عشق ملهم

بارت ٣٢

#عشق ملهم

#بقلمي: زهراء

#ممكن تصوتون للبارت + تعليق + متابعة للحساب

#أظن إني وصلت لنفس الطريق
الي قال عنه محمود درويش:

"لقد استنزف الطريق الطويل
مشاعري وتوقعاتي.. لا اشعر
الان بشيء ولا اتوقع شيئآ"

___________&&&___________&&&_________

نيار: شفت ملهم ونرجس سوة لجرحني اكثر جانو بنفس المكان الي جنة اني وملهم نلتقي بي احس هذا المكان بس الي اني وملهم وليش بذات هذا المكان اجو علي

نتاليا: شفت نيار تفاجئت وضاجت من شافت ملهم ونرجس حقهة ماالومهة

"نيار حبيبتي خلينة نروح منا"

نيار: "هذا مكانة نتاليا ليش جايبهة هنا هذا المكان بس النة"

نتاليا: اعرف بيهة شكد نقهرت امبين من وجهة
"انسي نيار شعليج بيهم خلينة نروح"

نيار: رحت وي نتاليا كعدنة بالحديقة على المسطبات محجيت اي شي جان لوجع بگلبي مااكدر انسة ملهم ولا اكدر اتخيلة وي وحدة غيري احسة شي خاص بية

نتاليا: "نيار ليش متحجين؟"

نيار: "شحجي"

نتاليا: "اعرف بيج ضجتي من شفتيهم بس"

نيار: "مضجت هاي حياتة وهو حر بيهة واني مزوجة هسة مااكدر اسوي اي شي"

اتصلت على مهيمن وكتلة اريد ارجع طلع مو بالجامعة هذا شلون ينجح وهو مو دائمن يداوم انتضرتة لحد مااجة سلمت على نتاليا ورحت وي مهيمن الطريق كلة جنت صافنة افكر بملهم ونرجس وشنو راح يصير بحياتي معقولة تتغير لو ابقة هيج

مهيمن: "شبيج ضايجة"

نيار: "ماكو شي"

مهيمن: "معقولة ضايجة بدون سبب!"

نيار: "انت اكبر سبب"

مهيمن: "شنو سويت انوب"

نيار: "ليش اكو شي بعد تريد اسوي اكثر من هذا"

مهيمن: "لصراحة مالي خلك سوالفج يومية نفس الموضوع عايدتة"

نيار: "كليوم كرهي وحقدي يزيد عليك"

مهيمن: "دخيل ربج مرايد منج اي شي غير اسدين حلگج هذا اليذب سم"

نيار: سكتت لان خنگتني العبرة بعد بس احجي كلمة ابجي مااكدر بعد كل السوا بية هيج يحجي علي وبكل برود وكأنو ممسوي شي وصلنة للبيت لكيت نضيف يلمع صعدت فوك اخذت ملابسي من الكنتور وتفاجئت من شفت كل ملابسي بالكنتور شوكت جابهن اخذت الملابس ورحت للحمام اول مدخلت للحمام نهاريت بالبجي ليش هيج يصير وياي تعبت والله مااكدر اتحمل اكثر من هيج حياتي، اتغيرت فجئة بعد مجنت فرحانة واحس نفسي اسعد وحدة بالعالم صرت اتعس وحدة بالعالم سبحت وطلعت نشفت شعري ومشطتة نزلت جوة ملكيت احد حتة مهيمن طالع اتصلت على ماما وكتلهة باجر اجيكم بعد محاجيت ماما صعد لغرفتي طلعت كتبي وبديت اقرة صارلي فترة كلش هاملة قرايتي بعد مخلصت اقراية رحت صليت ونزلت جوة جنت جوعانة بس ممشتهية اكل ضليت اباوع على التلفزيون بس اريد اضيع وقت وماافكر بملهم لان احس گلبي يتكطع كل ما اذكرهم سمعت صوت لباب ينفتح شفتة مهيمن اجة امبين معصب مدري ضايج طبة مرض ان شاءالله مشوف الرحة ولا يوم راح صعد فوك ورة نص ساعة نزل جان سابح ولابس تراك شتوي باوع علي وحجة