فزت مرعوبه وهيه تباوعلي متفاجأ
كعدت على حيلها وهيه تشيل شعرها القصير من وجهه
حضنتني وهيه مامصدكه انا كدامها_يمه اصيل خوفتيني عبالي حلمانه بيج صوت بجيج بنومي عبالي اتوهم
كومتها من مكانها اخذها للهول وانا بصدمتي اصيل كدامي بوضعها المنهار جنت كوه امشيها
كعدتها ع القنفه اخذت جنطتها من كتفها وشمرته ب الكاع اريد الزم وجهه ماكدر روحي نمردت علينه تبجي بدون معنى فاقده ب البجي
لزمت وجهه بيدي الترجق احاجيها بخوف
_شبيج اصيل راح تموتينيضمتني حيل وهيه تحط راسها على صدري تناشغ بواجيها
نزلت دموعي عليها ماعرف شبيها كلتها والغصه ماليه صوتي_احد ماذيج اصيل عبدالله خالد خولة ماجد خالو وياج
تحجي بكلماتها المتقطعه وهيه حاصنتي حيل
_كلهم لا خليني يمج عفيه لاتوديني هناك_بس كليلي شبيج راح يوكف كلبي من الخوف
_امي البارحه خابرت على خالو تقنعه يزوجني طارق غصبا عليه وانا ماريده
حطيت ايدي على راسها وهو حاضنتي اريد اهديها
_سهله اصيل ينحل الموضوع عبدالله مايدري موهزت راسها بلا
_اكيد مايسكت ع الموضوع بس باعيلي راح تموتين ولج راح يوكف كلبج بس باعيلياريد ارفع راسها تشوفني ماتقبل مجلبه بيه عبالك راح اشرد عنها
_اصيل والله الموضوع مايستاهل هيج بس باعيلي ولج
_يستاهل افنان يستاهل لان امي ماتريدني_اااخ يامي ااااخ ياربي هو هذا عقابك النه باعيلي اصيل انتي ماتعرفين امي شلون قراراتها طايشه ماتعرف الله وين حاطها يعني انتي نسيتي شسوت بيج من هاي وقيسي
رفعت راسها من صدري وهيه تشهك عفتها ركضت للمطبخ اجيب ماي
غسلت وجهه بماي بارد اريدها تهدأ حجت بشهكاتها_سوت هيج علمود ماتزوج عبدالله علمود يضل يكرهني خاف باجر عكبه يعيرني منو اهلي عبالها طارق ملاك
_مادخلج بيها المهم احنه نعرف شنو عبدالله وشنو طارق
_انا مو ابجي على عبدالله وطارقغصت بنفسهه وهيه تحجي نفخت كدام وجهه اريد تتنفس
شهكت بنفسها وهيه تبجي_اصيل فرفحتي روحي عليج
_افنان انا مو بت فائقمجرد كلمات سخيفه نطقتهن اصيل وهيه تعبانه ليش اهتم اهم شي تسكت وماتحجي من كيفها
![](https://img.wattpad.com/cover/342596254-288-k401961.jpg)
part 32
ابدأ من البداية