مدخل:
قيل قديماً عند البدو.. إذا صادف رجل إمراء في مكان ما وصرخت... فإفزع للرجل وانقذه هو "كناية على عِظَم كيد المرأه"..
ولكن الحاصل مازال كيد المرأه هو الأقوى والقائم تأكيداً لما قاله ربنا في كتابه في وصفه لكيد المرأه..!!
،
.
،
..
الاحداث السرديه*
اراد تحريك المياه الراكده ،حاول جاهداً جمع اعمامه بجده تحت سقف واحد في بيته.. ولو لليله.. سينهي موضوعه مهما كلفه الامر.. لن يلتفت لرفض احد..بعد ان أذاب جليد العلاقه مع جده..
اجتمع الكل في بيت حاكم الابن..
على غير العاده الجميع في المجلس ولكن ينقصهم تواجد "ابو تميم" كعادته مسافر..
بعد الاستقبال والقهوه والحديث عن الاحوال.. نظر الجد الى اولاده مبتسماً ثغره وسط بياض لحيته الطويله/الله يبارك في حاكم اللي خلاني اشوفكم حولي.. سوى خير والا انتم مافيكم خير
ابو عناد وهو ينظر لساعة جواله بتملل/الله يسامحك يبه
الجد/يا مسفر انت بالذات ماشفتك من شهرين ..والله ان عيالك اطيب منك.ترى الدنيا ماتسوى تراكض وراها.
سكت ابو عناد وتمنى لو انه لم ينطق بكلمه....
الجد التفت ليرى تميم قد شرد بعيداً/تميييم
تميم التفت اليه/سمّ يبه
الجد/ الليله منت خالي.. وش فيك؟..وش علوم ابوك
هو لا يستطيع التفكير سوى بما اصاب وهو "خسارته بسبب عبث تلك الماكره/ابخير طال عمرك..
الجد بعدم رضا عما يفعله ابناءه/عسى عسى..
تميم تذكر الموضوع الذي يود اخبار جده به ونطق/جدي..وش بغيت اقولك..
الجد باهتمام/اسلم يا تميم..
تميم اردف/ ترى محماس ابن دحيم اتصل بي ويبي يزورك وبيتكلم معك بموضوع يخصه..
الجد استغرب ماذا يمكن ان يريد منه "محماس" تاجر الاغنام ولكن لم يفكر بشيء/حيّاه الله بأي وقت
في هذه الاثناء كان حاكم يهم بأخذ الدلّه ليصب القهوه من جديد..
بو عناد بفضول/الا يا حاكم ما علمتنا وش العلم اللي تبي تقوله لنا
فاهد اخو عناد اتجه لحاكم فهو يحترمه ويقدره.. اخذ منه الدلّه/والله مايصب القهوه غيري ياحاكم.. انت استريح انفداك
حاكم ابتسم له/فداك اللاش..هذي الدلال وهذي الفناجيل
العم هاجد وهو يستعجله/وش العلم يا حاكم
