عشق ملهم

بارت ٥

#عشق ملهم

بقلمي: زهراء

لتنسون التصويت+تعليق+متابعة لحسابي

___________&&&___________&&&________

نيار: بعد مقريت لرسالة تفاجئت كانت عبارة عن غزل وكلام كلش جريئة منو هذا بسرعة حضرت لحساب وحذفت لرسالة ومهتميتلهة هواي لان دائمن اكو هيج اشخاص يدخلون يراسلون خاصتا بالانستا حجيت شوية وي نتاليا وبعدهة قريت لان كان عندي امتحان ثاني يوم كعدت من وقت اصلا منمت صار عندي ارق نمت بس ساعتين ماعرف شبية صليت ورحت بدلت لبست بنطرون اسود وتيشيرت ابيض يصير ابو الركبة وفوكا كوت اسود لان جان لجو بارد ولبست بوت وكلادة طويلة لان جان لقميص سادة حبيت اكسر علي بالكلادة بعد مخلصت تبديل صارت لساعة ب٧ رحت كعدت ايلاف ونزلت لان ابو الخط اجة طبعا حطيت مكياج شوية جان ليوم ازدحام مو طبيعي يعني حتأخر على لمحاضرة انوب شهل حظ الة وي محاضرة دكتور محمود خررب حضي واخيرا  وصلت رحت اركض بس شلحك وانا متأخرة عشر دقائق وصلت دكيت لباب بعدني محاجية وهو نفجر بالحجي علي الي يشوفة يكول عدوتة
دكتور محمود: واخيرا شرفتي بعدلج وكت اني كم مرة كايلج متتأخرين دقيقة على محاضرتي شنو جامعة لخلفج وتجين على كيفج طلعي برااا
نيار: هذا شبي حيل نرفزني واني منا ضايجة وحدي
دكتور ترة ازدحام وتأخر يعني ممتقصدة اتأخر وهنة ١٠دقائق اتأخر ماكو داعي لهذا الحجي
دكتور محمود: فوكهة ترادديني طلعي برة وبعد مدخلين لمحاضرتي فهمتي
نيار: فشلني حيل كدام الطلاب لحقير بس بسيطة طلعت وركعت لباب حيل واسمع صوتة ضل يصيح علي طبك مرض ماعرف شبي وياي شنو مسويتلة اني لشايب الة اشتكي عليك رحت كبل للمكتب مال رئيس القسم  خفت شوية بس لازم احطلة حد شنو بكيفة ميدخلني لمحاضرتة انوب كول لمحاضرات عشتو دكيت باب لغرفة وسمعت صوتة دخلت وتفاجئت من شفت رئيس لقسم وملهم هذا شيسوي هنا اكيد مسويلة دكة ولا ارتاحيتلة واكو كم دكتور كاعدين بس شوية بعيدين عنة لان لمكتب كان جبير
المدير: تفضلي بابا محتاجة شي
نيار: تقدمت على مكتب واشوف هذا يخزر بية ومرض حتة مرض شبي هذا هسة اني شورطني خفت حيل وتندمت اجيت بس لازم اشجع نفسي واحجي احمم
دكتور اني بصراحة اني اجيت متأخرة للمحاضرة ليوم لان زدحام ودكتور محمود طردني ويكول ماادخل بعد اي محاضرة الة وهو دائمن يطرد بية اذا اتأخر دقائق قليلة على لمحاضرة واني بيتنة بعيد عن لجامعة وازدحام واتأخر واغلب محاضراتة مداخلتهن لان بس اتأخر دقيقة يطردني احجي واحس نفسي صخنت بحيث ايدي ورجلي يرجفن ماعرف ليش خفت انوب الاساتذة الي موجودي بالغرفة كلة تباوع علي
المدير: تمام بابا اني احجي ويا وانت حاولي لتتأخرين بعد
نيار: والله استاذ ممتقصدة اتأخر بس ازدحام وخط واتأخر
المدير: تمام انطيني اسمج واني اصرف
نيار: اوك نطيتة اسمي لكامل وطلعت بس شنو عبالك بطة من امشي نسيت شلون امشي لان اول مرة احجي وي مدرير انوب منا ملهم والاساتذة لباقين واني ممختلطة وي شباب قبل ابد كوة طلعت من لقاعة واباوع على ايدي ترجف هاي عادتي بس اخاف شوية بسرعة صير رجفة قوية بيدي ورجلي لان يهبط ضغطي رحت اشتريتلي عصير برتقال علمود ضغطي ورحت يم المكان الي دائمن اكعد بي يم شجرة لنبك كعدت جوة لشجرة واشوف وردة يم لشجرة وردة حمرة وبيهة ورقة جانت مكتوب بيهة كتابة بس بغير لغة حتة مو انكليزي منو الي جابهة هنا واصلا محد يجي هنا لمكان شبه مهجور صار عندي فضول اعرف شنو مكتوب اخذت لوردة وضميتهة بجنطتي بس يمكن واحد ناسيهة او هسة يجي صاحبهة ماكو انتضرت ساعة وماكو احد لحد مااجت نتاليا اخذتهة ورحنة للكافتريا نتريك
نتاليا: خب شكد ضجت عليج من دكتور محمود احسة حطج براسة ماعرف شبي وياج
نيار: خيولي لحقير كل مرة هيج يسوي وياي ويفشلني بعدني احجي وياهة واشوف ملهم اجة من بعيد
شوفي هذا ابن خالتج اجة اني رايحة لان حيل كارهتة
نتاليا: نجبي وكعدي والله ازعل عليج بس ترحين
نيار: اجة وسلم ومرديت علي
ملهم: ترة لسلام الله
نيار: اجاهلتة ومرديت وضليت اشرب بالعصير شكد شربت عصير ليوم
نتاليا: اي ملهم شخبارك شلونك وي لدراسة
ملهم: بخيرر دامج بخير اكولج
نتاليا: كول
ملهم: شبي قردي ليوم لسيف ميكص خشمة
نتاليا: هاا عززا هذا يريد يتعارك كرصتة بس ردت اسكتة
نيار: ماكو قرد هنا غيرك حجيت متعصبة لان شكد بديت اكرهة
ملهم: وانت منو يمج ليش تاخذين على نفسج بنيتي لو الي بعبة صخل يكوم يمعمع
نيار: لحقير فشلني هسة اني شبية هيج طفرت بسرعة انت شكد متستحي وبعدين شعندك هنا كاعد ولتكول بنيتي
ملهم: وانت شعليج اكعد بالمكان الي يعجبني واني اجيت وكعدت يم بنت خالتي عندج اعتراض
نيار: شكد مستفز الادبسسز اي عندي اعتراض
ملهم: اممم هذاك لحايط وروحي ركعي راسج بي انت واعتراضج ام خشم
نيار: انت واحد بعدني محاجية واجت رقية تكون طالبة ويانة
رقية: نيار دكتور محمود يريدج وامبين عصبي
نيار: اني هيج كالت لو كل جسمي رجف احس حلكي نعوج معرفت شحجي
هاا شنو دار قصدي شنو راد خررب حضي كمت اعلس وهذا لحقير يضحك علي
رقية: ماعرف بس روحي شوفي
ملهم: اذا هيج تخافين ليش رحتي واشتكيتي علي ههههه
نتاليا: ولج شنو مسوية انت
نيار: قابل شمسوية وانت لضل تضحك ممسوية شي اني ولا خايفة خل اروح اشوفة واجي تعالي وياي نتاليا
نتاليا: امشي يلة
ملهم: شنو ماخذتهة محامي وياج لجبانة هههه
نيار: هذا شبي انوب يضحك باستفززاز
انت منو يمك هيوو عفتة ورحت اني ونتاليا واني ارجف من لخوف احس ورطت نفسي من اشتكيت علي وصلت يم مكتبة ودكيت لباب واجاني صوتة دخلت وبقت نتاليا منتضرتني
عفوا استاذ كالو رايدني جان معصب حيل خوفني عبالك ثور هايج
دكتور محمود:بصياح انت شلون ترحين للادارة وتشتكين علي يمكن بعدج متعرفين منو اني شنو هل جرئة ولصلافة الي عندج
نيار: دكتور ترة مشتكيت عليك بس كلت للمدير لان انت كولت بعدني مدخلني اي محاضرة وهذا من حقي اعتقد لان مداتأخر بارادتي مجبورة بسبب الازدحام وانت ابد متتفاهم
دكتور محمود: ولججج شلون هيج تحجين وياي انت مهملة وهاي مو اول مرة تتأخرين طلعي برة وحسابج بعدة
نيار: شنو حسابج بعدة ترة اني ممسوية شي  ومو من حقك اسويلي شي
دكتور محمود: طلعيي براا
نيار: بدون اي نقاش طلعت برة واني معصبة لدرجة طلعت واشوف نتاليا وملهم منتضريني هذا شجابة هنا يالله انوب يبتسم باستفززاز الادب سسزز
نتاليا: هاا ولج شصار لج سمعت صياحة وخفت
نيار: خيولي قابل شيكدر يسوي هل اعجيز لو شايفتة اول مدخلت والله عبالك ثور هايج همزين ملابسة احمر جان نطحني ههههه ضحكنة اني ونتالية وحتة هذا لمستفزز
نتاليا: حتة وانت بهذا حالج وتحششين
ملهم: وحدة تافهة شتترجين منهة اكو وحدة تحجي هيج على استاذهة
نيار: وانت منو حجة وياك وطلب رئيك وبعدين شعندك هنا جاي
ملهم: مميت عليج اجيت علمود بنت خالتي خفت لا تحصل رزالة منج
نيار: وهسة اطمنت على بنت خالتك تكدر تروح جريت نتاليا من ايدهة ورحت حتة منتضرت جوابة ادبسسزز بعد مخلصت لمحاضرات رجعت للبيت بس شنو الي يكلي بخ انفجر بوجهة لان جنت ضايجة وحيل معصبة دخلت لغرفتي واشوف ايلاف كاعدة تكنك طلعي برة ايلاف اريد ابد
ايلاف: لعد الحمام المن نسوي انام بي روحي بدلي بالحمام
نيار: والله بكيفي وين ماابدل ابدل وهسة كومي طلعي
ايلاف: ترة حطلع مو لان كتيلي لا بس لان اني اريد اطلع اروح للحمام
نيار: بعد مطلعت وبدلت نزلت حتة اتغدة اصلا مااشتهي بس ردت اكل داسويلي اكل بالمطبخ واسمع دكة لباب رحت فتحتة طلع ابن عمي سلمت علي وداصب بالاكل وهو يمي
مصطفى: ولج صبيلي وياج ميتت جوع
نيار: ميت جوع وليش مماكل
مصطفى: وانت شعليج صبيلي ونجبي
نيار: صبيتلة وياي وكعدنة ناكل سوة طبعا عندي ميانة ويا واحب اشاقة ويا شوية ودخلت ايلاف
ايلاف: اي عيني متعزموني صيحولي اكل وياكم
نيار: وانت مو ماكلة
مصطفى: تعالي كعدي اكلي
ايلاف: تسلم ابن عمي لغالي
نيار: ضلينة ناكل ونشاقة ونسولف خلصت وكمت ايلاف غسلي الماعين وياج وسويلنة جاي حبيبتي انت
ايلاف: خاف متقبلين اسويلهة جاي واغسل الماعين
نيار: ترة حاجيتج بادب وطلبت منج لان راسي يوجعني دايخة ماعرف شبية
ايلاف: شبيج دايخة هسة اكلتي بلم تمن ومرك ودكول دايخة
نيار: انت صدك متستحين ماكلة من كدج حقيرة يلة بسرعة سويلي جاي ونضفي لمطبخ
ايلاف: والله مااسوي اي شي
مصطفى: بنات كافي شبيجن هسة اني اسوي لجاي بس سكتن
حجيت اني وايلاف سوة
نيار وايلاف: انت لتدخل
نيار: بعد عركتنة وكل وحدة عاندت مسوي جاي اخر شي مصطفى سوة لجاي هههه خبلنا ويانة خطية ثاني يوم لصبح بعد مبدلت ومنتضرة لخط اخيرا اجة وصلت للجامعة ورحت للقاعة انتضر نتاليا هناك احسن حتة ماأتأخر على لمحاضرة لان محاضرة دكتور محمود ومردت اتأخر بعد مااجة نتاليا وخلصت لمحاضرة حسيت نفسي تعبانة دايخة ماعرف شبية
نتاليا روحي جيبيلي كهوة راسي كلش يأذيني ومااريد انزل
نتاليا: تمام كلبي تدللين
نيار: حبيبتي انت
بعد مراحت نتاليا اجت طالبة ويانة كالت يريدج دكتور محمود اووف هسة هذا شيريد رحت اشوفة دكيت لباب واذنلي ادخل
تفضل استاذ كالو رايدني
دكتور محمود: اي تفضلي كعدي هنا
نيار: اشرلي اكعد على لكرسي كعدت تعجبت قبل جان يطرد بية واخيرا حجة
دكتور محمود: تعرفين اخر فترة مجنة على اتفاق واكو سوء فهم بينة وطبعا اكو سبب
نيار: سبب!! شنو لسبب؟!
دكتور محمود: رح ادخل بالموضوع وبدون لف ودوران
نيار: اي تفضل دكتور
دكتور محمود: "حاب اقضي ليلة وياج"
يتبع.....

_________♡♡___________♡♡_______
لتنسون لتصويت حبايبي🤍