عند العيال بالدوانيه وكان عمر وخلف معهم بعد وهم طفشانين وملل وخلصت سوالفهم قال عبدالله: ياعيال تكفون احد يحلق على البقاله قبل تسكر
سعود : اييي تكفون نبي بطاطسات و عصيرات واشياء
سلطان : اللي جاب الفكرة يقوم
العيال : ايييي
عبدالله: ياقليل الادب عمك
راشد : خلاص يابزر انت وهو عندي لعبه بالجوال تطلع اسم واحد فينا يقوم شرايكم نلعبها ؟
العيال : يلا
وبدو يلعبونها وطلع اسم راشد وانهارو العيال ضحك
عمر : لو انك مختصر على نفسك وقايم احسن من الفلسفة ذي
خلف وهو منهار : تكفى ضحك مسوي جايب حل واخر شي طلع اسمه
راشد : ياليل انت وياه خلاص جب بقوم
سيف بضحك : اكيد بتقوم طلع اسمك مو لعبتك ذي
قام راشد والعيال جلس كل واحد بفراشه لين يجي راشد
بالبيت عند نجد منسدحه تتابع انستا فجاة يطلع لها مقطع في عصير واشتهت العصير وتذكرت ان عندها عصير بس بالمطبخ تحت جت بتنزل وتذكرت ان لازم تاخذ شي تحطه على راسها عشان العيال وقالت : يوه عادي هم مو موجودين ولا اقول اخذها يمكن جدي سامحهم ونزلت واخذت عصيرها وطالعت مع شباك المطبخ للعصافير حقتهم وقالت : يوه ياعمري بحط لهم مويه واخذت المويه وراحت تحط لهم فجاة ....
بمكان بعيدد شوي
مجهول ١: هذاك بيت محمد ابو عبدالله
مجهول ٢: اوف والله يا انه كبير بنلقى فيه ذهب وفلوس واجددد
مجهول ١: اي وش على بالك هذا غني غني وصاحب محل بشوت و سيوف
مجهول ٢: اجل خلنا نمشي بسرعه نروح
عند نجد
فجاة اثنين واقفين على الجدار وصارخت با اقوى صوت بس للاسف محد سمعها كانو نايمين
الحرامي1 تقدم عندها : اقول اصصص اسكتي لا اذبحك الحين
الحرامي 2:عطيني الفلوس ونمشي وضحك ويمكن ياحلوه ناخذك معنا ومسك يدها
نجد ابعدت يدها وصرختتت اقوى شي عندها
عند راشد اللي سمع صوت صراخ اول شي بس ما اتهم و كمل طريقه للبقاله وهو طالع سمع الصوت وكان جاي من بيت الجد ابو عبدالله وركض بقوه وطمر من فوق الجدار وشافهم بس هم ما انتبهو وانصدم انهم ماسكين نجد ونجد خايفه تبعد عنهم وهي عيونها دموعع
راشد طب خفيف بدون لحد يشوفه منهم : ياخايس انت و هو جاي عند محارمنا (مو محارمه بس اهل اخوياه يشوفهم اهل ) !! ولف على نجد: ادخلي بسرعه دخلت نجد و تشوفه مع شباك المطبخ
وبداء يتهاوش معهم وكان هو اقوى منهم هينا انهارو على الارض اخذ شماغه وربط واحد والثاني لف بيدور شي لقى حبل اخذه وربط يديهم وراح وقف عند باب المطبخ وقال :عطيني شي بربط رجولهم
ركضت نجد بخوف وجابت حبل : امسك
اخذه راشد وبداء يربطهم
ومر من عند الباب ويشوف نجد وجمالها كانت ملامحه حلوه وطفوليه وشعرها نص ظهرها الحرير سرح فيها وقعد يتاملها شوي حس على نفسه
نجد ماكانت منتبه له خايفه
قرب عند الباب وقال : اسمعي لا تقولين لحد وخليك هينا بخلي العيال يجون
نجد وهي خايفه : بس يمكن يهاوشوني
راشد :ليه يهاوشونك !
نجد : لان هذول قربو مني
راشد : ماعليك محد قايل شي
طلع راشد وشاف عامل البقاله عبدالقادر وصوت له وقال : اسمع تكفى اركض رككض وقول حق العيال كلهم يجون راح عبدالقادر ركض ووصول
ضحك عمر : هذا عبدالقادر جاء وراشد ما جاء
عبدالقادر وهو يالله يتنفس : راشد يبقى كلو نفر بسرعه
سلطان : وينه هو طيب ؟
عبدالقادر: ببيت حق انتو
فزو العيال بخوف وقامو يراكضون وصلو وكان مفتوح الباب الخلفي وواقف راشد عنده
سيف : شفيك انت
راشد : ادخل ادخل وشوف
انصدمو يوم شافو الرجال اللي مربطهم
سيف: من هذول و وش يبون !
راشد: اول شي ناوين يسرقونكم ثاني شي قربو ل وحده من بناتكم فزو العيال يتراكضون داخل يشوفون منو البنت الصدمه ان نجد وهي منهار بكى
سيف : ياعيون خالك لا تبكين
سلطان : نجد نجد سوا لك شي
سعود : تكلمي اذا سوا لك شي ولا تخافين
محمد : ماعليك والله لا نشرب من دمه
عبدالله ضمها بقوه : يابعد العرب انتِ تكلمي ياروحي
نجد : ماسوو لي شي مسك يدي وقرب مني شوي و قال عطينا الفلوس ناخذهم ويمكن ناخذك معنا وخفت بس دخل خويكم وابعدهم عني وانهارت هدوها سيف وعبدالله والعيال وطلعو بعدين كلهم
عند راشد يوم طلعو كان وده يسالهم من ذي البنت بس اكتفى بسكوت
مسكوه العيال عشان يدخلونهم عشان بكرى يشوفون وش يسوون فيهم بس عبدالله ماقدر يسكت وخصوصاً كل شي الا نجد يعزها
وقام فيهم ضرب ضرب فكوه العيال راشد شفيك اهدى
عبدالله بقهر : اخ اخ ياراشد مقهوورر ماقربو الا ل اكثر وحده اعزها نجد نجد ياراشد اخ ياربي
سيف : هذول بنحطهم بدوانيه ونقفل عليهم وحنا بننام بـ المقلط كلنا
سلطان : اي كذا احسن
سيف حط يده كل كتف راشد : والله ياخوي مدري شلون اشكرك ساعدت بنتنا وهذول ماسرقونا
راشد : شدعوا مابينا
سعود : كيف دريت ؟
راشد : سمعتها تصارخ وضحك وقال لاصاحت العذرا حنا لها اخوان
ضحكو العيال
واخذوهم وحطوهم بالدوانيه وقفلو عليهم ونامو بالمقلط
