مهيب : سوالفك هاي شوكت تعوفها اسلام؟
اسلام : وانت شوكت تبطل سوالف التجسس مالتك ترا مو حاله هاي ؟
مهيب تنهد بتعب و نطق : تدري مارلين لو ما اني متفق وياها علمود اشوفك تنجر بسرعه لو تغيرت جانت تكدر تغتصبك و بكل سهوله؟
اسلام : شقصدك؟.
مهيب : شفتها كلش زين شلون ثبتتك وبكل سهوله ، لو اني ما موصيها ما تدخله بيك جان لگيتك تنزف هسه
اسلام : ....
مهيب من الاخير كول ما عندك ثقه بيه
مهيب تنرفز و ضرب حافة الطاوله بقوه : شلون تريد يصير عندي ثقه بيك وانت تگود من وراي هيج !!!
اسلام : ولد حالي حال اي واحد بعدين اني ما جابرك علي لو ما تريدني عوفني وانت بطريق واني بطريق ثاني
مهيب : اسلام؟
سوالف الزعاطيط هاي ياريت تبطلها لا تخليني استخدم وياك اسلوب ثاني
اسلام : اسلوب ثاني اخيس من هذا؟
تقدم مهيب ومسك اسلام من فكه بقوه وشد عليه ..
تأوه اسلام بألم و قاوم الوجع و ناظر عيون مهيب
مهيب بعد ما انتبه لعيونه حاول يبدد غضبه و خفف الشد على فكه
مهيب : ليش تخليني أأذيك ؟ .
عبالك هينه عندي؟
سكت اسلام و ما نطق بأي شي..
فك مهيب يده عن فك اسلام و مسك كتفه بقوه
مهيب : ناوي تخبلني بويه!؟
شبيك ما تفهم اريدك بس الي ما اريد اي گواد يمسك ليش تعاندني و تسوي سوالف ممكن توكعك بهاويه وبعد لو تموت
متطلع منها؟!
اسلام بربك حاول تفهم ولو مره
اني حريص عليك اني نفسي الي كلت لأبوك يعوف تربيتك علي
لاعبالك غيهب عافك بهالسهوله هاي لو ما يدري اني گد رعايتك
توقعتك راح تصير مثلي بس مو لدرجة تقبل على جسمك يم الرايح و الجاي؟
اسلام : قصدك اني رخيص؟.
مهيب : حركات المرخصه هاي شتسميها!؟
اسلام شنو فرقك عن الگحبه ام الملاهي!!؟؟
ضحك اسلام بستهزاء ودفع يد مهيب و نزل من السرير
اسلام : ما جبرتك تتعب نفسك علي هاي تربيتك و النتيجه الي ما جنت متوقعها لازم تتحملها
YOU ARE READING
مكفهر
Teen Fictionقصه خاليه من الاحداث المنطقيه عاميه ، مثليين سعوديه و عراقية اللهجه لو ما يعجبك ذا النوع من الروايات تفضل برا
