الحلقة تابع [23]
بالقاسم أطول مني و أجمل و أنا قصيرة و عادية حذاه كانن فيه بنات يشوفن فينا و حركات ضحك و يمشن قدامنا و يبرمن يمشن توخير و هنا يبحتن في بالقاسم و ينطرن على بعضهن في اميه يضحكن بصوت عالي
بالقاسم كان ما يبحتش في حد نهائي كان مركز معايا و مع خطواتي
أنا نبحت في البنات قهرني مش فاطنه كان قدامي تفن
بالقاسم مسكني قربني له
أنا بحتت فيه بحتت في الأرض لقيت تفن
بالقاسم بدلني الجهه من اليمين لليسار عشان قدامي حيطه كبيرة
أنا مركزة مع حركات البنات كانن يبن يلفتن نظر بالقاسم بأي طريقة
بالقاسم سبقني بخطوات
أنا بحتت فيه
بالقاسم حذف برجله شكارة صغيرة كناسة حولها من طريقي
أنا سرعت خطوتي جيت جنبه صح ساكت بس حسيت باهتمامه بيا أو أنا كنت نبي نحس هكي
روحنا للشاليهات قعدنا شويا جاء بالقاسم وراه عمي
بالقاسم : هيا
عمي : وين هيا
بالقاسم برم : مروح يا حاج
عمي : ليش ماشي جاي طريق و ليل أنت و المراه صغيرة في هالوقت
بالقاسم : لا يا حاج نمشي نشوف الحواشين كيف نخلوهن
عمي : دنيا أمان و كان خليناهن
عميمه : الله يربحك بكرا ديروا إحسابكم تباتوا هنا
بالقاسم : حاضر " بحت فيا شيرلي الحقيني "
أنا صبيت : تصبحوا على خير
طلعت روحنا دوشنا و رقد معايا عادي ما جاب سيرة للموقف و لا قال ليش كبيتي القهوة لا شي
نضنا الصبح دوشنا صلينا و فطرنا قعدت نظم في الحوش و درت غداء خفيف تغدينا غسلت الماعين
بالقاسم طلع من الحمام : ديري احسابك نبوا نباتوا
أنا صبيت : توا نبوا نطلعوا
بالقاسم : أها شغلي و كملته
أنا جهزت دبشنا و طلعنا تكى على السوبر ماركت حط شكاير واجد ركب وصلنا نزل الشكاير بس مش كلهن و دبشنا ما نزلاش من السيارة شربنا القهوة و حطوا العشاء طلعنا أنا و البنات قدام الشاليه سمعت سيارة بالقاسم ولعت بحتت لقيته طالع بالسيارة استغربت
رندا : وين ماشي هذا
أنا : مش عارفة
زهور : بالك بيجيب حاجة ناقصة
أنا سكتت ، شويا و جاء بالقاسم على رجليه و قمعز مع الرجاله و أنا نبي الدبش بس ما قتله شي معش عرفت نحكي
نزهه : هيا نفرشوا حتي العويل الصغار رقدوا
صبينا نبوا نخشوا
بالقاسم جاء : هيا خلاص
أنا بحتت و البنات بحتن فيه
بالقاسم يبحت فيا : نحن بايتين في شاليه هنا
أنا : تمام
بالقاسم طلع
رندا متسهفه : نعليا نا بعدك فييه شاليهات VIP
زهور ضحكت : بالقاسم يحساب روحه عريس واخذ شاليه عرسان
أنا ساكته
نزهه : تعدليش عليهن عدي يا حنه هيجي
رندا : مش غير هيجي أميمه و سالمين متمرقدات ما يفهمن في الجو بكل هههههه
أنا ابتسمت متحشمه : تصبحن ع خير
بنات : و إنت بخير
طلعت لقيت بالقاسم قدام الشاليه يرجى فيا مشينا على رجلينا لقيته موقف سيارته قدام الشاليه فتحه و خشينا لقيته حلو و صغير لقيت أكياس فيهن مواد غذائية نظمتهن في التلاجة و خش دوش و طلع و أنا خشيت دوشت و طلعت لقيت بالقاسم على السرير حسيت السرير صغير شوي نشفت شعري و رقدت بالقاسم قرب مني يبوس و يحضن و رحنا في خبر كان.....
نضنا بدري فطرنا و عدينا للبحر أنا قمعزت تحت الشمسية و خش يعوم قريب الساعة و ردينا للشاليه أنا رقدت بالقاسم خش دوش لبس و جاء رقد جنبي نضنا لبسنا و طلعنا لشاليه عيت عمي كملنا يومنا معاهم و ردينا رقدنا في الشاليه الصبح لمينا دبشنا و روحنا كلنا
........
ثاني يوم فطرنا و بالقاسم طلع و أنا ضميت حوشي كله و عديت لعيت عمي لقيت عمتي غالية و بناتها جايات سلمت درت الغداء محمد خش عليا و أنا نقرض في السلاطه لقاني بروحي طلع ماسك الفون قابله بالقاسم
محمد : كنت نبي نرن عليك
نزهه خشت ماسكه ماعيني : خير يا حمادي
ثلاثة أجنبيات خشن
محمد يبحت
بالقاسم : كنك تبي حاجة
محمد : من هذينا
بالقاسم : جبت شغالات عشان أمي معش تقدر على الحوش كبير
محمد ابتسم : نعليا نا
بالقاسم بحت في نزهه : خششيهن لرحمه توا تفاهم معاهن
نزهه : باه
خشن وراء نزهه
محمد : اقسم بالله أنك صح بكل
بالقاسم : أنت شن تبي صايره حاجة
محمد : سلامتك غير نبي نحكي في نفس موضوع اللي يومتها قبل نبي نشلكها معاك صراحة ههههه بس لقيتك قايم بالواجب
بالقاسم بحت فيه رفع حاجبه : شن صار في موضوعك
محمد نفخ : عندهم حالة وفاة نبي نوخر الموضوع شويا
بالقاسم : باهي حكيت مع أمي
محمد : كل ما نحكي معاها تقولي عري على ذراعك
بالقاسم ضحك بشويش
محمد حول جاكه وعرى على ذراعه : اللي يعري يبني حوش ترا شوف كذا
بالقاسم ضحك : قصدها اتعب على روحك يا حمار
محمد يلبس : و الله كان على تعب نتعب نخدم ليل نهار
بالقاسم : إن شاء الله خير ما تفكرش فيه بكل موضوع الفلوس ساهل
محمد : عارفك بجوده بيك بس لقاني نبي نشتغل نطلع كل شي من عندي هك خير
بالقاسم : ساهل ساهل ، هي تعال نخشوا وين الشباب
محمد : واحد راقد و التاني في السيارة شكله يكلم قالوا يبوا يروحوا الأيام الجايا على أشغالهم
بالقاسم : أها ، قتلك راك تخلي رحمه مع الشغالات بروحهن كان أمي طلعت خليك معاها لين أمي تروح
محمد : عارف بدون ما تحكي هنا لازم يبقين تحت المراقبة كم شهر هك
خشوا مع بعضهم
عميمه قعدت تدعي لبالقاسم و رغد و خلود يكشخن عليا
أنا خشيت للمطبخ
بالقاسم لحقني يشرب اميه : ورريهن شن يديرن و كل شي شورهن إلا التسواي
أنا : حاضر , You just clean kitchen & serve coffe
إنت تنظفي المطبخ و تجهيز و تقديم الشاهي و القهوة
And You clean home and wash clothes
إنت تنظيف الحوش و غسيل الملابس
بالقاسم حط طاسة شيرلي طلع
أنا : ok
شغالات : ok mama
أنا طلعت لحوشنا ركبت لدار لقيته يلم في الأوراق و اللابتوب عرفته طول يبي يرد لطرابلس
بالقاسم برم عليا : أنا راد لطرابلس ديري بالك على روحك و قرايتك مش عارف أمتى نرد بس قلت لباتي على إمتحاناتك توا يشيلك تنقص حاجة احكي لاحميده تصير معاك حاجة رني عليا كان تبي تمشي مع أمي لشي مكان عدي لخواتي بس كان أقارب قوليلي قبل كيف ما حكيلك تمام
أنا : تمام
بالقاسم قرب مني : ناقصة حاجة نجيبها لك قبل ما نطلع
أنا : سلامتك
بالقاسم باسني على راسي خذا شنطه اللابتوب و طلع سلم على عميمه و سافر..
.......
بعد يومين بالضبط عمتي غالية غيرت رأيها قررت تروح هيا و بناتها و عويلها روحوا...
عميمه : خلاص من اليوم غادي قرايتك و بس أهو جاب شغالات اديرن كل شي إنت اقري سلم بنتي
أنا ابتسمت : حاضر
سمعنا الباب يدق طلعت الشغالة فتحت
أميمه خاشه تفنص : هذه من
عميمه : غير اطلقي السلام
أميمه تكشخ سلمت على عميمه : خير عليكم
عميمه : خير خير
أميمه : من هذه يا عمتي
عميمه : بالقاسم جاب شغالات على خاطر رحمه و خاطري الحوش كبير أنا ما عاد نقدر عليه و رحمه امتحانات
أنا ساكته نبحت فيها قريب تطربق الحسد باين في عيونها
إسماعيل : السلام عليكم
أنا و عميمه : عليكم السلام
إسماعيل قمعز بدون ما يسلم على أمه : كيف حالكم
عميمه : الحمدلله كيف حال صحتك أنت شن داير
إسماعيل : أهو قاعد حال تعب الشغل
عميمه : ربي يساعدك يفتحها عليك أنت و خيينك
الشغاله طلعت بالقهوة تقدم
إسماعيل : من هذه يا أمي
عميمه : خيك بالقاسم جابلنا شغالات يساعدنا قاللي حجزهن من فرح رندا غير توا كيف وصلن
إسماعيل بحت في أميمه لقاها راقيلها باين في وجها بكل ما بتش تاخذ القهوة سكت
أنا صبيت : نستاذن
أميمه صبت : هيا اسماعيل نبي نشوف هلي مرايفة على ماما
أنا بحتت فيها خنقتني العبرة
إسماعيل : توا مش قلتي تبي حوش هلي
أميمه : أختي مرايفة على البنات نبي نمشيلهم ما فيها شي
إسماعيل صبي : اطلعي ، توا نرد عليك يا أمي
عميمه : مربوحه يا باتي على راحتك
طلعوا و عميمه صبت لدارها و أنا خشيت نقرأ نجهز للإمتحانات و نقرأ
........
إسماعيل : شن خطر عليك هلك توا
أميمه : روح بيا حوشنا
إسماعيل بحت فيا : كنك إنت كل مرة تبي مكان شن فيه شن جاك إن شاء الله
أميمه : شن فيها زايد عليا أبلة رحمه هذه تي حتى وحده حقيرة مش مربية فوقها لا عندها لا عيل و لا تيل شوفها كيف يزازي بيها خوك و إلا خواتك اللقاقات كل وحده تلقلق من جيهه هذا كله عليش عشان بالقاسم يصرف يعطي فيهم كلهم يسكت فيهم بالفلوس عافس عليهم كلهم ما يقدر واحد يناقشه و أنت مش معبرينك ولا ناصر معبرينه و أنتم كبار بس مش معبرينكم لا قيمه و لا قدر
إسماعيل تعصب سرع : سكري فمك النقاش في الحوش مش في السيارة
أميمه علت صوتها شوي تشاوح بإيديها : لا مش ساكته من حقي اللي نطلبه توفره ليا و اللي نبيه تجيبه ليا غصب عنك
إسماعيل خبط على دومان يعيط : أنا قلت سكري فمك سكري فمك يا #### اليوم اللي خذيتك فيه سكري فمك يا ### هلك بكل ع### يوم اللي زفيتك فيه كرهتي أمي في حياتي
أميمه استكت
إسماعيل سكر قزازات السيارة و يعيط : توا نوري أمك غصب عني و الرد عليا و الملاطعة شن شكلها الحركات هذينا و كلامك اقسم بربي أندمك عليه
أميمه تبحت في السيارات لقتهن يبحتوا فيهم طبست راسها تبكي
البنات قعدن يبكن
إسماعيل سكت درس جنب حوش هلها : انزلي إنت و البنات و قولي لهلك قالكم إسماعيل ربوني على طاعة الزوج قولولي كيف نرضى بالقليل كيف نصون راجلي من كلام و نظرات الناس قوليلهم يعلموك طاعة الزوج قوليلهم يعلموك على قد حال راجلك عيشي معاه مش عاجبك نجيب غيرك تربي بناتي
أميمه انصدمت
إسماعيل : اقلبي وجك و انزلي
أميمه : ورقتي توصلني لحوش هلي
نزلت و سكرت الباب بالقوه
إسماعيل نزل فتح الباب ع البنات خششهن للجنان و سكر الباب و ركب سيارته و طلع
........
بعد أربعة أيام من سفرت بالقاسم أنا نقرأ و الشغالات هنّ اللي يحوسن مرة اندير الغداء مرة نلقى عميمه دايرته و درنا العشاء و تعشينا و كملت الصلاة قمعزت على السرير نبحت في الشيتات جاء في بالي تاريخ بحتت لقيته إن بكرا عيد زواجنا الأول سكرت التليفون حطيته جنبي رن بحتت لقيته بالقاسم ابتسمت كانت الساعة العشرة في الليل
أنا : الو
بالقاسم بصوت تعبان بكل : أهلين شن أخبارك
أنا : الحمدلله كيف حالك أنت
بالقاسم : الحمدلله شن دايرة صحتك و قرايتك تمام
أنا : الحمد لله تمام
بالقاسم : تبي شي ناقصك شي
أنا : لا سلامتك ربي يعاونك
بالقاسم : إن شاء الله أوكي
و سكر
أنا تنهدت معش عرفت إتصاله صدفه و لا قاصد باهي ليش ما عيدنيش و لا مش متذكر و المكالمة جت بالصدفة ، بعدها اذكرت الأيام هذينا مفروض يكون موعد ولادتي لو البيبي احتمال مت كانتش حياتي هكي قعدن أفكار ماشيات جايات لين نعست
........
إسماعيل ياكل : هذا اللي صار
عميمه مشغوله : كنك ما قلت يا ليد حي عليا شن يقولوا علينا هلها نحن هل الأصول مش من عويدنا هالحركات باتك توا يهزبك
إسماعيل : ما عنده عليش يهزب واحد مش متفاهم مع مراته حطها عنده هلها خليهم يربوا بنتهم بعدين يحكوا علينا أنا ما قلتش عدوا ردوها ليا و لا قلت رنوا عليها خليها عند هلها بالك اتربى و لا نطلق ليش نتعب في روحي وراها
عميمه : باهي ليش حرجانه كنها
إسماعيل : تبي شغالة ديما نفهم فيها إن ظروفي مش كيف بالقاسم أنا على قد حالي هيا تشرط جيبلي ديرلي شن معنى رحمه شيلني و جيبني أنا معش نتحمل لا مصاريف و لا الصداع و دراه الكبد يا أمي من وين نجيب فلوس راه ضايقة بيا تحملتها واجد المراه هذه خلاص كبدي فاجت
عميمه : معلش سلم اوليدي على خاطر بنياتك
إسماعيل : خليها مزال بعد اتربى توا نفكر نردها
عميمه بخوف : ربي يهديك يا أوليدي ترد مراتك و بناتك شهر رمضان على الأبواب
إسماعيل صبى : ساهل إن شاء الله خير
عميمه : أهم حاجة قبل رمضان حرام عليك تشرد بنياتك
إسماعيل يهز في رأسه : توا نجيك بعدين إن شاء الله
طلع عميمه مقهورة على حالة اسماعيل
.......
مشن ايام و اميمه مازالت حرجانه ترن على نزهه وزهور مرة تقوللهن نبي نرد بس بشروطي مرة تقول لين يجيب شغالة اسماعيل مابش يرد عليها ولا يرن عليها ولا على هللها قبل يوم كبيرة رمضان بالقاسم روح سلم عليا خش رقد طول انا مادرتش ولا درت ردة فعل قاعدة مع عميمه نفهم في شغالات على تنظيم مونة رمضان لحم دجاج وخضرا مواد غذائية كملنا ناض بالقاسم وإسماعيل طلع من مربوعه
إسماعيل باين في وجهه تعب و ضيقة : الحمدلله على سلامتك
بالقاسم : الله يسلمك كيف حالك
إسماعيل : ماشية الحمدلله
بالقاسم : وين الحاج
إسماعيل : ماشي للمزرعة قال توا نرد على عشاء
بالقاسم : اها وين بناتك
إسماعيل : هلي كلهم عند هلها
بالقاسم : اها
انا طلعت بسفرة العشاء خش عمي تعشوا كلهم قعدوا يهدرزوا
محمد خش قعد مع اسماعيل وبالقاسم يحكوا مع بعضهم انا خشيت للجناح رقدت وعمي وعميمه خشوا رقدوا سهروا لعند ساعة 3 وخشوا رقدوا...
......
بالقاسم : باهي براحتك
انا : نلبس وشاحي ونلحققك
بالقاسم طلع
انا لبست وطلعت : عميمه انا ماشية للهلي
عميمه : اسم الله شن فيه
انا : ماشية نقوللهم كل سنة وانتم طيبين
عميمه : اها نحساب في حاجة قلت كنها ماشية من الظهر
انا سكتت عشان ماشية توا مانبيش نتلاقى انا و وداد في عشية
عميمه : باهي على راحتك هلك مش برانية
انا : اها بعدين ماشية للعيت جدي بس مش ح نطول نروح اندير الفطور
عميمه : خوذي راحتك لك وين عليهم مربوحه وسلميلي عليهم كلهم
انا : الله يسلمك يوصل
طلعت لقيت بالقاسم يرجى فيا ركبت مشينا للهلي عيدت عليهم و انا مصبية بالصدفة لقيتهم كلهم الا وداد طلعت مشيت للعيت جدي ماطولتش روحت درت فطور مع عميمه فطرنا جن نزهه و زهور و رندا التموا كلهم عيت ناصر بعد العصر جو
عمي : مش قلتلك روح بالمراه انا
إسماعيل : مزال يا باتي خليها عند هللها
عمي علاه صوته شوي : كيف مازال انت تبي تكسر كلمتي
إسماعيل : حشاك يا باتي ما عاش الي يكسر كلمتك بس هيا
عمي : لا هيا لا ما هيا امشي روح بالمراتك بكرا رمضان شهر الخير لم المراه وبنات
انا حسيت موقف محرج كلهم سكتوا ركزوا مع عمي واسماعيل تحشمت بكل صبيت وطلعت
بالقاسم يبحت وساكت
بنات ساكتت
عميمه : الله يربحك ردها كل شي ينحل مافيها شي سلم اوليدي خلك كبير العقل تحمل هذه مراتك عشان خاطر بنياتك
إسماعيل ساكت
عمي : صبي توا امشي جيبها
إسماعيل صبي
عمي : بكرا تجي تفطر هنا انت وياها
إسماعيل : إن شاء الله
طلع بالقاسم ومحمد طلعوا وعمي خش داره وعميمه قعدت تحكي للبنات سبب حرجة اميمه ...
........
فتحية : يعني كيف تبي تطلقي تي عندك عويل
وداد تبكي بصوت عالي : يبي يجوز عليا الحقير قاللي ترضي باهي ما ترضي باب يسع جمل بعد العيد نبي نطلع فرح طول
سمية منصدمه من شكل وداد و عويلها كيف متبهدلين
فتحية : لا حول و لا قوة إلا بالله ، الله يعطيه كسرة خاطر يا الله حسبي الله و نعم الوكيل فيه بجاه العصر الي يرفع
وداد تبكي تشهق : أنا أنا عارفه خواته سوسن عليه هنا الي خربن على حوشي
فتحية : هدي روحك توا عشان تفهمني شن نقول للخوتك
سمية مصبية
وداد تماسكت نفسها برمت على سمية : وين جمال
سمية : طالع للجزار
وداد سرحت
فتحية : احكي شن سبب عركة
وداد ساكته
فتحية : احكيلي شن صار بينكم و إنت من أول ماخشيتي تعيطي نبي نطلق نبي نطلق
وداد بحتت في سمية بحقارة : فاطرة معانا إن شاء الله
سمية انصدمت من كملتها رفعت بنتها في غمرها ركبت
وداد بحتت في فتحية : الصبايا اللي ما عندهن من يشكمهن هذينا اللي امشيات الرجاله مش الي نفسي ماشية بنية صافية
قعدت تبكي
فتحية : نوضي نوضي بلا كلام فاضي ديري عويلك غذاء واحكيلي عشان خوتك يتفاهموا معاه
وداد مسحت دموعهاصبت خذت عويلها و هيا ساكته وكلتهم ركبتهم في دار قعدت معاهم فتحية ضبحت للسمية عشان تنزل تساعدها شوي خش جمال
جمال : سلام عليكم
فتحية : عليكم السلام
جمال حط شكاير : وين سمية
فتحية : ركبت كلمها تنزل
جمال : كنها ليش ركبت
سمية خشت
جمال : كنك ركبتي
فتحية بحتت في سمية غمزتلها : تجيبلي في خلوط الزر لقيته كامل
جمال : توا نطلع نجيب
فتحية : الله يربحك
جمال طلع
سمية : كنك ما حكيتي يا عمتي
فتحية : لا يا حنه رمضان نهار توا يحشش علينا خليها بعد فطور ان شاء الله توا نحكيلهم
سمية سكتت قعدت تحوس تساعد في فتحية على فطور
.......
عمي : رن على خوك مغرب إذن وصليناه حتي الصلاه
محمد : رنيت قالي خاش الشارع يا باتي
انا ماسكه تمرة وطاسة حليب مطبسة راسي بصوت واطي : اللهم إني اسألك برحمتك التي وسعت كل شيء أن تغفر لي اللهم لك صمت وعلى رزقك أفطرت
كليتها شربت حليب وصبيت
إسماعيل خاش ببناته : السلام عليكم
نحن مقمعزين على سفرة ونرجوا فيهم : عليكم سلام
اميمه خشت ورافعه خشمها : لا سلام على طعام كل عام وأنتم بخير جميعا
عميمه تعض في فمها
إسماعيل فنص فيها
اميمه قربت من عمي باست رأسه : كل سنة وانت طيب ربي يطول في عمرك
عمي : و إنت طيبة هي تفضلوا
اميمه باست على رأس عميمه : كل سنة و إنت طيبة
عميمه : وإنت طيبة
قمعزوا قعدنا نفطروا كملنا انا خشيت للدار بديت نقرأ في قرآن لعند تراويح نصلي ونقرأ ماطلعتش عليهم بالقاسم لبس وطلع
تلفوني رن بحتت لقيته سمية استغربت
انا : الو
سمية : اهلين صحة فطورك
انا : سلمك صحة فطوركم
سمية : سلمك
انا : كيف حالكم
سمية : الحمد لله غير جتنا وداد يا حنه شكلها حرجانة وراجلها يبي يجوز عليها
انا انصدمت
سمية : الو معايا
انا : اها معاك خير ان شاء الله
سمية : والله كيف ما نحكيلك يبي يجوز الراجل عليها وهيا تعيط يا حنه ما عقبت كلمة ما قالتها تدعي من العصر عزقها راجلها هيا وعويلها وعدا
انا : لا حول ولا قوة الا بالله
سمية : بكرا أكرم جاي بيش تجي تفطري معانا.
انا : لا مش جايا بالقاسم طالع اليوم طرابلس
سمية : اها على راحتك يا حنة قلت نقولك حتي امل جايا
انا : مرة أخرى ان شاء الله
سمية : إن شاء الله هي بالسلامة توا
انا : سلام
سكرت توا كان مشيت وداد تبقي تعزق في كلام عليا ناجل مشيتي لين تهدأ ولا تروح للراجلها
.....
بالقاسم روح : باتي انا رد للطرابلس
عمي : خوذ معاك مراتك
بالقاسم برم بحت في عمي : لا مش مطول تشطيبات اخيرة ومروح
عمي : إن شاء الله خير
بالقاسم صبي : تبي حاجة يا باتي
عمي : سلامتك توصل طيب
.........
انا لميت شيتاتي نبي نطلع نحط السحور خش بالقاسم
بالقاسم : كملتي قريتك
انا : اها نبي نحط سحور توا
بالقاسم : حطيه سريع عشان نبي نطلع طرابلس توا
انا ولا عبرت صبت : اها
بالقاسم : اه نسيت نقولك بعد كم يوم جاينك هل صاحبي الي مشيتلهم
انا : سندس
بالقاسم سكت عشان مش عارف اسمها
انا : مرحبتين بيها
بالقاسم : اتكي على سرير
انا طلعت وتيت سحور اسحرنا بالقاسم رد للطرابلس
.......
مشن الأيام و أميمه مازالت حرجانه ترن على نزهه و زهور مرة تقوللهن نبي نرد بس بشروطي مرة تقول لين يجيب إسماعيل شغالة مابش يرد عليها و لا يرن عليها و لا على هلها قبل يوم كبيرة رمضان بالقاسم روح سلم عليا خش رقد طول أنا مادرتش و لا ردة فعل قاعدة مع عميمه نفهم في الشغالات على تنظيم مونة رمضان لحم دجاج و الخضرة و المواد الغذائية كملنا ناض بالقاسم و إسماعيل طلع من المربوعه
إسماعيل باين في وجهه التعب و الضيقة : الحمدلله على سلامتك
بالقاسم : الله يسلمك كيف حالك
إسماعيل : ماشية الحمدلله
بالقاسم : وين الحاج
إسماعيل : ماشي للمزرعة قال توا نرد على العشاء
بالقاسم : أها وين بناتك
إسماعيل : هلي كلهم عند هلها
بالقاسم : أها
أنا طلعت بسفرة العشاء خش عمي تعشوا كلهم قعدوا يهدرزوا
محمد خش قعد مع إسماعيل و بالقاسم يحكوا مع بعضهم أنا خشيت للجناح رقدت و عمي و عميمه خشوا رقدوا سهروا لعند ساعة 3 و خشوا رقدوا...
......
بالقاسم : باهي براحتك
أنا : نلبس وشاحي و نلحققك
بالقاسم طلع
أنا لبست و طلعت : عميمه أنا ماشية لهلي
عميمه : اسم الله شن فيه
أنا : ماشية نقوللهم كل سنة و أنتم طيبين
عميمه : أها نحساب في حاجة قلت كنها ماشية من الظهر
أنا سكتت عشان ماشية توا مانبيش نتلاقى أنا و وداد في العشية
عميمه : باهي على راحتك هلك مش برانية
أنا : أها بعدين ماشية لعيت جدي بس مش ح نطول نروح اندير الفطور
عميمه : خوذي راحتك لك وين عليهم مربوحه و سلميلي عليهم كلهم
أنا : الله يسلمك يوصل
طلعت لقيت بالقاسم يرجى فيا ركبت مشينا لهلي عيدت عليهم و أنا مصبية بالصدفة لقيتهم كلهم إلا وداد طلعت مشيت للعيت جدي ما طولتش روحت درت الفطور مع عميمه فطرنا جن نزهه و زهور و رندا ألتموا كلهم عيت ناصر بعد العصر جو
عمي : مش قلتلك روح بالمراه أنا
إسماعيل : مزال يا باتي خليها عند هلها
عمي علاه صوته شوي : كيف مازال أنت تبي تكسر كلمتي
إسماعيل : حشاك يا باتي ما عاش اللي يكسر كلمتك بس هيا
عمي : لا هيا لا ما هيا امشي روح بمراتك بكرا رمضان شهر الخير لم المراه و البنات
أنا حسيت الموقف محرج كلهم سكتوا ركزوا مع عمي و إسماعيل تحشمت بكل صبيت و طلعت
بالقاسم يبحت و ساكت
البنات ساكتات
عميمه : الله يربحك ردها كل شي ينحل ما فيها شي سلم اوليدي خلك كبير العقل تحمل هذه مراتك عشان خاطر بنياتك
إسماعيل ساكت
عمي : صبي توا امشي جيبها
إسماعيل صبى
عمي : بكرا تجي تفطر هنا أنت وياها
إسماعيل : إن شاء الله
طلع بالقاسم و محمد طلعوا و عمي خش داره و عميمه قعدت تحكي للبنات سبب حرجة اميمه ...
........
فتحية : يعني كيف تبي تطلقي تي عندك عويل
وداد تبكي بصوت عالي : يبي يجوز عليا الحقير قاللي ترضي باهي ما ترضي باب يسع جمل بعد العيد نبي نطلع الفرح طول
سمية منصدمه من شكل وداد و عويلها كيف متبهدلين
فتحية : لا حول و لا قوة إلا بالله ، الله يعطيه كسرة خاطر يا الله حسبي الله و نعم الوكيل فيه بجاه العصر اللي يرفع
وداد تبكي تشهق : أنا أنا عارفه خواته سوسن عليه هنا الي خربن على حوشي
فتحية : هدي روحك توا عشان تفهمني شن نقول للخوتك
سمية مصبية
وداد تماسكت نفسها برمت على سمية : وين جمال
سمية : طالع للجزار
وداد سرحت
فتحية : احكي شن سبب عركة
وداد ساكته
فتحية : احكيلي شن صار بينكم و إنت من أول ماخشيتي تعيطي نبي نطلق نبي نطلق
وداد بحتت في سمية بحقارة : فاطرة معانا إن شاء الله
سمية انصدمت من كملتها رفعت بنتها في غمرها ركبت
وداد بحتت في فتحية : الصبايا اللي ما عندهن من يشكمهن هذينا اللي امشيات الرجاله مش اللي نفسي ماشية بنية صافية
قعدت تبكي
فتحية : نوضي نوضي بلا كلام فاضي ديري لعويلك غداء و احكيلي عشان خوتك يتفاهموا معاه
وداد مسحت دموعها صبت خذت عويلها و هيا ساكته وكلتهم ركبتهم لدار قعدت معاهم فتحية ضبحت لسمية عشان تنزل تساعدها شوي خش جمال
جمال : السلام عليكم
فتحية : عليكم السلام
جمال حط الشكاير : وين سمية
فتحية : ركبت كلمها تنزل
جمال : كنها ليش ركبت
سمية خشت
جمال : كنك ركبتي
فتحية بحتت في سمية غمزتلها : تجيبلي في خلوط الزر لقيته كامل
جمال : توا نطلع نجيب
فتحية : الله يربحك
جمال طلع
سمية : كنك ما حكيتي يا عمتي
فتحية : لا يا حنه رمضان نهار توا يحشش علينا خليها بعد فطور إن شاء الله توا نحكيلهم
سمية سكتت قعدت تحوس تساعد في فتحية على فطور
.......
عمي : رن على خوك مغرب إذن وصليناه حتي الصلاة
محمد : رنيت قالي خاش لشارع يا باتي
أنا ماسكه تمرة و طاسة حليب مطبسة راسي بصوت واطي : اللهم إني اسألك برحمتك التي وسعت كل شيء أن تغفر لي اللهم لك صمت و على رزقك أفطرت
كليتها شربت حليب و صبيت
إسماعيل خاش ببناته : السلام عليكم
نحن مقمعزين على سفرة و نرجوا فيهم : عليكم السلام
أميمه خشت ورافعه خشمها : لا سلام على طعام كل عام وأنتم بخير جميعا
عميمه تعض في فمها
إسماعيل فنص فيها
أميمه قربت من عمي باست رأسه : كل سنة وأنت طيب ربي يطول في عمرك
عمي : و إنت طيبة هي تفضلوا
أميمه باست على رأس عميمه : كل سنة و إنت طيبة
عميمه : و إنت طيبة
قمعزوا قعدنا نفطروا كملنا أنا خشيت للدار بديت نقرأ في قرآن لعند التراويح نصلي و نقرأ ماطلعتش عليهم بالقاسم لبس و طلع
تليفوني رن بحتت لقيته سمية استغربت ...
أنا : ألو
سمية : أهلين صحة فطورك
أنا : سلمك صحة فطوركم
سمية : سلمك
أنا : كيف حالكم
سمية : الحمد لله غير جتنا وداد يا حنه شكلها حرجانة و راجلها يبي يجوز عليها
أنا انصدمت
سمية : ألو معايا
أنا : أها معاك خير إن شاء الله
سمية : و الله كيف ما نحكيلك يبي يجوز الراجل عليها و هيا تعيط يا حنه ما عقبت كلمة ما قالتها تدعي من العصر عزقها راجلها هيا و عويلها و عدا
أنا : لا حول و لا قوة إلا بالله
سمية : بكرا أكرم جاي بيش تجي تفطري معانا.
أنا : لا مش جايا بالقاسم طالع اليوم طرابلس
سمية : أها على راحتك يا حنة قلت نقولك حتي آمال جايا
أنا : مرة أخرى إن شاء الله
سمية : إن شاء الله هي بالسلامة توا
أنا : سلام
سكرت توا كان مشيت وداد تبقى تعزق في كلام عليا نأجل مشيتي لين تهدأ و لا تروح لراجلها
.....
بالقاسم روح : باتي أنا راد للطرابلس
عمي : خوذ معاك مراتك
بالقاسم برم بحت في عمي : لا مش مطول تشطيبات الأخيرة و مروح
عمي : إن شاء الله خير
بالقاسم صبى : تبي حاجة يا باتي
عمي : سلامتك توصل طيب
.........
أنا لميت شيتاتي نبي نطلع نحط السحور خش بالقاسم
بالقاسم : كملتي قريتك
أنا : اها نبي نحط ابسحور توا
بالقاسم : حطيه سريع عشان نبي نطلع طرابلس توا
أنا و لا عبرت صبيت : اها
بالقاسم : آه نسيت نقولك بعد كم يوم جاينك هل صاحبي اللي مشيتلهم
أنا : سندس
بالقاسم سكت عشان مش عارف اسمها
أنا : مرحبتين بيها
بالقاسم : اتكي على سرير
أنا طلعت وتيت السحور اسحرنا بالقاسم رد للطرابلس
.......
مشن الأيام أنا نساعد على الفطور بس و أميمه و سالمين يجن شبه يوميا ما يجيبن في شي ولا ايديرن في حاجة يفطرن و يروحن جاء محمد قالي إن بكرا جايتني مراه انيس وتيت حاجتي كلها ما عقبت ما درت عميمه فطرت مشت للخالتي نجية قعدت أنا الساعة 10 دق الباب فتح محمد و خشت سندس جتني في حوشي
أنا فتحت الباب : مرحبتين بيك شرفتيني
سندس تسلم عليا : الله يسلمك حبيبتي كيف حالك
أنا : الحمد لله بخير نورتيني تفضلي
سندس مدتلي الحلو : تفضلي
أنا : ليش متعبه روحك
سندس : تعبك راحة يا خيا
خشينا لدار الضيوف سلحت عبايتها قمعزت
أنا حطيت الحلو في مطبخ وجيتها : شرفتيني
سندس : تسلمي هذا يا حنة أنيس سكن يزن فوق راسي أمتى تبي تمشي لمرات بالقاسم اليوم سابع يوم في رمضان كيف ما مشيتي أنا حكيت للصاحبي صراحة خشيتي خاطري قلت نجي نتعرفوا على بعضنا عاد بالقاسم و أنيس اصحاب رأس
أنا ساكتة عشان كلام هذا سمعته منها مش عارفة شن نقوللها
سندس تزازي بولدها : زمان بعد كنت أنا و أنيس مخطوبين كل ما نسأله وين قاعد يقولي مع بالقاسم وين كنت يقولي مع بالقاسم وين ماشي ماشي لبالقاسم لين حسيته ضرتي هالبالقاسم هههههه
أنا ضحكت
سندس : نعليا هما أصحاب أصحاب صحبتهم لين تسهف اقسم بالله بعد قالي بالقاسم خطب يبي يجوز و الله فرحتله بكل الحق أنيس كل ما يحكي عليه و يحكي لي كيف صبى معاه كيف خوه تقول مش أصحاب
أنا : ربي يحفظهم و يدوم صحبتهم
سندس : يا رب إن شاء الله
أنا : نستأذن منك شوي
سندس بدت ادير في رضاعة لولدها و أنا درت القهوة و طلعت الحلو وتيت كل شي طلعتلها
أنا : تفضلي
سندس حطت ولدها و خذت مني : يزيد فضلك تعبتي روحك
أنا حطيت ابسفرة خذيت القهوة و الحلو و قمعزت : تعبك راحة
سندس : يا حنة علاقتهم قديمة من قبل ما يقرأ بالقاسم في طرابلس و يشتغل غادي لكن ما انقطعوش على بعضهم أنيس ديما يحكي عليه و يشكر فيه بالقاسم تأخر في الزواج عن باقي أصحابه اللي كلهم ازوجوا كانن العيون عليه من يختار من اللي يبي يوافق عليها و خاصة أنه ما عندش على النساء لا في فترة دراسته لا عمله هو و أنيس ماعندهمش في جو العلاقات لما سمعت إن خطب كلنا بعد نلتموا أنا و صبايا أصحاب أنيس نبوا نعرفوا من مراته و حتى أنا بالذات قعدت نقول لأنيس نبي نشوفها مرات بالقاسم
أنا : و شن شفتي فيها مرات بالقاسم
سندس : لا ماشاء الله عليك تهبلي من أول ما شفتك حبيتك و حسيت بيك قريبة من القلب
أنا : بارك الله فيك من ذوقك
سندس : لا نحكي في الحق تهبلي كلك على بعضك هادية طشونه هك تهبلي
أنا : باهي اللي سمعت كلمة خير كم مرة نسمع إن شاء الله هذه مراته و كيف اختارها و مش له بكل
سندس انصدمت حط الفنجان : كيف أنت تهبلي و باين فيك طيوبة بكل ، اعربك اللي يقولوا عليك هكي
أنا : لا لا أقاربهم يحكوا هكي هم يشوفوا في ولدهم يستاهل أسمح و أحسن مني
سندس : و هل بالقاسم شنو
أنا : عيت عمي أصلا هما اللي اختاروني له و هما ما فيش منهم و يعاملوا فيا معاملة كيف بنتهم سواء عميمه و إلا عمي و البنات كللهم ما يتحملوا فيا شي ، و مع أنه يومي كله معاهم لكن ما عمري سمعت منهم حاجة تزعلني بالعكس ديما معاملتهم معاي مميزة حتى و كان عندهم زحمه أو مناسبة يفكرن فيا البنات شن نلبس و شن ندير و يحبني نطلع كيفهن و أحسن و يفرحن لما يلقني منسجمة و ينشغلن عليا لو يصير لي موقف
سندس : تستاهلي كل خير لأنك كيف ما قتلك واضحه أنك طيوبة و تنحبي
أنا صبيت خذيت الفناجين : تسلملي حتى إنت تهبلي
رديت قمعزت
سندس : حوشك حلو تبارك الله أنت اخترتي التشطيبات و الديكورات أو بالقاسم
أنا : لا بالقاسم مرة في الخطوبة كلمني سألني لو نبي حاجة معينة أنا انحرجت لأني عمري ما طلبت من حد حاجة قتله على ذوقك خليه
سندس : ليش ما شاركتيه الرأي هذا حوشكم و مفروض خليتوه على ذوقكم أنتوا الأثنين الحوش تبان فيه محبتكم اختياركم المتفق
أنا : خطوبتنا ما طولت و لا حكينا واجد في فترة الخطوبة و هكي حسيت بذوقه حلو خليتها عليه
سندس : بس ماشاءالله كله حلو و منظم و لمستك فيه واضحة حتى لو التشطيب من اختياره هو إنت واضح فيه لمستك و الراجل يحب اللي تهتم بيه و أنه يحب يحس بأهميته عند زوجته بالإهتمام الخاص بيه
أنا "نفكر مهتمة بحاجته و منفذة طلباته و شروطه و كيف ما مطلوب نفذت بس كنت حاسة بفجوة بيناتنا نبي نعرف وين الخلل بس ما نقدرش نحكي لها و نسألها أو نشكي لها مش عارفة لو حكيت تحكي لزوجها و زوجها يحكي لبالقاسم و يدير قصة ،،، باه لو حكيت يبقى الكلام بيننا و تنصحني و تساعدني زعما و إلا تقولها لراجلها
سندس : الزوجة لازم تحس باحتياج زوجها تعرف شن يبي من نظرته من حركاته لازم تفهمه بدون ما يحكي الراجل لازم تهتمي به كيف طفل تعطيه وقت ما هو يبي وقت ما تبي إنت تاخذي في نفس وقت كل شي بالين و سلاسه و الحب كلمة منك كلمة منه تبقي حياتك ماشية مرتبة منظمه كيف ما تبي
أنا نسمع فيها بس زي الأطرش في الزفة أنا مش عارفة شي عليه غير نجمع في اللي نسمعها عليه و اللي نشوفها من تصرفاته كلامها خلاني مخنوقة نبي نبكي بس ما بينت لها شي
سندس : كيف موفقه بين عملك و الحوش
أنا : العشية ليا فترة ما أشتغلت في الخاص و لا في العام حاليا بس الأكاديمية و مرات الكلية و لأنه اغلب وقت بالقاسم مسافر أنا في حوش عمي و الغداء مع عميمه العشية لو عميمه بروحها نقعد معاها لو جن البنات أو سلفاتي نستأذن و نمشي نقرأ
سندس : و هلك أمتى تمشيلهم ما تقعديش عندهم بعد بالقاسم يسافر
أنا حسيتها جتني ع الجرح : لا نقعد مع عيت عمي عشان أوراقي و كتبي هنا و عمي هو اللي يشيل فيا الصبح
سندس : تمشي نهاية الأسبوع لهلك
أنا مع أني حاولت نمسك روحي لكن كنت على سبلة و دموعي نزلن معش قدرت نتحكم فيهن قعدت نبكي
سندس تفاجات حطت ولدها مسكت ايديا : كنك بسم الله
أنا نبكي : بابا و ماما متوفيين و خوتي عايشين برة و واحد يسكن مغرب و الحوش فيه مرات بابا و اعيالها نادرا ما نمشي غادي
سندس : سامحيني و الله ما كنت نعرف آسفة مش قصدي
أنا كنت مخنوقة و نبي نفضفض ما لقيت إلا موضوع هلي نحكي فيه مسحت دموعي : أنا اللي آسفة لأني بكيت قدامك
سندس : لا عادي
أنا صبيت : نستاذن
سندس : تفضلي
أنا طلعت جبت عصير و الشوكولاطه كملت عزومتي كلها قعدت هيا تحكيلي على نفسها و نظامها مع أنيس حسيتها ركزت على إهتمام المراه بالرجل أنا نسمع بس روحت...
.....
#يتبع...
مراييييييييفة عليكن بببببكل🙈❤
