توجهو العيال للحلال وهم في حاله انهيار فيهم النوم لف محمد عليهم وهو فيه شوي عصبيه مع نوم وكل شي وقال: اخر مره اسهر توبه توبه شوي اموت فيني تعب الدنيااااااا
العيال يقمزون له وياشرون له يبونه يسكت وهو مافهم لف لقاء الجد يناظر فيه وعم الصمت
الجد : انا اوريك انت وياه تسهرون من وراي تحسبوني خبل ! والله ثم والله ان النوم ماتذوقونه اليوم ولو جاء الليل محد يرقد بالبيت
سيف : لا والله يايبه محشوم حنا الخبول
عبدالله: ياببه تكفى وين ننام !
سلطان: ياجد تكفى تكفى
سعود : جدي حبيبي يالغالي وين نذلف ؟
الجد : قلت لكم اللي عندي يلا احلبو الناقه ابي حليب نياق وراح الجد يجلس كلهم لفو على محمد بعصبيه عبدالله:شفت شفت الحين ماراح نرقد للابد
سعود : يبي له اصفقه
سلطان : والله يامحمد لا اذبحك
سيف : اخ اخ بس اذبحك اتوطى ببطنك شسوي فيك علمنيييبيي
محمد : اقول سعود سلطان قسم بالله اصفقكم اكبر منكم احترام وسيف وعبدالله العذر عاد شسوي انفعلت
سكتو العيال و توجهو للنياق بقهر جاء الظهر وراحو للمسجد يصلون لفو سعود وسيف على صوت خلف وهو يسلم على الجد وحضنووه اقوى حضن
سعود : أخيرآ يابو ثامر جيت والله لك وحشه بالديره اشتقنا لككك
سيف : قسم بالله اشتقنا ياولد
خلف :والله انكم واحشيني
بدو يسلمون على بعض و دخلو يصلون
بعد الصلاه طلعو برا المسجد لف الجد على العيال واللي كان واقف معهم راشد و حسين وعمر وخلف
وقال اسمعو قسم بالله ياسيف وعبدالله وسعود وسلطان ومحمد اشوفكم بالبيت ولا بالمجالس يويلكم حلفت انا
ولف على راشد وحسين وعمر وقال انتو حسابكم بعدين قال عمر : شسالفه ؟
الجد : تجحد !
سلطان : لا ياجد عمر ما كان معنا و اشر على حسين وراشد وقال: بس هذول
الجد : طيب انتو حسابكم بعدين واسف ياوليدي عمر
عمر: شدعوا ياعم تمون تمون مشى الجد
لف خلف عليهم وهو عمر وبصوت واحد شسالفه !
وقالو لهم السالفه سعود وسلطان
قال خلف :الحمدالله اني مسافر
عمر: اشوا ابوي مسكني ذاك اليوم وقال ان طلعت يويلك
جاء ابو راشد وقال : اسمع لا اشوفك اليوم بالبيت تفهم !!
راشد : ابشر يبه
ابو حسين : ولا انت ياسلوقي اشوف وجهك فاهم !
حسين : يايبه وين اروح ؟
ابو حسين : قلت لك اللي عندي لا اشوفك
راحو العيال الدوانيه
بالبيت عند الجده والجد وحريم عيالهم وعيالهم وحفيداتهم
نهى بضحك: يستاهلون ماجاهم لو انهم قايلين لي كان فزعت لهم
وِئام : ياعمري وين ينامون !
نجلاء بنهيار من الضحك: يدبرون انفسهم
ابو سعود : لا والله ناويتها فازعه يا نهى تسمع يبه
ابو محمد : يبه شرايك نطردها معهم ؟
نهى : يبه انا بنتك وين اروح هم رجال يدبرون انفسهم انا مسكينه
الجد : نهى ان سمعت انك مسويه شي طردتك معهم
العمه شيخه : يويلي يايبه تطردها يعني ؟
الجد : وصلها العلم
وِئام: لو انك ساكته مو ابرك ؟
نهى : لاني مقروده
هينا انهارو عليها ضحك الكل
نهى : اي اي اضحكو وش عليكم
الجده : يلا يا بنات روحو تجهزو
الجد : مين بيجي ؟
الجده : نوير وبناتها
الجد :حياها الله
وِئام بهمس : الله لا يحي ها الطاري
ابو سعود سمعها وضحك وهمس لها : اسكتي لايسمعونك
انخرشت وِئام وقالت :ابشر ابشر
قامو الرجال والبنات راحو يتجهزون
العصر الساعه ٣ بعد صلاه العصر بالبيت 📍
الباب طق و فتحت العامله
الجده : ياهلا ياهلا بـ نوير وبناتها
نوير : الله يحييك ياعمه
منى وهدى : اخبارك ياعمه
الجده: هلا ببناتي هلا الحمدالله بخير انتو شلونكم ؟
هدى ومنى :بخير الحمدالله
جلسو باصاله
ام سعود: اخبارك يانوير
نوير وهي تكره ام سعود وبنتها ردت من غير نفس : بخير
ام محمد جت وسلمت : اخبارك يانوير
نوير بشوفه نفس : بخير الحمدالله ،الا وين البنات ؟
الجده :الحين يجون
نزلو البنات وسلمت عليهم نوير وبناتها يوم وصلت ل وِئام سلمت عليها بغير نفس
جلسو شوي يجي ركض سلطان مسرعع بدون لا يطق الباب قالت الجده : هوب هوب وين ؟ (الصاله كانت مو حقت الضيوف اللي يجلسون فيها )استحى سلطان و هو يشوف نوير وقال : بس باخذ واغراضي واغراض العيال جدي عطاني دقيقتين
ضحكت نهى وقالت : اركض اركض قد هي خلصت الدقيقتين
نوير وهي ميته ودها سلطان يتزوج يا منى او هدى:
اخبارك سلطان
سلطان : بخير بخير ياعمه اخبارك انتِ
نوير : بخير نحمد الله
سلطان راح ركض
قامت هدى وقالت بشرب مويه والبنات يدرون انها بتروح عشان سلطان
سلطان اللي اخذ الاغراض وبسرعه جاء بيطلع من بآب المطبخ عشان مايطلع من عندهم شوي الا يضرب بهدى وهي طاحت وقالت بكذب : اخ اخ
سلطان وهو محتاس مايدري من وين طلعت : فيك شي ؟
هدى : بس عورتني خفيف
سلطان وهو صاد لان هدى ماغطت نفسها وهو يحسب نست مايدري انها قاصده: اسف اسف
هدى ابتسمت:لا عادي
طلع سلطان وهدى ميته ميته من الوناسه
الجد : وينك ياسلطان تاخرت
سلطان : ياجد تقروشت الاغراض كثير وبعدين مادريت ان عندنا نوير ودرعمت عليهم
الجد : صح نسيت اقولك حصل خير
في الليل بعد صلاه العشاء الكل ببيت الجد مجتمع بالحوش
ابو سعود: الا يايبه متى يجي عمي سلمان؟
الجد : والله ياوليدي مدري اسبوع كذا ليه؟
ابو سعود : لا بس كانهم طولو
نهى : اوف ياحسره ياحظهم رايحين يتمشون بالرياض مو انا مالت على حظي
الجده طقتها خفيف: ليه مو عاجبك حظك؟
نهى : بالله ياجده هذا حظ مانروح ولا نسافر
الجد : وليه توك راجعه من الرياض
نهى با انيهار : ياجد وين توي ويننننن ! لي سنتين قبل سنتين رحت
ابو محمد : نهى اهجدي لا اطردك الحين مع العيال
نجلاء بضحك :ياخال شكلك ودك تطردها من العصر وانت كل شوي بتطردها
ابو محمد : شسوي لها ملقوفه
الجد : يلا خذتنا السوالف يلا نوم
الكل راح ينام
