<<<<بعد مرور ثلاث اسابيع <<<<<<
بعد صلاه الظهر ببيت الجد 📍
الجده : ياشيخه ياشيخه تعالي
العمه شيخه : لبيه يا يمه هلا
الجده : كلمي البنات خليهم يجون بنجهز بكرى العرس
العمه : ابشري برسل لهم الحين
ام سعود : عمه خلاص التوزيعات كلمت محل حلويات و الفطاير و بكرى الظهر يجيبونهم للقاعه ان شاءالله وحتى حق المشروبات بعد جبت كل شي و كاسات
الجده : كويس يعطيك العافيه
ام محمد : وانا كلمت حقات الضيافه اللي يصبون القهوه و الشاي و يوزعون بعد قالو بكرى ان شاءالله من الظهر عندنا
الجده : حلو حلو
دخلت نهى : السلام
الجده : مرحبا
نهى : وين البنات ماجو
العمه : الا قالو هذا هم جايين
نهى : حلو
سلطان: ارحبي ارحبي
نهى : ياهلا بالعريس
سلطان : هلابك
نهى : يمه شفيك عقلت !!!
سلطان : مدري من قبل شوي ماني مستوعب حاجه احس يمه يخوف
نهى : الحمدالله بداية خير
دخلو العيال ومعهم نجد و نجلاء و وِئام
نجد ونجلاء و وِئام مع بعض: سلام
ردو : وعليكم السلام
سعود : هاه وش اخر التجهيزات
الجده : قبل اخر التجهيزات جايين و مخلين الرجال برا !
محمد : لا يابعيدي ياجده راحو بيوتهم
سعود : وش اخر التجهيزات جاوبو
الجده : ابد كل شي الحمدالله حلو
ام سعود : اي والله ماشاءالله بعد كل شي جميييل
نجد: يمه الحين في زفه العروسات بيطلعون
العمه : لا عييو يحق لهن
نجلاء: بالله ؟
العمه: اي والله
نهى : الحين المهم حجزتو ميكب ارتست وحقت الشعر ؟
وِئام : افا عليكم ضبطتكم باحلى شي
نجد: تكفين ضامنتهم ؟
وِئام : اي هم اللي جو بعرسنا
نجد : اييي هذوليك يهبلون حتى اسعارهم معقوله
نهى : وانتو اعقلو
سعود : ليه !
نهى: بكرى عرسكم شنو لازم تعقلون
سعود : هذا انتِ تزوجتي ولا عقلتي
نهى : على كيفك عقلت والله
سلطان : كذوب الله يعين سعد عليك من اليوم يتشكوى منك
نهى : انقلع بس
الجد : والله ماني مصدق ان احفادي خلاص كلهم تزوجو احس توكم صغار كيف كذا كبرتو بهالسرعه ماني مستوعب والله الله يخليكم لي واشوف عيالكم يارب واحفادكم بعد
الكل : الله يطول بعمرك - الله يحفظك
>>>>>>>>فلاش باك قبل يومين <<<<<<<<
عند نهى وسعد الساعه ١٢ الليل
نهى كانت جالسه تتابع فلم دخل سعد عليها
سعد : السلام
نهى : هلا وعليكم السلام
نزل سعد ثوبه وراح تسبح ولبس وتعطر وانسدح على سرير وكانت نهى جالسه
سعد : ايوه شفيه علوم؟
نهى لاعت كبدها و ماقدرت تقاوم وراحت الحمام (يكرم القارئ)
سعد انخرش : نهى فيك شي بنت
نهى : اوف مدري لاعت كبدي
سعد : بسم الله عليك اجلسي اجلسي
اما نهى ماقدرت تجلس تحس بتموت من لوعة الكبد
سعد : لا بالله منتي طيبه امشي المستشفى
لبست نهى و راحو المستشفى ودخلت على الدكتور
الدكتور: عسى ماشر
وقال له سعد
الدكتور: بنسوي لك فحص وبعدها نشوف
سعد : كم بننتظر؟
الدكتور: نص ساعه
طلع الفحص وقعد الدكتور يسال
الدكتور: انتِ متزوجه ؟
نهى بصوت خفيف : اي
الدكتور: مبروك حامل
سعد تصنم ب مكانه من الصدمه و الوناسه
سعد: صادق ؟؟؟
الدكتور: اي والله
قام سعد و حضن نهى بقوه
نهى استحت من الدكتور اما الدكتور صد عنهم هههه
سعد : الله يبشرك بالخير يادكتور
ضحك الدكتور : ولو
طلعو من المستشفى وسعد مو شايلته الفرحه ويحط اغاني ويرقص
نهى : ولد ولد انتبه الطريق
سعد : ودي اطييييييير
نهى بضحك : شدعوا
وقف سعد على جنب ولف عليها ومسك يدها وقال : شدعوا ! يابنت بيجيني ولد او بنت من وحده احبها واعشقها من يوم هي صغيره اتمنى انها حلالي الفرحه اكيد مو شايلتني و باس يدها
نهى : يابعد الدنيييا انت الله يخليك لي
سعد : امييين ويخليك لي
وكملو طريقهم للبيت وسعد نفس وضعه مبسوط
