🛑🛑🛑🛑🛑🛑🛑🛑🛑🛑🛑🛑🛑🛑
ليوم جبت ليكم رواية نارية من اول كتاباتي 🔥🔥🔥 رواية مختلفة على باقي الروايات قصة فريدة من نوعها خفيفة على القلب و اهم حاجة داكشي لي كيعجبكم 😉😉😉😉😉....
البطل....شخصية باردة..مختلة..مهووس بالبطلة..متعجرف..قوي......وك...
خرجات ابتسام من الكوزينة متوجهة في كالسة ميساء كلسات حداها و فور ما ميساء حسات بوجودها تكات على صدرها و هي مازال جامعة رجيلاتها جنب و ابتسام بدورها بدات كتمسح ليها على شعرها بحب و نطقات بحنان: حبيبة متديش على هضرة هاديك راك عرفاها لسانها سليط.. ميساء حركات راسها بالنفي:لالا انا كاعما ديت عليها تقول لي بغات...ابتسام سكتات شحال و نطقات بنبرة متسائلة: كتبغيه ؟...ميساء هزات كتيفاتها: معرفتش...ابتسام عقدات حجبانها:كيفاش معرفتيش... ميساء هزات راسها حتى تقابل مع وجه ابتسام و نطقات وهي مميلة شنيفاتها:معرفتش حيت كل مرة و باش كنحس شي مرات كيكون ضريف معايا و حنيين بزاف و شي مرات كيولي وحش مكنبقاش نعرفو...ابتسام:ولكن على ما أضن هو كيبغيك...ميساء ضحكات بإستهزاء:هاداك متقدريش تسميه حب تقدري تسميه مرض هوس اي حاجة من غير الحب... ابتسام محاولة منها تلطف الجو: اوا على هاد الحساب غير كتبو شي كتاب و سميوه 👑 مهووس ميساء👑...ميساء ضحكات فوق خاطرها:ههههههههه ضحكتيني اصاحبتي واخا مفياش...ابتسام ضحكات حتى تسدو عويناتها:تي ضحكي مالك ممعيداش (وقفات وهي كتقاد فبدلتها المخصصة للخادمات) انا نمشي نجيب ليك فطورك دغيا و نرجع...ميساء حركات راسها بالنفي:لا اصاحبتي بلاش والله مبقات عندي شهية...ابتسام:ويلي اصاحبتي ميمكنش سايني سايني انا جاية دابا.
مشات ابتسام كتجري الكوزينة هزات بلاطو دارت فيه هادشي لي فالصورة.
Oops! This image does not follow our content guidelines. To continue publishing, please remove it or upload a different image.
و داتو ليها و ميساء غير كتنقب فينما كتبغي تحبس كتبقا تسر عليها ابتسام حتى قربات تكمل تقريبا و حبسات.
🦋🦋
كان كالس بكل راحة حال رجليه و لابس سروال ديال التوب كحل مع شوميز لي مخليها محلولة من الفوق باش يبان صدرو العريض ولي عليه وشامات بخطوط عبرية و غير مفهومة و سبرديلة بيضة و يدو الموشومة هي الأخرى عليها ساعة فاخرة باهضة الثمن...و قدامو كان كالس المختار لي هو الأخر لابس كوستيم رسمي كيف العادة...كان الصمت فالمكتب حتى كيقاطع داك الصمت المختار لي نطق بكل جدية:غالي ولدي انا محتاجك فواحد الموضوع و كنتمنى متردنيش...غالي بملامحو المعهودة و حجبانو المعقودة نطق بصوت غليض مبحوح:لي هو الواليد ... المختار: احم احم ولدي هاد الأونة الأخيرة سمية مبقاتش مرتاحة نهائيا و كل مرة كتفيق على شي أحلام ماشي هوما هادوك و عوتاني رجع ليها ف بالها الموضوع ديال (تنهد بألم) ديال بنتنا لي تخطفات ... غالي زاد عقد حجبانو و نطق بتساؤل و برود: و انا ب شنو نقدر نفيدكم فهاد الحالة ... المختار حنحن بإحراج و تردد: ولدي نتا راك عارف راسك عزيز عليا و كتر من ولدي ياك ... غالي بدا كيطلع ليه الزعاف و بدا كيحرك رجليه بسرعة دليل على الأعصاب لي بداو كيركبوه و نطق تحت سنانو:الوليد ختاصر دغيا راه بدا كيطلع لزبور مي الدم ... المختار حرك راسو بتفهم: المهم اولدي سمية من نهار جيتو العندنا نتا و ميساء وهي عقلها غير خدام و كتفكر و كل مرة كتقوليا بلي كنحس بديك البنت قريبة ليا و داكشي علاش بغات دير DNA الميساء باش تقطع الشك ... غالي بقات ملامحو جامدة للحضة ووقف و ضحك ضحكة مجنونة تردد صداها فكامل المكتب وهو كيضحك فحال المسطي من نيتو للحضة جمع الضحكة و نطق مميل راسو بنبرة كتخلع:واش كتصطاو على زامل بويا ولا شنو واش نتوما ساليتو كاع البنات ديال الدنيا بقات ليكم غير مرتي ... المختار وقف وقرب منو:ولدي متفهمناش غلاط الله يرضي عليك راك نتا عارف سمية و الأزمة لي عندها ... غالي بحدة: معارف لا ازمة لا قلاوي مرتي عطيوها بتيقار ولا مغنعقل على حتى واحد ... المختار طبطب على كتفو و نطق بتفهم:نخليك اولدي دابا غنمشي ولكن كنتمنى تفكر فالموضوع حيت ميستاهلش هاد الحساسية كاملة....
