،
.
،وتمضي ايامنا وعشقنا يبقي ..
لحظه..!
من قال ان هنالك شيء اسمه..
(عِشق بِلا قُيود) ؟
.
بعد صلاة العصر..
بعد السلام والسؤال عن الاحوال.. هاهي ربع ساعه تمر وهو لم يفتح الموضوع الذي قدم من اجله..!
ابتسم ابو تميم وهو يرحب، اي زياره ستأتي به هذا التوقيت سوا موضوع يخصه، لكن لماذا يحتفظ بصمته/يالله حي عبدالرحمن بن فهد.. الليله ضيافتكم عندي
عبدالرحمن/الله يبقيك يا عمي،ماتقصر طال عمرك انا بصراحه جايك بموضوع يخصني..
استغرب/حاضرين للطيبين.. قول وش في خاطرك
اردف عبدالرحمن/بصراحه انا بودي اناسبكم.. ونسبكم يشرف اي رجل.. وجاي اليوم اخطب بنتك صيته لي على سنة الله ورسوله.. وتأكد يابو تميم ان وافقتوا والا رفضتوا نظل اهل وقرابه والزواج قسمه ونصيب.. هاه وش قلت
ابتسم وهو يرى ثقة عبدالرحمن وقدومه بنفسه وابن اخيه الذي يصغره سناً/والله يا ولدي انت رجال كفو ونعم فيك..مثلك ما ينرد،بس انت تدري انها مطلقه؟ علشان نكون على بينه!
ابتسم عبدالرحمن/ماجيت اخطب الا عارف العرب اللي بناسبهم
اعجبه رده/دام كذا اجل عطنا مهله نشاور البنت و عقبها نرد عليك و الله يكتب اللي فيه خير
دخل تميم في هذه اللحظات وفهم ان هنالك موضوع زواج.. لكن لا يعلم ايهن صيته ام دلال/السلام عليكم
وقف الجميع يسلم..
عبدالرحمن/مرحبا بك تميم.. كيف حالك؟
تميم بابتسامه/بخير يمال الخير.. تفضلوا
ابتسم عبدالرحمن/في الحقيقه كنا جايين في موضوع بيقوله لك الوالد.. وإنّا نستاذن ..والايام جايه كثير بنسير عليكم وتسيّرون علينا هاللحين نبي تعذرونا
تميم حاول ان يريحه فهو يراه مرتبك/معذور يا عبدالرحمن وابشر بالموضوع اللي بغيته.. وان كان لك نصيب عندنا بتاخذه
اتسعت ابتسامة عبدالرحمن/الله يكتب اللي فيه الخير...بغيت اطلب طلبفي حال لو ان العروس قبلت بي اذا مافيه مانع
تميم/قول طلبك ومن حقك تطلب اذا وافقت العروس
عبدالرحمن/ياليت تكون فيه نظره شرعيه لو ماتمنعون هالشي
فضّل خالد الصمت ليلتفت لتميم ليرى ردة فعل أبنه..!!
صمت تميم قليلاً وهو يفهم نظرات والده مقلباً الموضوع في رأسه، ذلك افضل لصيته ان تراه ويراها، ربما لا ترتاح له او لا يعجبها، يجب ان تأخذ حقها كاملاً في زواجها الثاني، يجب ان تتزوج عن اقتناع.. آن الآوان لقلبها ان يختار/تم يا عبدالرحمن..
