خلف : اسمع طيب خلنا نادبه تكفى
عبدالله: هذا اللي بيصير
سيف : وش بيصير ؟
عبدالله: والله لا اصفقه والله
واخذو وِئام ونجلاء وطلعو كان خلف اللي يسوق و عبدالله جنبه و ورا سيف و نجلاء و وِئام وصلو البيت
الجد :علامكم جايبن وئام هينا ؟
عبدالله: من اليوم ورايح هي هينا
ابو سعود :وش قصدك ؟
سيف : مثل ماسمعتو وِئام ماترجع ل هالكلب لو على قص رقبتي
عبدالله: يخسي ترجع له وئام
ابو محمد : علامكم وش صاير ؟
خلف : ياعم اسمح لي بس هالكلب مايستحي
الجد : بتقعدون تتكلمون عدل ولا شلون ؟
عبدالله: السالفه ومافيها ان هالنذل .... وقال لهم السالفه
ابوسعود : ايا هالخسيس يسوي ببنتي كذا !!!
سلطان وهو معصب ومنقهر : والله ثم والله لا اشرب من دمه
خلف : اي ياعم مايصير نسكت له كذا
محمد : والله مانسكت له
عبدالله: من قال بخلي حق بنت اخوي
سيف : والله يا وِئام والله لا اجيب راسه لك هذا انا حلفت
ابو محمد: اي ماراح نخلي حق بنتنا
الجد : طيب ليه يا وِئام ماقلتي لنا من البدايه ؟
وِئام ضحكت بضيق وقالت : محد فيكم حس فيني كلكم تحسبوني سعيده بس انا مو سعيده ليه محد يجي يزورني ؟ ليه محد يقول بنتنا متزوجة نروح نشوفها كلكم زوجتوني وخليتوني وامي اي نعم امي كنت اقولها كل شي تقول الزوج والزوجه يصير بينهم مشاكل طيب هذا كل يوم يضربني ضرب دمي يصب والله ثم والله لو سعود عايش كان من اول يوم مطلقه من ذا الخسيس بس اخ الله يرحمك ياخوي انا من بعدك مو بخير ولا احد يحس فيني وكلهم يشوفون حزني و مايقولون شي وبعدين ياجد تقول لي ما قلت لكم ؟ الا قلت يوم اجيكم ذيك المره و اقوله بيننا مشاكل كلكم قلتو عادي الزوج والزوجه يصير بينهم محد قال نروح نشوف الرجال ولا واحد قال وش بينكم مشاكل محد حس فيني ههههه لو مو خلف اللي جايني كان الحين انا للحيني عنده ويضرب فيني ليل نهار وهذا وانا بيتي قريب قدامكم محد جاني اخ بس
الكل كان تحت تاثير الصدمه من كلامها وكيف محد حس فيها
ابو سعود حزن حزن على وضع بنته وقال :يا وِئام وانا ابوك سامحينا
وِئام: الله يسامح الجميع وطلعت غرفتها وقفلتها وقعدت تبكي
خلف اللي حس الدنيا ضاقت فيه وطلع مسرع ل بيت فارس وراح معه سلطان اللي كان يحب وِئام ويعتبرها نفس اخته وكان يفضفض لها
الجد : الحقوهم لا يسوون شي مجنن هذول
خلف وهو يضرب على الباب بقوه ومعه سلطان
فارس : خير خير انت و هو ؟
خلف: انا اعلمك الخير وقعدو ضرب ضرب فيه لين ما ساح دمه كانت وِئام تشوفهم من الشباك بما ان بيت فارس قريب كانت تشوف كيف خلف يضرب بقوه وحست انه يهتم با امرها واجد
الجد : خلف خلف سلطان فك فك ما امداه كمل كلامه الا سيف وعبدالله ومحمد دخلو يضربون
ابو محمد : تبون تذبحونه انتو !!!
فكو الشباب
خلف : والله وبالله وتالله ما افكك جايك جايك اشرب من دمك
سيف : تحسب البنت ماوراها اهل !
فارس ضحك بـ استهزاء: شعنده ياخلف اشوفك طايح على وجهك تحب اخت خويك الميت
خلف انفلت وقام يضرب يضرب بشكل هستيري لين ماصدق نزف خشمه دم وفكوه العيال و هو مقهور منه
سلطان : اخ اخ ياجد فكني بس اذبحه
الجد بهيبته و عصبيه قال : اسمع يا فارس البنت توصلنا ورقه طلاقها بكرى
فارس : من قال لكم بطلقها هههه اطلقها عشان يتزوجها خلف والله لا اخليها معلقه
هينا انجنو العيال وانفلتو عليه و اولهم خلف لين طاح فارس
محمد : والله واللي رفع سبع ونزل سبع ان ماجتنا ورقة طلاقها يويلك
سلطان: علم يوصلك ويتعداك ان ما طلقتها بندفنك حي
سيف : يطلقها و هو مايشوف الدرب
عبدالله: اي اي بيطلقها وغصبب
ابوسعود : تفهم انت بتطلقها
ابو محمد : مشينا ياعيال ومثل ماقالو الورقه توصلنا بكرى
الجد : امشو امشو خلوه
وصلو للبيت و خلف توجه بيته
الجده : شصار ؟
الجد : الخسيس عيا يطلق
سلطان وقف وقال : والله ان ماطلقها اشرب من دمه والله
محمد : اي مو على كيفه السالفه
وِئام: تكفون لا تبتلشون معه
سيف : لعيونك والله لانذبحه والله
تنهد ابوسعود وقال : يابنيتي اعذريني اعذريني كنت مقصر بحقك
وِئام قامت وباست راسه قالت: معذور يبه معذور
الجد : كان نحسبه رجال طلع حيوان
