ဖုန်းပြောပြီး ခဏလောက်ပဲ စောင့်လိုက်ရသည်။ Tang Feng ဖုန်းကို ချလိုက်ပြီး မကြာခင် အဲလ်ဘတ်က လှေကားပေါက်ဝတွင် ပေါ်လာခဲ့သည်။ သူ့ရဲ့ လုပ်နိုင်စွမ်းက တကယ့်ကို အံ့မခန်းပါပဲ။ Tang Feng မှ အဲလ်ဘတ်ကို ဖုန်း ခေါ်ပြီး လူကိုယ်တိုင် ရောက်လာခြင်းအထိ၊ လုပ်ငန်းစဉ်တစ်ခုလုံးသည် သုံးမိနစ်ထက်မပိုပေ။
Tang Feng က အဲလ်ဘတ် က သူ့ကို ဘာကြောင့် လာခိုင်းတာလဲလို့ မေးမှာကို စိုးရိမ်နေပေမယ့် တစ်ဖက်လူကို ကြည့်ရတာ အဲ့ဒါကို စိတ်ထဲရှိပုံမပေါ်ပေ။
"ပြောလေ၊ မင်း ငါ့ကို အကူအညီတောင်းတာ ရှားတယ်။"
အဲလ်ဘတ် က တိုက်ရိုက်မေးလာခဲ့သည်။ သူတို့နှစ်ယောက်လုံးက တဲ့တိုးသမားတွေဖြစ်လို့ Tang Feng က ဝေ့ဝိုက်မနေတော့ပဲ မေးလိုက်သည်။
"ခင်ဗျား ဥက္ကဌရုံးခန်းထဲကို ဝင်လို့ရလား။ ကျွန်တော်နဲ့ အတူလိုက်ခဲ့ပေးပါလား။"
သူက ဘာအကြောင်းပြချက်မှ မပေးပဲ ပြောလိုက်ပေမယ့် အဲလ်ဘတ် က ပြုံးပြီး Tang Feng ကို အပြုံးလေးနဲ့ ပြောခဲ့သည်။
" မင်းရဲ့ လက် ငါ့ကိုပေးပါ။"
အခုက ရှက်ရွံ့ရမည့်အချိန် ချီတုံချတုံဖြစ်ရမည့်အချိန်မဟုတ်ပေ။ Tang Feng သည် ချက်ချင်းပင် သူ့လက်ကို ကမ်းပေးလိုက်သည်။ အဲလ်ဘတ် သည် ထိုလူငယ်လေး၏လက်ကို ဆုပ်ကိုင်လိုက်ပြီး ဥက္ကဌရုံးခန်းဆီသို့ လျှောက်သွားလိုက်သည်။
Tang Feng သည် ဥက္ကဌရုံးခန်းသို့ လျှောက်လာစဉ် အခန်းအပြင်ဘက် စားပွဲခုံတွင် ထိုင်နေသည့် အတွင်းရေးမှုးက ချက်ချင်းထရပ်ကာ အဲလ်ဘတ် ကို ကြည့်ပြီး အလျင်အမြန် ပြောခဲ့သည်။
"မစ္စတာ အဲလ်ဘတ်၊ခင်ဗျား ဥက္ကဌလုကို ရှာနေတာလား၊ သူ ဒီနေ့ ဒီမှာ မရှိဘူး။"
အတွင်းရေးမှုးက အဲလ်ဘတ် ကို မတားဝံ့သဖြင့် အပြေးလေး သူ့နောက်ကနေ ခပ်ချပ်မခွာ လိုက်လာသည်။ အဲလ်ဘတ် သည် ရုံးခန်းထိ တိုက်ရိုက်လျှောက်လာပြီး အမိန့်ပေးလိုက်သည်။
"တံခါးဖွင့်လိုက်"
"တောင်းပန်ပါတယ် ဥက္ကဌခွင့်ပြုချက်မရှိဘဲ ဘယ်သူမှ အထဲ ဝင်လို့မရပါဘူး။"
CZYTASZ
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romans(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
volume _4 _Chapter (28) - အဲလ်ဘတ်အကူညီဖြင့် လူကယ်ခြင်း
Zacznij od początku
