عشق ملهم

بارت ٦

#عشق ملهم

بقلمي: زهراء

#لتنسون التصويت+تعليق+متابعة لحسابي🤍

_________&&&__________&&&___________

دكتور محمود: حاب اقضي ليلة وياج
نيار: احس نصقت من حجة هيج ماعرف شنو الاحساس الي اجاني ابد متوقعتة هيج حيطلب مني معقولة شبي هذا ضليت ساكتة لثواني من الصدمة دخت حيل وحسيت نفسي حيغمة علي
عفوا دكتور شنو قصدك يمكن سمعت غلط
دكتور محمود: لا الي سمعتي وفهمتي صح اني اريد ليلة وياج وحتة مستعد انجحج هاي لسنة والي بعدهة واذا تردين حتة فلوس انطيج
نيار: احترم نفسك دكتور انت شكد متستحي شلون تطلب مني هيج واني بكد بنتك متستحي على شيباتك رجال بكدك وبهذا العمر ويفكر هيج انت واحد نذل هاي بمكان متعلم الشباب ودليهم على الطريق الصحيح بما انو انت دكتور هيج تجي تطلب مني
دكتور محمود: احترمي وتأدبي ولتجاوزين وضلين تبيعين براسي شرف وانت الله ليعلم وي كم واحد طالعة كل لردتة ليلة وياج صرتي براسي شريفة
نيار: كافي دكتور وعرف شنو تحجي ترة كنت محترمتك لان دكتور بس مكنت اعرف انت هيج تفكيرك ونضرتك للبنات واني شريفة واشرف منك ومن عشيرتك اذا شوف نفسك هيج مو معناهة كلهة نفسك واحد حقير ونذل احجي ويا واني ارجف جسمي كلة ديرجف ابد متوقعت هيج يصير وياي مدا تدخل لعقلي شلون هيج طلب مني حجيت ويا وطلعت عفتة يغلط علي ويسب ويفشر متحملت مكدرت ارد علي اكثر لان دخت حيل احس لكاع تفتر بية ومماكلة من لبارحة شفت نتاليا واكفة يم القاعة ويمهة ملهم هذا شعندة هنا هسة وكتة ردت ارجع مردت اروحلهم بس شافتني نتاليا وضل صيح علي سويت روحي مااسمعهة بس لحكتني وكفنة يم الممر الي مقابيل قاعتنة واجة ملهم وياهة ولا ارتاحيتلة حاسة اكو شي ورا
نتاليا: لج وين رحتي دورت عليج وماكو ومن سئلت عليج كالو دكتور محمود رايدج شنو راد منج
نيار: هاا هيج مراد شي
ملهم: بيج شي ليش هيج دترجفين؟!!!
نتاليا: اي ولج شكو شبيج قبل شوي مبيج شي لابس تعاركتي وي لدكتور
نيار: لا مبية شي احجي وياهم بس مكدرت حتة اوكف من لرجفة الي صارت برجلي هاي كل مااخاف او انهبط من شي رجلي تنشل وجسمي يصير يرجف داحجي وياهم وحسيت بس لكاع تفتر بية وصوت صفير بأذني وبعد محسيت بشي
نتاليا: داحجي وياج سمعيني شنو مريضة بعدني احجي وياهة وهي بس ترجف وماحسيت بس طاحت بالكاع تخبلت هاي شبيهة فقدت بسرعة ملهم شالهة و وداهة للعيادة جانت بالجامعة خفت حيل يارب مابيهة شي انوب مصخنة هي من لصبح مو على بعضهة حطلهة الدكتور مغذي وكال هابط سكرهة وضغطهة امبين مهبوطة من شي ورة ربع ساعة يلة كعدت
نيار شلون صرتي ضل بالي عليج
ملهم: الحمدالله على سلامتج خوفتينة لقردة
نيار: مبية شي زين شنو صار تفاجئت من لكيت نفسي بالعيادة منو جابني معقولة نغمى علي
شنو كال لدكتور شبية
ملهم: مبروك طلعتي حامل ههههه
نيار: شنوو!!!
نتاليا: ههههههه ملهم هسة وقتك هبطتهة بالزايد
نيار: هسة وقت شقاك نزلت من لسدية بس شنو كانت عالية واني الله يستر علي حيل طويلة اجيت اطيح لو مو ملهم لزمني من خصري بسرعة وخرت ايدة احس جسمي كلة قشعر من لمسة ايدة حتة هو حس بية
ملهم: انتبهي ردتي توكعين يلة خلي اوصلكم للبيت لتكملين لمحاضرات بعد روحي ارتاحي لان مصخنة
نيار:لا شكرا اني اروح هسة اتصل على ابو الخط يجيني
نتاليا: والله ماعتقد خطج هسة يجي امشي اني اروح وياج
نيار: لا ميحتاج انت كملي محاضراتج
نتاليا: نجبي وامشي
ملهم: لعد خلي اني اوصلكم وبدون اعتراض
نيار: لا شكرا احنة نروح شكد يلح غير بس يوصلني ويشوفة بابا الة يموتني اهلي ميقبلون واخيرا حس ورحنة احنة ونتاليا بعد موصلت للبيت وماما شافتني هيج تحبلت عبالهة متت
ماما ترة مابية شي بس شوية دخت
اسماء: شلون هيج صار وياج شنو يأذيج اخذج لدكتور
نتاليا: خالة مبيهة شي ليضل بالج يمهة لدكتور شافها وانطاهة علاج وان شاءالله اصير احسن
نيار: كوة قنعت ماما صعدت فوك لغرفتي اني ونتاليا ايلاف جانت بالمدرسة
نتاليا: نيار ترة اعرفج كلش زين احجيلي شنو صار وياج شنو كلج دكتور محمود همات رجع يرزل بيج
نيار: بس حجت هيج بجيت لان حيل جنت مخنوكة وامبين علي ضايجة حجيتلهة كلشي صار لان اني مستحيل اضم اي شي عن نتاليا ومابينة اي اسرار
نتاليا: لج شنو تحجين حتخبل شلون هيج يطلب منج شكد حقير لكواد بكد جدي وهيج يفكر لحقيرر خل نشتكي علي
نيار: ماعرف شسوي وشلون اشتكي علي واني ماعندي دليل ضدة منو يصدك حجي وهو دكتور اكيد يصدكو حايرة شنو اسوي شنو حيصير
نتاليا: حضنتهة وحجيت لتخافين اني يمج ومستحيل اخلي واحد يأذيج والة مانلكة حل
نيار: ان شاءالله كوة احجي من لصخونة
نتاليا: يلة حبيبتي انت ارتاحي واني اروح ديربالج على نفسج وباليل ان شاءالله اتصل عليج
نيار: الله وياج عمري وشكرا على كولشي
نتاليا: مو اني اشكريني شكري ملهم هو ساعدج حجيت هيج وغمزتلهة لان حاسة بملهم عندة عجاب الهة
نيار: وشبيهة عينج تغمز يلة طلعي برة بعد مطلعت وهي تضحك بسرعة نمت بعد مبدلت ماعرف شكد نمت بس حسيت بشي بارد على وجهي فزيت بسرعة
اسماء: اسمالله بنيتي شلون صرتي
نيار: زينة ماما بيش لساعة؟
اسماء: ب٩ كعدتج ومكعدتي خوفتيني عليج شكد نمتي ومماكلة بس تكعدين تونين شنو يوجعج بنتي
نيار: شنو هاي شكد نايمة ماما احس جسمي كلة مكسر وتعبانة حيل
اسماء: هاي من لصخونة كومي اكلي وسبحي وشربي علاجج
نيار: مااريد ماما
اجت ايلاف شايلة صينية اكل
ايلاف: يلا كومي اكلي خوفتينة عليج عبالنة متي او دخلتي بغيبوبة
اسمالله: سمالله عليهة
نيار: ضليت يومين بالبيت مريضة ومااكل ودوام مااداوم وكلة عايشة على لمغذي وخاف جانت عايزتني اجتني لدورة وكسرتني بالزايد خطية ماما وايلاف ابد معافني وحتة بابا كول شوي ويجي يشوفني وعلي من سمع بية اجة هو ومرتة شافوني وراحو لان عدهم دوام ونتاليا: تتصل على موبايل ايلاف احاجيهة شوية لان مخلصتهة بس نوم وموبايلي ابد مشايفتتة وليوم باليل يلة فتحت موبايلي ولكيت كومة اتصالات ورسائل من صديقاتي ومن الكروبات تفاجئت من شفت رسالة جايتني من حساب ماعرفة منو ويطمئن على صحتي لان مريضة رديت علي و ورة ثواني رجع ردت علي
: شلون صرتي نيار
نيار: الحمدالله احسن رديت علي لان ردت اعرف منو هذا
: دومج ان شاءالله ضل بالي يمج
نيار: منو وياي؟!
: شنو معرفتيني مع الاسف عليج
نيار: لا والله معرفتك
: اني ملهم
نيار: بس كال ملهم ماعرف شنو من شعور اجاني تفاجئت بي
منين جبت حسابي
ملهم: ماكو شي يصعب علي لا حساب ولا شي جبتة بطريقتي
نيار: اكيد من نتاليا نطتكيا
ملهم: لا والله مو منهة قردتي
نيار: لتكول قردتي فهمت مو عبالك مريضة ومااحجي
ملهم: شبيج قردتي هسة شكلت اني بس تريدين لصراحة انت صدك شبهين لقرد
نيار: حيل ضوجني اني اصلا حلوة وكلهة تكلي حلوة
ادبسسز يلة ولي وبعد لتراسلني
دزيتهة الة وحضرتة قبل ميرد وخلص هذا ليوم وثاني يوم رحت للجامعة ولكيت نتاليا منتضرتني وبعد مخلصت محاضرتي وملهم ماكو ماشفتة اجت طالبة كالت دكتور محمود يريدج خفت ومارحت وخاصتا نتاليا جانت جوة واني بالقاعة مرتين دز علي يلة رحت لان لعبت نفسي منة اريد اعرف شيريد هذا دكيت لباب ودخلت
تفضل استاذ رايدني حجيت من ورة خشمي اشو هذا اجة تقدم علي خفت وصرت يم لباب
دكتور محمود: اي مفكرتي بعرضي وليش هلكد غايبة كالو مريضة ضل بالي عليج
نيار: مفكرت باي شي ورجاء ابتعد عني دكتور لان مرة لثانية اشتكي عليك والله
دكتور محمود: ههههه ضحكتيني اني اعلمج
نيار: داريد ارد علي وماحس الة جرني من ايدي وحضني ضليت اوخر بي ماكو حط ايدة على خصري واني حطيت ايدي على صدرة اريد اوخرة ماكو مكدرت واني منا تعبانة ماعندي اي طاخة ومحسيت الة الباب نفتح واحنة بهيج وضع تفاجئت من شفت
ملهم!!!!

يتبع......

ممكن صوتون للقصة محتاجة دعمكم
احبكم🤍