عشق ملهم

بارت ٤٦ والاخير

#عشق ملهم

#بقلمي: "زهراء"

#ممكن تصوتون للبارت + تعليق + متابعة للحساب

‏-أعطِنا يا حبّ، فيضك كلّه، لنخوض
حرب العاطفيين الشريفة، فالمناخُ ملائمٌ،
والشمس تشحذُ في الصباح سِلاحنا،
يا حبّ.. لا هدفٌ لنا، إلا الهزيمة في
حروبك، فانتَصر أنتَ انتصر، واسمع
مديحك من ضحاياك، انتصر سَلِمت
يداك وعُد إلينا خاسرين، وسالماً.

- محمود درويش.

___________&&&___________&&&_________

ملهم: رحت للمركز وعفت نيار بالشقة مگدرت اوديهة الاهلهة وهي بهيج وضع وخاف تروح وتعترف هي لقتلت مهيمن بوقتهة رح انضر اكثر
دخلت لغرفة المقدم ايهاب سلمت علي بس جان امبين ضايج

"سيدي طلبت مني اجي شنو صار؟

المقدم ايهاب:" اسمع ملهم رح احجيلك شنو الصار بس مااريدك اضوج "

ملهم: " ليش قررو يسوون بية"

المقدم ايهاب: "حولوك على التحقيق ونزلو رتبتك"

ملهم: حجيت بقهر وحرگة گلب
"شنوو هذا الحجي سيدي هاي لان قتلت مجرم هيج سوو بي، خليهم يحولوني لتحقيق بس ليش ينزلون رتبتي وكأنو قتلت واحد بريئ"

المقدم ايهاب: "ملهم رادو يگلبون لموضوع عليك ويفصلونك لو اني ماادخلت، وانت شلون تطلع ادور على مهيمن وانت مجنت بواجبك جان حتة دوامك منتهي بسبب هاي خسرت"

ملهم: "گتلكم اركان بلغني بهروب مهيمن وطلعت ادور شنوو سويت جريمة ترة هو المجرم مو اني وهسة اني الاتحاسب بس والله مااسكت الهم"

المقدم: "وانتتت شنوو تمشي ورة حجي اركااان شنوو الحصلتة هسة"

ملهم: طلعت منة وسديت الباب قوي وراي لان بس ابقة يمة اجاوز هواي بسبب عصبيتي شفت اركان برا حاجاني مرديت علي وعفتة ورحت لسيارتي صعدت جنت بقمة عصبيتي صارلي سنين اريد احقق العدل واسجن احسان وابنة بس وين احقق العدل وبيا بلد بالعراق!!! رغم كل دليل اوصل الة واريد احاسبهم يطلعون منهة مثل الشعرة من العجين معقولة ماكو واحد يوگف بوجهم

رجعت للبيت جنت جايب وياي اكل رحت حطيتة بالمطبخ ورحت اشوف نيار بالغرفة لگيت لباب مقفول نار واشتعلت بگلبي من سمعتهة تبجي هسة هاي شلون تنسة الصار وياهة دگيت الباب وحاجيتهة

"نياري فتحيلي الباب ليش قافلتة"

ثواني وفتحت لباب جانن عيونهة حمر اوجهة احمر من البجي، اول مشافتني حضنتني وبجت وصدمتني من حجت

نيار: "ملهم ليش عفتني ورحت، مهيم.. مهيمن جان هنا راد يكتلني ملهم مو گتلك بعدة عايش ومم.. ممات"

ملهم: "نيار حبيبتي لسوين هيج بنفسج والله جاي تموتيني من اشوفج هيج"
جانت تحجي وهي تشهك