علت أصوات ضحكتها الشريرة في المكان و بعد ذلك ذهبت معي حتى توصلني إلى ذلك البيت اللعين. و عندما اقتربنا من المكان أوقفتني و قالت
" بصي متظهريش انك مضايقة من اللي هيحصل و لا تعملي نفسك مبسوطة خليكي عادي. و ارجعي البيت و خليكي عاقلة ده هيساعدنا جدا في الخطوات الجاية. "
" ازاي يعني ؟ "
" لازم تبعدي كل الشكوك عنك انك ممكن تتهوري و تعملي حاجة عشان لما نعمل الخطة ميعرفش يوصلنا حد. "
أعجبتني خطتها و تفكيرها و بالفعل صدعت بأمرها. تركتني و ذهبت و أنا دخلت البيت. فعندما رآني منتصر قال لأمي
" أهو شفتي زي ما قلتلك. هتعيط شوية و بعد كده هتعقل باين عليها انها بقت أهدى. مش كده يا رينادا ؟ "
فقلت " مبروك "
فاحتضنتني أمي و هي تهمس لي بصوت أسمعه أنا فقط و تقول
" أسفة بس مفيش في ايدي حل تاني. "
و بعد ذلك اصطحبنا منتصر للبيت و سمعته يقول لأمي
" قدامنا شهر نجهز فيه و هعملك أحلى فرح و هعوضك عن كل اللي فاتك و عشان خاطر سمعتي كلامي أنا هكتبلك المحل باسمك. "
فلم يكن لأمي أن تفعل شيء سوى الطاعة أو تقول أي شيء غير
" حاضر "
ذهبت لغرفتي على الفور و أنا اشتعل غضبا و ثورة على منتصر. بعد خمس دقائق ذهبت أمي الى الغرفة لكي تطمئن علي و قالت
" ليكي حق تضايقي بس أنا عايزاكي تعرفي أن بابا الله يرحمه هو الانسان الوحيد اللي حبيته و عمري ما كنت هتجوز حد غيره بس .. بس "
و غالبتها الدموع و أخذت تبكي بحرقة لشعورها بالذنب تجاهي و تجاه أبي. فاحتضنتها و أنا أقول
" أنا اللي أسفة اني كنت السبب في كده. لو كانوا قتلوني كان أحسن ليا و ليكي. "
" لا يا حبيبتي اوعي تقولي كده. أنا مش هكمل معاه أنا بس هستناه يكتب المحل باسمي و ساعتها هعرف أسيبه. و أنا فهمت بابا و خيلانك على كل حاجة. "
جاء اليوم التالي يوم الأحد ذهبت للمدرسة فعندما رأتني سلمى و آدم قالت سلمى
" فينك يا بنتي طنط اتصلت عليا و على آدم و سألت عليكي. انتي كنتي فين ؟ "
و لكنني نظرت إليها حائرة. أأخبرها أني تم اختطافي أم أكذب عليها ؟ و لكن إذا كذبت ماذا سأقول ؟
فقلت
" مفيش بس حصل سوء تفاهم. "
فقال آدم
" أيوة و ايه سوء التفاهم ده ؟ "
" معلش أنا مش عايزة أتكلم دلوقتي عن الموضوع ده. "
YOU ARE READING
أيهما أختار ؟
Paranormalبسم الله الرحمن الرحيم تعد هذه القصة هي الأولى لي باللغة العربية و بعض الأحداث مقتبسة من قصص على أرض الواقع أرجو من كل قلبي أن تنال اعجابكم المقدمة لدى كل منا مخاوف و بداخل كل مننا وحش و لكن هل كل منا يستطيع التحكم في ذلك الوحش أو مواجهة م...
