الهَوى اسّرار وهَواجِيس واحّلام ... والىَ متّى واحّلام وصِلك بعّيده

البارت الواحد والعشرين

'
سطّام سمع صوتها ونطق : أم رواف شوفي لي طريق لغرفتي
انفال : تقدر تعدي بس لا تلتفت للصالة
هز راسه ومشى يدخل ورقى الدرج علطول ، وصل للطابق وأخذ نفس عميق من وصلته ريحة عطرها ونطق : من الحين ؟
مشى ووصل لباب غرفته وفتحه ، دخل ووقف يشوفها لابسة جينز أبيض طويل وتوب أبيض عاري الكتفين ، رافعة شعرها ذيل حصان وتاركه خصلتين أمامية ويفي ، عضّت شفايفها لثواني ونطقت : بِكر نهيّان ؟
دخل يقفل الباب وراه ونطق : لبيه ؟
ابتسمت وقالت : تعال ساعدني
تقدم لها وفتحت بوكس الالماس اللي وصلها فالشبكه من سطّام ، سحب العقد ومسكت شعرها ترفعه ، لبسها بهدوء وسكر العقد وتقدم يقبّل عنقها وينطق : آه يأبو نوره أحلى من العقد لباسه ؟ أنشهد بالله ما أحلاك !
ابتسمت اسرار ولفّت له وقالت : كيف بالله مرتب ؟
سطّام حاوط خصرها ونطق : كيف ؟ قسم بالله ماودي أقابل أهلي خلاص أبيك وأبي أكتفي فيك !
توسعت عيونها لوهلة ونطقت : عيب
سطّام عضّ شفايفه ونطق : حلوه طيب فيك فرط حلاوة ماهو طبيعي ! والله صرتي توجعيني من كثر حلاك
ضحكت بخفه تثبت يدها على كتفه وتنطق : أنت بعد حلو
سطّام ابتسم وانحنى يقبّل ثغرها ، بادلته بهدوء وهو مندمج وميت فيها ، تمادى وسحبت نفسها علطول ونطقت : بشويش !
عضّ شفايفه وسحب مناديل من الطاولة ونطق : تعالي المطبخ
هزت راسها بنعم وقالت : كل شيء جاهز تبي تشيك ؟
سطّام ألتفت لها ونطق : ايه بس مادام قلتي كل شيء جاهز أنا طالع لأن خطر أقعد دقيقة وحدة
ابتسمت تأشر بيدها له بالخروج وابتسم يغادر الغرفة ، سحبت كعبها الأبيض ولبسته ولبست ساعتها ورجعت تتعطر من عطرها ، سحبت جوالها ومشت وراه تطلع ..
~ مجلس الرجال ~
كل الحضور كانوا أهل سطّام وأخوان نهيّان وربعهم ، ضحك سلمان ونطق : هذال يبيك ي سطّام
ضحك سطّام من دخل وقال : تعال
مشى هذال الصغير سمّي عمه ونطق : سلمان مؤدب مع أختي صح ؟
ضحك بصوت عالي وقال : ورا ما تسأله
هذال ضحك بخفه وقال : مايتكلم
وقف سطّام يشيله ونطق : عمي سعود
ألتفت أبو انفال ونطق : لبيك ؟
سطّام : يبي له من يشّد أذنه
أبو انفال ضحك وقال : الا هذال
أبو صارم ضحك معهم ونطق : اي بالله الا سمّيي
ضحكوا كلهم ونطق أبو عقيل : سطّام وصلنا العلم زواجك الخميس ؟
سطّام هز راسه بالايجاب وقال : الله يحييكم جميع والحاضر يعلم الغايب الكل يشرفنا أنا طالبكم
ردوا كلهم بالردود اللي تجَمد على الشارب والكل وافقوا على الحضور ، نطق صارم وقال : أبشر بالمعونه يولد عمي
نهيّان ابتسم وقال : ماتقصر يبو هذال
ضحك صارم يجلس ومشى سطّام يجلس بجانب أبوه ، ألتفت له وقال : وش صار على مضاوي ؟
نهيّان : الله يستر عليها
سطّام : خلاص !
نهيّان هز راسه وانحنى يقبّل كتف سطّام وينطق : أمسح كل فعايلي لك بوجهي أشهد بالله إني ماينقال لي رجال دام بديتها عليك
توسعت عيونه بصدمة وقال : وش ذا الكلام يبو سلطان ! ماحصل شيء وأنت بالأول ومن تالي أبوي وشلون بأخذ بخاطري عليك ؟
نهيّان شّد على ذراع سطّام ونطق : أنت وريثي وبِكري وأكبر عيالي أنت سندي وذراعي وعصاي لا مني هويّت ! وفعايلي عليك ماهي بسهلة لكن كان فيني قّل صح
ضحك سطّام يقبّل جبين أبوه وينطق : جعلنا مانعدمك
نهيّان ابتسم وألتفت على أخوه سياف يسولف معه ، رفع سطّام جواله يشوفه بدون أي أشعار ، زفر بتوتر ونطق : وينك ي مطلق !
نزل جواله من جلس عقيل بجانبه وبدأوا يسولفون عن الزواج اللي بيصير نهاية الأسبوع ..
~ صالة بيت سطّام ~
كل الجماعة موجودين ، ابتسمت وجود ونطقت : انفال وينها ؟
انفال ضحكت وقالت : متحمسين ماشاءالله ؟
ضحكت أم صارم ونطقت : أكيد متحمسين هذي حَرم أكبر عيالنا !
انفال ألتفتت من سمعت صوت كعبها ، دخلت للصالة ووقفوا الحريم كلهم من كبيرهم لصغيرهم لها ، حَرم سطّام قدامهم بالمنظر والجمال والكمال ، عضّت سراب شفايفها ونطقت : لا اله الا الله والجمال !
ابتسمت ونطقت برجفه صوتها : يالله إنك تحييهم
نطقوا بصوت واحد يردون عليها ، تقدمت تسلم على الكبار أولاً وهي ميته أحراج من الردود الاطراء والمدح ، وصلت للبنات وتعرفت عليهم وسلمت عليهم لحّد ماوصلت لظبيه وسحبتها تجلس ، أخذت نفس من نطقت أم سعود : ماشاءالله تبارك الرحمن عرفوا يختارون عيالنا !
ضحكت اسرار وقالت : تسلمين ياخالة
صدود نطقت بتعجب : بالله أنتي زوجة سطّام ؟؟
ابتسمت وملامحها موردة خجل ونطقت : ايه
عضّت وجود شفايفها وقالت : غرت كل هالزين له لوحده ؟
ضحكت أم صارم ونطقت : وسطّام معه من زين وفاء اللي يضيع العقل ويذهبه !
ضحكوا الحريم ونطقت أم عقيل : والله صدق ماشاءالله كل وحدة تقول الزين عندي من شهد لظبيه للكمال اللي في اسرار والكمال لربي !
ابتسمت انفال وقالت : ماشاءالله ؟ تشوفوني ولا وش
ضحكت أم انفال ونطقت : أنتي بنتنا أكيد بتكونين غير !
ظبيه : ياشينك ي انفال
ضحكت انفال تمسّك يد ظبيه وتنطق : روحي أنتي
شهد عضّت شفايفها ونطقت : اسرار ما أحس بخدودي !
اسرار : مثلي بموت بموت
شهد ضحكت بخفه وقالت : يويلي ابتسمت لمرحلة الألم !
اسرار هفت على وجهها وقالت : عرقت قسم بالله ! كثار وكلامهم حلوو
شهد : ضيعوني
ضحكت ظبيه وقالت : بنات انهيييااار
اسرار قامت توقف ونطقت وجود : وين بجي معك
ضحكت اسرار بصدمة وقالت : المطبخ
وقفت صدود ووجود وسمر وكوثر كلهم معها ، ابتسمت تمشي ونطقت : انتوا كلكم بنات عمه ؟
سمر : ايوه ماعنده خالات ولا خلان سطّام بس أهل أبوه اللي هم أحنا
اسرار ابتسمت بفشلة وقالت : ايوه أدري بس أحسبكم قرايبه من بعيد
كوثر هزت راسها بنفي وقالت : أنا أختي انفال
اسرار توسعت عيونها بصدمة وقالت : عسل !
كوثر ابتسمت ونطقت صدود : ترا ولا وحده فينا أخت الثانية
اسرار ابتسمت وقالت : امانه ماشاءالله !
وجود : ايوه أنا أخت صارم وهذال
سمر : يابنات ماتعرفنا ترا
ضحكت اسرار وقالت : معليه أعرفكم فيه وحدة أخت هاني وعقيل وحسن ؟
ضحكت سمر بصدمة وقالت : أخواني !
ابتسمت اسرار وقالت : وأعرف صارم بعد من هذام
وجود : شفتي سمر تعرفنا
دخلت ظبيه تركض وقالت : يقولون ابدأوا تحضير
اسرار رفعت حاجبها وقالت : أطلعي طيب !
عضّت وجود شفايفها ونطقت : يويلي يابنات والنظره !
ما أنتبهت اسرار عليها ومشت تتخطاهم ، ضحكت صدود وقالت : يمه كيف سطّام متحمل ؟؟
كوثر : خايس ثقيل مره
سمر ابتسمت وقالت : حياتي هذي تذوب الحجر !
مشت صدود وقالت : امشوا
طلعوا كلهم معها ، مسكت ظبيه اسرار وقالت : اسرار بلا ملعنه تستهبلين ؟؟ وإذا العشاء لي تعرفين كم عشاء ومفطح طبخته لحالي فالديره ولو إنه ماهو عند مطلق ؟؟
اسرار ابتسمت وقالت : ماهي ملعنه بس العشاء لك لا تشغليني فأحوسك اذلفي تقهوي
ظبيه ابتسمت وقالت : أحبك شوفي كيف كنا ووين صرنا
ضحكت اسرار تضّمها ونطقت : ربك مايضيع حق أحد وبعدين مو وقت المشاعر اصلاً خلقه أحس بنفجر
ظبيه هزت راسها وابعدت تنطق : خلصي أجل
مشت اسرار ورفعت جوالها من سمعت صوته ، قرأت أسمه ونطقت : ايوه ؟
سطّام : جاتكم حَرم مطلق ؟
اسرار : لا أعتذرت ليه ؟
سطّام : وشفيهم عسى ماشر ؟
اسرار : تقول مطلق تعبان شوي
سطّام ابتسم وقال : جعله بعمري
اسرار ضحكت بسخرية وقالت : امين تعال لصالة الطعام
سطّام ابتسم وقال : جايك يحيوانه
قفلت الجوال ومشت تشيّل مع خيرية ويمشون من المدخل الخلفي لصالات الطعام ، مشت تدخل ونزلت الصحون على الطاولة ، دخل سطّام ونطق : رتبوها على الطاولات وصحون المفطح بتكون على السفر تحت
اسرار : ندري
سطّام : تبين تتضاربين ؟ مالي خلق والله
اسرار ابتسمت وقالت : ماقلت شيء بس واضح مين في راسه حرش
سطّام : خلصوا وقولوا لي
اسرار : تعال حضر معنا ليش ناديتك
سطّام : مشغول مع الرجال
اسرار رفعت حاجبها وقالت : دام عجلت بالعشاء أكيد بروح
سطّام ميّل راسه ونطق : وين ؟
اسرار : مع أخواني
سطّام زفر بغضّب وقال : بِكر محمد أنا طالبك ماهو وقته
اسرار : بطلع ماني جايه أستشير جايه أنقل لك العلم
سطّام : بس أنا ماني راضي !
اسرار : والله ماهمني
زفر بضيق وقال : أبيك الليلة طيب
اسرار : وش تبي فيني
سطّام رفع حاجبة وقال : وشرايك أخذ مايك وأقولها ؟ وش أبيك فيه يعني ؟!
اسرار ضحكت بسخرية وقالت : لاحق طول حياتك معي
سطّام : لا تخلينها بخاطري
اسرار : قلت لك كلامي ومستحيل اتراج..
سكنت من قاطعها صوت الباب وهو يتقفل ، خزّته وزفرت من طريقة خروجه ونطقت : مرواح جدي
حضرت وخلصت وأرسلت له بالواتس أنهم خلصوا ، مشت تطلع مع خيرية ودخلوا للمطبخ ونطقت : خلصتي عشاء الحريم ؟
خيرية هزت راسها بالايجاب ومشت اسرار تنطق وهي تخفي توترها من اللي حصل بينها وبين سطّام : الله يحييكم على كرامة ظبيه وسلطان ولو إنها جات متأخر
قامت ظبيه وقالت : جعلني قبلك ي أختي ! والله لا تأخير ولا شيء
قاموا الحريم يدخلون مجلسهم ، وجلسوا على الصحون ، ابتسمت اسرار ونطقت : تعشوا شوي وأجيكم
مشت تطلع للحوش وأخذت نفس طويل ، لفّت من سمعت صوت وشافت هذال يحاول يربط جزمته ، ابتسمت وقالت : ياااه وش هالنونو الكشخه !
لفّ هذال لها ونطق : أنا رجال وش نونو !
ضحكت تمشي له ونطقت : رجال ولا عرفت شلون تربط جزمتك ؟
هذال عضّ سبابته ونطق : تسوينها لي بس ماتقولين لأحد
اسرار هزت راسها بالايجاب وباست خده ، ابتسم وقال : أول مره أشوفك مين أنتي ؟
اسرار : أنا اسرار
هذال هز راسه وقال : اهاه العروس ؟
ضحكت بصدمة وقالت : بالضبط !
ضبطت جزمته وقالت : عادي أعرف أسمك
هذال : هذال
ضحكت له وقالت : مين أبوك ؟
هذال : أحب عمي سعود وانفال أسميها أختي وهو بعد أسميه أبوي بس أبوي صدق اسمه الهذال
توسعت عيونها بصدمة وقالت : أسمك هذال بن الهذال ؟
هز راسه بنعم وقال : أخو صارم ووجودي
ابتسمت له وقالت : عاشت الأسامي والله يخليك لهم
ابتسم لها وقال : ويخليك لسطّام
ضحكت ومشى للرجال ، وقفت بصدمة وقالت : حاسوني يكثرهم ماشاءالله !!
مشت ترجع وطلعت جوالها وأرسلت لأيار انها بتجي الليلة ، قفلت جوالها ومشت تدخل ..
~ المستشفى ~
جالسة على الكرسي وهو نايم بالسرير قدامها ، أخذوا منه تحاليل ولهم وقت طويل مارجعوا بالنتايج ، كانت جالسة على أعصابها وتنتظر رد ، طلعت جوالها ورفعت عيونها من فتح عيونه بتعب ونطق : أبي مويه
قامت توقف ومشت تصُب له ، مشت له بالكاس ورفعت ظهره بالسرير وقربت منه ، سحب الكاس منها ونطق : ماودي أتعبك
عضّت شفايفها السُفلية لثواني ونطقت : مطلق ألا أنت خذ من راحتي وطمأنينتي وسعادتي وعافيتي ولا بشكيك !
عضّ شفايفه ونطق : أشهد بالله إنه قام حظي فيك جعلني فدا لك يابعد نفسي
بكت علطول ورفعت نفسها لسريره ، حاوط خصرها وشّدها عليه ، استنشق ربيعها وأستشعر دفئها وحنيّتها ، غمض عيونه ورجع يفتح من دخلت الدكتورة ونطقت : معليش
عِقد ابتسمت تجلس ونطقت : لا تعالي
مشت الدكتورة ونطقت : مجرد حمى خفيفة والتهاب بالأحبال الصوتيه تدخن ؟
مطلق بلل شفايفه وضحك من جاوبت عِقد وقالت : ايوه يشوفو زوجتو مايقدر يتركو !
ضحك ينغز جنبها ، فزّت توقف ونطقت : بزر
الدكتورة ابتسمت وقالت : بسيطة حاول تبعد عنه
مطلق : قالت لك ماقدر
الدكتورة : أقلها فتره لأجل تطيب
عِقد : عندي ماتشيلي هم
الدكتورة : كتبت لك خروج بالسلامة
مشت تطلع ولفّت عِقد له ونطقت : يلا ياشطور دحين أنت تحت رعاية الله ثمً جبروتي
ضحك بسخرية وقال : وش بتسوين يالغنوج ؟ آخر شيء اهفك وتطيرين
عِقد : ماتقوى جايبة آخرتك ولا ؟
غمزت له وضحك يقوم ونطق : تعافيت خلاص
ضحكت علطول ومسحت دموعها وخشمها ، لبست عبايتها وشالت أغراضهم ونطقت : وين ؟
مطلق : للبيت بنخمد ولحد يصحيني
عِقد : تمام مشينا
مسكت كفه وشّد على كفها يسحبه لمنطوقه ، قبّله بكل حب ونطق : آخ منك يامماتي وأطهر ذنوبي وعذابي آخ ما أجملك وأنعمك وما أحلاك آخ ما أملّك !
ابتسمت تسند راسها على صدره ، مشى فيها وطلعوا ونطقت : حسوق أنا
مطلق ابتسم وقال : ما أقولك لا
ركبت وشغلت السيارة ونطقت : سيارة مين صح ؟
مطلق : سيارتي من الشركة
ابتسمت بوسع ثغرها ونطقت : حيل دمار
ضحك من نطقها للهجة استنكرها هو وتقدم يتمسك بكفها ، شغلت السيارة وحركت من قدام المستشفى للبيت ..
~ بيت سطّام ~
أنتهى العشاء والكل توجهوا للمجالس لأجل يكملون سوالف وقهوة وشاهي وقدوع ، مشى يدخل للمرسم وهو مستعجل ، افكاره براسه لكن ملخبطه وبالحيل ، سحب قلم رصاص وبدأ يخبط باللوح ويشخبط سكتش هو مافهمه ، يحاول يتذكر تفاصيلها بهالليلة ، انتهى من رسم الأساسيات وبطريقة مبعثرة جدًا ، اخذ نفس ونطق : بكملها وبسهر عليها
طلع من المرسم ووقف من شافها ماسكه عبايتها ، ابتسمت وقالت : لأنكم أهل قالوا لي بيطولون وأخواني برا
سطّام : مو منجدك !
اسرار ابتسمت وقالت : كثر خيري خلصت العشاء والقهوة وكل شيء حتى جددت القهاوي كلها وطلعت باقي الحلى اللي سويته لبعد العشاء وش بقى ؟
سطّام مسك ظهرها يقربها له ونطق : ماقصرتي والله يكثر خيرك بس صاحية تروحين ومعازيمك لسى موجودين ؟؟
اسرار ضحكت بسخرية وقالت : أشوفك تاركهم وهارب لمرسمك ؟
نزلت عيونه للعقد اللي يشعشع نوره بنحرها ، انحنى لها وقرب وجهه من عنقها ، عضّ شفايفه ومشى وهي معه ودخلوا داخل المرسم ، سكر الباب وراه بالمفتاح ومشى يجلس على الكرسي وسحبها لحضّنه ونطق : خليك
مسكت كتوفه ونطقت : بس هذي الليلة لا تخليها بخاطري
سطّام دفن وجهه بنحرها ، يستنشق عطرها ويتأمل جمال خُلقها وروعة العقد وانتماء الالماس لها ، رفعت راسه بكلتا يدينها ونطقت وهي متمسكة فيه : بِكر نهيّان
مسك خاصرتها بيدينه ونطق : لبيه ياوجه أشوفه وينسيني كل غرابيل أيامي وسمّي يابعد روح بِكر نهيّان وفرحة عُمره
شّدت على وجهه ونطقت : إن كان خاطري غالي اتركني أروح
سطّام كشر بملامحه ونطق : أرجوك والله خاطر..
قاطعته من وقفت ونطقت : أنا ماشيه
عضّ شفايفه من قاطعت كلامه ، كان وده يقولها إنه يحتاجها بهالليلة ، يحتاج يفضفض وتسمع له يحتاج يفرغ كل سلبيته وهو يدري فيها بتحتويه ، انخذل منها ومن تجاهلها له ، وقف ومسك عقدها ونطق وهو يفكه : ماتطلعين كذا
شّدت على قبضتها أثر توترها من قربه ونطقت : خلاص أبعد
توسعت عيونه من ردودها ونطق : بعدين يطاوعك قلبك تروحين وأنا لي ساعات اترجاك تجلسين !
اسرار زفرت بغضّب وقالت : يوه مابطول أنتبه للعقد وللبيت وبعدين معك طول عمري هم مشغولين بحياتهم وأول مره أشوفهم وأطلع معهم وأنت مو بزر يالرسام
مشت تطلع من عنده للحوش وفتحت الباب الرئيسي ، طلعت تركب مع أيار وأخوانها وأنهار ، شّد ع قبضته ومشى يطلع يشوفهم طالعين ، طاحت عينه عليها وهي تودعه وتنطق : شفت راحوا !
ضحكت بسخرية تسكر الشباك ومشت سيارة أيار ، ودع أهله ووعدهم بالجايات ونطق : لا تخالفونا يوم الخميس
ابتسم أبو عقيل ونطق : أبشر
طلعوا الكل وفضى البيت ، ولما تنقال كلمة الكل معناته الكل بشكل حرفي ، نهيّان وعياله رجعوا للجبيّل وسلطان وظبيه قرروا يسكنون بعيد جدًا عن بيت سطّام ، لكن مازالوا داخل حدود نجَد ، قفل صادق الأبواب ونطق سطّام : أنا طالع إذا رجعت ماما فك الباب لها
سحب شنطته واللوحة الخاصة فيها بهالليلة وطلع من البيت مايدري وين يروح ، لكن يدري إنه بيطول وجدًا ، يحتاج ينعزل مع نفسه ويفضفض للسواده ورماده وبياضه ، للوحاته وأقلامه وفراشيه ..
~ وادي حنيفة ~
جالسين وجينار يشوي لهم لحم ، ابتسمت وقالت : ايوه مُدعية
سنجار ابتسم وقال : معكم الملازم أول سنجار
رفعت عيونها وقالت : عسكري ؟ توقعت حتى لهجتك تختلف
أنهار : ايوه عبيط ترك الجامعة ودخل الأمنية
أيار ابتسم وقال : أنا مازلت أدرس هندسة بترول
أنهار : خريجة ثانوي وانقبلت السنة ذي بس أجلت عشان دحومي
اسرار : موفقين كلكم أنا أخذت بكالوريوس وانقبلت بالوظيفة وأنا داخله اثنين وعشرين واسطه من شخص كنت أعرفه
ابتسم جينار ونطق : ماشاءالله الاكس ؟
ضحكت بصدمة وقالت : أي اكس ؟ ولد عمي
ضحكت أنهار وقالت : وكيف تعرفتي على زوجك ؟
اسرار : أحب اللحظة هذي بقولكم
مشى جينار ينزل الأكل وصبوا لهم كولا باردة ، ابتسمت تأكل وتنطق : ماشاءالله لذيييييذ !
جينار : بالعافية ي أمي
ابتسمت تحسّ بالدفء لكنها مستوجعه ، هي دهست خاطره وطلعت بدون ماتتكلم وتبرر أكثر ، ماتدري هو وين لكن بترجع وبتلاقيه فالبيت وبتكلمه وتقوله إنها تكلمت عن لقائهم الأول بكل شغف وحُب ، ابتسمت وقالت : تعطلت سيارته وأنا رايحه لمقابلة الوظيفه حقتي ووقفت أساعده ومن بعدها صرت أشوفه بكثره لحّد ماجاء اليوم اللي قالوا لي بتزوج فيه وكنت وقتها بحالة سيئة جدًا سواء نفسيًا أو عقليًا وبدنيًا ، فكرت إني إذا تزوجت بتخلص من الكابوس ذا ووقعت ولمن شفت أسمه انصدمت وطلع نفس الشخص وتزوجته وفعليًا سحبني الرسام من كوابيسي ونساني بعضها لكن الآلام مازالت موجودة ومستحيل أنساها
أنهار مسحت دموعها ونطقت : واو فلم رومانسي حزين !
اسرار ابتسمت وقالت : بس ماقدر أقول أن الأمور بيني وبينه ماشيه بشكل سلس
أيار : أهم حاجه مايزعلك ؟
اسرار : أنا المقصودة بهالكلمة
سنجار ميّل راسه ونطق : مافهمت أنتي تزعلينه ؟
اسرار هزت راسها بالايجاب وقالت : أنا أوجع وأزعل كل شخص يفكر يقرب مني
ابتسمت أنهار ونطقت : لا تقولي كدا !
جينار : ومادام يحبك صدقيني فاهمك
اسرار : خايفه أطول وينام وهو ضايق
أيار ابتسم وقال : لا معليك مابنطول
سكنت لثواني ومسكت عنقها ، تتذكر كيف نزع العقد منها وتركه بيده ، كانت تتذكر لوحة جديدة بالمنتصف لكنها ماتتذكر تفاصيلها ، شّدت على قبضتها من حسّت بألم ببطنها ، قامت تركض وفزّت أنهار معها ونطقت : اجلسوا أنا أشوفها
مشت لأسرار اللي وقفت خلف السيارة ، مسكت كتفها ونطقت : أنتي بخير ؟
اسرار ابتسمت بتعب ووقفت تنطق : مدري وشفيني
أنهار مسكتها ونطقت : أشبك ؟
اسرار : بطني يوجعني
أنهار لمست بطنها ونطقت : بطنك ولا أرحامك ؟
اسرار : مدري
أنهار مررت يدها على بطنها وهي تضغط لحّد ماوصلت عند الأرحام وشهقت اسرار بألم ، ابتسمت أنهار بصدمة ونطقت : حصير خاله !!!
توسعت عيونها بصدمة وقالت : وشدراك مسوية دكتوره على رأسي ؟؟
ضحكت أنهار وقالت : يقولك اسأل مجرب ولا تسأل طبيب أنا مجربه هالشعور والألم دا وآخر حاجه طلعت حامل بأسبوعين بعد !
سكنت لثواني من زادت نبضات قلبها ، مسكت أنهار ذراعها ونطقت : متى صار بينكم ؟
اسرار : مضيعه يابنت ماكملت أربع أيام حتى !
أنهار : اوكيه يمكن دورتك يابنت ؟
اسرار مسكت بطنها من حسّت بألم تعرفه كويس ، هزت راسها بالايجاب وقالت : ودوني البيت !
أنهار : الان
مشت تكلم أخوانها وتفهموا ، شالوا أغراضهم ورجعوا لبيت سطّام ، نزلت من وصلوا ونطقت : لا ارتاحي أنهار أنا بخير
أنهار : أنتبهي لنفسك
هزت راسها ومشت ، ضربت الباب وفتح صادق لها ، دخلت تشوف الظلام بأرجاء المكان ، عضّت شفايفها ونطقت : وين سيارته ؟
ألتفتت من نطق صادق وقال : بابا سطّام روح بعيد
توسعت عيونها بصدمة وقالت : وين ؟؟
صادق : أنا مافي معلوم ماما
عضّت شفايفها ومشت تدخل ، وصلت لغرفتهم ودخلتهت وقفلت الباب وراها ، مشت للحمام وانتهت وطلعت ، مسحت دموعها ونطقت : مافيه شيء ! ليه توهمت اصلاً ومافكرت بموعد دورتي !!
خسرت آخر أمل تملكه ، أتضح أنها ماهي حامل وسطّام مختفي وماتدري وينه ، جلست على السرير وشهقت من شدة الألم ، عضّت المفرش ونطقت : يارب !
رفعت جوالها واتصلت عليه مرارًا وتكرارًا ، لكن دون جدوى كان جّل ماتسمعه ' عزيزي المتصل .. ' ، كانت تبكي من شدة ألمها ونامت بعد وقت طويل من الصراع النفسي والجسدي والأرهاق وكمية التعب اللي حسّت فيها ..
~ بيت الجبل ~
يرسم بالظلام الحالك تفاصيل هلاكه ، ضحك بسخرية ونطق : ياكثر مارسمتها وياكثر ماغلطت وأوهمت نفسي بتفاصيل ماهي فالوجود اصلاً !
رفع عيونه للقمر الأحدب في منتصف السماء ، تبقى أسبوع فقط على زواجهم وهو مابعد تأكد من شعورها له ، تاره تحب وتاره تكون أبعد من النجم عنه ، عضّ شفايفه ووقف يرسم تفاصيل عقدها بالليلة الماضية ، وبحكم دخول يوم جديد صاروا سبت وبقى خمس ليالي لليلة العُمر ، مايدري وش قاعد يسوي ولا يدري وشلون بيرجع وبيتجاهل كل شيء أذاه منها ، ضرب اللوحة بكل قوته وطاحت على الأرض ، زفر بغضّب ونطق : ‏تحسب إني سالي مثلها وأنا في هواها الله حسيبها مبتلى !
رمى نفسه على الكنبه يتأمل هدوء المكان وأصوات الرياح وضوء القمر الواضح بسبب الظلمة الشديدة ، غمض عيونه وسرعان مابدأ يهوجس ، للحظات أسترجع هواجيسه بأمه وغادرت اسرار محطة عقله تمامًا ، عضّ شفايفه من قطرت دموعه المالحه ونطق بهمس : ليتك كنتي بجنبي ! أمي اللي عطيتها كل شعوري ماتبادلني ربع الشعور ! أمي اللي رميت نفسي لأجلها تتجاهلني وتعاملني مثل كل شخص تقابله ، أمي أنا عطيتها الثقة والأمان وهي بالمقابل عطتني الأوجاع والخذلان ! أمي ماعاد أقدر اخاطبها بشكل طبيعي خوفي أنفجر عندها وأنهار وماتقوى تجمع شتاتي وتضمد جراحي وتروي شراييني من الظمأ ! عجزت ألاقي أوفى منك ياوفاء القلب ، يمكن غلطت ؟ يمكن ماهي اللي قصدتيها ويمكن بعد كل الشعور والمحبة يكون حلم وأفيق منه ؟ يمكن ما تأخرت على الهروب والتخلي والفراق ! يمكن خيرة لها وخيرة لي نبعد يمكن ما انكتبنا لبعض من البداية ؟؟ يمكن كان وهم !
شّد على جَلد الكنبه من حسّ بكتمه شديدة ، ازداد الجو حرارة فجأة ، يحسّ بشيء يسيل من يده لكنه ماهو قادر يحرك نفسه ، هو قطع يده بالكاس الزجاجي اللي كان مثبت فيه الفراشي على اللوحة ، من ضربها أصاب رسغه وتفجرت شرايينه وأنتشرت دمائه ، كان يحسّ بثقل ماهو طبيعي ، ابتسم من بدأ يحسّ بخفة روحه ونطق : عسانا من بعد بطى ياوفاء القلب نلتقي ؟ فأنا والله تعبت واستنزفت روحي لأجل يوصلها ربع شعور ، جاء وقت استسلم
غمض عيونه وسرعان مادخل بصدمة أثر أنخفاض بضغط الدم عنده وبقى على حاله يبعد عن العالم مئات الأميال وجواله مغلق ، يمكن كان لكل شيء سبب وكان مجيئه وانعزاله أحد الأسباب ، يمكن راحته فعلًا هنا على الاريكة ودماءه وصلت لنهاية الغرفة ..
~ قصر نهيّان ، فالجبيّل ~
طلع من الحمام وهو يجفف شعره ، عضّت شفايفها تضبط لبسها ونطقت : يالمغرور
ابتسم هذام ونطق : سمّي ؟
شهد : بتنام صح ؟
هذام هز راسه بالايجاب وقال : وراي دوام بس أمريني
شهد زفرت بتوتر ونطقت : فيه فلم فجأة أشتهيت أتابعه وخايفه أزعجك
هذام ابتسم وقال : وش طيب ؟
شهد ابتسمت بخفه وقالت : the polar express
ضحك هذام ونطق : ياطفلة مين يتابعه هذا ؟؟
شهد رفعت حاجبها وقالت : عن الغلط !
ابتسم ونطق : عاجبك المنظر ؟
شهقت تعطيه ظهرها ، ابتسم يلبس شورت وتيشيرت وتعطر  ومشى يجلس بجانبها ، ألتفتت له وقالت : نعيمًا
هذام ابتسم يقبّل خدها ونطق : الله ينعم عليك يالعسل
شهد ضحكت بخجل ونطقت : نتابعه ؟
هذام : أكيد
ضحكت بفرحة وفرط حماس ونطقت : يعيش ! ماهو أول مره أتابعه بس هذام والله شعوره بكل مره غير !!
هذام ابتسم وقال : مثل شعوري لك ولهفتي لشوفتك بكل مره وكيف أحس بشعور مختلف كليًا عن المرات السابقة
ضحكت بصدمة وقالت : واو ! كيف أرجع طبيعية ؟ غازلتني بفلمي المفضل مستحيل أرجع نفس قبل !!
ضحك ينسدح على فخذها ونطق : بنام وأنتي تابعي
هزت راسها وعضّت شفايفها بحرج من سكن حُضنها ، فتحت اللابتوب وبدأت تتابع بهدوء وهو نايم بحضّنها ..
~ بيت جديد ، بيت سلطان ~
رفعت شعرها ورا اذنها وسحبت الكرتون تفرغه ، تركت اختيار الأثاث على سلطان بينما مسكت هي كماليات البيت والاكسسوارات ، طلع من مجلس الحريم ونطق : كبير وحلو ومرتب ! والله صيده
توسعت عيونها وسكنت بمكانها ، ماتدري وش مقصده بكلامه وظلت على حالها معطيته ظهرها وجالسة القرفصاء بمُنتصف البيت ، مشى لها ونطق : أخت مطلق
رفعت عيونها له بصدمة ، وقف يطالع بنظراتها ونطق : فيك شيء ؟
هزت راسها بنفي ونزلت راسها ونطقت بخجل واضح : وش تقصد قبل ؟
سلطان جلس يفك الكراتين معها ونطق : وش ؟
ظبيه : حلو وصيده ومدري وش ؟
سلطان ضحك وقال : البيت
زفرت بتوتر ونطقت بحدة داخل انفاسها : الله يقلع راسك ياظبيه !!
سلطان قرب وحسّ بقفى كفه جبينها ونطق : فيك حمى ؟
رفعت عيونها له وقالت : لا ليه ؟
سلطان : وجهك أحمر !!
ابتسمت بفشلة وقالت : ايه الجو حار
سلطان رفع عيونه للتكييف ونطق : غريب المكيف بارد !
وقفت تغيير الموضوع ونطقت : تعبت ننام ؟
سلطان وقف يمشي معها ، مسك يدها ومشى معها ، غمض عيونها بيده وضحكت تنطق : سلطان !!
سلطان نطق خلف أذنها : لبى ؟
عضّت شفايفها ومشوا يدخلون الغرفة ، ترك عيونها ووقفت تشوف غرفة ماحلمت فيها ابدًا ، كمية تفاصيل كثيرة تخُصهم جمع بين ميولهم أثنينهم ونسق غرفة خيالية ، ضحكت تشوف لوحة ونطقت : سطّام ؟
سلطان ابتسم وقال : أكيد مابدفع وأخوي رسام
مشت تدخل للداخل وشهقت من فزّ الظبي الصغير ' غزال ' ونطقت : بسم الله !!
ضحك سلطان يثبتها ونطق : يدلوعه تخافينك ؟
يقصد أنها هي الظبي ، عضّت شفايفها لثواني ونطقت : يعمري ياحجمها ما أصغره !
ضحك سلطان وقال : لك سميها الظبي
رفعت عيونها له وقالت : خايفه تسرقك مني
سلطان توسعت عيونه ونطق : تجهزي تتعشين لحم غزال
ضحكت بصوت عالي وطاحت بحضّنه ، ابتسم يتأمل ضحكتها ونطق : أعقب !
غطت وجهها بيدينها وهي تضحك ، عضّ شفايفه يبعد يدينها وتعلقت عيونها بعيونه ونطق : أبوسك لا صارت ضحكاتك مني !
ضحكت بخفه وقالت : أحبك والله
توسعت عيونه وقال : وشو ؟
سكنت تشوف نظراته وهي بحضّنه ، وقفت تجلس ونطقت : وش ؟
سلطان : حلفتك بالله عيدي اللي قلتيه !!
ضحكت بخجل وقالت : أحبك
سلطان رفعها بين يدينه ونطق : قالت أحبك ياعالم من قدي ؟
حاوطت رقبته وهي تضحك ، بعد فرحة عظيمة ارتخى سلطان على السرير وطاحوا عليه ، ابتسمت من قرب لها ، مسكت فكه وعوارضه ، مليانين شعور لبعضهم ، ضحكت بهدوء ونطقت : حبّني للمشيب ولا لا تحّب !
حاوط خصرها ونطق : أحبك اليوم وبكره وبعدها بمية عام !
ابتسمت تعضّ طرف أذنه وتنطق : مية قليل يالسلطان
سلطان ابتسم وقال : ‏أحبك فجر اليوم و صبح السنّين الباقيه أحبك من هنا حتّى طلوع الفجر حتى النور صحيح إنك قدر محتوم بس عيونك يالظبي أجمل مقاديري ، أحبك كثر ما تطرين فبالي وتشغلين تفكيري كثر ما أشيلك بعيني وناسٍ منها طاحت !
عضّت شفايفها وأخرجت حروفها ونطقت : أحبك كثر ما عشت سنين عجّاف وأحبك كثر ما عافت عيوني وجود الناس في حضورك أحبك وأحبك ألف ومية مره وعساني عن حُبك ما أتوب أحبك وخل الحسود يصب غلّه و يشبع به ، أحبك ياعوض السنين الموحشه ويانور ليالي مقبلة بعد سواد دام عُمر أحبك وأحبك كثير وكثير ياسلطان
طبع قُبلته على ثغرها ذو الكلام المعسول ، تعبوا بالتعبير عن كلمة انتظروها من بعض لوقت طويل ، واستنزفت طاقتهم بهالليلة الهادئة ، بعيد عن صخب الشوارع وإزعاج الهواتف ، وصَلها سلطان وأصبحت حَرم له قول وفعل ، قبّل جبينها وغطاها بفراشه وناموا على مطَلع الفجر ..
~ بيت سطّام ~
قامت منزعجة من الألم الفظيع اللي تحسّ فيه ، مشت للحمام وأخذت دش دافي وطلعت ، لبست بجامة دافية مصنوعة من القطن ، أستوعبت على نفسها وألتفتت تشوف السرير فاضي وهذا يعني إنه مارجع ، عضّت شفايفها لثواني ونطقت : بِكر نهيّان وينك ؟
سحبت جوالها وأتصلت فيه لكن بدون أي إجابة ، قفلت جوالها ومشت تطلع من غرفتهم ، وصلت للطابق السفلي وابتسمت تشوف خيرية مجهزه الفطور ، تقدمت تمسك كتفها وتنطق : بابا سطّام ماجاء ؟
رفعت حاجبها بذهول ونطقت : شنو ؟ ليش هوا وين ؟
ابتسمت تربت على كتفها وتنطق : الله العالم
جلست وفتحت اللابتوب ، عندها جلسة بعد شوي وضروري تحضر ، زفرت بتعب ونطقت : يعني فوق النفس الشينة والقضية اللي بعد شوي مختفي ومقفل جواله ؟ الله يستر
مشت خيرية ونطقت : ماما وصل فستان حق أنتي
رفعت عيونها لخيرية وهي تقضم التوست ، هزت راسها ونطقت : وين ؟
خيرية : مرسم بابا سطّام
شافت التاريخ باللابتوب حقها ونطقت : باقي ثلاث ليالي وينك يالرسام ؟
مشت تلبس عباية رسمية ومرتبة فوق بجامتها أثر كسلها ، ضحكت تلبس سبورت ونطقت : محد بيشوف الله أكبر
طلعت من البيت وركبت مع صادق يوصلها للمحكمة ..
~ الجبيّل ~
طلع من المحكمة ومعه سلمان ، مشت له وهي تبكي ونطقت : كيف طلقتني ؟؟ كيف طاوعك..
قاطعها صراخ سلمان عليها ونطق : لا تخليني أطلع حرة سنين ضاع أخوي فيها وسنين تغيير أبوي علينا فيها أمسكي مابقى من كرامتك واذلفي من وجهي !!
عضّت شفايفها وبكت بدون صوت ، مسكها أخوها ومشوا يطلعون ، ركبوا مع عبدالصبور ونطق : وين روح ؟
سلمان لفّ لأبوه ونطق نهيّان : الشركة أبي أخلص شغلي عشان أفضى بزواج سطّام
سلمان : ماهو كثير اصلاً
نهيّان : ولو نخلص الا دقيت عليه ؟
سلمان : يستحسن ماندق لنا أكثر من أسبوعين ناشبين له خله يقضي وقته مع حَرمه ويجهزون لليلة عُمرهم
نهيّان هز راسه بالايجاب وابتسم ينطق : صادق
ألتفت عبدالصبور ونطق : ايوه ؟
ضحك سلمان ونطق : عبدالصبور انلحس مخك ؟
عبدالصبور ضحك ونطق : صادق سيم عبدالصبور
نهيّان ضحك بخفه وألتفت يشوف الشارع وزحمة السيارات وهم في طريقهم للشركة ..
~ بيت الجبل ~
كان الكلب ينبح بشكل مفجع أثر ريحة الدم المنتشرة بالمكان ، مشى أبو نجيب وأطلق على قفل الباب بالبندقية حقته ، كسر الباب وأنطلق جهاز الإنذار ، مشى يسكره لأنه صديق قديم لسطّام ووقف يشوف الدم جايه من الصالة نطق بصدمة : ياسطّام !!
دخل للداخل وشافه طايح على الكنبه ومصفّر لونه ، ويده مقطوعة من الرسغ ، مشى يركض له ورفعه ، ماصحى سطّام وعضّ أبو نجيب شفايفه ونطق : تمسك فيني وأنا عمك
ثبت سطّام على ظهره المنحني أثر كِبر السن ومشى فيه للخارج ، ثبته عند سيارته ونطق : جماح أركب وأنا أبوك
ركض الكلب الخاص فيه فالصندقه ومشى أبو نجيب يركب ، أنطلق من الجبال للمستشفى ، فاقد الأمل بنجاة سطّام اللي حتى النبض ماكان ينسمع منه ، زفر بضيق وقال : بدري تتبع خطى أمك يا بِكر نهيّان
ماكان وده يتصل على أحد ويربكه خصوص إنه يدري بوجود أهل سطّام في شرق السعودية ، بيتأكد بنفسه وبعده بينقل العلم لهم ، مايدري عن زواج سطّام ولا يدري عن الأنثى اللي تسكن ببيته وميته قلق عليه ، كان الطريق طويل وهالشيء أبدًا مايساعد أبو نجيب ولا يساعد سطّام ، طلع للشارع واخيرًا ومشى للمستشفى وتفكيره بسطّام يسابق طبلون سيارته ، دعواته له وخوفه عليه ماوده يخسره أبدًا ..
~ بيت مطلق ~
نزل يشوفها جالسه فالصالة وتكلم ، تقدم ينسدح على فخذها ، ابتسمت له وخلخلت أصابعها بشعره ، هزت راسها لأسرار اللي تتكلم معها بعد ماطلعت من المحكمة ونطقت : وأبدًا ماوصلني رد منه وخايفه مدري وينه ؟
عِقد : طيب اش آخر حاجه حصلت بينكم ؟
اسرار : بعد العشاء والعزيمة قلت له بطلع مع أخواني ورفض وتعرفيني
عِقد ابتسمت وقالت : عنّدتي ؟
هزت اسرار راسها بنعم تدعّي إن عِقد تشوفها ونطقت : ايه
عِقد : تحصليه زِعل منك وحيرجع أكيد
اسرار : تقولينه ؟
عِقد : ايوه حجي اليوم نشيك على فستانك
اسرار ابتسمت وقالت : تمام أشوفك أجل
عِقد ابتسمت وقالت : تمام زيتونه باي
قفلت الجوال ونزلت عيونها لمطلق اللي نايم بحضّنها ، ابتسمت وقالت : شكلك نمت متأخر ؟
مطلق فتح عيونه بتعب ونطق : من تكلمين ؟
عِقد : ماسمعت وأنا أقول زيتونه ؟
مطلق : وشفيها ؟
عِقد ابتسمت من قام مطلق يجلس قبّالها ، تقدمت تبوس خده وتنطق : سطّام هرب من البيت وللوقت دا مارِجع
مطلق : دقت عليه ؟
عِقد هزت راسها بنعم وقالت : ومايرد
مطلق سحب جواله وأتصل عليه ، جلس ثواني وتقفل ورجع يتصل فيه ، هو من وقت ماراح للمستشفى ماكلم سطّام ولا رد على مكالماته ، وصله صوت مايعرفه ونطق : الو ؟
أبو نجيب : هلا ؟
مطلق : وين سطّام ؟
أبو نجيب عضّ شفايفه ونطق : موجود
مطلق : عطني أكلمه
أبو نجيب : ماقدر
مطلق رفع حاجبة وقال : وشلون ماتقدر ؟؟
أبو نجيب : صار له حادث صغير وهو فالبيت وللحين ماصحى
مطلق توسعت عيونه وقال : وش صار فيه ؟؟
قامت عِقد توقف برعب وقالت : بسم الله اش صار ؟؟!
مطلق لفّ لها يسكتها ومشى بعيد عنها ، نطق أبو نجيب وقال : كان فيه زجاج بالأرض طايح ويده مصابة
مطلق توسعت عيونه وقال : معقولة متعمد ؟
أبو نجيب : والله مدري أنت من ؟
مطلق : أخوه
أبو نجيب ابتسم وقال : ونعم الصاحب والأخ يامطلق
أختار هالرد لأنه يدري ماعند سطّام أخو أسمه مطلق ، ابتسم مطلق وقال : ماعليك زود دلني وينك أنا جاي
أبو نجيب هز راسه ونطق : أنا في مستشفى ᥊ ᥊ ᥊ ᥊ ..
مطلق : عرفته جايك ياعم
قفل جواله ومشت عِقد له وقالت : حكني اش صار ؟
مطلق : مدري والله ظني إنه أنفرد بعمره وحاول ينتحر
عِقد طار قلبها بصدمة وقالت : بسم الله يارب مستحيل يسوي شيء كدا !!
مطلق : أتمنى ، بروح له لا تحسسين بنت محمد بشيء
عِقد هزت راسها بالايجاب وقالت : أبشر
مطلق تقدم يقبّل ثغرها ونطق : أنا ماشي أنتبهي لك
ابتسمت وقالت : وأنت كمان
هز راسه وسحب شماغه ومشى يطلع ، مشت تلبس عبايتها ونطقت : لحظة حبيبي حجي معاك
وقف ينتظرها بالحوش ومشت تطلع معه ، ركبوا ونطقت : وصلني لبيت اسرار
مطلق ابتسم وقال : على خشمي
ابتسمت له وقالت : عليه الشحم
مطلق سحب كفها يعضّه ونطق : يجعلني قبلها ياعرب
شهقت تضحك وقالت : ياغبي !
وقف عند باب بيت سطّام ونطق : أنتبهي لنفسك
هزت راسها بالايجاب وقالت : طمني عنك وعن زوج زيتونه
هز راسه ومشت تنزل ووقف ينتظرها لحّد مادخلت ومشى للمكان المنشود ، المستشفى اللي يبعد كُل البعد عن موقع مطلق ..
~ قصر نهيّان ، الجبيّل ~
جالسة وتقهوي عمها فالصالة ، نزلت شهد وقالت : فيه أحد
نهيّان ابتسم وقال : لا يبنتي تعالي
مشت تركض وجلست على الكنبه ونطقت : أبوي بطلبك شيء
نهيّان أشر على عينه اليمين ونطق : اليمنى قبل اليسرى لبيه ؟
ابتسمت بوسع ثغرها ونطقت : نبي نجهز رحلة للملاهي أو السينما بس يكونون ظبيه وسلطان واسرار وسطّام موجودين
نهيّان : تم تخلونه قبل الزواج بيوم ؟
شهد هزت راسها وقالت : حلو والله
انفال ضحكت بخفه وقالت : اتفق نهيص ونلعب قبل الزفاف
شهد ضحكت وقالت : بالزبط !
نهيّان : خلاص خططوا وكلموا العيال وأنا مني تم
شهد ضحكت تضّمه ونطقت : الله لايحرمنا منك
انفال ابتسمت ابتسامة عريضة وقالت : امييين
شهد ابتسمت من حاوطها نهيّان بحُب ونطق : بيت مافيه بنات مافيه حياة ياجعل حسّكم عن مسمعي ماينقطع
ابتسمت بوسع ثغرها تبوس كتفه وتنطق : امين
انفال صّبت قهوة لها وقالت : تقهوي هذام بيجي قريب
ابتسمت وقالت : أدري قال لي
ضحكت انفال وقالت : عشنا ياهذام
شهد ضحكت وقالت : وين سلمان ورواف ؟
انفال : مأخذين قيلوله أب وولده
شهد هزت راسها ورفعت عيونها لهذام من دخل ، مسح وجهه ونطق : سلام عليكم
نهيّان : عليك السلام كيف يومك ؟
هذام : ميت تعب كان عندنا تنظيم اليوم وحرفيًا أنهلكت
مشى ووصل لأبوه وسلم عليه ، ألتفت يشوف شهد تناظره وهي تشرب قهوة ، ابتسم يأشر بعيونه لها بمعنى ' أطلعي ' ، ضحكت تتجاهله ، انفال رفعت عيونها له وقالت : مانمت ؟
هذام : ماجاني نوم أمس تعرفين فرط حماس للتنظيم
نهيّان : تنظيم إسطبل بن حداد ؟
هذام ابتسم وقال : ايه هو
نهيّان ابتسم وقال : بسم الله عليك تبارك الرحمن بعدي يولدي
هذام مسك ذراعها وقال : بنام لحّد يصحيني
قامت بصدمة ونزلت فنجالها ومشت معه ، وصلوا للدرج ونطق بهمس : أمشي عشان ما أحوسك أنتي وفلمك
ضحكت وقالت : شدعوة ما أزعجتك
هذام : شهد أمشي
شابكت يدها بيده وقالت : عندي فلم هندي يجنن
هذام مسك راسه وقال : بعد هندي ؟ فكينا
ضحكت بصوت عالي ومشى معها يدخل غرفته ..
~ بيت سطّام ~
لقت الباب الرئيسي مفتوح ومشت للمرسم ، وصلت وشافتها طايحه قدام فستانها وتبكي ، تبكي بحسرة تحسّ إنه ماهو بخير وتحسّ إنه راح ومعاد بيلقى لطريقها رجعة ، شهقت تمشي وقالت : بسم الرحمن عليكي زيتونه قومي !
لفّت تحضّن عِقد وبكت وانهارت ، مسحت دموعها بعد مدة وقالت : راح صح ؟
توسعت عيون عِقد بصدمة وقالت : مين هوا ؟
عضّت شفايفها تمنع شهقاتها ونطقت بنبرة مكسورة وحزينة : سطّام راح وتركني !
عِقد كانت واقفه ومذهولة شلون صاحبتها قدرت تحسّ ، تحسّ بإنه ماهو بخير أبدًا وهالشعور ماجاء الا من بعد اهتمام وحُب عظيم نسجته داخلها لكنها حرمت غيرها يشوفه ويلمحه ، ميّلت شفايفها وبكت وقالت : عِقد لا تسكتين فيه شيء ؟
عِقد عضّت شفايفها وقالت : بسم الله ما أعرف بس لاتقولي كدا أكيد هوا تمام بس زعول ويحتاج وقتو
هزت راسها بالنفي مرارًا وتكرارًا وقالت : أحلف لك إنه ماهو تمام
ضربت على صدرها وقالت : لو هو بخير ليه أحس بلهايب تحرق جوفي ؟؟ ليه مايطلع من رأسي وليه خرج بدون مايعطيني خبر ؟ والله فيه شيء تكفين دودي ماقدر أتنفس قلبي يعورني !
عبّست عِقد بملامحها وقالت : تعالي أكيد بيتصل على مطلق ويرجعو سوا
مسحت عِقد دموع اسرار بكُمها ونطقت : ودحين ياعروس قلبي خلينا نقرر تبي الفستان دا ولا نكنسلو ؟
اسرار هزت راسها ومشت تطلع من المرسم ، هي أحترقت زيادة لمن دخلت وشمّت ريحته وتخيلت طيفه بالمكان ، بكت علطول ومشت تميّل على الكنبه ، هي لمحت الكرسي اللي حصل فيه أول شعور لهم وأول حضن وقُبل ، عضّت شفايفها وهي تبكي ، تحسّ بالحرارة تنتشر بجسدها كامل أثر تعبها وتقلبات هرموناتها وبالأخص إنها جالسه تبكي حاليًا ، مشت عِقد وسحبتها تجلس بجانبها ، ابتسمت تسحب اللحاف وتغطيها وشغلت التلفزيون لأجل تضيع فكر اسرار وتغيير صفوها والمود حقها بالكامل ، ماجلست دقايق الا ونامت بحضّن عِقد يُخيل لها سطّام والنومة بمكتبه بهذيك الليلة ، وهذا اللي ساعدها تنام لأنها تتذكره وتحسّ بالأمان وتنام علطول ، زفرت عِقد بضيق وقالت بهمس : ان شاءالله يكون بخير لأنك تكوني بخير !
فتحت جوالها وأرسلت لمطلق يرد لها خبر ، قفلت الجوال وانسدحت تسحب اسرار لحضّنها ونطقت : يامعفنه وحشتني النومة معاكي
ضحكت بخفه وغمضت عيونها وبعد مدة طويلة من التفكير العميق قدرت تتبع اسرار وتنام ..
~ المستشفى ~
وقف مطلق فالمواقف ومشى يدخل الطوارئ ، تقدم للاستقبال ونطق : سطّام بِن نهيّان ؟
الممرض : دقيقة أشيك لك
نزل أنظاره للجهاز قدامه وبعد دقيقتين رجع يناظر بمطلق ونطق : ماوصلنا مريض بهالأسم
مطلق رفع حاجبة وقال : متأكد ؟
الممرض : ايه نعم
مطلق : يعطيك العافية
الممرض : ولو
مشى مطلق من عنده ورفع جواله ، اتصل على جوال سطّام لكنه كان مغلق ، عضّ شفايفه ونطق : وين رحت به يالشايب ؟
قفل الجوال ومشى يطلع ، كان واقف تحت الشموس ينتظر أي سيارة ممكن تكون حاملة سطّام معها ، سئم الانتظار بعد مدة طويلة ومشى يركب السيارة ويرجع أدراجه للرياض ..
~ بيت شعيب ~
نزل من السيارة ومشى لباب الراكب ، فتحه ونطق : تعال ياولدي تعال
تمسك بسطّام وطلع شعيب يساعدهم ، دخلوه للداخل ومشى شعيب بأدوية الخياطة ونطق : كويس جبته والله بيكسرون ظهرك بتكاليف العلاج 
أبو نجيب : طيب متى بتعالجه
شعيب مسك ذراع سطّام ونطق : بتترك ندبه بيده
أبو نجيب ابتسم ونطق : ماهو شيء يخجل منه
شعيب هز راسه وبدأ يخيط جرح سطّام ، أنتهى من الخياطة وسحب أكياس طلعها من الثلاجة هو طبيب وعنده خبرة كبيرة ويشتغل ببنك الدم وعرف زمرة دم سطّام ، حقنه بالأبرة ونطق : شويات ويصحصح
أبو نجيب : وراي شغل ولا جلست و انتظرت كلمني إذا صحصح
شعيب هز راسه بالإيجاب ومشى أبو نجيب يطلع من عنده ، قفل الباب وراه ومشى يكتب رسالة لسطّام وترك مفاتيح سيارته وبيته له ومشى لدوامه ..
~ بعد ساعات ~
صحى سطّام وهو يحسّ بكمية تعب وأرهاق ، مايتذكر شيء من اللي حصل ، رفع نفسه بصعوبة ومرر أنظاره للمكان اللي هو متواجد فيه ، عضّ شفايفه من حسّ بألم في ذراعه ونطق : أنا وين ؟
طاحت عينه على الرسالة الموجودة على الطاولة قدامه ، فك الأبرة من المغذي الفارغ ومشى للطاولة رفع الرسالة وقرأ محتواها : أهلا برجعتك والحمدلله على سلامتك ، إذا قريت رسالتي معناته إنك صحيت ، عمومًا أنا شعيب صديق لأبو نجيب وهذي مفاتيح السيارة والبيت قفله معك ودربك خضر ، بالمناسبة سطّام فيه أكل فالثلاجة إذا صحيت وأنت جيعان
مسك بطنه ونطق ببحة صوته : ايه بالله جوعان
مشى للمطبخ وفتح الثلاجة ، قطع له سلطة وتونه وأكل وخلص ، زفر بضيق مايدري كم مر من الوقت يحسّ أنه ناسي شيء ، فزّ من أستوعب زواجه وركض يشوف تقويم على مكتب شعيب ، أخذ نفس من شافه يوم الإثنين ولسى معه ثلاث ليالي ، طلع وسكر الباب وراه وترك المفتاح لشعيب تحت الزولية ، ركب السيارة ومشى راجع لبيت الجبل لأجل يأخذ أغراضه ..
~ بيت سطّام ~
تحركت من صوت جوال عِقد ، فتحت عيونها وشافته على الطاولة ، سحبته وفتحته تنطق : ايوه ؟
مطلق : بنت محمد ؟
اسرار عضّت شفايفها تحاول تصحصح ونطقت : اي
مطلق : وين بنت أيمن ؟
اسرار رفعت عيونها لعِقد اللي جايه من الحمام ، مدت الجوال لها وأخذته وقالت : ايوه مطلق ؟
مطلق ابتسم وقال : ياحيّ ذا الصوت
عِقد ابتسمت وقالت : ياحبيبي
مطلق : أنا برا أطلعي
عِقد هزت راسها ونطقت : جايه
أشرت لها اسرار بتفهم ومشت تبوس خدها وتنطق : حشوفك قريب أنتبهي لنفسك ياعروس
ابتسمت اسرار وقالت : أبشري
عِقد : تبشري بالجنة زيتونه
مشت تلبس عبايتها وتطلع من بيت سطّام لمطلق فالخارج ، وقفت اسرار ومشت لغرفتهم ، دخلت للحمام وغسلت وجهها وبدلت وغيرت ملابسها ، طلعت وهي رافعه شعرها بيدها ، مشت للتسريحة وأخذت ربطة وربطته ، عضّت شفايفها وبدأت تجهز دعوات زفافها وتطبعها وتقصقصها بنفسها ، جهزت أفخم الدعوات ، وضمّت أسم أمها وأسم نهيّان ، أنتهت من كل الدعوات وزفرت بتعب ، صفتها فوق بعض وقفلت الطابعة واللابتوب ، مشت وسحبت جوالها ونطقت : ناوي يشوفني بليلة الزواج ولا شلون ؟
اتصلت على نهيّان ووصلها صوته وهو يقول : أرحبي يابنتي
ابتسمت وقالت : سلمك ربي يا أبوي رحلتي بكره بجي بدون سطّام
عدل نهيّان جلسته ونطق : ليه عسى مابه خلاف ؟
اسرار : لا بس قالي مابيجي مشغول
نهيّان : أكلمه ؟
اسرار ابتسمت وقالت : مابيرد قلت لك مشغول بأشياء أهم مني ومن الزواج
نهيّان ابتسم وقال : الله يصلحه ، حياك الله يابنتي توو مانورت الجبيّل بقدومك وبلغيني بكره عشان استقبلك
اسرار هزت راسها تدّعي إنه يشوفها ونطقت : أبشر ودعتك ربي
نهيّان : في أمان الله
قفلت جوالها وارسلت لسطّام رسالة بتذكرتها وقفلت جوالها ، شافت الوقت تأخر وهي تعبت جدًا مع الدعوات ، انسدحت على السرير ونامت بدون ماتقفل النور ..
~ بيت الجبل ~
نزل من السيارة ومشى للبيت ، شاف الباب مفتوح والنور شغال مشى يدخل ، وشاف أبو نجيب يرتب الحوسة اللي حصلت ، ابتسم ونطق : عساك على القوة
ألتفت أبو نجيب ونطق : الحمدلله ع السلامة !
ضحك بصوت خفيف ومشى يسلم عليه ، أبتعد ونطق : وش الحال ياعم سعد ؟
أبو نجيب : والله نسلم عليك وفاقدين حسّك
سطّام ابتسم وقال : دامني قابلتك أنا عازمك على زواجي
توسعت عيون أبو نجيب ونطق : ماشاءالله ماشاءالله تزوجت !
سطّام أبتسم يجلس ونطق : الله الله
جلس أبو نجيب ونطق : فيه دعوات ؟
سطّام : طبعًا بس بكلمك أنا
أبو نجيب هز راسه ونطق : وش العاصفة اللي عصفت بك لهنا ؟
سطّام : قسم بالله ماني متذكر شيء
أبو نجيب : بتمشي ؟
سطّام هز راسه بنفي وقال : بريح يوم وبعدها بمشي
أبو نجيب ابتسم ونطق : نمسك خط سوا ؟
سطّام ابتسم وقال : عيوني لك بس فكني من جماح
ضحك بصوت عالي وضحك سطّام معه ونطق : قسم بالله ينرفز
أبو نجيب : تم أجل لا تنساني فالبيت اللي قبالك إذا مشيت مُر علي
سطّام : على خشمي
وقف أبو نجيب ونطق : عليه الشحم أجل أنا استأذنكم
سطّام : في حفظه
طلع أبو نجيب وتقدم سطّام يقفل الباب بالرمز السري ، رجع للصالة وشاف اللوحة على الطاولة ، تقدم يرفعها وشاف فستان وعقد يغطيها الدم من كل جهة ، ابتسم وقال : ها ي بِكر محمد نتلاقى بليلة البدر ؟
نزل اللوحة ومشى يشوف جواله بالشاحن ، تركه ومشى يطلع للطابق الثاني ، دخل غرفته ومشى للحمام ، أخذ دش طويل مليان أفكار وهواجيس بمختلف أنواعها ، طلع يلفّ منشفته على خاصرته ، مسك عدّة الحلاقه وبدأ يحلق ، ترك شنبه كثيف وقص أطرافه ورتبه ، خفف من دقنه بشكل كبير وحلق شعره من الجوانب وبقى كثيف من الأعلى ، ابتسم ورجع يغسل شعره ووجهه ، تعطر وخلص وطلع يلبس شورت موجود بالدولاب وتوجه للسرير ، يتأمل القمر بأعلى السماء ساطع بنوره وينتظر أكتماله بليلة العُمر ، ليلة الرسام والمُدعية ، غمض عيونه وسرعان مانام من شدة تعبه ..
~ قصر نهيّان ، الجبيّل ~
مشى مع سلمان وطلع من البيت ، متوجهين للمطار لأجل يستقبلون اسرار ، ركبوا مع عبدالصبور وأنطلقوا للشركة ، نزل سلمان ونطق : طمني عليك
نهيّان : تقلع بس
ضحك سلمان ومشى يدخل للشركة وكمل عبدالصبور للمطار ، وصل وشافها تطلع من بوابات المطار ، ابتسمت من لمحته مع شباك الرولز ، تقدمت له ونزل يضمّها ويسلم عليها ، ابتسمت تحاوطه ونطقت : لحظات يا أبوي عفشي
ابتسم نهيّان يشوف فستانها وشناطها ، عضّ شفايفه ونطق بهدوء نبرته : ياحيّ هالشوف حيّاه حيّ بنتي
ابتسمت وقالت : توتر والعريس مشغول
ضحك نهيّان وقال : أسحبه الكلب مع أذنه
اسرار حطت يدها على صدره ونطقت : لا تقصر يا أبوي
نهيّان ابتسم وقال : من عيني ذي قبل هذي
اسرار مشت للباب الثاني وركبت بجانب نهيّان ، قفل عبدالصبور الشنطة من ركب أغراضها ومشوا للبيت ، وصلوا ونزلت من السيارة ومشى نهيّان معها للداخل ، دخلوا وقاموا انفال وشهد لهم ، ابتسمت تشوف البنات ونطقت : وحشتوني
انفال تقدمت تسلم عليها ونطقت : والله أكثر
شهد ضحكت وقالت : أمي اسرار تعالي
ضحكت اسرار وقالت : يالبيه ياعسولتي
حاوطتها شهد ونطقت : عفش العرس ؟
اسرار ألتفتت تشوف أغراضها ونطقت : باقي تعديلات بسيطه على الفستان ويكون جاهز
انفال ابتسمت وقالت : عمي بتجلس ؟
نهيّان : ودي ماتفوتني قعدة مليانه بحسّ بنياتي بس مشغول والله مع العزمي والضيفان
هزت راسها انفال ومشى نهيّان يطلع من عندهم ، جلسوا كلهم ونطقت شهد : وين العريس ؟
اسرار : مدري
انفال ضحكت بصدمة وقالت : هاه ؟
اسرار ابتسمت وقالت : تعالوا نخلص التقديمات
شهد غمزت لأنفال ونطقت : اي تقديمات ؟
اسرار : العشاء والتحضيرات
شهد أخفت ابتسامتها ونطقت : اوكيه تعالي نخلصها
مشت اسرار معهم ، فتحوا غرفة التخزين ووقفة بصدمة تشوف كل شيء كامل وكل حاجه بمكانها ، حروفهم تزيّن علب العصير والماء والفناجيل والكاسات ، ترامس القهوة والشاهي تحمّل ميداليات طُرز عليها أسمها وأسم سطّام ، صحون الكافتيريا اللي بيصير بعد بكره جاهزة ، ألتفتت تشوف ابتسامة شهد ونطقها : جهزت كل شيء أنا والشيف المغرور
ابتسمت اسرار وميّلت راسها ، تغورقت عيونها ونطقت : محظوظه قسم بالله بالعسل والشيف !
شهد عضّت شفايفها السُفلية لثواني ونطقت : ياحظنا والله
تقدمت انفال وقالت : طبعًا الورد والكماليات علي بس الدعوات تركناها لك
اسرار ابتسمت وقالت : خلصتها تعالوا أوريكم
تقدموا البنات كلهم ومشوا للصالة ، فتحت الشنطة وطلعت الكروت منها ، صرخوا من التفاصيل الجميلة ، ضحكت من ردة فعلهم ونطقت : ترا أحب أسوي كذا وجاء اليوم اللي أسويه لي
شهد : مره مره تهبل
انفال : جدًا !!
اسرار وقفت وقالت : تمام أتوقع مابقى شيء ؟
انفال : تتوقعون سطّام رسم شيء ؟
اسرار عضّت شفايفها تتجاهل الموضوع ومشت تجلس وتصب لها قهوة ، ابتسمت شهد وقالت : أكيد
انفال : يمه متحمسة
اسرار نزلت فنجالها ونطقت : الله يكفينا شر هالحماس
جلسوا البنات حولها وبدأوا بسواليف مضمونها الزواج والكشخة اللي بتصير ..
~ شركة 𝐻𝒶𝒿𝑒𝓈𝒮𝓊𝓁𝓉𝒶𝓃 ~
يوقع على معاملات مهمة ومشغول جدًا ، رفع عيونه لسلطان اللي دخل ونطق : حصلناك !
ضحك سطّام يوقف ونطق : أرحب ي سليّط
تقدم سلطان يسلم على سطّام ونطق : نعيمًا الحلاقه والشكل الجديد !
سطّام ابتسم وقال : الله ينعم عليك
سلطان : ها ياعريس وين اختفيت
سطّام : أبد موجود
سلطان حكّ أسفل دقنه ونطق : يعني تقول إني اللي قطعت
سطّام ضحك بخفه وقال : شكله والله
سلطان : والله شغله البيت
سطّام توسعت عيونه وقال : ع البركة ياكلب ماعزمتني !
سلطان ضحك وقال : غداك بعد عرسك علي ولا يهمك
سطّام : كفو هذا العشم يا أخوي
سلطان : وش مسوي ؟
سطّام : والله تركت الشغل فترة وتراكم علي
سلطان : يارجل ؟
سطّام : والله
سلطان تقدم يجلس بالكرسي قبال مكتب سطّام ، جلس سطّام على كرسيه ونطق : وش نكرمك ؟
سلطان رفع يده ونطق : ولا شيء الا متى ماشي للجبيّل ؟
سطّام : متى ماخلصت
سلطان : أنا ماشي سيارة الليلة مع أخت مطلق
سطّام ابتسم وقال : سلمني عليها
سلطان وقف يصافح سطّام ونطق : ودعتك الله وطمني عليك ياعريس
سحبه سطّام يحضّنه ونطق : أبشر معسلامة
مشى سلطان يطلع من المكتب ، رجع يجلس على الكرسي ويسحب الملفات الضخمة والأوراق والتعاقدات والطلبات الخاصة بالرسمات بأسعارها الهائلة ، عضّ طرف شفته وكمل يوقع البعض ويكنسل بعضها ، وبعد مدة طويلة رفع عيونه يشوف غروب الشمس ، ألتفت يشوف الملفات قّل عددها لكن مازالت كثيرة ، وقف يطّق رقبته وأصابعه ، مشى يطلع ونطق : مشهور إذا فيه قهوة عطني
مشهور وقف ونطق : مطول ؟ لأني بطلع
سطّام : ايه إذا أنتهى دوامك أبد أمش
مشهور : خلاص بجيب قهوتك وبمشي ماتحتاج شيء
سطّام ابتسم وقال : سلامتك يأبو ماجد
مشهور هز راسه ومشى للمطبخ بنفس الطابق ، دخل سطّام المكتب حقه وبدأ يكمل آخر الملفات الموجودة على طاولته ، دخل مشهور بالقهوة وطلع بدون مايحسّ سطّام فيه لأنه منكب على الملفات ، سحب آخر ملف وقرأ العقد والمبلغ الغير مرضي رغم الطلب والرسمة الصعبة ، ابتسم يرفضه ويرسله مع المرفوضة ، سحب كوب القهوة وشافه فاضي ، رفع عيونه للعدد الكبير من الأكواب الفارغة ، ضحك وقال : والله وحشني الشغل !
رفع عيونه للساعة قدامه في الحايط ، كانت تشير للتاسعة والنصف ، تقدم يشمر أكمامه ويكمل طرحة اسرار بالتفاصيل المُهلكة اللي تميزها بين الحضور فوق تميزها ، أضاف تفاصيل كثيرة لها مليانه بالكريستال والالماس ، كان يطرزها بيدينه وسهر عليها ليلة الطويل ، لحّد ما أنتهى منها وتقدم يبعد ويشوف كيف تشع وتلمع ، ابتسم وقال : بشوف القمر مرتين مره فالسماء تحتضنه والثانية عروستي تشع أكثر منه !
مشى ينسدح على الكنب ، فتح جواله أخيرًا وشاف إتصالات كثيرة فائته ، رد على معظمها ومنهم مطلق اللي تطمن عليه بعد إتصال طويل ، وأطلع على رحيل جميع من فالرياض لشرق المملكة ، فتح الواتس يشوف رسالتها بالأمس وتذكرتها ، ابتسم وقفل جواله وغمض عيونه ، كان يهوجس بشكلها يُخيل له بديع جمالها ، ريحة عطرها ولون بياض قلبها على فستانها ، وده لو كانت معه لكنها سبقته للشرق ، وعلى الرغم من أهمية وجوده فالجبيّل لكنه بقى في نجَد لليلة أخرى ، غفى بدون شعور في مكتبه وعلى كنبته الغير مريحة ابدًا ..
~ قصر نهيّان ، الجبيّل ~
وصلوا ظبيه وسلطان والكل مجتمعين فالصالة ، نزلت وهي تضبط نقابها ، كم كانت تتمنى تشوفه بينهم ، هي أستعجلت بالنزول من سمعت ترحيبهم ، لكنها سكنت بمكانها من شافت سلطان بجانب نهيّان ، عضّت شفايفها لثواني تمنع دموعها تنزل ، صدّت تخفيها ومشت لهم ، سلموا عليها كلهم وألتفت سلمان للباب اللي يدق ونطق : عريسنا ؟
فزّ داخلها بلهفة لشوفته ، هي حسّت بحبها له وشوقها لوجوده من أختفى ، قدرت نعمة وجوده لمن رحل عنها ، وقفت بكمية شوق وأشتياق له ، ارتخت ملامحها من شافت مطلق وعِقد داخلين ، شّدت على قبضتها وجلست ، تقدم مطلق يسلم وجلس بجانب الرجال ، مشت عِقد وجلست بجانبها ونطقت : زيتونتي أنا جيت
ابتسمت تمسك يد عِقد ونطقت : أطلق من يجي
ابتسمت عِقد وقالت : أخذت فستان حاجه خيال !
اسرار ميّلت شفايفها ونطقت : دايم فارقه
عِقد ضحكت بحماس ونطقت : أحُبِك يابنت
اسرار : أكثر والله
ألتفتت من نطق نهيّان وقال : اسرار أمك جايه ؟
اسرار : طبعًا
ابتسم نهيّان واستهَل وجهه ، توسعت عيون سلمان وسرعان ما كتم ضحكته ، هو يعرف بالسالفه من سطّام ، ألتفت نهيّان عليه ونطق بهمس : لا تفكر
صدّ سلمان وهو يهتز من الضحك الصامت ، سحب نهيّان عصاته وبدون محد يحسّ ضرب ساق سلمان بحسرة وفزّ سلمان بصدمة ونطق : أبو رواف !!!
فزّوا العيال معه ونطق نهيّان : والتبن
ضحك سلطان بصوت عالي وقال : يستاهلها
ضحك مطلق ورجع يجلس ونطق : رجيتنا الله يرجك
ضحك هذام وقال : سلمان فيك شيء ؟
سلمان عضّ شفايفه ومشى من عندهم ، قبّل رأس أبوه ومشى يطلع للخارج ، وقفت انفال ونطق نهيّان : أجلسي يابنتي
انفال : بس عمي..
قاطعها سلطان وهو يقول : يابنت عمي ريحي ريحي
ضحكت بخفه ومشت تجلس ، لفّت ظبيه على شهد وقالت : يمه وش سالفته ؟
شهد ضحكت وقالت : مدري غبي
ضحكت ظبيه وكملوا سوالف عن الزواج والحضور والأعداد اللي بتصير ..
~ الحوش الداخلي ~
رفع جواله واتصل على سطّام ، هو صحاه من النوم ووصله صوته الثقييل وهو يقول : هاه ياسلمان ؟
سلمان ابتسم وقال : اف يالدجاجه أحد ينام الحين ؟
سطّام : لا كويس صحيتني أرجع للبيت
سلمان : وش المدير التنفيذي اللي يحتاج مدير أحد ينام بالمكتب
سطّام زفر بقرف ونطق : بنتلاطم ترا وش تبي ؟
سلمان ضحك بخفه وقال : متى ماشي ؟
سطّام نطق بغضّب : وشدخلك !!
قفل الجوال بوجه سلمان وضحك سلمان بصدمة ونطق : ماش وش الأخلاق ذي وشفيه ذا !
مشى يدخل للداخل ورجع يجلس ، همس قريب من أبوه ونطق : ايوه قلت لي ريم ؟
نهيّان رفع حاجبة وقال : ناقصني ذبيحة وشكلها أنت
ضحك بصوت عالي وقال : لا يأبو سلطان
سلطان ضحك وقال : أمانه والله بينكم شيء
سلمان وهو يضحك نطق : اوووه وحاجه كبيرة بعد
نهيّان : في ذمتي لو ماتسد حلقك
ضحكوا العيال ووقف مطلق وهو يضحك وقال : الله يقلع شكلك ياسلمان عمومًا ياجماعة أنا ماشي للفندق
نهيّان : كان نمت هنا
مطلق : لا والله ماودي أثقل عليكم
سلطان : مامن ثقل بس براحتك
عِقد وقفت ومشت معه ، طلعوا من البيت وقام نهيّان ينطق : اصلاً تأخر الوقت كل واحد على فراشه
وقفوا البنات وكل وحده فيهم تبعت رَجلها ، ابتسمت انفال تحتضّن ذراع سلمان ونطقت : بالله وش فيه عمي عليك ؟
سلمان ضحك بخفه وقال : بس مزح
انفال هزت راسها ومشت معه للطابق الثاني تحديدًا غرفتهم مثل الباقيين ، ناموا جميعًا لأن وراهم بكره كرف ماقبل الزفاف بيوم ..
~ مطار الدمام ~
نزل سطّام من الطايرة الخاصة ، مشى للمدخل ووقف ينتظر شنطته ، ببشته وطرحة اسرار فيها ، سحبها من شافها وتقدم يمشي ، طلع وابتسم ينطق : ياهلا صادق سلام عليكم
صادق ابتسم وقال : عليكم سلام بابا
سطّام مسك كتفه ونطق : كيف الحال ؟
صادق : كويس مدير وين مافيه يجي بيت
سطّام : مشكلة صح ؟
صادق هز راسه وابتسم سطّام وقال : موجود موجود
صادق بفرحة نطق : بكره زواج ؟
سطّام : ايوه
مشى يركب وتقدم صادق وركب وتوجهوا لقصر نهيّان ..
~ قصر نهيّان ~
وصله خبر قدوم سطّام ، وأوصى دُرة وخيرية بالقهوة والشاهي والتحضيرات والقدوع ، وفعلاً انتهوا منها قبل يجي حتى ، مشى يجلس ونطق : سلمان صحوا أخوانك ؟
سلمان تثاوب بتعب وقال : الدجاجه عشانه نايم الليل بدري جاي الساعة ست ! خباز هو ؟؟
نهيّان ابتسم وقال : الساعة سبع الحين !
سلمان : مايفرق نرفزني
نهيّان : عن العبط أنت تصحى للدوام سبعة
نزل سلطان ونطق : صبح صبح ؟
هذام تثاوب ومشى يجلس وهو مغمض ، نهيّان زفر بغضّب وقال : هذام قوم غسل وتعال تبي تقابل أخوك كذا ؟
هذام : أخوي ماهو بغريب
سلطان ابتسم وقال : أبو سلطان قهوة ؟
نهيّان : صّب ولا تنسى أخوانك
هذام : تسلم مابي
ألتفت لسلمان ونطق : صّب
مشى سلطان يصّب لهم قهوة ورجع يجلس ، دق الباب ومشت دُرة تفتح ، دخل سطّام للبيت ونطق : سلام عليكم
ابتسم نهيّان وقال : أرحب
سطّام : دُرة الأغراض
هزت راسها بالايجاب ومشى سطّام يدخل ، ابتسم يشوف أبوه وأخوانه ونطق : اوف يالوجيه ! مفقعه نوم
هذام ضحك بخفه وغطى وجهه ، مشى يسلم على رأس أبوه وكتفه ونطق : شخبارك يالشيخ ؟
نهيّان : نسلم عليك وينك فيه ؟
سطّام : موجود بس انشغلت
تقدم لسلمان ونطق : أبو رواف
سلمان : الدجاجه
ضحك يضرب ظهره وابتسم سلمان ينطق : شخبارك ؟
سطّام : بخير جعلك بخير
مشى ووصل لهذام وسلم عليه ونطق : أرجع نام طيب
هذام وقف يبوس كتفه وينطق : الله يدخلك الجنة ياعريس
مشى يركض وضحك سطّام من أنطلقت الشتايم من ثغر نهيّان ، صافح سلطان ونطق : العهد قريب ي سليّط
سلطان ابتسم وقال : عهدك مايزال يالعضيد
جلس سطّام ومسك الفنجال اللي مدّه سلمان له ونطق : أسلم
نهيّان : تجهزت ؟
سطّام : حمدلله
نهيّان ابتسم وقال : الله ييسر لكم
الكل أردف بـ ' امين ' ، ابتسم سلطان ونطق : سطّام
سطّام ألتفت له وقال : لبيه ؟
سلطان : تجي معنا اليوم ؟
سطّام : وين
سلطان : البنات يبون سينما ولا ملاهي
سطّام رفع حاجبة وقال : وش الدلع ذا ؟ عشان البنات بنروح ؟
سلمان هز راسه وقال : صح والله أتفق
سلطان : المشكلة انفال..
قاطعه صوت سلمان اللي نطق بحدة : ضروري نروح ! إذا ماسمعنا لهم ولبينا طلباتهم نسويها لمن ؟؟ أكيد بنروح
توسعت عيونه بصدمة وقال : وراي زواج يالرهيف مسرعك غيرت رأيك أعقب صدق !!
ضحك سلطان وقال : غبي
سلمان : تحت التهديد وش أسوي
سطّام رفع حاجبة وقال : يارجال خرطي مافيه تهديد ولا شيء أنت خفيف ليه ما تعترف ؟
نهيّان : روحوا وغيروا جو
سطّام : عندي موعد اصلاً بعد ساعتين بنام وصحوني
نهيّان ابتسم وقال : طيب بس بتروحون معهم
سطّام نطق بجدية : مالك لوا بس ماهو بوقته أبدًا !
سلطان : أجلس وفكنا يالنفسيه
سلمان : مره تحسّ إنه بيركض ويبني قاعة زواج لوحده ترا كل شيء جاهز
سطّام ألتفت لهم وقال بحدة : أسمعني أنت وياه ! ما تعلقت برجولكم وقلت لكم يويلكم تروحون !!
سلمان : محشوم يالعود بس قصدنا كل واحد مع حَرمه
سطّام : أنا بنام
مشى من عندهم وفتح باب المقلط ، ذو القعدة الأرضية بدون كنبات مرتفعة ، ضبط له مكان بالزاوية وانسدح وشغل التكييف بالريموت ونام علطول ، هو واصل من وقت مكالمة سلمان وأنعفس نومه ..
~ بيت مطلق ، الرياض ~
وقف بالأكحل قدام الباب ، نزل وهو مايحسّ بنفسه ومشى للباب ، دق الجرس مرارًا وتكرارًا وماوصله رد ، زفر بضيق وقال : وينك يا جد !
ألتفت من نطق حمد : ضاحي ؟
ضاحي ابتسم وقال : أرحب
حمد : وينك من فتره يولدي ؟؟ و وشفيك مغطي وجهك
ضاحي : قريب مارحت بعيد
حمد رفع عيونه يدقق فيه ونطق : وشفيك يولد ؟
ضاحي تثاوب ونطق : ودي تفتح الباب عشان أنخمد
حمد مدّ له المفتاح وفتح ضاحي الباب ، مشى يطلع لغرفته ووصلها وسرعان ماشغل التكييف وانسدح ، يفكر باللي حصل باليومين اللي مضت ، هو نجى وبصعوبة من نايف ولد عمه بتال ، وقت شافه عند أحد المحطات..
~ قبل يومين ، الظهر ~
عند أحد المحطات ، كان واقف ويعبي توانكي الشاص ، شاف شخص يدري به زين وتوسعت عيونه من شافه يبيع ممنوعات ومخدرات لأحد المارة ، مايدري شلون رفع جواله وصور بعض اللقطات وبلغ علطول ، يتذكر كيف تقدم نايف له وضربه من عرف إنه يصور عشان كذا هو متلطم ، يتذكر شلون حاول نايف يورطه ورمى بعض الأكياس بسيارته ، وبدأ يفرك الممنوعات عند طرف خشم ضاحي ، لكن لحقت الشرطة وشيكوا على الكاميرات ، وبعد استجواب دام يوم كامل قدر ضاحي يطلع وينجو من اللي صار ، وبالنسبة لنايف تعفن بالسجن لمدة خمسة عشر عام ..
~ بغرفة ضاحي ~
زفر بضيق من اللي صار ، ماكان يتوقع نايف من الأشخاص اللي كذا ولا يدري شلون صادفه اصلاً ، بدأ يتقلب لحّد ما استسلم للنوم ..
~ قصر نهيّان ، الجبيّل ~
كانوا جميع مجتمعين فالصالة ، يتناقشون عن طلعتهم فالليل ، كانت سرحانه بفنجال قهوتها وتهوجس فيه ، تتسأل هو متى بيفكر يطُل عليهم ويجي ، ما تبقى الا هالليلة وبكره زواجهم ، عضّت شفايفها لثواني ونطقت : بنات ماقالوا تكنسلت ؟
انفال نطقت بصدمة : تمزحين ؟؟
ظبيه جلست وقالت : الا قاله سلطان عشان سطّام
ألتفتت اسرار على ظبيه ونطقت : شدخله ؟
ظبيه رفعت كتوفها بعدم معرفة وقالت : مدري والله
شهد عبّست بملامحها وقالت : لا ياخي كنت متحمسة !
انفال ابتسمت بضيق وقالت : يمكن عشان زواجه بكره
شهد رفعت صوتها بغضّب وقالت : طيب لا يجي فكه اصلاً !!
اسرار رفعت حاجبها وقالت : اوها ! أعصابك يابنت ؟
شهد ألتفتت لها ونطقت بحدة : معليش بس مايطاق
اسرار نطقت بغضّب : مو غصب ولحد أجبرك تبلعينه بس أحترمي وجود زوجته أقل شيء !
نزلت فنجالها بغضّب وتقدمت وقبل تمشي نطقت : ماشفت هالكلام لايق عليك ياشهد !
شهد عضّت شفايفها السُفلية لثواني ونطقت : أسفه ماكنت أقصد
مشت تتجاهلها وطلعت للأعلى ، ظبيه ضحكت بصدمة وقالت : يمه الجو تكهرب
قامت شهد وطلعت لغرفتها ، انفال نطقت بصدمة : يمه وشفيهم !
ظبيه : أول مره أشوف اسرار منقهره عشانه
انفال ضحكت وقالت : وقعت له خلاص
انفتح باب المقلط وسرعان ماسحبت ظبيه جلالها على رأسها ، انفال قامت بصدمة وقالت : سطّام ؟؟
سطّام ابتسم بخفه وقال : صباح الخير شخباركم ؟
ظبيه ابتسمت وقالت : طيبين وأنت ؟
انفال ابتسمت وقالت : بخير واحشنا
سطّام ضبّط نسفة شماغه وهو واقف عند المراية ونطق : بخير ومايوحشكم غالي
انفال : طالع ؟ ومتى جيت وعند اسرار خبر
سطّام ضحك بخفه وقال : ماشاءالله والأسئلة أنتبهوا للبيت
مشى يطلع من عندهم ، وقفت ظبيه بصدمة وقالت : مستحيل يكون عندها خبر وماتروح له !!
انفال ركضت مع الدرج ونطقت : بقول لها
ظبيه شهقت وقالت : لا يا معتوهه بتحز بخاطرها
وقفت انفال من أستوعبت وقالت : صادقه
ظبيه مشت تتبعها وقالت : بروح أدور لي لوك ميكب بكره
انفال ابتسمت من سمعت صوت بكاء رواف ونطقت : بروح له
هزت ظبيه راسها ومشوا ثنتينهم كل وحده لغرفتها ..
~ المغرب ، قصر نهيّان ~
كانت تمشي بغرفته وبهدوء تام ، ألتفتت من أنفتح الباب وابتسمت بوسع ثغرها ، مشت عِقد لها وتمسكت بيدها ونطقت : تجي معايا ؟
اسرار زفرت ونطقت : عِقد وش أقول يعني أرفض ؟ مستحيل
عِقد ضحكت وقالت : حبيييبي !
مشت معها تنزل ونطقت : متى جيتي ؟
عِقد : قبل ساعة تقريبًا
اسرار ميّلت شفايفها لثواني ونطقت : ليش الكهرب طافي ؟
عِقد مسكت يدها بقوة وقالت : زيتونه ما أحُب الظلام !!
اسرار ابتسمت وقالت : معي وشفيك
عِقد بضحك نطقت : ما أقتنعت ما أنتي زي مطلق
اسرار رفعت حاجبها ودفعت عِقد عنها ونطقت : أجل اذلفي
كبحت عِقد ضحكتها ومشت اسرار تنزل بغضّب ، توسعت عيونها من اشتغلت الأنوار وقاموا البنات يضحكون ويصفقون ، أمامهم كيكة أنكتب عليها ' Bride To Be ' وبلونات بيضاء وبوكيه ورد أبيض ، ضحكت من مشت عِقد ولبستها طرحه صغيرة ونطقت : عروسة قلبي !
اسرار ميّلت راسها ونطقت بدقن راجف : قسم بالله أحبكم
ظبيه ابتسمت ابتسامة عريضة وقالت : ياحظنا دام اسرار تحبنا !
شهد تقدمت بالورد الضخم ونطقت : سامحيني والله بس ترا كانت خطة
ضحكت اسرار وقطرت دموعها ونطقت : وسخات
انفال مشت لها ومسحت دموعها وقالت : ودام تكنسلت طلعتنا من العيال ماقوينا نتركك بآخر ليلة قبل زفافك بدون أي فعاليات
اسرار ضحكت تضّمهم ونطقت : آخ يابنات ! من محاسن الصدف وحسنة زواجاتنا برجالنا أننا اجتمعنا وتعرفنا على بعض ! صدق اللي مايعرفكم عزاي له ماعرف معنى الحياة والسعادة ! عساني م اتبدل فيكم ولا انحرم منكم
ألتفتت من انفتح باب الصالة ودخلت ريم وأنهار وأبرار وأزهار سوا ، ضحكت عِقد وقالت : قهرتوني ليش تأخرتوا !
أنهار زفرت بغضّب وقالت : لا تسألي
ريم ابتسمت ابتسامة عريضة وقالت : وين فلذة كبدي ؟
ضحكت اسرار وقالت : أمي !
مشت ريم تضّمها وحاوطتها اسرار ، أنتشر ضوء الفلاش من كاميرتها وضحكت أبرار تنطق : تجنن !
مشت مع خواتها وسلموا عليها ، ضحكت معهم ورفعت أبرار الكاميرا ونطقت : تشييز ؟
ابتسمت بوسع ثغرها ونطقت : أحبكم !
تصوروا ومشت عِقد تسحبها منهم ونطقت : نقطع الكيك ؟
هزت راسها ومسكت السكين ، تقدموا البنات بجوالاتهم يصورون اللحظة ومن غرزت سكينها بالكيكه صرخوا كلهم وزغرطت ظبيه بعلّو صوتها ، ضحكت اسرار وجلسوا حول الطاولة وبدأت عِقد بمساعدة ظبيه يوزعون قطع الكيك فالصحون ، مسكت كف أمها ونطقت : شخبارك ؟
ريم هزت راسها ونطقت : كل يوم من بعد رجعتك ليا أكون بخير وأكثر من بخير
ابتسمت وحطّت راسها على صدر أمها ، ابتسمت ريم ولامست شعرها ونطقت : فين عريسنا ؟
اسرار عدلت جلستها ونطقت : لا تجيبين طاريه زعلانه منه
ريم : افا ليش ؟
اسرار : صارت بيننا مشكلة صغيرة
ريم : حليتوها ؟
اسرار : اي أربع ليالي ماشفته
ريم توسعت عيونها بصدمة وقالت : اوب ! شاللي حصل ؟
اسرار : مو مهم بس شوفي أقولك من الحين إذا ماشفته الليلة مستحيل أرضى !
ريم : ايوه واضح ماشاءالله يابنتي أنتي طايحه لعيونه الحادة !
اسرار ضحكت من تذكرت رسمة عيونه ، وكيف تشعر بأنها أحد من السيف ، وصفة رموشه حكاية غزلية أخرى ، صدّت ونطقت : فعلاً وعند عيونه أنسى كل شيء عيونه عن ألف أعتذار ومليار رضاوة يحمل كل الرضى بعيونه
ريم مسكت كتف بنتها ونطقت : يا الله والحُب اللي أشوفه من عيونك
اسرار ابتسمت وقالت : أحبه مره وواحشني مليون مره
ريم : ضروري يجي اليوم ! ولا حزعل أنا بعد منه
ضحكت اسرار وصدّت تأكل كيكتها ، وتستمع لسوالف البنات ..
~ أمام باب القاعة ~
طلعوا كلهم منها ونطق نهيّان : ماشاءالله ماشاءالله
سطّام : بالله ؟
سلمان ابتسم وقال : تستهبل والله مره مرتبة وتكفي وتوفي !
سلطان : وخصوصًا من ناحية العدد والحضور مره كبيرة
هذام ابتسم وقال : يمديني أنقل مطبخي فيها بعد !
سطّام مسك كتفه ونطق : جد وش بتسوي ؟
هذام : عندنا عدة كاملة بنجيبها على الظهر بكره وببدأ أطبخ وأخلص قبل أذان المغرب
سلطان ابتسم وقال : عسانا على القوة يرجال
نهيّان : امين مشينا
مشوا يطلعون على سيارتهم ونطق سطّام : مابرجع للبيت
نهيّان توسعت عيونه ونطق بغضّب : هذا اللي بيأكلني العدس !
ضحك سطّام بخفه وقال : والله وراي شغل
سلطان : تستهبل ؟
سلمان مسك راسه ونطق : مستحيل سطّام ؟؟ وش الشغل اللي ماتركك تتنفس من قرب زواجك ؟
هذام : تتهرب من بنت محمد ؟
ابتسم وبلل شفايفه من سمع أسمها ونطق : بحتفظ بالموضوع لنفسي وين تبوني أوصلكم ؟
نهيّان : براحتك يولدي ، البيت البيت
مشى سطّام فيهم للبيت ووصلوا بعد مدة ، نزلوا كلهم وألتفت لأبوه من نطق : ماودك تسلم عليها ؟
سطّام ضحك ونطق : بتنام بحضّني مايفرق متى أشوفها
نهيّان : بنشوف
نزل من السيارة وسرعان ما حط السيارة بالـ R ورجع ومشى خارج أسوار قصر نهيّان ..
~ داخل قصر نهيّان ~
ساعدتهم دُرة بالأغراض اللي جابوها ومشوا يدخلون لمجلس الرجال ، تقدم نهيّان للصالة ونطق : فيه أحد غريب ؟
انفال وقفت ونطقت : ايه ياعمي
نهيّان : مرحبا نورتونا
ابتسمت ريم وقالت : بوجودكم
تقدم يطلع لمكتبه من عندهم وصدره فالغمام واصل ، من سمع صوتها استهَل وجهه وانبسط ، دخل مكتبه وقفل الباب وراه ، فتح الدولاب وفتح الخزنه وطلع المبلغ منها ، معونته لولده بكره ، سحب البشت الجديد وجهزها كلها ، حط المبلغ بالظرف وقفل صندوق البشت ورجع يجلس يكمل قائمة الحضور ويعزم المتبقي منهم ..
~ محل هاني ~
دخل سطّام يشوف الزباين والموظفين يساعدونهم ، ابتسم من لمح هاني ونطق : حبيب القلب ولد العم
ابتسم هاني ونطق : أرحب ياعريسنا !
تقدم يسلم عليه ونطق : جاهزة ؟
هاني : باقي رأيك
مشى سطّام معه ودخلوا للمختبر ، جلس وتقدم هاني وطلع الطقم كامل الخاص بأسرار ونطق : وش قولك ؟
سطّام ابتسم بوسع ثغره يتأمل كمية الأبداع والتفاصيل ، ألماس يناسب الطرحة بشكل خيالي ، ضحك بصدمة وقال : قسم بالله شغل كبير !
هاني : الله يرفع قدرك ياولد عمي وماسويت شيء
سطّام : ما أمزح ياولد سياف !! يمين بالله بدعت ماشاءالله
هاني ابتسم وقال : الحمدلله
سطّام : تقدر تخليها عندك هالليلة ؟
هاني : عندي ولا يهمك
سطّام وقف يسلم عليه ونطق : أجل بكره المغرب تسلمها لي من عند القاعة
هاني ابتسم وقال : سمع وطاعة
سطّام : ماتقصر ياحبيبي
مشى ووصل لباب الخروج ونطق : لا تخالفنا
هاني : أول الحاضرين
هز راسه ومشى يركب سيارته ويمشي للمجهول ، ماله وجه يقابلها حاليًا ، يدري أن الشوق بيمحي كل العتب اللي تحمله بصدرها ، يدري إنها مشتاقه له مثل ماهو مشتاق لها لكنه بينحرم منها هالليلة بعد لأجل يقابلها بكره وهو مستعد لها وجايب معه غنايم غيبته ..
~ منتصف الليل ، ليلة ١٥ ~
طلعت من الحمام الطويل اللي أخذته ، البيت كله نايم وهو للحين ماله حسّ ، سئمت وملت من الانتظار وجدًا ، مشت تسحب الروب وتطلع لها قميص نوم ، لبست وخلصت ومشت تتعطر وتبخر شعرها بالعود ، رطبت جسدها ومشت تنسدح ، تتأمل السقف بدون نعاس أبدًا ، ممكن فرط حماس وممكن فرط شوق ووحشة شعور بدونه ، عضّت شفايفها وقامت للشباك الضخم تتأمل الحوش ، توسعت عيونها من انفتحت البوابات ودخلت سيارته للحوش ، شّدت على قميصها تتأمل لحظة ارتجاله من السيارة وخطواته القادمة للباب الأمامي ، عضّت شفايفها لثواني ماتدري تفلت نفسها وتترك كبريائها قدام اشتياقها له ولا ترجع وتمثل النوم لأجل ماتضطر تقابله ، ماتدري شلون وكيف وصل الحال فيها أنها ماتشعر بأي شيء ، هي واقفه قبال الباب الرئيسي وتنتظر صوت مفاتيحه ، فتح الباب ووقف يشوفها بقميص النوم الأبيض واقفه تنتظره ، الشوق ملئ عيونها بالدمع وريحة عطرها أحرقت صدره ومحت كل الزعل اللي كان مأخذ بخاطره حيز وشاغل تفكيره ، شهقت بخفه وهي تبكي قدامه ونطقت : أكرهك !
سطّام ابتسم وقال : ليه تنتظريني طيب ؟
أحيا عروق قلبها ونبّت بمسامعها بساتين ورود من نطق وسمعت صوته بعد مدة طويلة بنسبة لعاشقين ، هزت راسها مرارًا وتكرارًا وركضت له تحاوط رقبته ، عضّ شفايفه وانحنى يترك طرف خشمه يلامس عظم ترقوتها ، حاوط خصرها وشّدها عليه ونطق : آخ
كان يحسّ بأصابعها تتخلخل بشعره ، والأخرى أصبحت جزء من كتفه من شّدة تمسكها به ، وبالنسبة لها كان شكله الجديد والحلاقه اللي استنكرتها أخاذ ، وسيم الملامح ، ابتسمت تمسح دموعها وتنطق : وحشتني وحشتني
سطّام : بشويش علي
مرر يده لفخذها ورفعها ، حاوطت خاصرته برجولها ومشى فيها لغرفته ، البيت نايم وماشهّد على لقائهم الا دُرة اللي كانت واقفه وتبكي من شدة جمالهم وفرحتهم ببعضهم ، وصل لغرفته ودخل يقفل الباب وراه ، مشى معها وجلس على كنبته عند الشباك سامح للقمر يشاهدهم ويتمتع فيهم ، أبعدت عن كتفه ونطقت : ياغايب لو ماجابك شوقك ماوصلك حريق شوقي لك ؟ ماوصلتك ريحة ضلوعي اللي رمدت شوق لك ؟
سطّام ابتسم وقال : مايحرقني والله غير ريحة عطرك أنا يختلف ثقلي وأنا بين الزحام وفي لحظة انفرادي عذبتيني برشة عطر !
اسرار عبّست بملامحها ونطقت : أحرقك مثل ما أشعلت لهايب بصدري بالقطعة الخايسه حقتك ! ولا وش معنى ترجع بليلة زفافنا ؟
سطّام : ماكانت النية أرجع بس صادفتك يالدلوعه
وقفت تبعد عنه وقام علطول ، دفعها على سريره ونطق : غلطتك إني جيتك قبل الزواج
اسرار رفعت حاجبها وقالت : ياشيخ ؟
ابتسم ينحني ويقبّل ثغرها ، توسعت عيونها بصدمة من رفع طرف قميصها وأبعدت عنه ونطقت : لا حبيبي تخسى وأنا مارضيت
سطّام صدّ يخفي أحمرار وجهه واندفاعه ونطق بأختلاف نبرته : براضيك بس..
قاطعته وهي تقول : حل عني
مشت وسحبها مع ساقها يثبتها ونطق : اسرار
اسرار رفعت عيونها له وقالت : خير ؟
سطّام : زعلانه ؟
اسرار شّدت على المفرش وسرعان ماضربت وجهه تدفعه عنها وقامت تسحب بطانيتها ومشت للكنب ونطقت : ولا تشوفك عيني الشوق غلاّب بس أنت ماتستاهل
ابتسم يلّف ويشوفها معطيته ظهرها ، تقدم لها وجلس القرفصاء وقبّل كتفها العاري ونطق : أحبك
ابتسمت بخفه وماردت ، مشى للحمام ودخله وقفل الباب ، شّد على مقبض الباب ورفع راسه يكبح رغبته فيها ، عضّ شفايفه ونطق : آخ أهلكني سحرك يالفاتنه وخربط موازيني
مشى ينسى ويشغل نفسه بالشور اللي أخذه ، طلع من الحمام وتوجه لغرفة الملابس ولبس شورت ودخل للغرفة ومشى للتسريحة يتعطر ويمشي لها ، رفعها بين يدينه ومشى لسريره وارتمى عليه وهي بحضّنه ، حاوطها ودفن وجهه بنحرها وغمض عيونه يتبعها لعالم أحلامهم ..
~ الفندق ، غرفة مطلق ~
دخلت بتعب ومشت تعلق عبايتها ، دخلت لغرفة النوم وشافته مشغول بأكياس وأشياء ماركزت فيها ، دخلت للحمام وألتفت من الصوت ونطق : جيتي ؟؟
عِقد : ايوه مع أم زيتونه
هز راسه وكمل يشتغل ، أخذت دش وطلعت بعد مدة والماسك الأسود على وجهها ، فزّ برعب وشهقت تنطق : ياكلب اش تقصد ؟؟
مطلق بمزح نطق : اللهم سكنهم مساكنهم
ضحكت بصدمة وقالت : حمدسك !
ضحك بصوت عالي وقال : وش ذي بعد ترجمي
عِقد شمرت أكمام الروب حقها ونطقت : حمثل لك ماحشرح حاجه
تقدمت تركض وقفزت وطاحت عليه ، بدأت تضرب بعشوائية وهو يضحك بخفه وينطق : تسوين لي مساج ؟ ياجعلك الجنة
عضّت شفايفها ونطقت : أوف مو طبيعي كيف تقهر
رفعت نفسها وحاوط خصرها يثبتها وينطق : سلامات وين ؟
عِقد ميّلت راسها ونطقت : أبى ألبس ازا تسمح
مطلق : ماظنتي يحتاج
سكنت لثواني وسرعان ماتوسعت عيونها بصدمة ، عكس مطلق الموقف والوضع وأصبحت أسفله ، مدّ يده يقفل النور من زر التبديل عند السرير ، ألتفت لها يشوف صدمتها وتقدم لها ، قبّل كتفها بحنّية ونطق : ماعاد أقوى وماعاد باليد حيله
حاوطت رقبته ونطقت : بس مطلق..
قاطعها صوته وهو يقول : امنتك الله ماتصدين وتحرميني
ضحكت بصدمة وقالت : أقلها اشيل الماسك أبعد ما حختفي ترا
أبعد أحد ذراعينه ومشت توقف وتتجه للحمام ، دخلته وقفلت الباب عليها ونطقت برعب : هيّا ياشاطره خرجي نفسك منها !!
شتمت وضعيتها ودخولها للغرفة تحت انفاسها ، شالت الماسك وغسلت وجهها ورطبته ومشت تفتح الباب ، كان واقف وابتسمت تنطق : ع البركة الجوال !
مطلق : ماهو بجوال يالضايعه
تقدمت له وقربت تشوف ساعة المنبة الخاصه بالفندق ، ضحكت بسخرية تعطيه ظهرها وقالت : حستغرب لو غيرتو اصلاً
مطلق ابتسم يحاوط بطنها وينطق : إذا وضعك يسمح ودي أشوف مشبب
رفعت حاجبها وقالت : سوري حتسمي ولدي مشبب ؟؟
مطلق : ايه على أسم الوالد جعله الجنة ولا ودك على أسم أمي إذا كانت بنت
عِقد : والله انقلع أيمن أحلى صراحة وبعدين أشبك مستعجل ؟؟
ضحك مطلق وسحب حزام الروب حقها ، غطاها بجسده وأحتواها بكل حُب وهمس بأذنها : أعجل به ولا تزعلين
ضحكت بخجل واضح ودفنت وجهها برقبته ، كان يوزع حُبه عليها بشكل قُبل وأحضان ، وصَلها بعد مدة طويلة من انتظاره وقرّب لها أكثر من إي يوم مضى ، كمية من الدفء رغم اندفاعه ومن الحنيّة رغم رغبته فيها ، أصبحت له ومنه وفيه ، صارت حَرم مطلق بليلة الخامس عشر من هالشهر ، ماردته وحرمته مثل ماطلبها وقبّلت فيه حبًا له ، بادلته بشعور جديد وبداية حياة جديدة ، حاوطها وقبّل جبينها وسرعان ماغفت بحضّنه وتبعها بعد فترة قصيرة ..
~ قصر نهيّان ، الظهر ~
التجهيزات لزواج الرسام والمُدعية كانت قائمة على قدم وساق ، دُرة وخيرية هم من تبقى من الخدم بعد طرد حليمة ، وكانوا قدّ المسؤولية وقدود ، حملوا كل شيء وجهزوها بالشاحنات الصغيرة اللي يقودها عبدالصبور وشقيقه صادق ، كان واقف مشرف على شغلهم ومثبت كلتا يدينه على عصاته ، ألتفت لهذام اللي طلع مستعجل ونطق : أبوي أنا فالقاعه بخلص العشاء بدري وبجهز الأطباق كاملة
نهيّان : طيب يا أبوي عساك على القوة !
أنطلق هذام وأنطلقت الشاحنات معه وفيها دُرة وخيرية ، دخل يشوف انفال واقفه فالصالة وتتفق مع الصالونات والكوافيرات ، ألتفتت له ونطقت : سمّ ياعمي ؟
نهيّان ابتسم وقال : متى ماشين ؟
انفال : العصر ان شاءالله ليه ؟
نهيّان : اسأل
هزت راسها ونزلت أنظارها لجوالها من وصلها إتصال آخر ونطقت : الو ؟
مشى نهيّان يشوف شهد نازله مع ظبيه يشيلون حامل ملابس حديد وفساتين بشتى أنواعها وألوانها متعلقه فيه ، ابتسم لهم وقال : هذي لكم ؟
ظبيه هزت راسها ونطقت : بس يا أبوي من يوصلنا العيال كلهم برا
نهيّان : مو قلتوا بتمشون العصر ؟
شهد ضحكت وقالت : ومين قالك بنمشي الحين بس نسأل
نهيّان : إن محد جاء وديتكم معي
ظبيه ابتسمت وقالت : ماتقصر
هز راسه ومشى من عندهم ونطق : ماصحوا العرسان ؟
انفال ضحكت وقالت : لا لسى
نهيّان : زين خلوهم أنا في مكتبي
مشت ظبيه تجلس على الكنب بالصالة ونطقت : آخ يالحيرة أي واحد ألبس ؟
انفال : الأبيض ولا تفكرين !!
شهد ضحكت وقالت : منجد !
ظبيه ابتسمت وقالت : أجل بروح أجهز
انفال : الميكب ؟
ظبيه : لي عشر سنوات أسويه بنفسي مايحتاج
انفال هزت راسها وألتفتت لشهد وقالت : وأنتي شهود ؟
شهد : وأنا بعد صراحة بسوي شيء ناعم
انفال : أجل قومي نخلص
مشت ظبيه تركض ووصلت لغرفتهم ، دخلت ومشت تأخذ دش طويل جدًا ، أنتهت بعد ساعة منه وبعد ماخلصت كل شيء من ماسكات ومرطبات ، ابتسمت تنشف شعرها وبدأت تستشور ومن أنتهت مسكت الفير وعدلت أطرافه ، طلعت تلبس فستانها وتشوف الساعة قربت للثالثة عصرًا ، جلست تحط مناكير باللون الكحلي وتلبس إكسسوارات تناسب لبسها ، تقدمت للتسريحة وجلست على الكرسي وطقت أصابعها ونطقت : والحين يبدأ الشغل الصح
طلعت عدة مكياجها كاملة وبدأت تطبطب وترتب وترسم وانتهت بعد مدة ، ابتسمت تسحب المثبت ونطقت : عاد على ذوق عِقد وأكيد إنه قوي
بخت كم مره وقفلته ، سحبت عطورات المناسبات الضخمة وأكثر العطورات ثبات ، تعطرت وخلصت وسحبت عبايتها من سمعت صوت شهد تنادي ، مسكوا المقبض بنفس اللحظة وفتحوا الباب هو دفع وهي سحبت ، دخل سلطان للغرفة وشافها واقفه عبايتها مفتوحة سامحة له يشوف زيّن فستانها ونطق : والله ماتروحين يالظبي أصبري
ضحكت بخفه وقالت : نعيمًا الحلاقه
سلطان تقدم ينزل عبايتها ونطق : الله ينعم عليك يابعد الأكسجين أنتي !
ضحكت تدور بالفستان ونطق وهو ماسك قلبه : له له وش الحلاوة والطعامة ذي !! هذام خلص السكر والحلويات ولا درى عنك ؟
ضحكت بصدمة وقالت : ماش تبيه يدري ؟
سحبها مع ذراعها ونطق : يعقب ياشيخة الزين والعذارى كلهم
ضحكت تضّمه ونطقت : مستعجلة بروح مع البنات
سلطان : وشفيك طيب أسمي سلطانه
توسعت عيونها وسرعان ماضحكت بعلّو صوتها وضحك معها ونطق : آخ آخ ياذول البنات ياكثر ماحسدتهم !
قبّلت ثغره بحُب ونطقت : أموت عليك يالسلطان
سلطان داخ وجلس على الكرسي ، ضحكت تلبس عبايتها وتطلع من عنده ، عضّ شفايفه ونطق : وش اللذاذة ذي !! مو طبيعيه قسم بالله !
نزلت للبنات ومشت معهم ، ركبوا مع نهيّان ونطق : وراي شغل بس يهون لأجل بناتي
ابتسمت انفال ونطقت : ياحبيب قلوبنا !
شهد : أبوي ترا بتجي اسرار
توسعت عيونه بفرحة وقال : يامرحبا بالي لها خافي يهّلي !
ظبيه ابتسمت وقالت : ماش غرت وش ذا ؟
شهد ضحكت وقالت : منجد
مشت اسرار وركبت بجانبه ، ابتسمت ونطقت : سلام عليكم
قبّلت كفه ونطق : تحبّين الكعبة يا أبوي أنتي
انفال ضحكت وقالت : الانانيييية لا تطاق وش مسويه لعمي
ضحكت اسرار وقالت : سر !
نهيّان : أسرار والله
اسرار ابتسمت ابتسامة عريضة وقالت : صح ، وين بِكر نهيّان ؟
نهيّان : ماهو نايم معك ؟
هزت راسها بنفي وقالت : صحيت لحالي
نهيّان : غريبه ماشفته
اسرار صدّت للشباك ونطقت بسخرية : ولا تكفل يبهرني ويرضيني
نهيّان ابتسم وقال : يرضيك غصبا !
اسرار ابتسمت وسرحت بالطريق للقاعه ..
~ شركة نهيّان لليخوت ~
بأحد المكاتب الفاضية ، واقف من أنتهى من شغله ونطق : هاه وشرايك ؟
سلمان وقف يطفي جواله ونطق : ياساتر !!
تقدم يشوف التفاصيل فيه ، سطّام له أربع ليالي يرسم تفاصيل أول لقى لليلة العمر ، قفل الجهاز ونطق : تو أستوعب وش تبي تطالع ؟
سلمان خزّه ونطق : ياشينك انفال تقفل ملف حَرمك بخصله !
ضحكت سطّام بصدمة وقال : ليه التصعيد ؟؟
سلمان : مشينا شوي ويأذن المغرب
سطّام : مستحيل !
رفع عيونه للساعة وكانت الرابعة والنصف ، الوقت يركض وهو لسى ماجهز ، مشى مع سلمان وتوجهوا للبيت علطول ، وصلوا بعد مدة يشوفون سلطان واقف مع نهيّان ولابسين بشوتهم ، ركض سطّام بكل سرعته ونطق : ثواني يأبو سلطان
ابتسم سلمان لهم وقال : أعذرونا تأخرنا
نهيّان : عجلوا عجلوا والحقونا
مشى سلمان يركض ، البيت فاضي وخالي من الناس ، الكل فالقاعه ينتظرونهم ، صرخ سلمان ونطق : سطّام أبوي مشى وبنروح سوا
سطّام صرخ يرد عليه وقال : عجل طيب
خلصوا بعد ساعة تقريبًا ، مشى سلمان لغرفة سطّام ونطق : ولد
سطّام : ياتيس مافيه الا أنا
سلمان دخل ونطق : لا تخليني أسحب هديتي
ضحك سطّام وقال : يالبى خشتك تعال
مشى سلمان ومدّ لسطّام هديته ، ضحك بصوت عالي من شاف سيارة كان سطّام يحلم فيها بوقت طفولتهم ، فزّ يوقف ويضّم سلمان ، عضّ شفايفه يمنع دموعه تنزل ، وضحك سلمان ونطق : أصارحك إنها معي من طلبت أبوي
سطّام هز راسه بالايجاب وقال : واضح من الصدى والغبار !
سلمان : عاد ماهي الهدية الوحيدة بس لها قدر بيننا
سطّام ابتسم يبوس خشمه وينطق : جعلني قبلك ي أخوي
سلمان ابتسم وقال : مبارك عرسك يا أطلق عريس !
سطّام : الله يبارك فيك ياحبيب أخوك
مسك البشت من الهدية ولبس سطّام ونطق : مفصل لك خصيصًا
ابتسم سطّام وقال : على إني جبت بشت لكن مستحيل أردك
سلمان ابتسم وقال : عطني ألبسه
سحب سطّام البشت حقه ومدّه لسلمان ولبسه ، وقفوا يطلعون من البيت على أفخم السيارات الصغيرة ماشين ومتوجهين للقصر ..
~ قاعة الزفاف ~
الحضور الضخم بدأ بالتوافد للقاعة ، نهيّان وعياله وعريسهم واقفين قدام البوابات ويرحبون بالضيوف والحضور من صغيرهم لكبيرهم ، يستقبلون الكم الهائل من الهدايا والمعونات ، ويجوبون للضيف ويعطونه حقه ، من الشحم والعود الأزرق والبُن والدلة ، ابتسم نهيّان ونطق : بدخل أنا
سطّام هز راسه بالايجاب وقال : أستريح
مشى نهيّان يدخل للمجلس ومعه هذام ، ألتفت سطّام وضحك من شاف أخوانها ونطق سنجار : حيّ النسيب !!
ابتسم يتقدم لهم ويسلم عليهم ، تقدم سلمان وسلطان معه ورحبوا فيهم ، ابتسم أيار ونطق : الله يسلمكم جميع
سلطان : تفضلوا داخل تفضلوا
مشى سطّام مع سنجار اللي نطق : بنزفها لك بس قولوا لنا الموعد لأن الحريم مايردون
سطّام هز راسه وقال : لا تشيل هم
جينار ابتسم وقال : عريس منجد تبارك الرحمن !
سطّام ضحك بخفه وقال : الله يرفع قدرك يحبيبي
دخلوا كلهم ورجع سطّام يوقف بجانب أخوانه ، ابتسم لحضور قصي وأخوانه وأبوهم ، بالمعونه والترحيب والتبريكات ، ابتسم يسلم عليهم ونطق : ماقصرتوا تنرد لكم بالأفراح يأبو عبدالرحمن
ابتسم قصي ونطق : مبارك زواجك يا أخوي
ابتسم سطّام له ونطق : الله يبارك فيك
قصي : صرنا قرايب وجدا !
فهم سطّام مقصده ونطق : قريب من قبل ياقصي
دخلوا للمجالس ورجع بتعب ونطق : مايخلص العدد ؟
سلطان : أبوي له يومين سهران على الحضور تتوقع يخلصون بسرعة ؟
ضحك سلمان وقال : على كذا بيأذن الفجر وحنا واقفين !
ضحك سطّام ونطق : بس بس الدفعة المدري كم وصلت
ضحك سلطان وتقدموا يرحبون بالرجال والضيوف ..
~ قاعة الحريم ~
كانت أم سعود وانفال واقفين عند المدخل ويرحبون بالحضور ، زفرت انفال بغضّب ونطقت : شددي على الجوالات
العاملة نطقت : أبشري
مشت انفال تدخل ونطقت : ظبيه وصلت أختك ؟
ظبيه : باقي
انفال : طيب وقفي مع جدتي
ظبيه هزت راسها ومشت توقف مع أم سعود ، طلعت انفال مع المصعد ، وصلت للطابق الثالث ومشت تركض بكعبها لغرفة اسرار ، فتحت الباب ونطقت : خلصتوا ؟
اسرار هزت راسها بنفي وقالت : وشفيك مستعجلة ؟
عِقد : لا فعلاً تأخرنا
رفعت انفال جوالها من أتصل عليها سلمان ونطقت : هلا حبيبي
سلمان : انفال سطّام بيدخل
انفال توسعت عيونها بصدمة وقالت : سلامات ؟؟
سلمان ابتسم وقال : عشان الطرحة اللي صممها لحَرمه
انفال : اوكيه دخلوها وأنا أوصلها
سلمان : رفض ويقول جايكم
انفال ضربت راسها وقالت : طيب
قفلت جوالها ومشت لهم ونطقت : عِقد أمشي ننزل
عِقد : أشبك ؟
انفال : سطّام بيجي
اسرار ابتسمت بصدمة وقالت : حيّاه الله
عِقد ابتسمت وقالت : بتجلسي بفستانك دا ؟
اسرار : أجل ألبس الفستان من الحين
انفال : واسرار صادقه والله
عِقد : ياغبيه الفستان مره قصير وماسك بس جوي
ضحكت انفال ومشوا يطلعون ، زفرت بتوتر من طلعت الكوفيره من عندها ، وقفت تسمع صوته بآخر الممر ، تقدم للباب ودقه بهدوء ونطقت : تعال
دخل سطّام وسكر الباب وراه ، ابتسم يشوف نعومة تفاصيلها الأخاذة ونطق : يا بسم الله على روحك
ابتسمت له وقالت : وش جايب ؟
سطّام تقدم بالطرحه الخاصه فيها ونطق : أنتي اللي تحليّنها ومتأكد من هالشيء وأراهن عليه بعد
ابتسمت من علقها وشافت كمية الكريستال والألماس فيها ونطقت : من مسويها ؟
رفع يدينه بمعنى ' هاليدين ' ابتسمت وتقدمت له ، حاوطت كفوفه وقربت بتقبّلها لكنه سحبها وحاوطها ونطق : جعل عمرك طويل ي بِكر محمد !
ابتسمت اسرار وقالت : هالعالم كله يحسدوني عليك
سطّام ابتسم وقال : والله شاك فالموضوع متأكده مو العكس ؟
اسرار ضحكت بصدمة وقالت : سطّام !
سكن لثواني يشوفها تضحك وهي بحضّنه ، مصدوم ويمكن هي ما أستوعبت ، نطقت بأسمه ولأول مره وهزت كامل كيانه بنطقها ، هو عاش طول عمره وهو يسمع أسمه بس هالمره وباللحظة ذي أستغربه ، حبّه منها وكيف كسَرت بنطقها لأسمه وغيرت مخارج الحروف بالكامل ، على الرغم من أنه نفس الشيء مع الكل لكن بأختصار من منطوقها كان غير ، ابتسمت تشوف سكونه ونطقت : وشفيك ؟
سطّام شّد عليها ونطق : وشلون تسألين وأنتي مع نطقك لأسمي خذيتي نفس صدري بلحظة ورديّتيه !
قربت منه وبشدة ونطقت بسخرية : سطّام مني ألذ صح ؟
سطّام عضّ شفايفه وتقدم يقبّل ثغرها ، بادلته لوقت ماحسبته ، حسّت بنفسها لمن جلس على الكنب وهي بحضّنه ونطقت بتوتر : سطّام بشويش الضيوف والزفه
سطّام زفر بغضّب ونطق : العن أبوهم يابنت !
سحبها يرجعها وكمل يقبّلها بعمق ، ضرب الباب وأستوعب سطّام على نفسه ووقف ، كان خشمه يلامس خشمها يشوف إحمرارها خجلاً ، عضّ شفايفه ونطق : أنا ماشي بس ورانا ليل طويل !
طلع من عندها ونطقت انفال : وشفيك محيوس ؟
سطّام نطق وهو يمشي : خلصونا
وقف عند أحد المرايا وسحب المناديل ، مسح شفايفه ونطق : محيوس ؟ ألا ملعوبٍ في حسبتي ويلوموني عذبني صغير السّن !
طلع يركض يحاول بشتى الطرق ينسى ، تقدم يجلس بجانب أبوه وألتفت من نطق سنجار : متى ؟
زفر بقرف ونطق بهمس : أشغلنا الله يشغله
مسح وجهه ونطق : إذا كلمتك
جينار ابتسم وقال : فيك حاجه أنت ؟
سطّام : أبد طيب وبخير
صدّ لأبوه ونطق : تكفى يأبوي مايمدي أخذها وأمشي ؟
ضحك نهيّان بصدمة ونطق : لا خلك معي
سطّام مسح وجهه وشنبه ونطق : يلعن..
سكت يخفي غضبّه ويشتم اللي طرق الباب ونطق تحت انفاسه : لو يدري سلمان إني أقصد انفال ذبحني
ضحك بسخرية وقال : ايه وش بتسوي ؟
نهيّان : بتقدم لريم
سطّام طارت عيونه بصدمة وقال : لا يا نهيّان !!
ضحك نهيّان وقال : وش ينقصني
ألتفت سطّام وسحب سلمان ونطق : شوف أبوك وش يقول
سلمان مسك راسه وضحك بخفه وقال : قال لي ! مدري وش يحسّ فيه
ضحك سطّام ونطق : الله يقطعك
سلمان بضحك نطق : لا تخيل وش هذام يقول ؟
سطّام : أجلطني عاد هذام حفلة
سلمان : تعرف الشايب وكايلي..
سحب سلمان يده يبشّم سطّام ويكتم صوت ضحكته ، ضحك بصدمة وقال : دوم يالعريس بس أبوي بيذبحنا أسكت
كتم ضحكته بصعوبة وقال : وينه التبن ؟؟
سلمان ضحك وقال : هذام ؟ هج من أبوي شوفه جنب ضاحي
ضحك سطّام بصدمة وقال : ماهو صاحي قسم بالله
نهيّان زفر بغضّب وقال : انتوا معي ولا وش ؟
سطّام ابتسم وقال : أبد أقدم وأبشر بالخير
سلمان ارتخى ونطب بثقل صوته : اييييه بس
سطّام ألتفت وقال : شعندك ؟
سلمان : أذكر واحد قطعها معي عشاني قبلت بأم الصبيان
سطّام : ايه خلني أشرح لك
سلمان عدّل جلسته ونطق : ايوه ؟
سطّام : لو أدري إن مضاوي عند أبوي من فترة طويلة حتى من قبل وفاة وفاء القلب ماقلت شيء بس أبوي ماشرح شيء ودخل معها بأيام العزاء !
سلمان ابتسم بضيق وقال : الله لا يسقي ياشيخ
سطّام ابتسم وقال : امين !
سلمان ابتسم يوقف ونطق : تلعب بالسيف ؟
سطّام : بغلبّك
سلمان سحب سيف وبدأ ضرب الطبول ، ابتسم يتمايل على العرضة السعودية النجدية ، سحب السيف سطّام ووقف نهيّان بعصاته معهم ، صرخوا الحضور من أهلهم ووقفوا معهم ، نصف يصورون والآخر وقفوا يصفون ويملئون ثغرات الصفوف ، تمايّل سطّام وهو يضحك بخفه ، يتقن العرضة النجدية بشكل جميل ، بطوله وعرضه وسيفه وبشته ، أدق التفاصيل الخلابة بعرضته مع سلمان ، رجع بخطواته لكن صرخوا الرجال بحماس من دخلوا سلطان وهذام للصف يكملونه وابتسم سطّام يسلم على سلمان وينطق : عشّت وعاشت أيامك يا سندي
ابتسم سلمان ونطق : بوجودك يا عضيدي
دخل بالصف وتركوا الساحة لعيال عمهم ، ابتسم يشّد على ذراع مطلق وينطق : وجودك أنت بالذات عن ألف قريب يا حلاة الأيام اللي تكون فيها يا مطلق
ابتسم مطلق له وقال : جعلني فداك يالهَاجس
ابتسم سطّام يتأمل أخوانه وفرحتهم فيه وكيف غيروا مزاجه تمامًا ..
~ قاعة الحريم ~
دخلت انفال وضحكت بصدمة من شافت اسرار تعدل روجها ونطقت : ماشاءالله على قلة الأدب !
اسرار ابتسمت وقالت : ولد عمك الخبيث ماهو أنا
انفال : اللي خافت عِقد منه صار
اسرار ضحكت وقالت : فعلاً المهم نولي تعالي ساعديني بالفستان
انفال ابتسمت ابتسامة عريضة وقالت : الدلع ! كف كف ي سوسو !
ضحكت اسرار وتقدمت تلبس الفستان بمساعدة انفال ، خلصوا وسحبت الطرحه ونطقت : كم الساعة ؟
انفال : قريب وتصير عشرة
اسرار ابتسمت وقالت : ضبطي الطرحه
دخلت عِقد ومعها ظبيه ونطقت : أموت ماشاءالله !!
ظبيه ابتسمت وقالت : ذبت الله يكون بعون بِكر نهيّان
انفال : عِقد تعالي شوفي الطرحه
مشت عِقد تضبطها ونطقت : ماشاءالله ماشاءالله حصنتي نفسك ؟
اسرار ابتسمت وقالت : طبعًا
عدّلت شكلها ووقفتها ونطقت : دودي عطيني عطري
ابتسمت عِقد تجيبه وبدأت ترش عليها ونطقت : بسم الله عليكي ياصاحبة روحي !
اسرار ابتسمت وقالت : ياحبيبة قلبي
شّدت على كف عِقد ونطقت : أشبك متوتره ؟
اسرار كانت بتنطق بس سمعت أصوات أخوانها ونطقت بصوت عالي : لحظة !
لفّت لعِقد ونطقت : اسبقيني
مشت عِقد تطلع من عندها ، سمحت لهم يدخلون ومشوا أخوانها ونطق أيار : ماشاءالله !
ابتسم سنجار وتقدم يسلم عليها ونطق : اليوم طالع قمر !
جينار : قسم بالله غطت على البدر بالسماء !
أيار ضحك بخفه وقال : توترت سموا بالله وأذكروا ربكم عليها
ابتسمت وقالت : ياحبايبي انتوا
دخلت ريم وبناتها ونطقت : لا اله الا الله يادرة الحسن !
ابتسمت بوسع ثغرها ونطقت : كييف ؟
أنهار صرخت بحماس وقالت : وقسم بالله قمر !
أزهار ابتسمت وقالت : والله أقمر من القمر
ضحكت أبرار وزغرطت مع أمها وخواتها
'
انتهى البارت ادعموني بنجمة وكومنت عشان اتحفز اكملكم 🩵
" وحشتوووووووووووووووووووووووني ، البارت مو بطويل اللي بعده عطوه حقه ولا تقصرون بالنجمة والكومنتات 🩵🩵"