Unicode
Episode_20စေမာန်က ယောရဲ့အကြည့်တွေကို အနေရခက်စွာစပြီးအကြည့်လွဲသည်။
" လပြည့်လေးက မိုးရေချိုးနေတယ်....၊ မနက်ဖြန်ကစပြီး ကျောင်းတက်ရတော့မယ်မလား.... "
ယောက စေမာန်ရဲ့အမေးကိုဖြေရင်း စေမာန်အနားကိုတိုးကပ်လာသည်။
" ယောငယ်က သားကိုအရမ်းအလိုလိုက်နေတာပဲ...... "
" ကိုကိုကရော..... ကျွန်တော့်ကို အလိုမလိုက်ချင်ဘူးလား "
ကြမ်းခင်းမှာတပလ္လင်ချိတ်ထိုင်နေတဲ့စေမာန်ရဲ့ပေါင်ပေါ်ကို ယောကခေါင်းအုံးပြီးမေးသည်။
" ယောငယ်က ဘာလိုချင်လို့လဲ...၊ ငါဝယ်ပေးမယ်လေ..... "
စေမာန်က ကြမ်းခင်းပေါ်ကပိုက်ဆံတွေကိုအမြတ်နဲ့အရင်းသပ်သပ်စီခွဲကာ စာအုပ်ကြားထဲထည့်ပြီးသိမ်းထားလိုက်သည်။ စေမာန့်ရဲ့စာအုပ်ဆိုသည်မှာ စာရင်းမှတ်ဖို့မဟုတ်၊ ဒီတိုင်းပိုက်ဆံသိမ်းထားသည့်ဗလာစာအုပ်သပ်သပ်ချည်းသာဖြစ်သည်။
" အဲ့တာက ဝယ်ပေးရမှာမဟုတ်ဘူး...၊ ကိုကိုဘက်က လုပ်ပေးရမှာ....... "
" ဘာလုပ်ပေးရမှာလဲ.....၊ ပြောလေ.. "
သူ့ပေါင်ပေါ်မှာလှဲအိပ်နေသောယောငယ်၏ဆံသားပွပွလေးကိုပွတ်သပ်ပေးရင်း စေမာန်ကပြောသည်။
" ကိုကို့ဖုန်းပေး....! "
" ဟင်.. "
" ကျွန်တော်ဝယ်ပေးတဲ့ဖုန်း ပေးလို့ပြောတာ.... "
" အော်... ဒီမှာ..! "
စေမာန်က သူ့ခေါင်းအုံးနားမှာချထားတဲ့လက်ဆောင်ဘူးကို ပေးလိုက်သည်။ ယောက ဖုန်းကိုထုတ်ပြီးတစ်ခုခုကကိုလျင်မြန်စွာနှိပ်၍ ခဏအကြာမှာ စေမာန့်ကိုပေးလိုက်သည်။ စေမာန်က ယောပေးတဲ့ဖုန်းကိုယူကြည့်လိုက်တော့ မျက်လုံးပြူးသွားရသည်။
" ယောငယ်....!! ဒါကြီးက...! "
" ဘာလဲ....၊ တခါမှမကြည့်ဖူးဘူးလို့တော့မပြောနဲ့နော် "
" မဟုတ်.. မဟုတ်ပါဘူး၊ ဒါပေမဲ့ ငါ ကြည့်ဖူးတာက ဒီလိုကားမှမဟုတ်တာ.... "
" ဟာ... ကိုကိုနဲ့ကျွန်တော်က ယောက်ျားလေးတွေလေ...၊ အဲ့တော့ ကြည့်မဲ့ကြည့် ဒါမျိုးကားပဲကြည့်ရမှာပေါ့ "
![](https://img.wattpad.com/cover/325472324-288-k565208.jpg)
YOU ARE READING
Strawberry and Secret [ Completed ]
Teen Fictionunicode psyco ဆန်ဆန်အရေးအသားများ၊အနည်းငယ်ရိုင်းစိုင်းသောအသုံးအနှုန်းများ ပါဝင်တာကြောင့် ဒီလိုပုံစံတွေကိုမနှစ်မြု့သူများအနေနဲ့ ဒီ fic လေးကို မဖတ်ပါနဲ့ဗျ။ zawgyi psyco ဆန္ဆန္အေရးအသားမ်ား၊အနည္းငယ္ရိုင္းစိုင္းေသာအသံုးအႏႈန္းမ်ား ပါဝင္တာေၾကာင့္ ဒီလိုပံုစ...