لفت لفه بيها جبن وهيه تنطيني
_اكلي
ضلت تلف وتنطيني وانا كوة ابلع الاكل
خلصت ماكدرت اشيل الصينيه بيد وحده والايد الثانيه بيها حرق طفيف ماتعيني اسوي شي
_ماعرفتج شنو اسمج ولو الصار بيج مخرب من ملامحج بس بعدج حلوة صاحبه الملامح الجاده مبينه
ابتسمت الكلامها اكلها
_انا افنان
_وانا شيماء
_خالة شتقربين الخالد
_خالته
_خالاته مو وسناء وحسناء ماسمعه بيج جانن وسناء وحسناء دائما يجن البيت ابو ماجد ويضلن يمنه بس ماشايفتج وياهن
هزت راسها وهيه تكول بتنهد
_انا قصتي قصه حبيبه هم عشت ونذليت وتعبت وتالي صفيت وحيدي انا وبنيتي وابني مسافر للخارج
_مايزورج هنا وانتي وحدج
_بعد من ضيم كلبه طلع من العراق مايكدر يجي الحد مايحصل اقامه المهم هو مرتاح وانا مستوره هل اشتغل واخيط مامخليه روحي بعازه احد
_الله يساعدج خاله تكدرين تحصليلي شغل انا اكدر اشتغل بمجمع طبي او مختبر مال تحليلات او صالون بس شايله من راسي المجمع والمختبر لان مستمسكاتي مو يمي بس اكدر اشتغل بصالون واكدر اتعلم منج الخياطه خالة كلش محتاجه الشغل اخواني ضلو عد رجلي واريد اجيبهم يمي بس بالاول اريد اشتغل علمود اكدر اتصرف
_هسه طيبي وصيري زينه لاتشيلين هم لامصروف وانتي يمي وابن خالج خالد اكيد مايعوفج
_خالة مديت ايدي للغرب هواي وخالد هم جاي يساعدني ماكدر امد ايدي اكثر
_شوفي بنيه اعرفها عندها صالون هيه معروفه ب المنطقه اشوفها اذا تحتاج عامله وياها
_اي خالة ياريت
_افنان تعرفين انا جبيرة ب العمر وصحتي على كدي ماكدر اكعد على المكينه هواي اشتغل من الفجر للعصر خياط قبل سنين جنت اخيط فراشات مال سرير واخيط بردات بانواعها جنت شاطره بيهن واحصل عليهن ربح بس من صار عندي انزلاق ب الفقرات تركت هل خياط لان جان ياخذ وقت اضافه الى خياط الدشدايش فاكول ليش ماتتعلمين انتي على خياط الفراشات والبردات كلش سهل وانا اشتريلج الاقمشه وانتي خيطي وبيعي يعني من اخلص من الدشدايش استلمي المكينه انتي
_بس خالة شلون يعني اذا ابيع يشترون مني
_لا انا راح انشر مديلات من البيجات اخذهن وانشرهن وصاحباتي وبنات المنطقه عدهن رقمي يشوفن الحالة والي تريد تخيط نخيطلها وانا وياج لحد ماتتعلمين
حسيت الموضوع وترني وبنفس الوقت الله حطني بهيج مكان علمود يرأف بحالي
_خالة اي اخيط وياج بس لاتنسين الصالون
_حبيبه بس طيبي ويصير خير
part 42
Start from the beginning
