"ခင်ဗျားရဲ့ ဒီလိုပြောတာကို ကြားတဲ့အခါ ခင်ဗျားကို တကယ်မုန်းသွားမိပြီ"
Tang Feng က ပြောလိုက်သည်။
"အိုး....ဒါနဲ့ မင်းရဲ့အောင်မြင်မှုက တခြားသူတွေရဲ့ မနာလိုစိတ်ကို ဆွဲဆောင်မိခဲ့တာလား။"
ဒီစကားလုံးတွေက သာမန်နဲ့ ရိုးရိုးသားသားပြောလိုက်သည်နှင့် မတူဟု ခံစားလိုက်ရသည်။ Tang Feng သည် လွန်ခဲ့သော ရက်အနည်းငယ်က ကုမ္ပဏီတွင် ဆက်တိုက်ပေါ်လာသည့် သူနှင့်ပတ်သတ်သည့် ကောလာဟလများကို သတိရလိုက်သည်။
ဒါကို အဲလ်ဘတ် သိနေတာလား ? မေ့လိုက်ပါတော့.....
အဲလ်ဘတ်သည် သူ့သမီးကို လိမ်ညာထားပြီး တမင်တကာ သူ့အနားကို ချဉ်းကပ်စေကာ သူ့သမီးမှ တဆင့် သူ့လုပ်ရပ်တိုင်းကို လျှို့ဝှက်စွာ စိုက်ကြည့်နေမလားဆိုတာ မသိနိုင်ဘူး။ ဒီအရူးက သူ့နာမည်တိုင်း ရူးသွပ်စွာနဲ့ပဲ သူ့ဘဝကို နေထိုင်ဖြတ်သန်းနေတာပဲလေ။
" လုထျန်းကျီ က မင်းကို အလုပ်အကြောင်းပြောဖို့ ဖိတ်ခေါ်ထားပေမယ့် ဒီထမင်းပွဲမှာ အလုပ်အကြောင်း မပြောရဖို့ကို ကိုယ် မျှော်လင့်နေတုန်းပဲ၊ ဒီနေ့လည်စာကို စိတ်အေးလက်အေး ပျော်ပျော်ရွှင်ရွှင်နဲ့ စားသောက်ပြီး ဖြတ်သန်းကြရအောင်လား"
အဲလ်ဘတ် ၏ ယဉ်ကျေးသိမ်မွေ့သော အသွင်အပြင်သည် လူအများကို စိတ်ချမ်းသာစေအောင် လုပ်ဖို့ လွယ်ကူသည်။ ယဉ်ကျေးသိမ်မွေ့မှုသည် တစ်ဖက်လူထံမှ ရင်းနှီးမှုကို အလွယ်တကူရစေနိုင်သည်။
"ကောင်းပါပြီ" Tang Feng က ကျေကျေနပ်နပ်ကြီးဖြေလိုက်သည်။
ထမင်းစားပွဲက တိတ်တိတ်စွာ ဆက်လက် ကျင်းပခဲ့သည်။ Tang Feng က အဲလ်ဘတ် နဲ့ နေ့လည်စာစားတာ ဒါပထမဆုံးအကြိမ်မဟုတ်ဘူး။ အဲလ်ဘတ် သည် အမှန်တကယ်ပင် ကျင့်ဝတ်ကို ထိန်းသိမ်းကြောင်း သူ သေချာသိသည်။ ထမင်းစားချိန်မှာ စကား မပြောပေ။ လေထုကို ပေါ့ပေါ့ပါးပါးဖြစ်စေဖို့ ရယ်မောဖို့ စိတ်ဝင်စားဖို့ကောင်းတဲ့ အကြောင်းအရာတွေ ရှိပေမယ့် အဲလ်ဘတ်က ဘယ်တော့မှ မပြောပေ။ တကယ်တော့ ဒီအကျင့်က သူနဲ့ တော်တော်တူတာပဲ။
YOU ARE READING
(V 3+V4) ကောင်းကင်ယံထက်က ငွေကြယ်ပွင့် ( MM translation)
Romance(True Star _ Volume -3) Volume _ 1 https://my.w.tt/0VLPMBzaM0 Volume _2 https://my.w.tt/FiO6qMLaM0 https://www.rabbit-converter.org/Rabbit/ Because of my friend Shiroyuki, now i am ok to up my fiction with both myanmar font. Thanks Shiro.
volume_4_ Chapter (26) - ဖွင့်ပြောစရာမလိုသည့် နားလည်မှု
Start from the beginning
