Unicode
Episode_16သူ့ကိုမဝံ့မရဲပုံစံနဲ့ခိုးကြည့်ကာ ဖြေရှင်းချက်ပေးနေသည့်စေမာန့်ကို ခတယောက သဘောကျစွာတိုးတိုးလေးရယ်သည်။ စေမာန်က ခတယောစိတ်ဆိုးသွားပြီး သူ့အပေါ်အမြင်မကြည်ဖြစ်မှာကိုစိုးရိမ်နေမှန်းရိပ်မိသည်။
" ဟုတ်.... ကျွန်တော်နားလည်ပါတယ်၊ ပြီးတော့ တောင်းပန်ပါတယ်ဗျ!!.... "
" ဟင်.... "
စေမာန်ရဲ့ဘဝမှာ ပထမဦးဆုံးကြားရသည့်တောင်းပန်စကားဖြစ်သည်။ ထိုစကားကြောင့် စေမာန်က ယောကိုအံ့သြတကြီးနဲ့ကြည့်သည်။
" ဘာလို့လဲ၊ ကျွန်တော်.... တောင်းပန်တာကိုမကြိုက်လို့လား "
သူ့ကိုစိုက်ကြည့်နေသည့်စေမာန့်ကို ခတယောက ပြန်ကြည့်ပြီးမေးသည်။
" ... မဟုတ်ဘူး၊ ငါ့ကို ဘယ်သူကမှ အဲ့လိုတောင်းပန်ပါတယ်လို့မပြောဖူးလို့! "
" အာ... "
သူ့အကြည့်တွေကိုလွဲကာ စေမာန်က ဖြေသည်။
" ကျွန်တော့်ကို ထူပေးပါအုန်း၊ ကျွန်တော် မတ်တပ်ရပ်..၊ အမေ့!! "
သူ့စကားမဆုံးခင်မှာပဲ သူ့ကိုအပျိုလေးတစ်ယောက်လိုမြေပြင်ပေါ်ကနေကောက်ပွေ့လိုက်သည့်စေမာန်ကြောင့် ခတယောက လန့်သွားသည်။
" ခင်ဗျား ဘာလုပ်တာလဲ!! "
" မင်း မတ်တက်ရပ်ပြီးလမ်းလျှောက်နေရင် ခြေထောက်ကပိုပြီးနာလိမ့်မယ်၊ အဲ့တာကြောင့် ငါပွေ့ချီတာလေ! "
" ရတယ်.. ရတယ်၊ ကျွန်တော့်ဘာသာလမ်းလျှောက်မယ် "
ခတယောက သူ့ကိုပွေ့ချီထားသည့်စေမာန့်လက်ပေါ်ကနေအနည်းငယ်ရုန်းသည်။ သူကအားနည်းနည်းထည့်ပြီးရုန်းပေမဲ့ ထင်မထားစွာ ပွေ့ချီခံထားရသည့်သူ့ခန္ဓာကိုယ်ကိုစေမာန်က အားသုံးပြီးတင်းကျပ်စွာပြန်ချုပ်ထားသည်။ ထို့နောက် ဘာစကားမှမဆိုဘဲ အိမ်ပေါ်ကိုတက်ကာဘုရားစင်ရှေ့မှာခင်းထားသည့်မြက်ဖျာပေါ်ကိုအသာအယာချပေးသည်။
" မင်းက အဲ့ပန်းတွေကိုဘာလုပ်မလို့လဲ "
" ဘုရားစင်ပေါ်က ပန်းတွေငြိုးနေလို့လေ၊ အဲ့တာ... လဲပေးမလို့ "
YOU ARE READING
Strawberry and Secret [ Completed ]
Teen Fictionunicode psyco ဆန်ဆန်အရေးအသားများ၊အနည်းငယ်ရိုင်းစိုင်းသောအသုံးအနှုန်းများ ပါဝင်တာကြောင့် ဒီလိုပုံစံတွေကိုမနှစ်မြု့သူများအနေနဲ့ ဒီ fic လေးကို မဖတ်ပါနဲ့ဗျ။ zawgyi psyco ဆန္ဆန္အေရးအသားမ်ား၊အနည္းငယ္ရိုင္းစိုင္းေသာအသံုးအႏႈန္းမ်ား ပါဝင္တာေၾကာင့္ ဒီလိုပံုစ...