في الليل بعد المغرب والكل مجتمع الجده : اسمعو يابنات ترا بكرى بتجي العصر نوير تزورنا هاه علمتكم نظفو البيت و سوو الحلا والقهوه من بدري و التفت على البنات اشوف وحده ماتجي كلكم يابنات تنزلون مفهوم ؟
وِئام بهمس : ياليل النشبه ذي شتبي اكرها اكرها ياربي
نجلاء بنفس الهمس : اسكتي لا تفصل عليك جدتي
نجد : شفيكم انتو ؟
وِئام : مابي عجوز النار وبناتها يجون بكرى
نهى : وِئامي حبيبتي سدي حلقك قبل تسمعك جده
الجده : شعندك انتِ وياها تتهامسون هاه !!
نجد : مافي شي ياجده نتفق وش نلبس بكرى لاجت نوير
وِئام بينها وبين نفسها ان شاءالله ماتجي
الجده : اسمعي يا وِئام بكرى اول وحده اشوفها نازله انتِ مو نفس تاخير اليوم
وِئام : ابشري ياجده من عيوني
العمه شيخه : يلا قومو ننظف
البنات : ابشري
بالمجلس عند الرجال كانو الكبار داخل جالسين والعيال برا
راشد واحد من اهل الحاره : اسمعو ياعيال نبي نجتمع باليل نبي نسمر تكفون قولو تم
سعود : والله مدري و التفت على سيف وعبدالله بما انهم اكبرهم وعمامهم شرايكم ؟
عبدالله: تم ماعندي مانع
سيف: وانا بعد ماعندي مانع
سلطان : ياحبايبي نسيتو جدي انت وياه !والله مايخلينا نتاخر حدنا ١٢
محمد : اي والله صح
سلطان : اهربو بدون لحد يدري
عبدالله غمز وقال : هذي الخطه ولا شرايكم ؟
سيف سلطان محمد سعود : قدام تم
الساعه ١٢ اعلن الجد وقت النوم
والكل توجه بصمت للغرف
نهى بصدمه : غريبه محد منكم قال مانبي ننام ولا بالعاده تتحلطمون
سلطان : تعرفين تسدين حلقك ترا راسي مصدع
عبدالله: انا امشي خطوتين زياده يمكن انام بنص الدرج
سيف : انا فل دُوخهه
سعود : انا فيني نوم بعد قايم من الفجر ولا رقدت
محمد: حتى انااا
نهى بعدم تصديق :نوم العوافي
العيال : الله يعافيك ،تصبحين على خير
نهى: انتو من اهله
عند العيال بالدوانيه كانت الدوانيه كانت اخر الديره
وصلو العيال
راشد : هلا هلا اخيرا جيتو
عبدالله: اي والله حنا ماصدقنا نام ابوي هربنا
حسين ضحك وقال : والله ابوكم حتى انا اخاف منه مسبب لي رعب الله يحفظه
سلطان : يابوي كلنا نخاف منه
سيف : اقول اسكتو قزرتوها عاد
وبدو العيال سهرتهم
ببيت الجد ابو عبدالله عند البنات
نهى تتقلب ولا جأها نوم قررت تطلع من جناحهم وتشوف البنات راحت جناح العمه شيخه شوي شوي تمشي تخاف احد يمسكها
تطق الباب بخفيف عند نجلاء ونجد بما ان غرفتهم قريبه من الباب سمعو الصوت وكل وحده مافيها حيل تفتح وكانو متوقعين يا انها نهى او وِئام
نجد : انا اكبر منك يلا قومي فكي الباب
نجلاء: لا والله اخلصي قومي يمكن اللي يطق يبي شي
نجد : سلامات انا كبيره
نجلاء: ياليل كبيره وكبيره جب خلاص انقلعي بقوم انا
نجد : يلا شاطره وتلحفت بالبطانيه
قامت نجلاء وهي تفتح الباب قالت نهى : لا لا ارقدو لحد يفتح لي
نجلاء: تكفين اسكتي معاناه مع الزفت اللي داخل هواش من يقوم وكل ماقلت شي قالت انا كبيره
نهى : طيب اسمعو خلونا نسهر شوي طفشت ماعندي احد
نجلاء : تمام بقول ل نجد وارسل ل وئام اشوفها
راحت نجلاء ل نجد وقالت وارسلت ل وِئام وماهي ثواني الا راده وِئام وقالت : تسوون خير طاقه كبدي يلا جايتكم
توجهو البنات للمطبخ
نهى: اوف يابنات مشتهيه من البقاله مفرحات شرايك نروح ؟
نجد : صاحيه انتِ!!! نروح لحالنا ولا بعد الفجر تبين يذبحونا
نجلاء:ياغبيات البقاله اصلا مسكره
وِئام وهي تسوي شاي : اننا عندي فوق شوي اجيبها ؟
نهى: تكفين بسرعه نطي
قامت وِئام جابتها
طبعًا كملو سهرتهم بالمطبخ يحبون يجلسون فيه
وفاتحين الباب حق الحوش الخلفي ويطالعون القمر وحاطين المفرحات ويشربون شاي
نزت نجد وقالت: الحين ياذن بسرعه شيلو الاغراض وقامو البنات يشيلون الاغراض واذن الفجر سوو البنات انفسهم توهم قايمين وتوجهو للحمام (يكرم القارئ) يتوضؤن قال الجد عفيه بناتي الشاطرات قايمين بدري يصلون قالت نهى شفت كيف ياجد مو نفس العيال وضحك الجد وتوجه ل غرفه العيال لكن الصدمه ان مافي احد
راح للبنات وقال وين العيال ؟ قالت نهى وهي متوقعه انهم طالعو يسهرون : ياجد مدري عاد قبلنا طلعو ينامون
نجد ترقع لهم وهي كانت شاكه بعد انهم طالعين: ياجد يمكن طلعو للمسجد
الجد : هذول مايقومون بس ماعليه ادبرهم انا ومشى وترك البنات
وِئام : هذول صادقين وينهم
نهى: شكلهم طلعو يسهرون
نجلاء: ياعزتي لهم بيلعن خامسهم جدي
عند العيال
خذاهم الوقت بسوالف وسمعو صوت الاذان نطو خوف وقامو يركضون للمسجد و حسين وراشد يضحكون عليهممم
وصلو للمسجد قبل الجد وجاء الجد وشافهم قال: انت وهو غربيه قايمين بدري !
سيف : يبه انا صحيت ابي اشرب ماء شفت مابقى شي للاذان وصحيت العيال
الجد شاك فيهم : طيب يلا صلاه صلاه
ارتاحو العيال وشوي يحبون راس سيف اللي انقذهم
بعد الصلاه قال الجد امشو نفطر بعدين تروحون للحلال
والعيال هم منهارين يبون النوم
سلطان : تكفى ياجد العصر ابي انام فيني نوم
الجد : توك قايم شلون فيك نوم وانت راقد من ١٢
سعود وهو يقمز ل سلطان عشان مايجب فيهم العيد : اي ماعليك منه الغبي ذا كيس نوم يلا ياعيال نروح با اي موتر (سياره)
عبدالله : بسيارتي
