..
مستاذنك لمصافح البين بالبين
بآخر محطاتي وبأصدق طعوني
انتي كذا والا كذا ماتحسين
خليني اخذ بثار ماضي شجوني
تعبت أردك للعيون وتطيحين
واصدق اعذارك واخيب ظنوني
بس طيحتك هذي(قويه)وتدرين
أصلاً وجودك كان معمي عيوني
خليك موجوده هنا لا تروحين
أنا اللي بخليك وارحل بدوني
منتي بركنٍ تركه ينقص الدين
عشان احط اللي ورايه ودوني
... .
.
،
.
،
.
اغلقت الهاتف من ام الجوهره وهي تستغرب ماسمعته.. لتجد وافي يدخل في هذه اللحظات وتتجه اليه بتساؤل/ووافي
كان يهم بالصعود للأعلى ولكنه توقف لندائها/هلا مضاوي
اوقفته عند الدرابزين/ام الجوهره اتصلت بي وقالت بتتزوج هالاسبوع،صحيح والا بس تبي تغث الجوهره؟
رد بجديّه/ايه صحيح وجاي اخذك تضبطين اموري.. تجهزي باخذك معي هاللحين
استغربت/كذا على كيفك؟ تتأمر على اختك الكبيره!
قبلها بين عينيها وتحدث بهدوء/ساعديني لبى قلبتس
استغربت اكثر/بغيت تنجن لو ماتزوجت الجوهره ..وهاللحين ماتكمل كم شهر الا موديها اهلها.. ثم تتزوج عليها فجأه.. وش مسويه يا ولد.. هي صحيح صغيره ومراهقه بس ولو ماظنيت انها بتخطي هالخطأ اللي يخليك تكبها كذا.. فكر ببنت عمك لا تكبها بعد كم شهر من زواجكم تبقى بنت عمي فواز اللي يحبك
انتظرها حتى انتهت/خلصي وهاتي عباتك والحقيني بسرعه، اللي بتزوجها من الديره.. ماهي من الدمام
مهما كان فمضاوي انثى وتشعر بوجع الضرّه وان كانت تنتقد تصرفات الجوهره الا انها لا ترضى لها الوجع تضل ابنة عمها الصغيره/انت اجل صدق ملزّم تزوج ع الجوهره؟ ليه ياخوي.. لا تهور وتندم.. ان كانها اخطت عاقبها باي شي بس لا تجيب لها ضرّه تكفى، "الضره من المضره" لا تقهر الجوهره
بحقد غريب من وافي/اني ابي اقهرها.. ارتحتي؟
عبست/ماني رايحه معك.. اذا زواجك بهالسرعه بس علشان تقهرها!!.. وش ذنب اللي انت تبي تتزوجها هااه؟ حرام عليك فكر صح
امسك بها ونطق برجاء/طلبتتس لا تخليني
.
،
.
،
.
،
