عشق ملهم

بارت ٨

#عشق ملهم

#بقلم: زهراء

لتنسون التصويت + تعليق + متابعة للحساب🤍

الحب ليس كلامآ يقال؛  الحب غيرة؛ سؤال؛ اهتمام؛ خوف وحرص؛
بأختصار الحب افعال ومشاعر...!

__________&&&___________&&&__________

نيار: كنت داحجي وي ملهم ودك موبايلي رقم غريب وهاي ثاني مرة يتصل بس مااجاوبة جاوبت علي بعصبية لان كنت معصبة من ملهم
"الو منو"
"شنو نسيتيني وردتي هههه"
نيار: حجة هيج وسمعت يمة ضحكة بنية ونسد لخط عبالك ضحكة كح... بة استغفرالله ياربي
ملهم: "منو الي اتصل"
نيار: رفعت حاجبي وجاوبتة
"وانت شعليك وبعد مااريد اشوفك لان متصور شكد كارهتك"
حجيت هيج وبتعدت منة رحت وسمعتة يحجي بصوت عالي ويضحك
ملهم: يجي ليوم الي اخليج بي متيمة بعشقي وهذا وعد من ملهمج
نيار: حجة هي وعمزلي
"ضحكتني وشهل ثقة لعندك خب لو هسة لو يصبوك ذهب وينطونياك مجانا مااخذ ولا احبك"
ملهم: "نشوف نياري وذكري حجيج عود بوقتهة"
نيار: اي نشوف ليش لا
عفتة ورحت لكيت نتاليا كاعدة تاكل بالكفتريا
"اياا ادبسسز تاكلين ومسئلين علي واكيد انت الي كلتي لملهم على مكاني"
نتاليا: اي لج والله ضل يلح علي وكال بس اعتذر منهة يلة تعالي اكلي ادري بيج هسة جوعانة لان مماكلة
نيار: صدك جوعانة اكلت وياهة واني احجي
"بعد لسويهة نتاليا والله ازعل منج"
نتاليا: "ادللي حبيبتي اكلج باجر مسوين سفرة لجزيرة ترحين"
نيار: "والله حابة اروح بس خاف بابا ميقبل"
نتاليا: كولي بس لامج هي تقبل وابوج لتبلغي"
نيار: "اي تمام ضايجة حيل شيجيب باجر حتة نطلع نتونس"
بعد مخلصت لدوام بعد مشفت ملهم رجعت للبيت واشوف ماما مطلعة الفراش مالت البيت كلة اهوو هذا اكيد حيطيع براسي واني اغسلة لو ادري باقية بالجامعة ولا هاي لصدمة هاي لجانت عايزتني صافنة واسولف بكلبي وفزيت على صوت ايلاف طلعت واشوفة رافعة لتراك لان دتنضف وطالعة رجلهة انوب رجلهة كلهة شعر عبالك رجلين علي اخوي
ايلاف: "همزين من اجيتي كنت منتضرتج لان ماما ليوم مسوية عمل شعبي على لبيت كلة
نيار:" اهوو هسة وقتهة ومنضفتي انت لو الة اني "
ايلاف: "انضف بمكانهة مو بنت الملك انت واني بنت الخادم"
نيار: عفتهة ورحت لكيت ماما تغسل بالكامنتر
" هلاوو ماما شكو ليوم شو مصلخة لبيت خطية ليش هيج"
اسماء: "ادبسسزز احجي عدل شنو مصلخة ويلة روحي بدلي وطلعي وي اختج غسلن لفراش"
نيار: "صدك تحجين ماما ترة هسة اجيت تعبانة وبعدين لجو بارد وشتاء ليش هيج مطلعة لفراش كلة"
اسماء: "روحي بدلي ونزلي نضفي لخايسات لجايفات لو ابقة عليجن الله واعلم يمكن حتة ذراع يطلع من لبيت روحن شوفن لبنات شايلات بيوت اهلهن وامهاتهن كاعدة واني اكرب وصخجن اني اعلمجن بعد"
نيار: "لو ادري محاجية ياحجاية ردي لمكانج ترة حتة صارت بية حالة نفسية هلكد مترزلين بية"
بعدني داحجي وي ماما ومااحس الة النعال اجة بزندي انوب مو نعال هذا الاستيك عبالك طلقة
اسماء: "الادبسسزز الكلبة ترادديني ليوم الة اربيج من جديد انت حتة لياخذج يرجعج ثاني يوم علي من وصخج ولسانج تكول لسان دلالات روحي ساعدي اختج بسرعة
نيار:تف على حضي والله انضف بس مو دائمن صحيح ماعرف اطبخ بس مرات انضف اغسل الماعين بس هي امي مترضة على اي شي طبعا هاي دائمن نتعارك اني وماما وبالاخير نرجع ولا كانو صاير شي وهي مدللتنة حيل لدرجة هذا عمري واني ماعرف اطبخ اي عدا الاندومي والاسبكتي معكرونة بس غير طبخ ماعرف اطبخ بدلت ورحت اساعد ايلاف لان لازم اقنع ماما حتة اروح لجزيرة نزلت واشوف ايلاف تغسل بالفراشات
ايلاف:" لو نايمة مو احسن ادري بيج تتأخرين علمود اني اغسلهن بس لا اني قسمتهن بالنص هذن غسليهن انت "
نيار: "ومرض حتة كنت ابدل وهسة اجيت مو اخت شيطان"
ضلينة نغسل اني وايلاف ساعة مصافين ساعة متعاركين ولجو صار بارد خلصنة لفراش ولكينة ماما مخلصة لمطبخ ولبيت
اسماء: "يلة ماما روحن فوك لغرفتجن شعلتلجن لصوبة بسرعة بدلن ملابسجن
نيار:صعدنة فوك للغرفة بدلنة وكعدنة مقابيل لصوبة لان كانت كلش باردة ضلينة نسولف شوية واذن رحنة توضينة وصلينة ونزلنة ساعدنة ماما بالعشا اني سويت لزلاطة وايلاف كلت لكبة وكباب كعدنة سوة نتعشة بعد مااجة بابا
حسن:" شلونج بابا بالدراسة"
نيار: "الحمدالله بابا زين"
حسن: "وانت ايلاف شلونج اذا عندج درس صعب كليلي ادخلج مدرس"
ايلاف: "لا بابا زينة ميحتاج مدرس ولدرس لعندي صعوبة بي نيار تشرحليا"
حسن: "عفية بابا اريدج شاطرة
نيار:" بعد مخلصنة لعشا رحت سويت لجاي وايلاف غسلت الماعين بعد مشربنة جاي رحت لماما وكتلهة على لسفرة بسرعة قبلت لان ماما سبورتية ودائمن تكول اريدنجن تتونسن فدائمن هي طلعنة شكد احبهة
ثاني يوم لصبح بدلت لبست لفستان الي جبتة من المول الي جابتة نتاليا جان لونة ابيض وبي حزام اسود يجي مخصر على لجسم عبالك بينصل ولبست ويا بوت اسود طويل وشال اسود وجنطة بيضة وهو قصير يعني مو كلش قصير شوية نازل من الركبة طبعا لبست ويا ستريج اسود ولبست كوت اسود لان لجو بارد وحطيت مكياج وخصوصا استغليت الفرصة لان بابا كان مموجود  نزلت وشفت ماما
"صباح الخير ماما"
اسماء: صباح النور  حبيبتي هاج هي فلوس خاف تحتاجين شي تشترين"
نيار: انطتني٢٥ همزين لان كان عندي بس خمسة حضنتهة وبستهة
"شكرا ماما شكد احبج"
اسماء: "ديربالج على نفسج وحركة منا منا ماكو فهمتي"
نيار: "لتوصين حريصة"
اجة ابو الخط ورحت وصلت لجامعة واتصلت على نتاليا كالت بالحمامات رحتلهة كانت لابسة فستان اسود قصير وجو ستريج وهي تخبل ومشسورة شعرهة وهي سافرة
"هاا ولج هاي شطالعة"
نتاليا: "انت شطالعة كسرتي علي تخبلين ليوم تموتين الي بالي هههه"
نيار: "شنو مفهمت؟!"
نتاليا: "اقصد ليوم تموتين لشباب يل فاهية"
نيار: "ههههه عابت"
طلعنة اني ونيار من لجامعة وكانت اكو سيارتين كوستر بنات وولد كعدت اني ونتاليا سوة ولطلاب اخذو لطريق ركص والله اكو بنات كلش خفيفات انوب لبسن فاضح كلش بعد موصلنة للجزيرة كانت تخبل هاي اول مرة اروحلهة لان محد يطلعنة صح عايشة بغداد بس كلشي مشايفة من بغداد
"شوفي نتاليا ولا عبالي هيج حلوة تخبل"
نتاليا: "اي ولج بعدج مشايفة شي تعالي امشينة يم البحيرة هنا تخبل"
نيار: رحنة يم البحيرة منضر يجنن انوب لزرع لعد شكد محرومين احنة
"تدرين تندمت لو جايبة ايلاف وياي خطية"
نتاليا: "يلة على لجايات ترة همة كل فترة يسون سفرة"
داحجي وي نيار ومحسيت بس نضربت بكتفي وموبايلي طاح من ايدي
"ثول مشوف"
:"ثول بعينج انت لمشوفين انتبهن على لطريق بس اسولفن"
نتاليا: "اي مو اني الي كنت امشي ونضربت بيك الاحول"
: دروحي ماعوزني بس لمزعطة قليلة ادب
نيار: "كافي خل يولي هل حقير شكد نذلين حتة ميعتذر"
نتاليا: "والله لو كاسر جهازي الة اذبة بالمي عوفي مااريد اخرب يومي بهيج نماذج"
نيار: رحنة نفتر وناخذ صور كنت اضحك اني ونتاليا ونسولف كنت نازعة لكوت وكاضتة بيدي وكان لفستان مخصر على جسمي لان كنت داخذ صور ومحسيت الة بيدي تنجر قوي الة شوية اجت تنخلع عطت وحسيت نضربت بشي رفعت راسي واشوف ملهم كان معصب حيل وعيونة يخزرن بية اول مرة اخاف منة كان شكلة يخوف
ملهم!!!!

__________&&&___________&&&__________

لتنسون تصويتكم ودعمكم للقصة
احبكم🤍