ချင်ချန်းယီ၏အကူအညီဖြင့် အစွန်းရောက်အဖွဲ့မှာ ဗီလာသို့ ဝင်ရောက်နိုင်ခဲ့ပြီး မော့တိနှင့်မုထျန်းဟန်တို့၏တံခါးကို အတိအကျပင် ရှာတွေ့သွားကြသည်။
ထို့နောက် မိန်းကလေးများက စတင်၍ကြက်တောင်ရိုက်နေကြသည်။
တစ်ပွဲ သို့မဟုတ် နှစ်ပွဲအပြီးတွင် ကြက်တောင်မှာ မတော်တဆ ခြံစည်းရိုးကိုကျော်ကာ ဗီလာ၏ခြံဝန်းထဲသို့ ဝင်ရောက်သွားခဲ့သည်။
သူတို့၏ဆိုးဝါးလှသော သရုပ်ဆောင်ချက်ကို မော့တိ တစ်စက္ကန့်လေးမျှ ဆက်မကြည့်နိုင်တော့ချေ။ သူပေါက်တူးတစ်ခုကိုယူကာ ခြံထဲသို့ ဆင်းလာခဲ့ပြီး စွမ်းစွမ်း၏မစင်များကို သန့်ရှင်းဟန်ဆောင်လိုက်သည်။ မော့တိ ခါးကိုကိုင်းကာ အပြစ်တင်နေခဲ့သည် ။
" မင်းဘာလုပ်ခဲ့လဲဆိုတာ ကြည့်ပါဦး.. နေရာတိုင်းမှာ မင်းအီးတွေကြီးပဲ…"
သူ၏ဘေးမှ စွမ်းစွမ်းမှာမူ စိုစွတ်နေသည့်မျက်လုံးများဖြင့် သူ့ကိုကြည့်ကာ သူအဘယ့်ကြောင့် အပြစ်တင်ခံရသည်ကို မသိသကဲ့သို့ အပြစ်ကင်းသော အူသံပေးလိုက်သည် ။
" အာဝု…"
မိန်းကလေးများမှ တစ်ယောက်ကိုတစ်ယောက်ကြည့်ကာ သူ့ကို အလျင်အမြန်လှမ်းခေါ်လိုက်သည်။
" ဟိုင်းး တစ်ခုလောက်ကူညီပေးလို့ရလား…"
မော့တိ ရပ်တန့်လိုက်ကာ ဂိတ်အပြင်မှလူများကို ကြည့်လိုက်ပြီး
" ဘာလိုချင်လို့လဲ…"
မိန်းကလေးတစ်ယောက်မှ မော့တိကို သတိတကြီးကြည့်လိုက်ပြီးနောက် အခြားသူများကို မျက်လုံးမှိတ်ပြလိုက်သည်။
ပိုနီတေးစည်းထားသော မိန်းကလေးတစ်ယောက်မှ မော့တိဘက်သို့ လှည့်လာကာ ပြုံးလျက်
" ဟိုင်း ကျွန်မတို့ရဲ့ကြက်တောင်က ရှင့်ခြံဝန်းထဲကျသွားလို့လေ..အဲ့ဒါ တစ်ချက် ကောက်ပေးလို့ရနိုင်မလား…"
မော့တိ တစ်ယောက်မှာ လက်ဗလာဖြစ်နေပြီး နှစ်ယောက်မှာ လက်နက်ထည့်ထားသည်နှင့်တူသော ပုခုံးလွယ်အိတ်ကို လွယ်ထားသည့် မိန်းကလေးသုံးယောက်ကို ကြည့်လိုက်သည်။
Part-85
Start from the beginning
