سعود ضحك غمز وقال : العريس موجود بس ينتظرها
وِئام بصدمه : شتقول انت !!
سعود ضحك وقال : اي والله ينتظرك بس تقولين انك بتتزوجين
وِئام: منو ؟
سعود : يلا انا استاذنكم عاد
وِئام: سعودددددد
وطلع سعود وهي منهار ضحك
خلف : لا لا ارقد داخل
سعود : ياخي شسوي كنت بنقاش حاد و قوي
خلف : لا اله الا الله حاد و قوي
سعود ضحك وقال : اي والله قاعد يتناقشون منو بيتزوج ومنو بيقى وطبعا سلطانوه يمكن يخطبون له و انا قهرت وئام وقلت لها في عريس ينتظرك وغمز
خلف ضحك من قلببب وقال: منهو العريس
سعود و هو دراي ان خلف يحبها و من هم صغار محجوزين لبعض
وقال له ان يوم حبها تزوجت قال سعود : اسمه خلف تعرفه ؟
خلف : لا وين ماعرفه من ذا
سعود : واحد قليل ادب
خلف : الله يهديه ويصلحه
ضحك سعود وقال : ودي اتزوج
خلف : من ماسكك تزوج ؟
سعود : مين اتزوج هينا السوال
خلف : امم الصدق مقروده اللي بتتزوجك
سعود ضربه على كتفه بخف وقال : هين هين ماراح اوافق عليك
خلف ضحك وقال : نشوف
بالليل والكل مجتمع
الجد : يابو رعد ترا بنتنا موافقه و يابو راشد بعد موافقه بنتنا و يابو ضاري موافقه بنتنا
الكل انبسط و يباركون لبعض
ابو خلف قام وقال : با هالمناسبة جايك بطلب يا ابوسعود
ابوسعود: ابد ان قدرت عليه تم و ابشر
ابو خلف ابتسم وقال : تقدر ان شاءالله انا بطلب يد بنتك وِئام على سنه الله ورسوله لـ خلف ولدي وان شاءالله ما تردني
ابوسعود استانس وقال : ان شاءالله خير بس بنشوف البنت
سعود ضرب خلف وقال : يا الحيوان انا معك ليه ما قلت لي انك بتخطب اختي
خلف : سبرايز
ابوسعود: قم ياسعود معي نشوف اختك
سلطان: شف شف يا يبه تعلم مو نفسك امس ما خذيتني معك
سعد ضحك وقال : ياربي شكلها بخاطرك من امس
سلطان: قسم بالله انها بخاطري
سعود دخل من باب المطبخ اللي ورا وهو مروق ويغني قال له ابوه صوت لـ امك واختك وتعالو فوق الجناح حقنا فجاة تصنم بمكان يوم شاف ذيك البنت اللي شعرها لين كتفها لونه بني وعيونها الناعسه الواسعه وجمالها مو طبيعي وكانت لابسه فستان اسود ماسك على الجسم ومن تحت شوي واسع لتحت الركبه وكانت بيضاء ومناسب لها
اما عند امل اللي قالت بتقطع الحلى وتوديه للحريم تساعد وِئام لان البنات يعتبرون عرايس وماراح يشتغلون
وانصدمت يوم دخل عليها ذاك الرجال الطويل و العريض له دقن وملامحه صح كانت حاده بس جميللللل وهي وقفت مكانها ماحست الا بصوت وحده تناديها رجع سعود طلع من المطبخ وهو متنح
وِئام: بنت وينك لك ساعه وانا اقول امول تساعدني لك ساعه
امل : اي اي خلصت
سعود تنحنح وقال : ياولد
وِئام : خلاص يا امل روحي وانا بشوف هذا شعنده واجيك
راحت امل
وِئام : ادخل ادخل
سعود : من كان فيه ؟
وِئام بعفويه : امل صديقتي
سعود : امممم تمام اسمعي صوتي لـ امي وتعالو الجناح فوق
وِئام: ليه ؟
سعود : اوف يا وِئام امشي وانتِ ساكته
وِئام راحت قالت لـ امها وكانو مستغربين
ابوسعود : هلا ببنتي
ام سعود : عسا ماشر ؟
ابوسعود ابتسم وقال: كل خير ان شاءالله
سعود : يبه بختصر السالفه تكفى
ابوسعود: تفضل
سعود : وِئامي حبيبتي
وِئام: يمه تخوفون عندك بلاء اكيد
سعود : لا قاطعيني واسمعي للاخير
يا اختي ياحبيبتي بختصر لك الله يطول بعمرك صديقي خلف تقدم لك توه وقلنا نشوف رايك ونرد له خبر موافقه ؟
وِئام تنحت جلست تستوعب
ابوسعود: وئام اذا منتي موافقه ابد بنقول لهم ولا يهمك و اذا موافقه تنوكل على الله وبعدين ترا خلف رجال ونعم فيه ينشد به الظهر وكفو وسمعته طيبه والله ما ياذيك بكلمه
سعود قرب منها وهمس بـ اذنها قال : وتراه شاعر ويحبك وضحك
وقال بصوت عالي : هاه شرايك ؟
وِئام: اللي تشوفونه
سعود بفرحه : موافقه يعني ؟
وِئام وجهها احمر من الحياء هزت بمعنى ايه
سعود ضمها وقال :مبروك ياعين اخوك
ابوسعود : اخخ الله يبارك لك يابوي انتِ
ام سعود وهي تبكي قالت : مالي وجه اقولك شي عقب اخر مره بس الله يوفقك يابنيتي
وِئام ببكى: ياعيوني يا امي لا عادي
سعود : تكفون قلبتوها مناحه
ونزلو تحت
سعود جاء بتمثيل حزن وقال : معوض خير يا اخوي البنت رفضت
خلف كان احد صافقه كف قال : شلون !!
سعود وهو ماسكه الضحكه : نفس ماسمعت ياخوي
خلف جلس بحزن والكل حزن فجاة يسمعون ضحك سعود
سلطان: جب ياسعود اسكت
سعود : اهخخ كذبت عليكم موافقين عليك ياخلف
خلف : حسبي الله على عدوك وقف قلبييييييييي
الجد : يا سماجتك يا سعود
سعد : سامج سامج وقفت قلوبنا
راشد : ياعمري ياخلف حزني
ضحك سعود عليهم
وعند الحريم انبسطو بخطبه وِئام
هدى : مصيبه تصيبهن حتى ذي تطلقت ورجعت تزوجت مالت علينا
منى: شكلنا بنعنس مو طبيعي
نوير جت هي معصبة قالت : شدو حليكم لازم وحده فيكن تتزوج منهم تفهم !!! يعني شنو بتقعدون عانس طول عمركم
وراحت
قامو يتعشون وخلصو عشاء
سعد راح للجد وقال : ياعم مافيه شوفه شرعيه
كلهم انهارو ضحك
سعد : ياليل جب انت وهو هاه ياعم ؟
الجد ضحك وقال: بكرى ان شاءالله كلكم رعد وسعد و راشد وخلف
سلطان: عقبالييييييي يارب
ريان : ياليل هذا زوجوه و فكونا
بالليل ببيت الجد
الجد :اسمعو يا بنات بكرى الشوفه الشرعيه
البنات : لااااا مايمدي
الجد : تفس ما قلت ويلا الحين نوم
راحو البنات والكل نام تقريبا ما عاد سعود اللي يهوجس بـ امل
اليوم الثاني بالديره
انتشر خبر ان حفيدات الجد كلهم انخطبو الكل فرح حرفياً لهم
العصر الساعه ٣ مجتعمين ببيت الجد
الجد : خلاص متى ناوين تتزوجون ؟
سلطان: انا انتو ماتبون تخطبون لي
الجد : اسكت انت اخر واحد
سلطان: اوف
الجده : ندور بنات الحلال لهم
الجد : واجد بنات الحلال
وِئام : شرايكم اعطيكم البنات ؟
الجده : غردي
وِئام بتفكير : لحد يقاطع طيب ؟
اختلفت الردود: سمي ، ابشري ، حاضر عمه ، اوامر ثانيه
وِئام: اول شي سلطانوه خلصنا منه قلت لكم عهد
عبدالله احس اخت عهد تصلح له اللي هي عهود
محمد شوق بنت عمي ابو ضاري
سعود اخوي حبيبي بزوجه صديقتي امل
اما سيف لمى اخت خلف
هاه شقلتو ؟
الجده بتفكير : والله انك تفهمين
وِئام: بدوني تضيعون
نهى لفت على العيال وقالت وهي متخصره : وان شاءالله في احد معترض منكم ؟
العيال ضحكو
سعود : انتِ وش عليك ؟
نهى : ياغبي عشان يكونون حرمة ولد عمي و حريم عمامي و حريم اخواني حلوين و حليلين
سلطان: ياليل الوهقه صدق
سيف: متى نخطب ؟
الجد : بالعيد مو الحين باقي يومين على رمضان
الجده : لا خلنا نخطب وكل شي الشوفه و الملكة بالعيد
عبدالله: صح عشان نضمن
نجلاء: هوب هوب وش تضمن ؟
سعود : اسكتي انتِ ضمنو ازواجهم هم وابلشونا خلونا تضمن زوجاتنا
ابوسعود: اي والله يابوي خلنا بس نخطب الحين
الجد: اللي تشوفونه
