شلون جواهر هيج تغدر بيه
شلون اطلع منا شيطلعني بعد
شلون جرثومه هسه معقوله مات
مهيمن ومهدي شلون بيهم معقوله خطفوهم هم
نفضت راسي من الافكار التعبانه وانا اشهك بجيي
لازم اصير كد الموقف الانا بي
محد يخلصني منا غير نفسي
غمضت عيوني التحركني دايخه من كد مابجيت
ماعرف شكد مر وقت بس كل شوي افز مرعوبه احضن رجلي علي وارجع انام بخوف حاطه راسي يم الباب اريد بس اسمعلي صوت احد بيهم
غطيت بنومتي بين النايمه والكاعده سمعت
صوت احد بيهم وهو يكسر هل هدوء ويكول
_سيدي بعدهي ماصحت
صوت خطوات قريبه
كمت على حيلي وانا ادك الباب بكل قوتي
_صحيت والله صحيت طلعوني منا المن حابسيني
نفتح الباب رجعت ليورا امسح دموعي حطيت ايدي كدام عيوني احجب عني الضوا عن عيوني الاذتني واحد وراي دفعني ليبرا بقوة
طحت على وجهي على اثر دفعته وروحي الخاويه منا
كمت على حيلي وانا اوكف كبال رجال جبير ب العمر نسخه من الحقد العند فائق ونفس لبس فائق عبالك سيد اعمال هو وقاطه
تفلت بوجهه وانا اكله بحقد
_تفوو على هل شيبات قدرتك عليه مثل ماكال جرثومه مثل الفاره تتختل
_اهلا وسهلا بجنتي شلونج بابا
تجاهل كلامي بطريقه مستفزه
باوعتله واحس عيوني راح تطلع من كد ماخزر بيهم
_على شنو متعبه اعصابج حبيبتي انتي هنا بظيافتنه
جريت نفس احاول اهدي من نفسي واتحمل استفزازهم بلعت ريكي بخوف اريد اتصرف وياهم بهدوء وذكاء عمره الصوت العالي والتهديد بيهم مافادني
_عمو ممكن افهم انا ليش هنا على اي غلط انسحب من وسط بيت صديقتي هيج سحبه ادري بصديقتي ماتسويها اله وجانت جوا ضغطكم
ابتسم وبرز سنه الاصفر المقرف
_مثل ماكال ميمون بزونه شرسه تعرف شتتصرف ذكيه وحلوة ماغلط باي وصف ابني من وصفج
_اتوقع جاي احاجيك بموضوع مهم مو وكت وصف ابنك
_المهم خلينه نظيفج ولو عيشناج ليلة صعبه هسه تفضلي اخذي راحتج
كالها وراح فتح المعصد ونزل بي
ضليت صافنه انا وين معقولة انا بيت بهل حجم
نزلت ب الدرج للطابق الثاني باوعت ليجوا بعد اكو طابق
كعدت ع الدرج تعبانه
سمعت اصوات نسوان جوا
نزلت اشوف انا وين
كل ما امشي كل ما انصدم وانبهر ب البيت الانا بي
بس ماينرسم بالي غير كل هذا حرام مابي اي فلس حلال
رحت اتبع مصدر الصوت الجاي من المطبخ دخلت لكيت بنيه تبجي بشهيك وهيه حاطه ايديها على عيونها ولابسه تريد تطلع مدري توا فاتت
part 35
Start from the beginning
