Project Ghost Hotline

Season 1: Episode 11

Tulog na tulog si Ate Kharise sa tabi ko. I was about to wake her up when Ate Kourine halt me. "Alam mo, ang overthinker mo. Hayaan mo nang matulog si Ate, puyat 'yan sa thesis nila ng partner niyang walang dulot."

Ate Kourine being the toughest one, hindi siya nagpapigil. Dire-diretso siyang naglakad. She left me with no choice but to follow her towards the main door. Noong una ay sumilip pa muna siya sa peephole.

"The fuck? Wala namang tao," aniya bago binuksan ang pinto. Sinalubong kami ng malamig na hangin. Napayapos tuloy ako sa mga braso ko.

Pero nanlaki talaga ang mga mata ko nang lumabas si Ate Kourine mula sa pintuan. Gusto ko sana siyang pigilan pero alam ko namang wala rin akong magagawa sa katigasan ng ulo niya. Sumunod na lang ako sa kanya.

"Hey, fucker! Kung nagpa-prank ka lang, mukha kang tanga!" She suddenly yelled infront of the darkness. "Tantanan mo kami, ulol!"

Umirap pa muna siya bago pasinghal na hinila ako sa loob ng bahay. Doon ay ini-lock niya itong muli. This time, she gestured me to stay silent. Parehong nakalapat ang mga braso namin sa pinto. Tila ba kaming mga batang hinihintay kung may kakatatok bang muli.

And to my surprise, dalawang mabilis na pagkatok na naman ang tumunog mula sa pinto.

"Tangina mo, ah! Nang-ti-trip ka talagang gago ka—" binuksan ni Ate Kourine ang pinto.

Walang tao.

Walang bumungad sa amin kung hindi ang kadiliman at ang lamig ng simoy ng hangin. Nagsimulang tumayo ang mga balahibo ko. Noong mga oras na iyon, pakiramdam ko ay may kung sino ang nagmamasid sa amin mula sa kadiliman. Para bang may nakatingin pero wala namang tao.

"Ang bilis ng gago," Ate Kourine mumbled. Hinila niya akong muli papasok. Siniguro niyang naka-lock ang pinto bago kami nagtungo sa sala.

Hindi pa rin maalis sa akin ang nangyari kanina. Sigurado ako, may kumatok. Rinig na rinig iyon ng dalawang tainga ko.

Pero . . .

Pero bakit walang tao sa labas?

Hindi ako tanga. Kung may kumatok man talaga, makikita namin iyon sa bilis ng pagbukas ni Ate Kourine sa pinto. Makikita namin iyon kahit na tumakbo pa ito palayo. Pero bakit wala kaming nakita? Bakit parang bigla na lang naglaho na para bang isang bula ang kumatok na iyon?

"Oh, Ate? Matutulog ka na sa kwarto mo?" Nawala ako sa malalim kong iniisip nang biglang tumayo si Ate Kharise mula sa sofa. Hindi siya sumagot. Ngayon ay diretso siyang naglakad pataas ng hagdan.

"Ate," ang pag-ulit ni Ate Kourine pero wala pa rin imik si Ate Kharise. Tila bang wala siyang naririnig.

"Anyare d'on?" Ate Kourine asked me. "Baka bad mood lang." She shrugged then sat on the sofa again. Pinindot na niya ang play button ng remote. Prente siyang nanood na tila ba walang nangyari kanina lang.

I am blinking as I sat beside her. Sinundan ko ng tingin si Ate Kharise hanggang sa mawala na siya sa paningin ko. Bakit hindi man lang siya nag-good night sa amin katulad ng lagi niyang ginagagawa? She is always the sweetest pero bakit parang ang cold niya bigla?

Ang weird talaga ng gabing 'to . . .

* * *

Kinabukasan, dahil alas-tres na ng madaling araw nang magpasya kaming matulog ni Ate Kourine, tanghali na ako nagising. Nagising lang ako dahil sa sinag ng araw mula sa bintana ko. Pero agad akong napabalikwas mula sa kama nang marinig ko ang malakas na pag-sigaw ni Ate Kourine.

Agad akong tumakbo palabas ng kwarto. Nakita kong nakabukas ang pinto ng kwarto ni Ate Kharise kaya minabuti kong doon magpunta.

And from there, I saw Ate Kourine. Napakurap ako nang makita ang kilabot sa kanyang mga mata habang tinatakpan niya ang kanyang bibig. Wala na akong hinintay pang sandali. Tiningnan ko na rin kung saan nakadako ang kanyang mga mata.

At . . .

At napalunok ako sa nakita ko.

Tila bang nanghina ang mga tuhod ko sa sobrang kilabot, naparalisado ako mula sa pagkakatayo.

Paanong nangyari 'to?

Paano?

Ngayon, lumulutang si Ate Kharise mula sa kanyang kama. Nakapikit siya at tila ba nahihimbing sa pagtulog. Hanggang sa unti-unting bumaling ang kanyang ulo sa direksyon namin. At halos mawalan talaga ako ng hangin sa mga baga nang bigla, bumukas ang kanyang mga mata matapos ay nginitian niya kami nang malawak.