك اجي عاونا راه خالتي خديجة سخفات
الكارد حاني راسوا و واقف بتبات: سمحيليا ا انسة منقدروش ندخلوا الدار بلا إذن من السي غالي
ابتسام طاحوا دموعها و بدات كتطلب فيه: خويا الله يرحم ليك الوالدين
الكارد: لا ا انسة
رجعات ابتسام بلور و دخلات حتى هزات فيها ميساء عينيها و هضرات بصوت باكي: مالكي فيناهوما لي غيعاونونا
ابتسام: قالو ليا ممنوع عليهم يدخلوا الدار بلا إذن من السي غالي
ميساء زفرات بعصبية وهي ربي لي عالم بيها: اجي تكي عليك ماما انا انخرج عندهم
جات ابتسام كتجري تجاه ميساء و خدات بلاصتها و ميساء خرجات بجرية حتى القدام لي كارد: دخلوا هزو معانا ماما و وجدوا طوموبيل
كارد زاد حنا راسوا و قاد الوقفة: سمحيليا الالة ولكن هادو اوامر سي..
قاطعاتوا قبل ميكملها و نطقات وهي دموعها كيطيحوا: انا قلت ليك دخل هي دخل و الى قلت لسيك غالي بلي مسمعتوش هدرتي منضمنش ليك شنو غيدير ليك
الكارد كيف سمعها شنو قالت نطق بإحترام: تفضلي الالة
و تبعها حتى دخلوا الكوزينة و لقاو خديجة على نفس الحال و هزها بين يديه فحال الريشة و خرج لقا الطوموبيل قدام الباب حطها فالمقعد الخلفي و طلعات حداها ميساء و البنات مصافين فالباب ديال القصر كيبكيو.
ماجدة وهي كتنخصص: ختي ميساء باش ما كان علمينا
ميساء هزات راسها بالإيجاب و ديمارا الشيفور بعدما علموا غالي طبعا.
بعد نصف ساعة تقريبا وقفوا قدام كلينيك فاخر و زوين بزاااف، نزلات ميساء و هي كترعد و كتعيط عليهم باش يجيبوا البياص و كيف جابوه هزو خديجة بالزربة و ميساء تابعاهم كتجري حتى وصلوا لغرفة الفحص و الممرضة حبسات ميساء وهي كتطمنها: آنسة تسناي هنا ممنوع تدخلي لداخل
ميساء كتنخصص و كترعد حالتها كتقطع فالقلب: هئ هئ عافاك اختي خليني ندخل هادي راه ماما و اتبغيني نكون معاها عافاك
الممرضة حركات راسها و هي كتأسف لحالتها: سمحيليا ممنوع
و دخلات و سدات الباب و خلات ميساء برا اتموت بالبكاء و دازو دقائق قلال حتى بان ليها غالي جاي كيجري تجاهها وكيف شافتوا مشات تلاحت عليه معنقاه وهي مخنوقة: ماما هئ هئ معرفتش مالها اغالي انا منقدرش نعيش بلا بيها
غالي كيحك ليها على راسها و هضر بهمس مطمن: شووووو اعمري ماماك اتولي بيخير
ميساء دفنات راسها فصدروا وهي فديك اللحضة كيبان ليها غير هو و نطقات بصوت ضعيف كيقطع فالقلب: دير شي حاجة باش تعتق ليا ماما عافاك
غالي باس على راسها و هو محاملهاش تبكي حيت دموعها كيحرقوه من الداخل، بقات معنقاه حتى سكتات و بقاو كيطلعوا ليها شهقات خفاف، شوية تفتح الباب و خرجات منوا الممرضة و كيف لمحات غالي حنات راسها و نطقات بإحترام: السي غالي شرفتينا
ميساء ناضت من صدر غالي متوجهة عندها وهي كتهضر معاها بالهفة: عافاك اختي واش ماما لاباس عليها
الممرضة كيف شافتها مع غالي هضران معاها بإحترام كثر من قبل لما لا و غالي هو المالك ديال هاد المستشفى: انسة منقدر نقوليك والو دابا حيت باقي خاصنا نديروا ليها شي فحوصات اخرين و إنشاء الله انديروا جهدنا
غالي هضر بصوت غليط كيزعزع و مهيب: اديروا كثر من جهدكم حيت الى كان العكس اتلقاو راسكم فالزنقة مفهوم
الممرضة حنات راسها: امرك سيدي
و مشات و خلات ميساء كتحرك بتوثر و مرة مرة كتكى على غالي بقلة صبر مدازش بزاف ديال الوقت حتى خرجوا الأطباء و وقفوا مصافين قدام غالي و كيرحبوا بيه و تكلم واحد فيهم بإحترام: السي غالي تفضل معايا المكتب الى كان ممكن خاصني نقوليك شي هدرة
ميساء هزات عينيها فغالي بخوف الشي لي خلاه يطمأنها بعينيه و يشدها من يدها و يتوجهوا مع الطبيب المكتب، كيف دخلوا كلس الطبيب فمكانوا المخصص و ميساء و غالي مقابلين معاه، و ميساء عينيها كيلمعوا بالدموع و كتحس بيها خايفة.
الطبيب حيد نضراتوا و شاف تجاه غالي و بقا ساكت شحال الشي لي خلا غالي يتعصب و يضرب على المكتب بقلة صبر و يغوت بصوت خشن: اتدوي ولا انوض نخلي دار عشتك
الطبيب حنحن بحرج و تكلم بجدية: السي غالي معندي منخبي عليك ملي درنا فحوصات المريضة لقيناها بلي عندها ورم فراسها و قريب بزاف من المخ و هاد الورم فمراحلوا الأولى و باقي مكبرش و هدشي فصالحنا حيت اتكون عندنا صلاحية كثر باش نتخلصوا منوا.
ميساء شهقات وهي حاطة يديها على فمها و طاحوا دموعها و زيرات على يد غالي لي كانت شادة فيديها و تكلمات بهمس: ماما اتموت ياك اغالي
غالي حرك راسو بنفي و نطق بهمس: شوووو متقوليش هاد الهدرة انا اندير كثر من جهدي باش ماماك تولي حسن من لول
و دور راسوا لعند الطبيب و هضر بجدية: شنو نوع العلاج لي غتاخد
طبيب فرك يديه بتوثر: سي غالي نوع ديال العلاج مكينش فالمغريب و ممنوع يدخل يعني المريضة خاصها تبع العلاج ديالها خارج المغرب مع أطباء ناجحين
غالي حرك راسوا و وقف او وقف معاه ميساء و نطق بصرامة: اذن وجدوها باش انديها خارج المغرب
طبيب: هادا انسب حل اسيدي باش حتى العلاج مياخدش فترة طويلة
ميساء خرجات عينيها من كلاموا و شافت فيه: كيفاش خارج المغرب انا منقدرش نتفارق على ماما نتا شنو كتقول
الطبيب وقف و حنحن و نطق: نخليكم اسيدي الله يجيب الشفاء.
وخرج و خلاهم الراس فراس، غالي شد وجه ميساء بين يديه و نطق محاولة منو يصبرها: ميساء ماماك ضروري خاصها تمشي خارج المغرب باش تداوا و هدشي مغيدومش بزاف غير غتسالي فترة العلاج و غادي ترجع لعندك حسن من قبل (حرك راسوا) تفاهمنا
ميساء حركات راسها بالإيجاب و نطقات بضعف: ولكن انا انبقى بوحدي
غالي عقد حجبانوا و نطق بجدية: عمرك تقولي اتبقاي بوحدك و انا كاين معاك حيك انا انبقا معاك لأخر نفس فهمتي
ميساء حركات راسها بالإيجاب و حسات ببزاف ديال الأحاسيس تحركوا تجاهوا و نطقات: بغيت نشوف ماما قبل متمشي
شد ليها فيديها و جرها الغرفة لي كاينة فيها ماماها و دخلها و نطق: انا انتسناك برا صافي
حركات راسها بالإيجاب و دخلات و هي كتشوف ماماها صفرة و معلقين ليها الصيروم و بزاف ديال الألات دايرين بيها، قربات ليها ببطء و نزلات باست راسها بوسة مطولة و نطقات بحرقة و دموعها كيطيحوا: انتوحشك بزاااف اماما ولكن متخافيش راه غدوز مدة قصيرة و غترجعي ليا حسن من اللول.
بقات معاها شوية حتى جات عندها الممرضة و علماتها بلي صافي اينقلوها لطائرة الخاصة ديال غالي لي ايرافقوها فيها بزاف ديال الأطباء متمكنين، خرجات و لقات غالي كيتسناها كيف وصلات عنقاتوا وهي مزيرة عليه و نطقات بهمس: انتوحشها بزااف
غالي قبل راسها بحب: مدة و غتدوز.....

يتبع....🫀