سعد : صح قلت لا تجلسين على الكنب بس ماقلت لا تجلسين بحضني ؟
نهى استحت وجهها قلب احححمر واحترت وبقت واقفه
سعد : يعني ماتبين بحضني ؟ مو بعدين ماصيرك جايته وغمز لها
نهى زاد الحر عليها
سعد ضحك وقال :رحمتك تعالي جنبي
جت وجلست جنبه بهدوء
سعد : يوه يانهى ماعرفتك هاديه اخبرك مرجوجة
نهى : سلامات يبوي ماني مرجوجة بس مدري شفيك صاير رومنسي بزياده
قرب منها سعد ولصق فيها و وجه قدام وجهها وقال :
مشوي ماتبيني ؟ وتقولين يحمد ربه اني قبلت فيه
نهى ساكته ومنزله نظرها تحت مسك وجهها
وقال سعد : جاوبي ؟
نهى بعدت وجهها وقعدت تتنفس قالت : لا شدعوا ماقصدي
سعد وقف ومسك يدها وقفها وضمها بقوه بقوه لين حست انها دخلت داخل عظامه وبعد عنها وضحك
جت بتطلع
سعد : افا مليتي مني
نهى بوهقه وهي بتنحاش : لا وين ماقصدي
سعد : امممم طيب اجلسي
نهى جلست جنبه وقعد يتاملها ونهى شوي وتموت وهو مستمتع يشوفها وهي مستحيه
تنهد سعد وقال : تذكرين يوم دخلتي علي غرفه العيال تبين الاستشوار
نهى تذكرت وضربت جبتها بفشله : يوه يالفشله وانت منحرف بعد شدعوا عليك ما غضيت البصر
سعد : تكفين جمليه ماقدرت ابعد عيوني عنك
نهى بثقه : اكيد يالبيه ياحلوي
سعد ضحك وقال : انتِ الوحيده اللي يحق لها تصير نرجسية
وتكون بكل ذي الثقه
وقطع حديثهم سلطان طق الباب و درعم عليهم
سلطان: يلا فنش تايم خلاص وقتكم
سعد : طيب اطلع شوي وبعدك بطلع بس دقيقة
سلطان: الله ياخذ عدوك وش بتسوي يا اختي؟
سعد : زوجتي مالك دخل فارق شوي
سلطان: اخ يارب صبرك على ذا المنحرف
طلع سلطان وسكر الباب وقف ورا الباب سعد
سعد : تعالي
جت نهى و وقفت
ضحك سعد وقال : مافي طلعه لين تبوسيني
نهى انصدمت جتها صاعقه
سعد : يلا ان كانك بتطلعين
نهى زلت لسان : وليه مو انت ؟
سعد انصدم
نهى: لا اء مو قصدي كـ ما كلمت كلامها الا و مداهمها سعد وباس خدها
سعد : يلا دورك
نهى متفشله مره وسعد حيل طويل عند طول نهى : طويل انت بزياده شسوي لك شفت ربي مو كاتب
سعد نزل لها وقال : مالك عذر يلا
نهى قربت بتبوسه ولعله لف وجهه سعد وجت بمكان ثاني
نهى انحرجتتتت ان باسته ولا مع شفته !!!!!!!!!
سعد انهار وهي طلعت ركضض وجهها احمر طلع سعد وهو ميت ضحككك
سلطان: حسبي الله على عدوك وش مسوي لـ اختي انت !
محمد : انا قايل لكم المنحرف ذا لا يقعد لحاله
سيف : اويلي عن بنت اخوي راحت بها
سعد ضحك وطلع وهو مبسوط
خلف بعصيبه : لا ابقى ابقى ليه جيت ؟
سعد : الود ودي بس هذول ابلشوني
خلف : اقول سد حلقك لي ساعه انتظر شدعوا الشوفه بالدور
انهارو ضحك على خلف
عند البنات نهى وهي وجهه احمر للحين
ام سعود: بسم الله عليك فيك شي ؟
ام محمد: الحمدالله عقلت الحمدالله يارب
الجده : لا انتظريها خمس دقايق وترجع
العمه شيخه: نهو تسمعيننا
نهى كانت بعالم موازي
الكل ضحككك على نهى وكيف هي معهم جسد بس
الجده : يلا الحين دور وئام
وئام : بسم الله الرحمن الرحيم
ام سعود: سمي بالله واعقلي وخليك رزينه
راحت وِئام وكان ينتظرها سعود
سعود : هلابش حي من عكس اتجاه الريح وجابش
وِئام: تكفى سعود ادخل معي
سعود : يويلي خبله انتِ شلون ادخل عليك يكفك انتِ و زوجك مال امي صلاح
وِئام: اخ بسم الله
ودخلت وخلف كان منزل راسه للارض
سعود : اسمع خلوفي ٦ دقايق بس
خلف : خلوفي لا عاد اسمعها منك الحين في شخص ثاني بيقولها قريباً وغمز و ٦ دقايق خلها لك يلا يلا توكل
طلع سعود و هو يضحك اما وِئام هاجده
خلف تقدم وجلس جنبها لاصق جنبها ومسك يدينها وقال :
لاتنزلين دموع عينتس وتبتسين
تبتسي عيوني قبل تبتسي عيونتس
خوذي وعد من صاحبتس و الوعد دين
اني ما اخونتس لعنبو من يخونتس
والله لا اعيشتس الفرح لين ترضين
واني لا اضمد في يميني طعونتس
ابتسمت وِئام بحب
خلف : اهخخ الضحكه جابت راسييييي و ضمها بقوههه بدون ما يتكلمون ولا شي بس بقى ضامها
وئام ميته ميته توتر و ذابحها الحر
خلف جلسها وقعد يسولف شوي وقال : ودك بقصيد اخبرك تبين شاعر
ضحكت وِئام من قلب وقالت : اذا ودك ؟
سكت خلف و ناظرها وقال:
يافاتن العينين جئتك مرهقاً
من وحي حُسنك راعني ان اقتلا
تلك العيون الناعسات فتكن بي
باللحظ ام بالكحل صرت مجندلا
فاض الدلال من الدلال تخلوا
كيف الندى فوق الزهور تكللا
القتل في شرع الاله محرم
وبِشرع حسنك لايزال محللاً
وِئام اعجبت بالشعر وقالت : هالله هالله صح لسانك
خلف قال : واهه وِئام مغرم فيك
ضحكت وِئام وجهها احمر
اما خلف قرب قرب منها لين ما صار بينهم شي قريبين من بعض وحط وجهه قدام وجهها ما امداه جت مداهمه وانخرشو
سعود : فنش تايم يلا خلص وقتكم
وِئام تنهدت براحه لانها مخروشه
خلف : الله يقلعككككك مدمر الحظات الحلوه شوي بس دقيقتين
سعود : وش بتسوي ؟
خلف : فكني شرك بسرعه اطلع
سعود طلع وجاء مسرع خلف عند وِئام وقرب من وجهها وباسها
اما وِئام قلب وجهها لان البوسه بشفتها
وابعد قال دورك عطيني بوسه سريع
وِئام بصوت ناعم: من وين ؟
خلف اشر على خده : هينا يلا
وِئام قربت وباسته وانحاشت طلعت ركض
سيف : حسبي الله على عدوك وش مسوي بننت اخوي
عبدالله : مو طبيعي الوضع كل شوي وحده طالعه تركض
طلعو العيال وقعدو يسولفون
وجت الساعه ١٢ و الكل راح بيته
كانو جالسين كلهم بصاله
الجده : الحمدالله تزوجتو وعقلتو
ام محمد : لو ادري زوجتكم من زمان
نهى : لا بس قاعد استوعب وبعدين ارجع نفس قبل ماعليكم لا تشيلون هم
محمد: لا انتِ فاهمه غلط حنا شايلين هم انك ترجعين نفس قبل
نهى : اوف سد حلقك اروح انام ابرك
الجد : يلا يلا الكل نوم
و راحو كلهم نامو وكان يوم جميل بالنسبه لهم
