وجودك أمان(ليبية_منقولة)

الحلقة 17/18/19/

يرجف قلبي وين يخطم من يالاي
تجيني ربكة وين نشوف حبيبي جاي
يرجف قلبي وين يخطم من يالاي
تجيني ربكة وين نشوف حبيبي جاي
مش عارف كني يا اصحابي
زعما هذا كثر أعجابي
مش عارف كني يا أصحابي
زعما هذا كثر إعجابي

بالقاسم بصوت هادي : و إلا غير إعياط وراي

خطم محمد جنبنا بالقاسم سيارته عالية و محمد واطية
بالقاسم فتح الروشن قعد يشيرله بتفشيك معني عدي عدي
محمد ضحك حرق السيارة
بالقاسم سكر الروشن

كم كلمة سمحة انوتيله
بأشواقي نبي نشكيله
وين يجيني نا نحكيله
بالقاسم بهدوء : تقول كتيبه دوم معاي ،
كم كلمة سمحة انوتيله
بأشواقي نبي نشكيله
وين يجيني نا نحكيله
تقول تبيعه دوم معاي ،،،
يرجف قلبي
وين يخطم من يالاي
تجيني ربكة
وين نشوف حبيبي جاي
مش عارف يا أصحابي
زعما هذا كثر إعجابي
و إلا غير اعياط وراي

ليش يلخبط فيه كياني
و الكلمة تثقل في لساني
و ما نلقى في الصوب معاني
نوحل وين يكون احذاي
ليش يلخبط فيه كياني
و الكلمة تثقل في لساني
و ما نلقى في الصوب معاني
نوحل وين يكون احذاي
نوحل وين يكون احذاي،،،

يرجف قلبي وين يخطم من يالاي
تجيني ربكة وين نشوف حبيبي جاي
مش عارف كني يا أصحابي
زعما هذا كثر إعجابي
و إلا غير اعياط وراي

وصلنا للقاعة نزلني خشينا كلنا وراء زهور لقيناهم دايرن طاولات خاصة بينا قمعزنا قعدنا نتفرجوا على زهور أول ما وصلت هي تصور بعد ساعة وصل العريس قعدوا يصوروا رقص معاها قصوا التورته و طلعوا طول نحن لبسنا و طلعنا كل وحده ركبت مع اللي جايه معاه محمد و رندا مع بعضهم في سيارة و أنا طلعت بالقاسم شافني جاني قعد ماسك الكاب بيديه الأثنين معاهن الخمار ماسكن زين و ركبني سكر الباب و طلعهم كلهم ركب في السيارة قبل ما نخشوا للشارع

أنا : بالقاسم
بالقاسم نقص صوت الأغاني : أيوه
أنا : حطني في الحوش نبي نغير قبل
بالقاسم : تمام
درسوا كلهم قدام حوش عيت عمي بالقاسم برم جيهة حوشنا نزلت نزل معاي فتحلي الباب سلحت الكعب طول حولت الكاب
بالقاسم قرب مني قعد يبوس فيا لين مسح الروج بكل و وخر
أنا كنت نبيه يعتذر بطريقة أخرى بس للأسف ما يحكيش
ركبنا قعدت نفك في العربي
بالقاسم يتفرج عليا : نساعدك
أنا خفت نرتبك منه لما يقرب : لا لا
فكيت المحرمة و التاج و الشناقيل شعري مستشور و ظفيرة فكيتها نبي نفك ربطة الرداء ما قدرتش صبا ورايا فكها ليا و طبس على رقبتي رفعت يدي نفك في الربطة متاع الرداء اللي فوق قلبي داير هرجة لكن مش عارفة كيف جتني القوة و رفعت يديا اللي يرعشن و كأني مش معدلة
بالقاسم وخر
أنا خذيت فستان طويل و كم فيه ربطه تحت الصدر وخشت للحمام كنت منتهيه نبي نمسك روحي قلبي فاضحني قدامه حولت باقي اللبسة غسلت جلدي مادام مسح الروج ما يبيش مكياج عشان هذه ثالث مرة ايدير نفس الحركة غسلت وجهي لأنه مكياج العربي ثقيل قلم العين قعدت جرته لبست و طلعت نمشط في شعري مقمعز يبحت في التليفون صبيت بحت فيا لبست الوشاح طلعت لحقني طلعنا من الحوش لقينا عميمه في الجنان مع خشت اسماعيل و أميمه بالقاسم عطها بالظهر