لم اعرف طفلتى

الفصل الثامن

اللهم صل وسلم وبارك على سيدنا محمد وعلى اله وصحبه وسلم تسليما كثيرا

نظر لها باستغراب ثم قال انا بكلمك على الدواء وانتى بتكلمينى عن الفلوس ماتغيريش الموضوع
ليلى ببكاء :انا مابغيرش الموضوع
فارس:امال دا اسمه ايه
ليلى بانكسار :انا بجاوب على سؤالك انا ماباخدش العلاج عشان معييش فلوس
فارس وهو لا يستوعب:انا مش فاهم
ليلى ببكاء :انا معيش فلوس عشان اجيب العلاج
انصدم فارس مما سمعه كلامها من الأساس كان واضح ولكن هو كان لا يريد ان يصدق لهذا كان يسال جايز هو فاهم غلط ثم قال بتقطع ايه هو هو ماحدش جابلك العلاج
ليلى ببكاء هزت راسها بمعنى لا
فارس :ازاى
ليلى :مجاهد بيه اعطا الروشته للخدامه لتعطيها للحارس ليشتريه ولكن نعمه هانم اخذتها منها
فارس :اخذتها منها ليه
ليلى :انا روحت سالتها اعطتنى الروشته وقالت لى عايزه تجيبى حاجه جبيها من معاكى احنا مش هتصرف عليكى وانا سككت وهى بتبكى ثم قالت مش معايا فلوس عشان كده ماجبتوش
انصدم فارس من كلام امه ازاى تعمل كده ازاى لم تشترى الدواء لزوجته كان يفكر ان لهذا كانت ليلى تتالم انهارده وامبارح ايضا كانت لا تستطيع النوم
فارس :فين الروشته
اعطته ليلى لفارس الروشته اخذها ثم خرج من الغرفه ثم من القصر كله
اما ليلى بعد خروجه حاولت الوقوف والذهاب الى الكنبه وبالفعل ذهبت وحاولت ان تنام ولكن كانت تشعر بالجوع الشديد هى لم تاكل اى شئ لان نعمه منعتها من الاكل وكانت تشم رائحة اكل فى الغرفه نظرت فى الغرفه وجدت شنطه تحمل اسم مطعم معروف تاكدت ان هذا سبب الرائحه ولكن اكيد دا اكل فارس لا تستطيع ان تاكله  فحاولت ان تنام
وجدت باب الغرفه يفتح ويدخل فارس
فارس نظر الى السرير لم يراها فنظر على الكنبه وجدها متمدده عليها فذهب لها وقال:خدى يا ليلى انا جبت لك العلاج
اخذت ليلى العلاج و هى تنظر الى الاسفل وقال:شكرا
فارس:ماتقوليش شكرا دا حقك ولم تعوزى اى حاجه اطلبيها منى انا انتى مسؤوله منى انا ماشى
ليلى:ماشى
ثم اخرج فلوس واعطاها لها:خدى دول خليهم معاكى
ليلى :لا لا انا مش عايزه انا كنت عايزه العلاج وخلاص انت جبته
فارس:معلش خليهم معاكى
ليلى نظرت له ولم تعرف ماذا تفعل
نظر فارس لعنيها كان اول مره ينظر لها عن قرب حس انه مش اول مره يشوف العيون دى حس كانه يعرفها قبل كده  وحس ان قلبه بيدق  بسرعه ولكن لا يعرف السبب
ثم فاق وقال خذى بقى دى حاجه بسيطه خليهم معاكى ولو احتاجتى حاجه عرفينى
اخذتهم ليلى ثم قالت هو هو ممكن ثم سكتت
نظر لها فارس وقال قولى عايزه تقولى ايه
ليلى:ممكن ماتقولش لوالدتك
فارس باستغراب:على ايه
ليلى:انك اعطتنى فلوس او خدهم
فارس:وانا هقول ليه اصلا وحتى لو عرفة فيها ايه
ليلى:اصل يعنى هى هى هتضايق
فارس بعصبيه:وهى تضايق ليه انتى بتقولى ايه انتى مراتى ودا واجبى اتجاهك وهى ملهاش الحق انها تضايق ما ابويا بيديها عشان جوزها زى ما انا بديكى عشان انا جوزك وبعدين انا مش هقول اصلا واقول اصلا ليه انتى شيفانى مش راجل عشان اروح اقول كل حاجه لأمى
ليلى:لا والله مااقصدش
فارس :خلاص قفلى على الموضوع
سكتت ليلى ثم قامت تاخذ العلاج اوقفها فارس بكلامه
فارس :انتى بتعملى ايه
ليلى: باخذ الدواء
فارس:انتى اكلتى الاول
ليلى هزت راسها بمعنى :لا
فارس ذهب واخذ الشنطه اللى فيها الاكل
وقال خذى كلى الاول
ليلى:لا دا اكلك انت لازم تاكل وتتغذى
نظر لها وابتسم على كلامها وخوفها عليه واهتمامها بيه
وقال ماتخافيش عليا انا اكلت وانا جايب لك دا ليكى اصلا
اخذته ليلى بفرحه مثل الاطفال وقالت بجد دا ليا انا
ابتسم فارس على سعادتها مثل الاطفال وقال ايوه ليكى يلا بقى كلى عشان تاخد العلاج
وبالفعل ظلت تاكل من تحت النقاب وهى سعيده
نظر فارس لها واستغرب من موضوع النقاب الذى لا تخلعه ولكن لم يتكلم
ثم توجه لغرفه الملابس لياخذ ملابس قامت ليلى سريعا تجلب له الملابس نظر لها باستغراب لانها تركت الاكل وقامت تخرج له الملابس رغم انه لم يطلب منها اعطت له الملابس وقالت تحب اسعدك فى حاجه نظر لها فهو كان يريد ان ياخذ شاور  ولكن لا يعرف ماذا يفعل فهو لم يعتاد على وضعه الجديد سكت ثم قال لا شكرا فهو يعلم انها مريضه وخاف ان يقول لها تساعده ان ياخذ شاور ينفتح جرحها مره اخرى وخاف ان تتضايق ان طلب ذالك
خرجت من غرفة الملابس وهو ابدل ملابسه فقط ثم خرج وتوجه الى السرير وحاول القيام من الكرسى قامت ليلى سريعا وساعدته نظر لها ثم نظر على يدها التى تمسكه ولكن راى شىء غريب  ثم تمدد على السرير
فارس : شكرا
ليلى:لا ابدا ماتقولش كده دا واجبى
فارس :خلصتى اكلك
ليلى :اه الحمد لله شكراً
فارس:طب خذى بقى العلاج
ليلى:ماشى
وذهبت ليلى لتاخذ العلاج وتمددت على الكنبه لتنام
ظل ينظر فارس لها ويفكر فى ما راى فهو راى وحمه على يدها مثل الوحمه اللى على يد لولى حبيبته الصغيره ولكن قال ممكن تشابه لان لولى ماتت خلاص
وحاول ان ينام وبالفعل نام
ونامت ليلى ايضا ولكن استيقظت الفجر لتصلى وتقراء قران وقالت اذكار الصباح ثم قامت لتفعل ما امرتها بهى حماتها فهى لا تريد مشاكل نزلت للاسفل ونظفت المطبخ وحضرت الفطار ثم اخذت بعضها وخرجت تتمشى شويه لانها منذ ان تزوجت لم تخرج الا للذهاب للمستشفى