لم اعرف طفلتى

الفصل السادس عشر

عند حازم
صحا حازم نظر الى الساعه ثم قام مفزوع فهو تاخر على معاد الصحيان قام غسل وجه وابدل ملابسه سريعا ثم نزل الى الاسفل
وجد سميره ومنه اخته يجلسون يتناولون الطعام
حازم: صباح الخير
نظرت سميره له بحده: قول مساء الخير يا حضرت الظابط يا عديم المسؤليه الظهر قرب ياذن
حازم: معلش راحت عليا نومه قال هذا وهو ما زال واقف لم يجلس معهم على السفره
ندهت سميره الخادمه وقالت شيلى الاكل خلاص مده الفطار انتهت
سابت منه الاكل لانه موعده انتهى وحازم لم يفطر لانه اضاع موعد الفطار
صعدت منه الى غرفتها
حازم: بعد اذنك يا ماما انا هخرج
سميره: انت مش ملاحظ انك معظم الوقت بره
حازم: اسف بس فارس صاحبى كان عامل حادثه عشان كده كنت بروح له
سميره: عامل حادثه تلقيه انسان مستهتر ومتهور وعديم مسئوليه عشان كده عمل حادثه انت ازاى تصاحب واحد زى ده
حازم: لا هو مش كده دا كان سايق والدنيا كانت بتشتى فماشافش قدامه عشان كده عمل حادثه
سميره: وليه ينزل باليل اصلا دا منحل فاسد بتاع سهر
حازم فى داخله: ماتعرفش  أنه كان رايح يقابله اصلا فهو عندما يكون فى العمل احيانا يخرج يقابل فارس ويعود تانى
حازم: لا دا كان فى ظرف طارق عشان كده نزل باليل
سميره: تمام روح و متتاخرش
حازم: ماشى يا ست الكل
صعد حازم الى غرفه منه قبل ان يخرج للاطمئنان عليها
خبط على الباب
فتحت منه
حازم: منه عامله ايه
منه: كويسه
حازم: قاعده بتعملى ايه
منه: بقراء كتاب عن الذره
حازم:طب ما تيجى نخرج مع بعض
منه: نظرت الى الساعه بعد ساعتين ممكن الوقتى وقت القراءه
حازم: طب ما نخرج الوقتى ولما نيجى اقرئى برحتك
منه: لا طبعا كل حاجه ليها وقتها
حازم: طب انا رايح مشوار وبعد ساعين هاجى اخذك
منه: تمام ماتتاخرش عشان احنا هنخرج ساعتين بس  عشان بعد كده معاد الخلوه بتاعتى
حازم: خلوة ايه 
منه: اقعد ساعتين لوحدى اتامل وافكر
حازم طيب ماتقلقيش مش هتاخر عشان ما اخركيش عن الخلوه دى اللى بتقولى عليها
ذهب وجلست منه تكمل قراءت الكتاب

عند فارس
صحا ونظر الى ليلى وقال انا صحيت صباح الخير
انا هقوم اغير واخرج عشان ورايه مشوار وهقول للممرضه تعمل لك شاور زى ما انتى عايزه
وبالفعل ابدل ملابسه وقبل راس ليلى وخرج
ندى الممرضه وقال صباح الخير
الممرضه: صباح الخير يا فندم
فارس: عايزك تعملى لليلى شاور وتخدى بالك منها
الممرضه : تمام يا فارس بيه
دخلت الممرضه غرفه ليلى وقالت انتى اتجوزتى القمر دا ازاى يخربيت جمال امه
عملت لليلى شارو ووضعت لها عطر وخرجت

عند فارس بعد ما ترك الممرضه توجه الى والده فى الغرفه ليطمئن عليه
دخل وقال: صباح الخير يا ميجو
مجاهد: يا بكاش صباح الخير دلوقتى دا العصر قرب ياذن وانت لسه فاكر تيجى تطمن على ميجو حبيبك
فارس: ضحك فارس وقال معلش بقى يا ميجو راحت عليا نومه
مجاهد: ايوه بقى من لقى احبابه نسى صحابه
فارس: انا اقدر برده انت غلطان انا مش انسى صحابى بس دا انا انسى الدنيا كلها قال وهو يضحك
مجاهد:بقى كده يا كلب كل ده عشان ست ليلى
فارس: دى احلى ليلى لولى روحى يا ناس
مجاهد: امشى ياواد يا حبيب من هنا مش مراعى ان ابوك بقى سنجل
فارس: معلش يا حج ما انت عشت حياتك كثير سبنى اعيش انا بقى وبعدين السنجله جنتله
ضحك مجاهد وقال عشت كثير يعنى كفايه عليا كده اروح اموت بقى
فارس: لا طبعا بعد الشر عليك يا حج ربنا يخليك لينا ويباركلنا فى عمرك وقبل راس ابوه ويده
مجاهد: ويباركلى فيك يا حبيبى
خرج فارس ونزل الى الاسفل
نعمه: صباح الخير يا فارس احضرلك والاكل
فارس قال وهو لم ينظر لها: ماليش نفس ثم خرج وتركها
ذهب الى رحاب واخذ مؤمن ورحاب وتوجهوا الى المستشفى
فى المستشفى جهزوا مؤمن للعمليه
فارس: ماتخافش يا بطل انت قوى وشجاع زى بابا
مؤمن: انا مش خايف مفيش راجل بيخاف انا شجاع
فارس: جدع يا حبيبى
دخل مؤمن العمليه وهم ظلوا جالسون يدعوا الله ان يشفى مؤمن ويخرج بالسلامه

عند حازم
وصل السرايا عند فارس ترك الباب
فتحت ملك الباب
حازم: ازيك يا ملك
ملك: انا الحمد لله انت عامل ايه
حازم: انا كويس بدل ما انتى كويسه
اتكسفت ملك وقالت اتفضل
دخل حازم وقال فين فارس
ملك: فارس خرج
حازم: طب انا همشى مش عايزه حاجه
ملك: شكرا
خرج حازم واخرج هاتفه واتصل على فارس
حازم: الو
فارس: الو ايوه ياحازم
حازم: ايه يابنى انت فين انا روحت لك البيت مالقتكش
فارس: انا فى المستشفى
حازم بخضه: ليه حصل ايه تانى
فارس:مؤمن بيعمل عمليه
حازم: ماله الف سلامه عليه عملية ايه بعد الشر
فارس: اللوز
حازم: اجي لك
فارس: لا مالوش لزوم
حازم: تمام لو احتجت حاجه قولى
فارس: ماشى
كان مازال جالس فى سيارته امام بابا السرايا اغلق الهاتف وجد ملك تخرج
ندى عليها
حازم: ملك
نظرت له ملك وذهبت له
حازم: رايحه فى حته تحبى اوصلك
ملك: مالوش لزوم معايا العربيه
حازم: سيبى العربيه وتعالى اوصلك
وبالفعل ذهبت معه فهى ما صدقت

عند فارس خرج الطبيب وطمئنهم على مؤمن وقال شويه ويروح

فى غرفه ليلى
بابا الغرفه اتفتح ودخل احد واغلق الباب

                                يتبع
                       لم اعرف طفلتى

ايه رايكم فى الروايه
عايزه تفاعل جامد بقى
نزلت البارت عشان خاطر القمر اللى طلبته منى