أم البنات

تشويق ٥

اللهم صل وسلم وبارك على سيدنا محمد 🌸 💙

**

عادت "منه" من الجامعه بعد يوم شاق وطويل من المحاضرات والتطبيقات العملية والسكاشن كذلك، لتدلف إلى شقة العائلة وتجد حاله من الهرج تسيطر على الجميع.

نظرت "منه" حولها لتجد "آدم" جالس واجم الملامح و"مريم" أيضا كذلك و إبنهم ليس موجود في الأرجاء، لتحول "منه" نظرها إلى "أدهم" الذي يصرخ ببناته التوأم وهو يجذب شعره بقوة، لتسمع صياحه:

-أدي أخرة تربية "منه".

رفعت "منه" إحدى حاجبيها لتحول نظرها إلى "عمر" الذي يقف أمام أبنائه التوأم و"ماريا" ويبدو أنه غاضب على ثلاثتهم ولكنها لا تسمع ما يقوله لهم.

لتحول "منه" نظرها مرة أخرى إلى "مرام" التي تنظر إلى "حمزه" بغضب بينما إبنتها تخرج لها لسانها بطفولية وهي تحتضن "حمزه" بقوة، لتتقدم "منه" منهم أخذه الصغيرة متحدثة:

-عن إذنكم عايزة بنت أختي في حوار.

أنهت "منه" حديثها ساحبة الصغيرة من ملابسها بينما هي تقهقه بقوة لتدلف بها إلى أحد الغرف غالقة الباب خلفها، لتجلس على أحد المقاعد وأمامها إبنة اختها، لتتحدث "منه" بهدوء:

-قوليلي يا سوسة إيه الحوار؟!

-حوار إيه يا "منه"؟!

-عيب يا "ليله" لما تحوري على "منه".

-أنا مش بحور، إنتي عايزة تعرفي أي حوار، مع العلم إن كل واحد ليه مقابل وبسعر مختلف.

-ماديه حقيره، بس هقول إيه ما هي تربيتي وأظن إنه واضح إن تربيتي نفعت، عايزة إيه؟!

-واحد عايزه شوكولاته كبيرة ليا لوحدي.

-خلصانه.

-إتنين عايزة أطلع معاكي في بث مباشر وتخليني أحطلك مكياج.

-الصبر من عندك يا رب، حاضر.

-تلاته خروجه حلوة لينا كلنا، أقصد أنا و"مراد" و "ليان" و"ليليان" و"عبدالله" و"عبدالرحمن".

-إتفقنا ويا رب تتكلمي ونخلص.

-بصي يا ستي، "مراد" متعاقب في أوضة المذاكرة لوحده علشان المديرة كلمت عمو "آدم" علشان "مراد" ضرب ولد في المدرسة.

تحدثت الصغيرة لتقطب "منه" حاجبيها متسائلة:

-و"مراد" ضرب زميله ليه؟!

-علشان كان بيضايقني وبيشد شعري.

-وإنتي مدافعتيش عنه ليه وقولتي على إللي حصل لعمو "آدم"؟!

-ما هو أنا كنت جايه أقول بس "مراد" قالي متتكلميش، وكمان خوفت من عمو "آدم" علشان كان عمال بيزعق جامد أوي، وكمان زعق مع خالتو "مريم" جامد علشان بتدافع عن "مراد".

-ماشي، إللي بعده.

-بالنسبة بقا لعمو "أدهم" فهو عمال يزعق علشان "ليان" و"ليليان" مش عايزين يذاكروا وعايزين يشتغلوا رقاصه، وبيقولوا مفيش رقاصه بتذاكر ولا بتروح حضانه، علشان كدا عمو "أدهم" كان بيزعق وبيقول إنها تربيتك.

-تربية زباله هو معاه حق.

ردت "منه" على الصغيرة التي قهقهت بسبب رد "منه" التي تحدثت مرة أخرى:

-إللي بعده.

-بالنسبة بقا لعمو "عمر" فهو بيفهم "عبدالله" و"عبدالرحمن" إن مينفعش يشجعوا "ليان" و"ليليان" على إللي هما بيعملوه، ومينفعش إنهم يلموا النقطه من وراهم، بس خالتو "ماريا" كانت معجبه أوي برأيهم علشان كدا عمو "عمر" عامل الإجتماع ده ليهم وبيفهمهم.

-ماشي مهمتك خلصت إتكلي.

-طيب هتنفذيلي شروطي إمتى؟

-أنا عمري إديتك كلمة ومعملتهاش؟!

-الصراحة لا.

-يبقى تتكلي يا "ليله" يلا.

أومأت الصغيرة بخفة خارجة من الغرفة تاركة "منه" وحدها في الغرفة تفكر وحدها.

**

"يتبع💙"