جيتلها ضيافه وهيه تسولف ويه امي منطلقات بس اباوعلهم ماكدر حته اشارك بالحديث شكد مدحت بعربيد سوته النه نبي اباوع الامي شويه ويطلعن كلوب حمر من عيونها لان مصدكه من الصوم والصلاة والشغل وقوة الشخصيه والفلوس والعقار اليشتغل بي كله ماصدكته
باوعتلي وهيه تكول
_اللهم صلي على محمد عين البارده عليج بنيتي كره عين عربيد بيجبلعت ريكي ساكته واصيل تكرص بيه تريد اجامل لو ابتسم وامي وهيه لاحظني شكد جنت تعبانه امي حاولت تتدارك الموقف وهيه تكلها
_اليوم كلش مريضه خولة الصخونه ماخذتها حته كوة كعدت وصحصحت
ضلن يسولفن وبالي مو وياهن لحد ماصاح عليها عربيد وطلعو دخل خالد كالب وجهه وابوي يحاحيني
_بوية شتكولين توافقين علمود يشوفج وتشوفيه همه منتظرين نرجعلهم خبر
دنكت راسي ماعندي جواب باوعت الماجد مكتف ايديه يباوعلي وخالد بس يخزرني خفت انطق كلمه من شفتهم
_ها بويه شتكولين خوش رجال صح اعرفه من فتره بس خوش رجال
_يابه ماتنطيها
_مو بكيفكم حجيت العندي تسكتون بعداباوع الخالد شوي وينفجر من العصبيه حته وجهه احتقن
_الي تشوفه باباابتسم وهو يحضني دمعت عيوني ابادله الحضن
وهو يكول_مايهون عليه تطلعين من بيتج بس ماريد اكطع نصيبج
بست راسه وانا اصعد فوك
طفيت التلفون وتمددت دموعي تنزل بهدوء ماريد يخابر واسمع صوته ولا اريد اسمع صوت اهلي كل ما سمعه تلزمني الغصه.......
بنيامين يخابر الجرثومه بصياح مكتوم بالغرفه
_هسه تجي جرثومه وتجيب هل نذل وياك حسابه وياي انا اعلمه
_كتلكككك هسه تجي تضل يم عمتي ملكيه مارديها تحس على غيابي
سد التلفون متاكده صار شي مامعقوله بنيامين يصيح على شي تافه
_شصاير بنيامين_هل عربيد النذل راح خاطب بت خالج
نخمش كلبي من كلت هيج اجه بالي خوله وخوفها منه
_شلون بنيامين شلون يوافق بي خالي_هسه تلكينه مسوي روحه امام يمهم هل ملكوف نا اعلمه
كالها وطلعضليت افرك بيدي بقلق هاي يمته صاير هيج وخوله امس يمي معقوله الصبح رايح خاطبها لو العصر ااخ ياربي على حظج يخولة
طلعت لعمه ملكيه وعاتكه لكيت مهدي ومهيمن يمها اجت من العصر بعد مالحت على بنيامين ياخذني الهم بس ماقبل فهيه اجت
_يمه شبي هل بنيامين طلع روحه بخشمه
_مادري حجيه يجوز صاير مشكله بشغلهشوي ودخل جرثومه
قبل لايسلم كال بلهفه
_وين راح بنيامين
part 31
ابدأ من البداية