العصر الساعه ٣ ببيت الجد 📍
الجده : القهوه سويتها ؟
ام سعود : اي اي
ام محمد : ياعمه البنات ماقامو
المعه شيخه: اي يايمه كل امس سهر عيو يقومون
الجده : هم نايمين مع بعض ؟
ام سعود : اي امس الا وينامون بغرفتهم اللي هينا [طبعاً للبنات غرفه ببيت الجده كبيره وفيها حمام وغرفته ملابس وهم خلوها غرفه مكيب وملابس ،والعيال كانو اذا يبون ينامون عند سيف وعبدالله وكانت الغرفه بعيده عن غرفته البنات]
الجده فتحت الباب : قومي انتِ وهي قسم بالله اذا جو الناس وانتو نايمين مو احسن لكم
نجلاء فزت بخوف : ابشري ابشري
نجد وهي تعرف جدتها اذا عصبت : سمي
نجلاء: الحين وش يقوم نهى و وِئام
نجد : نننننهى وِئاممم قومو بسرعه جدتي معصبه مره
نهى : اوف
وِئام : طيب طيب
قامو البنات وهم يعرفون جدتهم اذا عصبت
وقامو يدخلون للحمام وحده وحده
نهى : انا بلبس تيشيرت سماوي معه بنطلون اسود ماسك من فوق واسع من تحت وشعري بخليه كيرلي على طبيعته واضبطه شوي
نجد: اما انا بلبس الفستان الوردي يجنن ناعم حلو وشعري استريت
نجلاء: بلبس تيشيرت ابيض و بنطلون نفس نهى اسود ماسك من فوق ومن تحت واسع وشعري طبيعي هو ناعم مايحتاج
وِئام: امممم وانا شكلي بلبس تيشيرت احمر مع بنطلون ابيض يجي وماسك من فوق واسع من تحت وشعري بسوي ويڤي خفيف
ولبسو البنات وصح مو كاشخين مره ولا حاطين مكيب حيل بس روج وماسكرا بس كانو جميلينننن
الجده : هاه احمدو ربكم قبل يجون الضيوف
البنات : الحمدالله
الجده : اسمعو ام خلف بتجي و ام ضاري وام امل ونوير وبناتها
وِئام : لاااا جده الا نوير وبناتها
نهى : يععع تكفين ياجده
قاطع حديثهم دخول هيام
الجده : ياهلاااا وغلاا
ام محمد : ياهلا ب هيام
نجد : هيامييي
ام سعود : يامرحبا بابنتي (تعتبر هيام بنتها )
هيام : اشتقت لكمم
نهى : سلوم وينه ؟
هيام : برا عند العيال
سلطان : السلام عليكم ثانياً جده بتسبح فوق طيب ؟
الجده : رح تسبح
مافي دقايق الا وجت ام مساعد و نوير
الجده : عاد نجلاء و وِئام والله سولفو لي عنكم بس ماتوقعتكم حليلين كذا
ام مساعد : ياحليهم حفيداتك ماشاءالله عليهم
والحريم الكبار يسولفون
عهود بهمس للبنات : شفيها ذي تناظر فيني كذا
نجد: اي هذي نوير وبناتها يكرهوننا
نجلاء: ماعليكم منهم
عهد : بنات وين المطبخ ابي ماء وبغسل يدي
نهى : هناك وقامت عهد
عند سلطان اللي لبس وخلص ونزل ماكان يدري ان الحريم جو وقال بصوت عالي : نجلوههه وانخرش من الحريم وطلع ركض من عند المطبخ
نجلاء: سـ ما امداها تكمل كلامها الا وسلطان رايح
عند عهد اللي جت بتطلع بس صدمت ب سلطان
سلطان : بسم لله اسف اسف والله
عهد : حصل خير
سلطان اللي كانه عرف صوتها ولف من الفضول اللي فيه وانصدم من جمال عهد كانت ملامحها عادي بس حلوه مملوحه
عهد انخرشت من نظراته وطلعت بسرعه
اما منى انقهرت درت ان سلطان شاف عهد
نجلاء بضحك: شفيك مخطوف لونك
نهى : اكيد المطفوق سلطان خرشك
عهد : اي انخرشت
عند العيال
سعد : هاه عرفتكم على بعض اجحدوها
سعود : ياليل البلشه خلاص جب
راشد : عاد الحين لين يوم القيامه يذلنا
عبدالله: يارجال سدها شوي
محمد : والله احس حليلين
خلف : لا تحس تاكد شفهم ياحلوهم
اورنس ضحك : تسلم بس مصدوم من شي
سعود : اسلم من وش منصدم ؟
اورنس : سيف وعبدالله كيف كذا بينكم ميانه وهم عمامكم ؟
ريان : صدق
سيف : لاننا تقريباً كبر بعض
جاء سلطان وقال : ماشاءالله مجتمعين
عبدالله: وقف وقف وينك من اليوم ؟
سلطان: يارجال رحت ابدل واتسبح جدي كرفتي عند الغنم
سعود : تستاهل قلت لك لا تتلقف وانت ملقوف
عمر: ليه وش سوا ؟
سعود : تخيلو جدي قال الصندوق ودوه سوق الذهب المحل حقنا ولحد يفتحه سلطان ملقوف نزلناه عند المحل وفتحه ويوم فتحه على جيت جدي و خذلك ضربه بالعصا وقال تروح تعلف الغنم وتشوف الابل و تحلبها وتنظف العزبه
ريان بضحك: ياخي قالك خلها شتبي
سلطان: شسويي ذبحني الفضول
سيف : عسى اشبعت فضولك
سلطان : لا والله طلع في صناديق بعد داخل ومافتحتها جدي جاء
سعود : اخر شي يطلع ذهب للمحل تستاهل
حسين : اوف يالغبنه لو طلع ذهب كان انضرب ورحت للعزبه لحالك
سعود : اسمعو يا عيال دامكم مجتمعين بقولكم ترا بكرى بروح الرياض بقدم على وظيفة صد رد
سيف : كويس خذنا معك
سعود : لا لحالي بروح واجي بس بعطيكم خبر
راشد : الله يحفظك
عمر : جب لنا هدايا وكذا
سعود : تخسي طال عمرك
تسريع الاحداث بعد صلاه العشاء و عائله الجد يتعشون
سعود : اسمعو تراني بروح الرياض بكرى بقدم على وظيفه صد رد لحالي
الجد : ليه تروح
سعود : ياجد ودي بالوظيفة هناك
الجد : براحتك نم بدري
سعود :بنام
وِئام بزعل : وانا ما تاخذني ؟
سعود : ابشري بعزك بسفره خاصه لك لحالك لو جيت
نهى : ماشاءالله وحنا ؟
سعود : ابشرو ابشرو بس خلوني اتوظف
نجد : يارب تتوظف
نجلاء: اي عشان تسفرنا
ونامو ابطالنا
